No Money So Lonely

营业中

休息中

好靚嘅環境，細心嘅服務，有質素嘅食物，仲要無人等位的時候可以唔限時坐到收鋪，真係一個超級好既地方！ 咖哩軟殼蟹 $228咖哩味唔係太濃厚，配上咖哩雜菜同面包一齊食，味道唔會互搶， 食到唔同食材的味道，再夾埋脆口軟殼蟹，味道即時提升！

旺角有好多好野食，今日去左一間裝修好靚好岩打卡的鋪頭食飯，佢地入面都坐得好舒服😍 佢係一間泰國餐廳黎，食的野有啲西同泰式的感覺🤩冬陰功大蝦比薩🍕 $148比薩焗到好脆身，俾的料都好多，每一塊pizza都會有一隻原隻蝦🥳佢地啲蝦食落都好爽口，唔會係霉左的蝦😝配埋啲冬陰功醬酸酸辣辣咁，好開胃唔油膩🤩豬頸肉胡椒飯 $138啲飯佢地煮到好入味，啖啖都食到啲胡椒的香味😎 然後個豬頸肉都好嫩口同霖身，油脂味都香🤤 同啲胡椒味的飯一齊食好夾楓糖香蕉肉桂奶昔 $58杯野飲好靚，面頭有一片長條形的香蕉🍌，外形十分吸精😆配埋佢地餐廳咁靚的環境，真係好岩打卡😍蜂蜜菊花茶 $42想健康啲的朋友，呢度都會有花茶選擇😄 十分之岩養身No Money So Lonely (旺角)旺角彌敦道700號T.O.P This is Our Place 4樓406-408號舖

No Money So Lonely是間造型新潮又不失盞鬼玩味的打卡餐廳。裝潢設計混合北歐風和熱帶雨林作設計主題，每個角落也充滿特色格調🐯🌴餐廳主打泰式fusion菜，菜式名字亦貫徹餐廳鬼馬的心思～Weekdays更有lunch set套餐提供，可惜今日Weekend下午只有全日餐單🍕Sweet & Sour Chicken Pizza($138)批底混合芝士和薯蓉，中心柔軟煙韌配焦脆邊。Topping有紫洋蔥、車厘茄、雞肉、 菠蘿、秘製甜酸醬，獨特Fusion非常醒胃🍝大阪燒配章魚海鮮意大利麵($138)呢款意大利日式fusion，大阪燒醬加上沙律醬、木魚花及原粒章魚在扁意粉 。意日創新料理的衝擊，想像不到能呈現出如此滋味的組合(All prices are subject to 10% service charge)環境昏暗燈光充滿情調，以打卡餐廳來說價錢不算進取，鍾意打卡就千祈唔好錯過📸📍No Money So Lonely旺角彌敦道700號T.O.P This is Our Place 4樓406-408號舖(港鐵旺角站 B3 出口, 步行約1分鐘)

最近見到唔少社交平台 page都有推介呢間，所以黎試一試，入到去裝修非常吸引，個氛圍幾好，野食賣相亦幾靚。叫咗個網上幾多人推介蟹肉飯，的確見到唔少蟹肉喺面，但係完全食唔到蟹味，成碟飯酸酸甜甜比較似泡菜炒飯。另外叫咗個火山黃咖喱軟殼蟹，味道不過不失。可惜一上台已經凍晒，入面嘅蔬菜亦太生，有浸青味。加上侍應上菜似丟上嚟咁，半個鐘之前就叫人埋單，好似催人走咁。整體嚟講，非常失望，只可以話係一個適合打卡嘅cafe。

同朋友行完旺中天時暑熱🧊👅最啱就係食返個簡約嘅菜單，調劑躁動既情緒❄️究竟No Money係咪會so Lonely呢，答你並不是！NMSL每日下午菜式都唔同，今次同大家試一試嘅係:明太子烏冬配 黑松露炒蛋加辣肉腸 配蟹肉每一啖都10分飽滿，為食客帶來陣陣滿足明太子同烏冬有啲唔夾 🥹因為兩者都冇乜味特色南瓜湯 食到南瓜湯渣係原汁原味，但鹹度較高消暑檸檬茶 有啲苦澀但特色起個杯型度#silvereatfoodie #hongkong #hkrestaurant #hkfoodie #hongkongfood #hkfood #topcitybites #hkfoodblog #hkig #hkblogger #美食

No money so lonely 🍗香茅雞翼鹹蛋黃味(半份）$78雞翼係用單骨雞翼，同平時鹹蛋黃雞翼有啲唔同，除左鹹蛋黃味，香茅嘅味道都非常出，不過鹹蛋黃嘅味道有少少被香茅嘅味道蓋過咗🥬沒有肉都好惹味的生菜包(肉）$108呢個生菜包係少肉，叫有肉版本都主要唔係肉碎而變左做豆腐乾，可以用生菜或者蝦片包住食都得🐟泰式烤魚 $228條魚都都幾大條，用香葉包住，入面嘅魚有奶油味同時又有辣味，而且唔多骨都方便食

