NUTTEA (旺角中心第一座) (已結業)

基本上每次經過都一定要買杯飲😋今次帶埋朋友一齊去飲返杯🤣🤣佢都係好鍾意食nuts嘅人 所以一定啱佢飲門口好特別有nuts做擺設就好似啲糖可以擰出嚟咁但當然佢唔係比客人擰啦😆口味方面都照顧到好多唔同嘅客人口味👍🏻👍🏻今次推介朋友飲我最鍾意嘅兩款口味伯爵朱古力堅果奶蓋茶評分：👍🏻👍🏻👍🏻👍🏻👍🏻伯爵茶味濃又唔會搶走朱古力奶蓋嘅味一啖奶蓋一啖茶 勁match隻味真係😋仲要啲朱古力奶蓋入面食到小小嘅nuts 奶蓋完全係好夠誠意 鍾意奶蓋同nuts一定要飲蘋果脆脆楓糖堅果奶蓋茶評分：👍🏻👍🏻👍🏻👍🏻👍🏻呢杯絕對係我嘅no.1 nuts drink🤤第一啖已經飲到蘋果味 再加試奶蓋上面嘅蘋果脆脆簡直係冇得彈🥹好味到次次都必嗌好清新嘅茶味玩蘋果脆脆加楓糖個隻味好夾無論飲幾多次都唔會厭 鍾意清淡啲嘅口味呢杯絕對無首選😎

NUTTEA啲堅果奶蓋真係會上癮😋😋😋上次飲過佢地個人氣推薦伯爵朱古力堅果奶蓋茶，果然名不虛傳，一試就返唔到轉頭👍🏻👍🏻👍🏻👍🏻👍🏻今日係旺角行街，竟然又俾我撞到佢，點可以唔飲返杯🤣🤣🤣佢係旺中呢個位都幾隱蔽，行過兩次都唔覺眼🙈🙈🙈係旺中一樓連接新之城條行中間，旁邊仲有幾間小食店，所以都幾多人。今次叫咗個宇治抹茶堅果奶蓋茶😋厚厚嘅奶蓋，再加上又濃又滑嘅宇治抹茶，真係無得頂🥰🥰🥰啖啖奶蓋再加少少堅果碎，好味又有口感👍🏻👍🏻👍🏻👍🏻👍🏻🙈

前幾日同朋友喺旺角行街，行到有D口渴🛍️上網見到原來旺中有我最愛嘅Nuttea，就即刻決定去幫襯💛🌟伯爵朱古力堅果奶蓋茶呢個奶蓋係每次去都必點🤤入口香滑濃郁，朱古力愛好者必試🍫茶底用左台灣日月潭紅玉紅茶，味道甘醇香甜帶柑橘、肉桂香氣嘅紅茶配上綿滑奶蓋，真係一流🌟黑芝芝堅果奶黑芝麻加堅果夠曬滋補、抗氧化🥤芝麻味超級濃郁，帶有淡淡堅果香氣🥜口感濃密厚實，但仍然溫潤順口，唔會確喉最適合宜家開轉冷飲用👍🏻小店位置好方便，買完野可以過去飲番杯解渴店面又有好多Mirror應援物，最啱鏡粉打卡😜仲俾我發現有嵐嘅貼紙，日飯都可以過去望下🤣

好耐冇行過旺中，原來開咗間Nuttea 🤩🤩上次喺葵芳飲已經係好耐既事啦，咁岩有少少肚餓又未夠鐘食飯，最好就係飲杯堅果奶😝有飽肚感又好味😋😋今次試吓新野先，見到張圖勁吸引🤩🤩叫咗🍎🍯蘋果脆脆楓糖堅果奶蓋茶，朋友就叫香蕉燕麥堅果奶🍌我當然都要試吓佢個杯啦😂😂蘋果脆脆楓糖堅果奶蓋茶🍎🍯Omg😍😍一嚟個賣相已經超靚同張圖係一樣嘅🤩🤩蘋果脆脆真係脆😊奶蓋好豐厚，又香滑☺️有好重嘅堅果味再配埋個茶，唔會太甜，味道啱啱好👍🏽👍🏽真心推介😘😘香蕉燕麥堅果奶🍌🍼超級重香蕉同燕麥味🤪🤪我個人麻麻哋燕麥😬但朋友就話好正，真材實料👍🏽飲完呢杯我朋友話超飽😛😛第二次飲Nuttea😊都依然係好有驚喜🤩冇失望🥳🥳奶蓋茶真係冇得輸🤗🤗極度推薦😍😍順帶一提個服務員好好禮貌😉😉知道我想影相仲特登俾我影完先給蓋😬😬細心細心☺️☺️

