No Money So Lonely

营业中

休息中

📍No Money So Lonely (旺角)第一次試呢間位置非常方便的泰西fusion cafeCafe行森林🌴童話🧸再加復古style🪆🎠店面佈置十分用心 有唔少擺設 幾igable我哋有book位 坐到佈置得好靚嘅卡位☘️而且仲可以慢慢坐足三個鐘～餐牌啲嘢食名都幾有gimmick🫶🏻.#貧窮是寂寞拼盤 (半份) $98欣賞佢呢度可以揀全份或者半份 夠flexible✌🏻半份就喺佢六樣嘢入面揀三樣野我地揀咗炸魷魚、蝦餅同埋腐皮扎肉炸魷魚比較一般 其餘兩樣都好香脆～.#冬陰功大蝦pizza $148批邊幾薄幾脆 份量適合兩至三個人share🍕冬陰功味ok濃 味道惹味 唔食得辣嘅朋友都唔覺得辣幾隻大蝦味道鮮美🥹🦐 整體很不錯～.#沒有肉都好惹味的生菜包 $108欣賞佢可以揀有肉或者冇肉版本 我哋就揀咗有肉嘅比傳統泰式生菜包少啲肉粒 比較多豆角同豆腐生菜得4塊 有點少 包唔晒啲配料🥲仲有幾塊蝦餅 硬咗少少 但辣辣地好好食整體嚟講呢個性價比不高 叫其他野食好過.#泰式香蕉煎餅配肉桂焦糖蘋果 $88個煎餅熱辣辣 再加上肉桂焦糖 甜度都ok🥞可惜 海鹽雪糕味道

୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧No money so lonely 係我平時比較鐘意去既餐廳之一，除咗佢哋平時嘅菜式比較有特色之外，其實佢哋嘅菜單經常性會轉或者會update一啲新嘅嘢，今次喺旺角行街行到攰之後，簡單同朋友想去食啲嘢，食物同埋飲品嘅種類都真係好多，最重要係環境呢都好有特色！泰式肉碎豬頸肉比薩 $158Pizza就食得多，泰式就真係第一次試。加入泰式肉碎和豬頸肉，豬頸肉爽口又有肉香，估唔到依個組合可以咁夾。海鹽焦糖脆脆芝士蛋糕 $68口感香滑嘅芝士蛋糕，配上香甜嘅焦糖和微咸嘅海鹽，層次好豐富。最後叫埋杯泰啡，完美嘅一餐。୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧No Money So Lonely地址: 旺角彌敦道700號T.O.P This is Our Place 4樓406-408號舖

有咩情況下係會so lonely呢！？答案係no money嘅時候。今次介紹嘅係位於旺角T.O.P.嘅玩味泰菜《No Money So Lonely》，除左有異國風情嘅設計之外，餐廳仲有玩味嘅食物menu。泰鍾意青檸凍的蜆 $108蜆平時就熱食多，但係依款凍蜆作為打頭陣就啱啱好。帶微酸嘅青檸更加帶出蜆嘅鮮甜味，寶在好開胃。人人都嗌的啖啖蟹肉擔擔飯 $158淨係睇個名都知唔係咁簡單，擔擔麵變成擔擔飯真係好有創意。飯粒充滿微辣又豐含麻醬和花生味。而面頭滿滿嘅蟹肉又有天然嘅鮮甜味。No Money So Lonely (旺角)旺角彌敦道700號T.O.P This is Our Place 4樓406-408號舖

喺T.O.P行完街夠鐘食dinner去咗位於4樓嘅泰式fusion餐廳係Mamaday嘅姐妹店聽到呢個名就知夠晒猛料餐廳名都好搞笑 “冇錢好寂寞”又真啫！🦀啖啖蟹肉擔擔飯 $138擔擔麵就食得多擔擔飯就未試過配飯出奇地好食🤤花生醬份量岩岩好，唔會太濃蟹肉碎份量都夠，滿足❤️蟹籽食落卜卜口感整體食落似埋risotto 🤣🤣🍤冬蔭公大蝦比薩 $138冬蔭公味微微，芝士味重啲我就覺得係好事🤣如果你勁中意冬蔭公就想濃味啲批底好脆薄上面大蝦勁大隻好meaty好有誠意呀！🍓士多啤梨玄米奶昔 $58造形好靚，綠色加粉紅色打卡一流飲落酸酸甜甜，夠晒開胃

喺旺角行街搵lunch食，見呢間喺T.O.P商場嘅餐廳，個名咁得意，裝修相當吸引，於是就入咗去食😆餐廳其實係食泰式fusion菜，午餐有六款選擇，仲可以搭配小食，當然唔少得泰式飲品我同朋友揀咗：冬陰功海鮮炒飯：你估唔到呢個咁重冬陰功味，冬陰功嘅香味融入咗飯入面，配合埋魷魚同蝦嘅海鮮，相當好味😍泰式燒春雞：有半隻燒春雞同飯，隻雞燒得超香入面啲肉仲好Juicy，入面啲肉夠晒嫩❤️我哋仲加咗個薯條，薯條熱辣辣，又夠脆，再加埋青檸梳打，啱晒喺咁熱嘅天氣，超解渴👍🏻