如題， 我就係幾比佢幾百個like欺騙咗🤢🤢🤢，心急搵嘢食，又可以book位，環境又好似okay。坐低無耐， 隔離枱10個人，9個人個餐到咗，有一個人等極都無得食🤷‍♂️🤷‍♀️，最後唔等話要取消，心諗，呢度咩事呀⁉️⁉️⁉️放低餐湯比我哋嗰時，以為自己去咗茶餐廳，兵兵嘭嘭，好嘈！嘢食一啲都唔好食，我不嬲唔鍾意浪費食物，但我真係唔想食🤮🤮🤮。望下其他枱，枱枱都食淨嘢！大家知咩事啦～去前，自己諗清楚，做多啲功課。

No money so lonely 就係俾呢個咁搞鬼嘅餐廳名吸引入嚟，一入到嚟呢間餐廳，好似去佐泰國森林入面，超多打卡位，坐位舒服。食物種類就似fusion 菜，都幾特別，味道都幾好呀。羅望子虎蝦意粉原隻蝦上，蝦肉都鮮甜，小小酸小小辣，好有泰式風味，醒胃，扁意粉彈牙冬蔭功炒飯冬陰功嘅味道濃郁，加埋啲海鮮落去一齊炒飯，夠鑊氣。餐湯（南瓜湯）好重南瓜味，足料！摩卡咖啡🤎咖啡杯好靚，一定要影張相，朱古力加咖啡，我最鍾意。

出旺角行街，係商場頂樓發現有間森林佈置、老虎🐯擺設嘅「No money So loney」，睇吓menu，原來係食泰國菜。Lunch時間去，lunch set 又唔算貴，仲包餐湯、沙律，送餐飲👍🏻🥗泰式全日早餐 $128 THAI CHILL ALL DAY BREAKFAST焗薯仔🥔、天婦羅蝦🍤、煙三文魚，雜菌奄列🍳、香蕉班戟🥞🍕椰香咖喱雞pizza $118COCONUT CURRY CHICKEN PIZZA黃咖喱薯蓉、雞髀肉🍗、洋蔥🧅、辣椒🌶️、菠菜葉、椰絲、芝士(好特別，其他餐廳好少食到😬😬)另加一款小食：🦑唐揚魷魚 $28🧾Total $300 👏🏻👏🏻

之前行TOP嘅時候見到呢間餐廳裝修都幾特別，行玩味路線。個名No Money So Loney仲好盞鬼😂 星期六中午去試吓佢哋嘅泰式fusion菜，估唔到最有驚喜係杯飲品😍🍽️原條燒八爪魚沙律要你慢慢切見到係原條八爪魚，加上平時比較少食，一於就試下～ 原條上，自己慢慢切鍾意嘅厚薄度！八爪魚都算嫩唔會韌，沙律菜幾新鮮，大量蟹籽增添口感！🍽️人人都嗌的啖啖蟹肉擔擔飯擔擔麵就食得多，擔擔飯係第一次聽，一於試吓啦！有好多蟹肉同蟹📍籽👍🏻 擔擔飯係撈咗擔擔麵個醬，好香花生味，都幾好食，好特別嘅一道菜！🍓士多啤梨玄米奶昔 超級打卡able! 粉紅色加綠色，好柔和嘅色調。綠色係玄米奶蓋，好香玄米味，幾滑！士多啤梨奶昔好清新，無會覺得膩！仲有果肉食，好好飲好特別！推介👍🏻👍🏻

就像坐在森林裡的圓桶木屋𥚃，吃着很有風味的泰式料理💗好Chill! 感到好像去了一趟旅行😝這間隱藏在T.O.P This is Our Place 裏面的泰式餐廳，以森林為裝潢設計主題，在多個角落會發現很多小動物裝飾，當眼位置也有一隻人咁高的大老虎🐯🫶🏻裝潢還加入了北歐風元素，配以木系家具和充滿玩味的餐具和擺設💗並劃分了多個設計不一的用餐區，每個角落令人打卡打到手軟。當天乃平日中午到訪，有多款Lunch Set 選擇，包括了餐湯/沙律和飲品，價錢都抵食。飲品還可以選擇清爽怡人的青檸梳打😙🔶羅望子虎蝦意粉$126充滿東南亞風情！虎蝦肉質爽彈，很有鮮味，酸酸甜甜味道有層次，開胃又惹味。🔶泰式全日早餐 $128很豐富💗 當中有鹹點也有甜的。包括了中間捲成花狀的煙三文魚，另外還有焗原隻薯仔丶十分滑溜的雜菌奄列丶新鮮沙律菜，和甜美軟滑的香蕉班戟，配搭很不錯。

