NUTTEA (旺角中心第一座) (已結業)

旺中有咁多飲品舖，每間都各有特色，見呢間近排咁人氣，於是就整去杯試下，解下飢渴。伯爵茶朱古力堅果奶蓋茶呢杯係其中一杯推薦飲品，齊睇賣相已經覺得唔差得去邊，因為好有層次感，又有微微既堅果香。上層有d似咖啡既奶泡，但其實係堅果奶蓋黎。店員好細心咁提供小匙羹比我𢳂d奶蓋黎試下，食落真係有濃濃既堅果味，同芝士奶蓋有異曲同工既感覺，不同的是堅果奶蓋飲落無咁膩。我叫左徵糖，對我黎講岩岩好，同維他奶少糖差不多甜度，飲完飽肚又解渴，正！雖然餔頭不大，但有好多選擇，有成近60款。