Norway House (已結業)

平時掃街都係港式小食店多，第一次喺尖沙咀見到有一間係專賣挪威食品嘅小食店，原來最出名嘅仲係挪威三文魚添！第一時間吃到的是很香口的金沙三文魚，而且是即口即炸的，原來鹹蛋醬配三文魚又好夾，雖然少不免蓋過左少少三文魚的鮮味，但係味道仍然是好滋味的！煙三文魚多士，煙三文魚薄薄一片配去cream cheese 加上爽脆的多士真係perfect match，雖然小小的一份，但是剛好可以中和翻上一個蛋黃三文魚比較重口味加小小油膩的感覺。的確是cp值高的選擇！原味三文魚～同樣都係即叫即炸，可以見到佢配上左黑椒，算是真正品嘗三文魚的鮮，相對金莎三文魚係比較清嘅選擇，亦都比較乾身，如果餐廳提供埋清新凍的飲品，所以要即刻買埋杯檸檬茶先！挪威三文魚魚蛋～佢分別有鱈魚同埋三文魚兩款mix 埋，上面配上一層厚厚的芝士，絕對係芝士愛好者嘅寵兒！自己覺得鱈魚比較清甜，但三文魚魚蛋就偏小小咸，可以講係濃味啲，兩種都軟綿綿偏軟身幾好食。btw!如果可以有小記認就更好！同朋友食嘅時候，她連續吃了三個鱈魚魚蛋也未嚐到三文魚魚蛋哈哈哈，如果可以用不同色牙籤分辨就好了！

行過先知係到新開左，睇介紹好似係專食三文魚，睇菜單都係三文魚，其實我都幾鍾意食炸魚，但主要係鱈魚，專做三文魚都係第一次見。芥末三文魚其實我想食金沙三文魚，但口快快叫左芥末，不過唔緊要，因為第一反應其實係想叫芥末，整叫即炸，包保一定熱辣辣炸起。睇下外皮炸粉唔好，而且仲幾乾淨，咁唔會係用萬年油啦，最重要的味道，明顯的三文魚味，但少左份魚腥味，很多店的炸三文魚都係好腥，可能店主係用自家三文魚，聽佢講係挪威有自家養殖場，好勁，唔怪得肉質飽滿，絕無靠麵粉整大條，係炸鱈魚感覺，但帶有三文魚味道，感覺驚喜。挪威魚蛋都係第一次食，有芝士同麻辣選擇，我當然揀芝士，第一粒係鱈魚口味，清爽d有芝士係到有d似煙肉，當我食第3粒時都係鱈魚，忍唔住問老闆係唔係只有鱈魚，老闆答我其實中間兩間才是三文魚，滿懷期待去食三文魚口味，感覺上三文魚有點像2重芝士，味道比較重。

尖沙咀立食小店家我上網見人打卞話維京食物☝🏻🥰重有支挪威旗仔咁打卡able 北歐食材Gogo power ranger 😍☝🏻一行三人叫左4樣野小食選擇以魚為主都唔洗陣講嘩！佢地既口味可以話係好貼地sell fusion 菜有芥末，金沙三文魚重有魚蛋🤪🎈芥末三文魚 ($48)辣口味既三文魚☺️ 個份直沖上鼻既芥末呀🤤配埋佢地魚味重，口感一流既三文魚來自挪威真係唔同d !魚肉條條分明，紋路清晰有質感既魚唔會霉，煮完都唔會失去彈性Lee 個時候真係好想飲番杯🥂🥂🍾🎈香檳橙三文魚（$48)甜甜口味！三個當中！橙香得黎有份甜酒既口味！香檳酒精溶入魚肉既香味！成件事撞左份酸酸甜甜口感出黎有驚喜☺️🎈金沙三文魚（$48)前排流行既咸蛋口味都有😍外層由咸蛋包圍！面頭重有d 粒粒令口感更上一層金黃外層香脆既！三交魚原來都好岩用咸蛋黃欣賞佢地咸蛋口味食完唔會勁口乾，係點到即止既咸度👍🏻🎈挪威魚蛋（$25)70% 係三文魚同鱈魚所以不過實同時不會太霉😊有口感得黎有彈性足！真。魚蛋食得出魚鮮味之餘，鮮嫩☝🏻魚蛋口感彈牙，加上上面有層半溶芝士☺️旁邊重有乾貨賣tim🤔魚子醬薯片等等