餐廳係旺中隔離T.O.P.上層，餐廳裝修有幾個唔同feel 既打卡位置，可以睇下自己想係邊個食飯+打卡🙈.🥣冬蔭公大蝦pizza🥣：💰$148所有pizza都係用簿脆底，呢款記得擠青檸汁！面有好多芝士，每塊都有一隻爽口彈牙大蝦，配菜有磨菇+車厘茄+洋蔥，仲有特別既淡淡冬蔭公味薯蓉，冬蔭公真係好夾海鮮，而且好飽肚👍🏽🥣貧窮是寂寞拼盤（半份）🥣：💰$98半份可以自選三款小食，今次簡左炸飯球+春卷+腐皮扎肉，每款都有4件，份量唔少架，腐皮扎肉外皮炸到脆脆入面軟念念扎肉，春卷外皮係炸脆絲入面有香濃肉餡，推介👍🏽炸飯球入面係重香茅味飯，加埋沙律醬，真係食唔停😆🥤石榴檸檬熱情果沙冰🥤：💰$52已經嗅到超香石榴味，仲熱情果籽，每啖都飲到少少石榴籽，味道比較檸檬，酸酸地好開胃又解渴！

我係一個食唐記都完全滿足的平凡人，一星期都有2，3次外出晚飯。今晚4人食咗6百幾，但食呢餐真係近年最難食嘅一餐。啲肉只有雪味，炸嘢只有油味，炒嘢濕立立，連杯凍飲都係淡茂茂，正常咸甜辣味全部都冇。雖然係Thailand fusion, 但係泰國出名的香辣味完全欠缺。餐廳唯一好處係唔太貴。餐廳裝修有design, menu 又有gimmick,但出品真係唔得，燈光又黑（可能係氣氛），冷氣又唔多夠，應該冇下次。

這間佈置得很有特色嘅泰式餐廳位於旺角地鐵商場top內。餐廳內的布置，色彩豐富，啱曬嚟打住卡食飯。午餐種類都幾多選擇一個餐已包括沙律，餐湯和飲品沙律需是跟餐的沙律，但很有誠意種類多，有車厘茄和多款沙律菜，如紫椰菜配搭。泰式燒春雞半隻好脆，半隻嚟講都唔細，很入味也很滑，Juice, 又夠香，燒汁和配上泰式黃薑飯再加分。羅望子虎蝦意粉很特別的一款意粉汁底，微辣，但又有少少酸酸地，總之係會令人好開胃嘅！有小小三色椒絲不會搶走羅望子汁底。美式咖啡跟餐免費另可加錢配上其他特色飲品，好多名都好特別，好多都很吸引，最後我揀左呢個名好特別的海鹽焦糖咖啡加少少黑椒唔該望落沒有特別，但嚐一口三種味道即出現，鹹鹹哋，海鹽甜甜地嘅焦糖仲有少少少辣嘅黑椒，超特別

餐廳：No Money So Lonely地點：旺角T.O.P 菜式：泰式fusion菜式，打卡cafe餐牌：午市有套餐，由中午12點至下午3點供應，包田園沙律或是日餐湯，主食7選1同飲品4選1。仲可以優惠價加配小食或者甜品。如果想飲其他飲品可以原價減$20升級。田園沙律係加左少量酸酸地醬汁既新鮮沙律菜，上面加左車厘茄。牛面珠沙律 $128 另加一牛面珠沙律有牛面珠五件，有大有細，有帶筋，食落牛味濃，口感好好，有咬口，質感有少少似牛舌。伴有新鮮牛油果塊，車厘茄同沙律雜菜。醬汁有兩兜，有橄欖油同甜酸醬，可以自己落。椰香咖哩雞比薩 $118 另加一黃咖哩薯蓉，雞髀肉，洋蔥，辣椒，菠菜葉，椰絲，芝士呢個椰香咖哩雞比薩好香咖哩味。批底係我最愛既超薄脆，食完唔會過飽。每塊批上面都有黃咖哩薯蓉，雞肉，辣椒，菠菜葉，椰絲，芝士，材料豐富。食落啖啖都係黃咖哩，又滑溜又香，中間夾有少少辣既辣椒，好有泰式風味。質感係薄脆中帶濕潤，好味道。蜂蜜菊花茶 跟餐加$22 另加一蜂蜜菊花茶叫左少甜。好清甜又唔會太甜。青檸梳打（跟餐）青檸梳打都叫左少甜，有一片青檸，氣量適中。呢度既泰式fusion菜式好有特色。今餐食