餐廳菜名好特別，座位都好啱打卡，佈置得好靚，好岩行到晏晏地過嚟醫肚聊計。冬陰功大蝦pizza 第一次食泰式風pizza，好有泰國風味，薄脆批底，味道唔會太辣，蝦好大隻而且質感彈牙，上面仲有大量嘅拉絲芝士，帶冬陰功風味，好味推介。人人都愛嘅啖啖蟹肉擔擔飯配料非常豐富，有青紅椒，洋蔥，菇菌類，蟹肉同大量蟹籽，食落去口感豐富，但有濃郁嘅淡淡醬風味。芒果椰奶沙冰芒果肉香甜，配上濃郁嘅嘅椰子冰，啱晒咁熱嘅天氣，消暑一流。Hot mocha 朋友叫左mocha ，拉花好靚，好啱打卡，味道濃郁，不過咁熱嘅天氣，我都係比較喜歡我嘅沙冰😝

都有一段時間無左旺角，今日行完TOP扭扭蛋後搵野食…無意比我發現了一間玩味泰國菜「No Money So Lonely」，大玩潮味風格，門面放置了老虎擺設，又掛上名畫壁燈等，真係玩味十足，設計感型格。他們菜式也配搭新穎，大玩Fusion菜：冬蔭功肉骨茶、青檸凍蜆、鹹魚茄子鮑魚炒意大利麵等…海鹽焦糖咖啡加少少黑椒唔該入口散發香濃順滑的焦糖味，但細味一下，卻散發陣陣微辣感，確實玩味十足！椰椰麻麻泰式燒牛扒配水果沙律以泰式香料和醬汁醃製，牛扒烤煮得剛剛好，入口肉味濃厚，口感軟腍，旁邊還有香脆炸薯條和清新水果沙律，互相配合得恰到好處，不會有太膩的感覺。甜品師今天決定要整的甜品今日的甜品師決定要整正正是我最愛食的甜品「流心提拉米蘇巴斯克」，他們把提拉米蘇和巴斯克蛋糕的結合，外層是巴斯克蛋糕，內部則是流心的提拉米蘇，再加上大量Mascarpone Cheese，令賣相更吸引！入口口感軟滑，味道濃郁，整體完美融合，毫無違和感，為這一餐畫上完美的句號。

𝑴𝑨𝑴𝑨𝑫𝑨𝒀的姊妹店，食物品質有保證，玩味濃打卡為多，位於旺角地鐵站旁的TOP商場，無論午餐或晚飯時間都一樣多人。《天然蘑菇湯》跟餐單單蘑菇肉並沒有加上太多調味或者麵粉，感覺天然飲起來都沒有負擔《冬陰功海鮮炒飯》 $116冬陰功香料重，帶酸辣而且飯粒炒得粒粒分明夠乾身，其他餐廳也不覺有這味道的炒飯。《芝麻bagel配洋蔥忌廉芝士》 $128沒有想過泰式餐廳也有bagel，本以為只有bagel及忌廉芝士，沒想到還有大量沙律菜和水果，都很新鮮，而且bagel一向少鹽少油，這個餐也是健身減脂的好選擇《加窩夫 + 楓糖芝士奶蓋》 $68最後還是心多多加了個甜品，超滿足〈青檸梳打〉開胃而且滿滿泰國風情，午餐也有包這個飲品和Americano—————————————————No Money So Lonely (旺角)旺角彌敦道700號T.O.P This is Our Place 4樓406-408號舖—————————————————#hkfood #hkfoods #hkfoodstagram #hkfoodshare #hkfoodlover #hkfoodie #hkfoodiebl

旺角呢間餐廳係一個裝修趣怪嘅打卡餐廳，有好多地方都係設計得好有趣味，有唔同嘅趣怪擺設。午餐包餐湯或沙律及指定飲品，轉其他飲品正價減$20。指定飲品包括美式咖啡☕️、青檸梳打、蜂蜜紅茶及可樂。叫咗一個凍蜂蜜紅茶及轉咗一個朱古力咖啡。凍蜂蜜紅茶唔會太甜，帶有淡淡嘅蜂蜜味，好清新；朱古力咖啡個味道唔會太濃，啱啱好。▶️泰式全日早餐$128焗薯仔🥔、天婦羅蝦眼🍤、煙三文魚、雜菌奄列、香蕉班戟。焗薯仔好香脆。天婦羅蝦好新鮮，炸得香脆，唔會太油膩。香蕉班戟好軟綿，啱啱好。▶️羅望子虎蝦意粉🍝$126醬汁好好味，有啲香辣，同虎蝦一齊食好啱。羅望子嘅味道唔會太重，同醬汁搭配不錯。