好耐冇去旺中行街，估唔到NUTTEA開咗分店喺裏面，其中一間返工成日會買嘅茶飲，嚟到行街都忍唔住叫返一杯。呢間仲放左一d明星應援物品，fans可以嚟睇下。沿用一貫風格白色簡單裝修，牆上有堅果嘅裝飾同埋堅果奶嘅介紹，相信都唔使多講堅果奶嘅好處。牛油果堅果奶，簡單形容就係將牛油果同堅果奶混合係一啖入面，用料十足，飲品相當"傑"身芒芒堅果奶蓋茶加寒天，微甜少冰。奶蓋非常挺身，充滿堅果味，口感不會太膩，配上清新芒果茶，爽口嘅寒天，完美。店員主動問我係即刻飲定外賣拎走，我話外賣拎走，佢好細心咁幫我鋪上牛油紙防止個奶蓋漏出嚟，值得一讚

伯爵朱古力堅果奶蓋茶 $48NUTTEA而家越開越多，主張純素堅果奶蓋同堅果奶，相對地比較健康，所以比較少飲呢類型野飲ge我都忍唔住try try!今日去旺角行街，咁岩見到nuttea 都要試下～ ～ ～伯爵朱古力堅果奶蓋茶係佢地嘅signature，每日限量100杯超香濃嘅朱古力堅果奶蓋，只係食上面嘅奶蓋以為自己食緊朱古力雪糕咁，幾甜，但因為佢個伯爵茶好淡，所以一齊飲的話係岩岩好。飲到後面我再將奶蓋攪拌，朱古力味同伯爵茶都唔會覺得好怪，好飲唔錯。

最近實行16 8減肥，所以有無出街食飯飲野。難得今日放早，當然要破戒。為左用有限既quota黎盡量滿足自己，係旺中左揀右揀，終於揀左呢間人氣飲品店，原因係我好似未試過堅果奶，對我黎講夠新意得黎，又好似較芝士奶蓋健康d。雖然不斷有人落order，但店手腳夠快，大約5分鐘就有野飲。我friend揀左綜合堅果汁(微糖)，佢話甜度岩岩好，又夠凍，似係雜莓同火龍果加埋堅果打出黎。雖然有咁多材料，但口感依然順滑，難得！我果杯係香蕉朱古力堅果奶，飲得出用成條蕉打出黎，最特別係真係有堅果味道，同一般既香蕉朱古力奶係有分別。

行旺中，發覺都開始多返人，見到週圍d人都有買野食野飲企係到，比個vibe感染咗，一於買返2杯Nuttea濕下個口先🤭Menu真係好多選擇，唔識揀的情況下，最後揀d 星星推薦算😀粉紅莓好堅果奶蓋茶🍓雖然呢款只可以固定糖，但係飲落又不會太甜，紅莓飲品永遠不會令人失望，穩穩陣陣，仲有creamy奶蓋😗要留意呢款只有凍飲伯爵朱古力堅果奶蓋茶🍫EARL GREY加朱古力效果不錯，兩者比例剛剛好🤗 容易令人有種感覺飲完一啖又想再一啖，朱古力控必試而家出街比較少帶現金，好彩佢都收payme同八達通🌝有返咁上下水準，可能下次同朋友聚會時，叫外賣送到門口一齊飲