之前經過一直有留意這間Norway house小店、店主介紹這裡的三文魚由挪威當地自家養殖場直送、保持來貨新鮮。店內有挪威乾貨賣、魚油、朱古力、芝士醬等。小食方面都好有特色、脆皮三文魚即叫即炸、沾上椒鹽、好香脆惹味。煙三文魚溏心蛋 半熟流心、甜甜地、青瓜絲如加點醋可能更清爽開胃。這個魚蛋波波以三文魚及鱈魚做成、鱈魚口感較滑、三文魚丸一咬下去完全是三文魚魚肉、用料實在、醬汁可選芝士或麻辣、我想麻辣必定更惹味！

喺赫德道街尾開咗一間新嘅小食店係一間專門食三文魚嘅小食店 所有三文魚都係喺挪威運返嚟嘅佢哋用咗唔同嘅烹調手法去煮呢啲三文魚例如將佢變成漢堡包 魚蛋或者係用一啲中式嘅調味我哋叫咗個維京漢堡烘脆咗嘅麵包入邊夾住左一舊三文魚扒三文魚扒食落感覺好清爽唔油膩麻辣魚蛋呢個魚蛋嘅口感好實淨 唔似得外邊嗰啲魚蛋鬆泡泡而呢個魚蛋都係用三文魚肉做嘅我麻辣好惹味配上魚蛋簡直一流金沙三文魚揸過嘅三文魚上面用咗鹹蛋黃去炒過食落鹹鹹香香而配上三文魚感覺好健康芥末三文魚呢個芥茉醬感覺好特別一啲都唔攻鼻識落好清新佢除咗炸三文魚嘅油膩感喺出邊食啲冇益嘅腸仔魚蛋不妨考慮吓將呢啲轉咗做有益嘅三文魚鋪頭入邊仲有好多唔同嘅挪威小食買

之前喺尖沙咀返工已經見過呢間小店 想試好耐今日終於試到 之前行過門口就已經比佢吸引左 望咗一陣Menu 店員就介紹翻三文魚黎自那威  見到嘅三文魚都有好多唔同整法 有啲都會融合返我哋香港人口味 見到其實價錢都唔係貴 係一個好合理嘅價錢 我試咗維京漢堡包 所有嘢都係即叫即整所以大約等左五至10分鐘就有得食 三文魚表面整得勁香脆 入邊都好juice 配埋係自家製嘅醬汁真係好夾呀 叫咗個麻辣三文魚魚蛋 店員話俾我哋知魚蛋係70%三文魚肉 所以食落去真係好香魚味 如果鍾意食辣嘅你一定要試吓鹹蛋黃三文魚 店員好重手呀落咗好多鹹蛋黃所以真係勁香 🤭中意鹹蛋黃既你冇理由唔試呀嘛仲有個芥辣三文魚 好好味呀呢個三文魚真係醬呢酸酸甜甜好開胃 其實唔會因為啲醬汁搞到三文魚變咗淋身 傾傾吓原來店員都係英國倫敦返嚟 呢一餐飯真係有講有笑好開心 總括嚟講好好食.食得過.下次一定會再嚟幫襯架😻