好靚嘅環境，細心嘅服務，有質素嘅食物，仲要無人等位的時候可以唔限時坐到收鋪，真係一個超級好既地方！ 咖哩軟殼蟹 $228咖哩味唔係太濃厚，配上咖哩雜菜同面包一齊食，味道唔會互搶， 食到唔同食材的味道，再夾埋脆口軟殼蟹，味道即時提升！

旺角有好多好野食，今日去左一間裝修好靚好岩打卡的鋪頭食飯，佢地入面都坐得好舒服😍 佢係一間泰國餐廳黎，食的野有啲西同泰式的感覺🤩冬陰功大蝦比薩🍕 $148比薩焗到好脆身，俾的料都好多，每一塊pizza都會有一隻原隻蝦🥳佢地啲蝦食落都好爽口，唔會係霉左的蝦😝配埋啲冬陰功醬酸酸辣辣咁，好開胃唔油膩🤩豬頸肉胡椒飯 $138啲飯佢地煮到好入味，啖啖都食到啲胡椒的香味😎 然後個豬頸肉都好嫩口同霖身，油脂味都香🤤 同啲胡椒味的飯一齊食好夾楓糖香蕉肉桂奶昔 $58杯野飲好靚，面頭有一片長條形的香蕉🍌，外形十分吸精😆配埋佢地餐廳咁靚的環境，真係好岩打卡😍蜂蜜菊花茶 $42想健康啲的朋友，呢度都會有花茶選擇😄 十分之岩養身No Money So Lonely (旺角)旺角彌敦道700號T.O.P This is Our Place 4樓406-408號舖

No Money So Lonely是間造型新潮又不失盞鬼玩味的打卡餐廳。裝潢設計混合北歐風和熱帶雨林作設計主題，每個角落也充滿特色格調🐯🌴餐廳主打泰式fusion菜，菜式名字亦貫徹餐廳鬼馬的心思～Weekdays更有lunch set套餐提供，可惜今日Weekend下午只有全日餐單🍕Sweet & Sour Chicken Pizza($138)批底混合芝士和薯蓉，中心柔軟煙韌配焦脆邊。Topping有紫洋蔥、車厘茄、雞肉、 菠蘿、秘製甜酸醬，獨特Fusion非常醒胃🍝大阪燒配章魚海鮮意大利麵($138)呢款意大利日式fusion，大阪燒醬加上沙律醬、木魚花及原粒章魚在扁意粉 。意日創新料理的衝擊，想像不到能呈現出如此滋味的組合(All prices are subject to 10% service charge)環境昏暗燈光充滿情調，以打卡餐廳來說價錢不算進取，鍾意打卡就千祈唔好錯過📸📍No Money So Lonely旺角彌敦道700號T.O.P This is Our Place 4樓406-408號舖(港鐵旺角站 B3 出口, 步行約1分鐘)

最近見到唔少社交平台 page都有推介呢間，所以黎試一試，入到去裝修非常吸引，個氛圍幾好，野食賣相亦幾靚。叫咗個網上幾多人推介蟹肉飯，的確見到唔少蟹肉喺面，但係完全食唔到蟹味，成碟飯酸酸甜甜比較似泡菜炒飯。另外叫咗個火山黃咖喱軟殼蟹，味道不過不失。可惜一上台已經凍晒，入面嘅蔬菜亦太生，有浸青味。加上侍應上菜似丟上嚟咁，半個鐘之前就叫人埋單，好似催人走咁。整體嚟講，非常失望，只可以話係一個適合打卡嘅cafe。

同朋友行完旺中天時暑熱🧊👅最啱就係食返個簡約嘅菜單，調劑躁動既情緒❄️究竟No Money係咪會so Lonely呢，答你並不是！NMSL每日下午菜式都唔同，今次同大家試一試嘅係:明太子烏冬配 黑松露炒蛋加辣肉腸 配蟹肉每一啖都10分飽滿，為食客帶來陣陣滿足明太子同烏冬有啲唔夾 🥹因為兩者都冇乜味特色南瓜湯 食到南瓜湯渣係原汁原味，但鹹度較高消暑檸檬茶 有啲苦澀但特色起個杯型度#silvereatfoodie #hongkong #hkrestaurant #hkfoodie #hongkongfood #hkfood #topcitybites #hkfoodblog #hkig #hkblogger #美食

No money so lonely 🍗香茅雞翼鹹蛋黃味(半份）$78雞翼係用單骨雞翼，同平時鹹蛋黃雞翼有啲唔同，除左鹹蛋黃味，香茅嘅味道都非常出，不過鹹蛋黃嘅味道有少少被香茅嘅味道蓋過咗🥬沒有肉都好惹味的生菜包(肉）$108呢個生菜包係少肉，叫有肉版本都主要唔係肉碎而變左做豆腐乾，可以用生菜或者蝦片包住食都得🐟泰式烤魚 $228條魚都都幾大條，用香葉包住，入面嘅魚有奶油味同時又有辣味，而且唔多骨都方便食