呢個年頭，邊個未試過買杯Nuttea黎打下卡😋😋Nuttea一直俾人感覺係手搖杯中比較健康既選擇，係可以日日飲既奶茶喔宇治抹茶堅果奶蓋🍵見到顏色同厚厚既奶蓋就知道佢既真材實料😋我中意不幾啖奶蓋再大啖飲～抹茶味十分濃郁，飲到中間同奶蓋一齊攪拌令到杯茶更滑，但飲到底都飲到抹茶既澀同粒粒堅果碎👍好飲！芒芒堅果奶蓋茶🥭呢杯感覺好fresh好啱夏天飲😆奶蓋加茶加芒果原來係咁夾！諗住飲落應該好似芒果milkshake咁😂點知唔係，飲到茶香仲有果肉！下次會再嗌！呢兩杯野飲都嗌佐走冰半糖，感覺味道啱啱好～唔會太甜or水，值得讚既係奶蓋打得好挺，外賣返到去一粒鐘都仲係原樣，上面有層牛油紙隔住都感覺衛生好多👍👍推介！

旺中有咁多飲品舖，每間都各有特色，見呢間近排咁人氣，於是就整去杯試下，解下飢渴。伯爵茶朱古力堅果奶蓋茶呢杯係其中一杯推薦飲品，齊睇賣相已經覺得唔差得去邊，因為好有層次感，又有微微既堅果香。上層有d似咖啡既奶泡，但其實係堅果奶蓋黎。店員好細心咁提供小匙羹比我𢳂d奶蓋黎試下，食落真係有濃濃既堅果味，同芝士奶蓋有異曲同工既感覺，不同的是堅果奶蓋飲落無咁膩。我叫左徵糖，對我黎講岩岩好，同維他奶少糖差不多甜度，飲完飽肚又解渴，正！雖然餔頭不大，但有好多選擇，有成近60款。

宜家行旺角中心一樓，有美食區分佈喺唔同角落，一路行街一路食野好方便，行開街想飲杯台式飲品，見到有Nuttea 堅果奶茶飲，喺其他商場有飲過呢個品牌，鍾意食佢地嘅奶蓋好似雪糕咁軟滑，唔驚肥又健康🥤，今次第一次飲旺中店😋 我揀左宇治抹茶堅果奶蓋茶（$40），少少冰，我唔飲甜而本身加埋奶蓋嘅甜度已經好夠，今次茶底有啲偏濃，下次叫淡啲先！😎 朋友仔就飲粉紅莓堅果奶蓋（$47），飲落連埋果肉，脫俗新鮮嘅台式茶，每次飲都有新鮮感😊

😎 小編依日放假，知道有🐨Ian應援放喺旺角中心NUTTEA。依朝食完早餐後，就去等NUTTEA開門！真係好神心呀！😎［ 亂闖試飲 ］🧋 宇治抹茶堅果奶蓋茶 😋😋😋😋😋小編對NUTTEA一啲都唔陌生，之前飲過佢哋其他分店嘅堅果奶系列！好啱vegan同對奶類敏感嘅人士飲！👍🏻 依次叫咗少冰半糖，面頭有3-4cm厚嘅奶蓋，仲灑咗少少堅果碎喺上面，好濃郁、好creamy又有啲咬口，有微微鹹香味道。☺️下面嘅宇治抹茶有少許甜度，仲有啖啖抹茶香味，一啲都唔虛假！🍵下午茶 💵 約港幣$40/人💁🏻‍♀️ $40嚟講性價比算好高，而且真心做堅果奶嘅茶飲店喺香港唔多！佢哋真係有水準㗎！仲有冰度同甜度畀大家揀！啱晒素食人士掃街買嚟飲！🌰🥜🙆🏻‍♀️ 最後，喜歡嘅話，歡迎follow @foodirectory.hk！