肥雞平時用三文魚整味噌湯就整得多 但係用三文魚製成嘅其他小食就比較少，咁今次肥雞就去咗尖沙咀食一間專進口挪威三文魚嘅小店去試下其他唔同菜式，咁肥雞就嗌咗個 金沙三文魚，香檳橙三文魚，挪威魚蛋同埋煙三文魚多士，咁肥雞首先要讚一讚個煙三文魚多士，佢啲碎蛋沙律，同埋多士控得香脆，配埋煙燻味香濃嘅三文魚，嗰種三文魚香氣配埋沙律醬嘅口感，簡直係一流，佢嘅挪威魚蛋，其實入面有白鱈魚同埋三文魚嘅入面，通常都係配麻辣汁，咁因為肥雞唔係好食得辣，所以就叫咗老闆小辣，老闆亦都好好人， 幫我減少咗啦，坦白咁講佢啲魚味唔係好濃，但係配上麻辣嘅汁是兩者可以互相配合得好好，終於到個重頭戲就係金莎三文魚，即係鹹蛋黃三文魚，幾十蚊就有咁大個三文魚，其實老闆都好有心思，好明顯係想人哋食得出去啲鹹蛋黃醬同出邊街外食嘅唔同，你會食得出鹹蛋黃，仲有好多碎粒係人手整嘅價錢平便宜份量又大所以肥雞好支持呢啲小店

我呢個三文魚fans，今日搵到間專賣挪威三文魚嘅小食店👍🏻喺呢度尋到好多寶呀！好多平時比較少見到嘅挪威零食！而且因爲新開張，買零食有優惠架！我就買咗支邪惡芝士醬🤪🤪<煙三文魚糖心蛋>第一次食煙三文魚配糖心蛋，原來佢地味道好夾！好refreshing! <麻辣三文魚、芥末三文魚> 推介！即叫即炸架！店主一路製作嗰陣，而且聞到好香！三文魚皮非常非常之脆，無諗過份量係有咁多，都幾扺食！三文魚扒肉質厚實，芥末醬亦好開胃👍🏻麻辣汁係好香口，夠哂刺激，嗜辣人士要試！店主有heart👍🏻下次等我試埋”香檳橙三文魚”先！<煙三文魚多士>好味又健康之選！好少喺香港搵到呢類小店，下次喺尖沙咀行街行到攰又多一個食小食好選擇！

窮遊香港-專賣三文魚小食店？👍🏻即刻like @hkfunfoodrecord同follow先啦.呢日要講既係一間尖沙咀專門賣挪威三文魚小食見到為左迎合香港人口味都出左好多好特別唔同既風味即刻講下野食.⭐️芥末三文魚$48呢個最好食 😋大眾口味👍🏻三文魚外層炸過 脆脆地（大概9成熟？）👍🏻炸得黎入面仲有肉汁 冇炸到硬哂👍🏻三文魚本身魚味幾重👍🏻配埋 師傅特別調較過 甜甜地唔辣嘅芥末醬👍🏻整體好夾 而且唔會食濟‼️必點 好評.⭐️麻辣挪威魚蛋（三文魚 鱈魚$25）👍🏻麻辣醬好野味 ‼️大概小至中辣愈食會愈辣 適合鍾意辣既人仕（😋師傅煮緊果時會聞到好香麻辣味）挪威魚蛋方面呢 唔同香港既魚蛋（香港果d魚蛋 粉多 魚肉比例比較小 口感彈牙）👍🏻呢間魚蛋 魚肉比例較多 魚味重d 口感偏軟（比較似瑞士肉丸口感）💁🏻老婆表示2種魚蛋 鐘意三文魚蛋多d 重魚香味d同埋佢覺得完全唔辣（食大辣面不改容人仕意見）.⭐️金沙三文魚$48呢個姐係鹹蛋三文魚👍🏻鹹蛋醬幾好食 而且望圖可見鹹蛋量好多適合鹹蛋控人仕但鹹蛋類既小食 容易食濟建議叫埋朋友一齊黎分享.除此之外 仲有三文魚扒漢堡 ⭐️維京漢堡$28 外.店入面仲有賣好多

想過一個舒適的下午，可以去呢間位於尖沙咀，專食挪威菜嘅餐廳，特別 推介 挪威煙三文魚面包， 配合青菜，帶出鮮味，另外是這個挪威魚蛋，含有豐富的魚元素，質感豐富，再加上中麻辣式口感，一試愛上， 食唔到辣既朋友，記得同廚師講要少辣，因為真係幾辣另外是香檳汁三文魚和芥末三文魚，一啲都唔油膩又冇腥味，爽吖，不過店入面無位座，大家要注意唷！