Nuttea堅果茶風靡一時， 連係醫院個個姑娘外賣飲品都係買nuttea。 今日話比你聽有咩咁吸引。menu選擇都幾多下，不過我都係鐘情奶蓋。🌟粉紅莓好堅果奶蓋茶（$47）🌟尼杯新品草莓沙冰茶底， 堅果奶蓋仲堅果仁粒在面, 我都係第一次飲。 精華在鮮榨既草莓沙泳，仲啖啖都食到草莓肉，確實冇偷工減料， 酸酸甜甜，仲有清香既茶味好開胃。 上面既堅果豐厚濃郁味道，仲有果仁粒， 令口感更豐富，感覺健康。🌟伯爵茶朱古力堅果奶蓋茶（$48）🌟唔鐘意太膩可以叫伯爵茶。 但比起粉紅莓飲品， 我覺得伯爵茶同奶蓋沒有很搭配， 兩個好似水火不容， 只有一啖茶一啖奶蓋咁飲。 不過個朱古力奶蓋真係好好飲，超豐盈。要講既係雖然睇個價錢有點小貴， 但係用既都係真材實料。 堅果比動物忌廉整既奶蓋少左肥膩感。而且圖到可見，唔洗叫多奶蓋， 啲奶蓋都多到就要滿瀉了！ 足料得尼好飲，真心推介💕好鍾意佢有好多陣奮人心嘅句子喺舖頭裏面愿大家在亂流下平安💕

不嬲都係nuttea fans，今日行旺中發現原來呢度都開咗，行到頸渴即刻買黎飲下，比起其他手搖飲落都冇咁大罪惡感！多選擇就大家都知！伯爵朱古力堅果奶蓋茶🍫每日限量100杯，上次飲唔到今次終於有啦！！🤤 一樣都係跟返杯上面嘅指示先試奶蓋，濃濃嘅朱古力味再加上堅果粒，口感幾豐富下，而且又香又滑，果然nuttea嘅奶蓋係唔會令我失望🥹 再45度奶蓋連埋伯爵茶一齊飲，竟然比想像中夾喎，其實本身好驚朱古力堅果奶蓋會漏，但茶嘅fresh完全可以中和到！最後將奶蓋同茶溝埋一齊飲一樣咁正！蘋果脆脆楓糖堅果奶蓋茶🍎見到佢有一粒星推介，梗係唔執輸試吓佢🤭 想講呢杯拎到返屋企嗰奶蓋都係原封不動，證明嗰奶蓋有幾挺身！茶底都幾令人驚喜，唔係啲好假嘅蘋果味，飲落係勁清新🥰 Nuttea真係值得不停encore！

周不時都會幫襯下nuttea, 旺中哩間都係第一次😎睇嚟哩間分店係mirror fans😎門口除左貼mirror相，仲有唔同既產品推薦每間nuttea都有的小角落點解我話呢間分店係分店中嘅冠軍🏆主要原因就係呢一個服務態度勁好既員工，佢個名好似叫Ian (如果我冇睇錯😂)話說揀飲咩嗰陣時同朋友都揀咗好耐，我本來諗住飲粉紅莓好堅果奶蓋茶，點知嗰陣時發現原來係冰沙底，但我又想少冰，所以個店員就推介左另外兩款可以少冰得來又係水果堅果奶蓋既，最後我揀咗芒芒堅果奶蓋茶朋友本身想嗌蘋果脆脆楓糖堅果奶蓋茶，店員提醒話個味道會有啲甜，所以朋友諗住轉焙香堅果奶蓋烏龍茶，咁店員都有同我朋友講返呢一個味道嘅評價比較兩極。所以朋友最後轉左繽紛火龍果奶蓋茶😂我哋轉來轉去，店員都仲好有耐心👍🏻👍🏻可以見到個nuttea奶蓋打得好厚😍😍如果本身唔想好飲到濟嘅朋友就唔建議叫奶蓋，因為nuttea都比較飽。佢嘅質地難d同水果茶融埋一齊，所以我都係分開咁飲。 兩杯嘅水果味道好出，我個芒果叫左少甜都已經好夠甜👍🏻👍🏻👍🏻新鮮水果😋😋飲落仲有芒果絲💓💓下次再嚟搵Ian order😆