Niksen Koffie (已結業)

其實本身去嗰頭係想食間壽司舖，但係太多人，所以就轉左食依間Cafe，食物質素又比想像中高，同埋食得幾舒服餐廳應該係新開嘅，整體空間嗰啲都比較充足，唔會坐得迫迫夾夾餐廳前邊仲有得買咖啡同埋一啲餅乾同蛋糕🧁🍪🍪每一台都會比一支大大支嘅水你，咁就唔使成日叫服務員加水，我幾鐘意🙈羊架幾抵食，有 4 塊，肉唔乾柴，juicy 有羊味我鐘意e 間野d 伴碟嘅菜都係好食的肉丸 好驚喜 無論係調味，定係口感都好正！好彈牙。下面嘅薯蓉加埋d 醬都好好食，輕鬆清碟.醬汁掛滿每條意粉，帶子唔會煎過火，大大粒香印芭菲好值得叫。個拿破輪好脆，食之前記得安全放左係碟上面先個芭菲除左有雪糕仲有jelly 同埋d 麻薯用料豐富整體食物質素唔錯，但我地當日都有d 野食已經賣曬，好可惜

紅磡呢間café bookmark左好耐了，因為環境真係幾正，每張台都隔左足夠既位，唔會同人地貼得如近，而且仲有戶外位，見到有人帶寵物仲可以坐出面! 間café個佈置完全係我既取向，簡簡單單，仲好岩打卡。食物選擇都幾多，特別係甜品，每款都好想食! 主食叫左避風塘軟殼蟹意粉，又估唔到幾夾，辣辣地，好開胃，軟殼蟹都大大舊。另外，叫左章魚燒味既pizza，係薄底pizza，所以好脆口，章魚份量都唔少! 薯條感覺係即炸，上到台仲係勁熱，點黑松露醬好好食。芭菲好吸引，有2款味，叫左士多啤梨味的，中間好多層次，仲有D脆米，上面仲有拿破倫，拿破倫就算擺左陣都係好脆口! 加分! 芭菲打卡好靚又好食，咁岩朋友生日，可以當埋生日甜品呀! 之後仲試個栗子吉士撻，個撻既texture好正，唔會淋，栗子蓉又唔會太甜，幾好!

呢間近期新開嘅𝗖𝗔𝗙𝗘 空間感好大佔地有超過𝟔,𝟎𝟎𝟎呎‼️仲係𝗣𝗲𝘁 𝗙𝗿𝗶𝗲𝗻𝗱𝗹𝘆餐廳室外區設有寵物專用空間就連🐶寵物𝗠𝗲𝗻𝘂都有齊好適合假日帶埋寵物去食飯環境令人感到舒適同放鬆🌿🔸日式和風章魚燒薄餅 $98批邊薄而鬆脆，仲有大量章魚粒、木魚碎同紫菜，猶如食緊章魚燒，和風醬汁味道香濃。🔸避風塘香辣軟殼蟹意粉 $128軟殼蟹炸得好香脆，係原隻大大隻咁上碟。意粉加上避風塘醬、炸蒜同辣椒粉，味道好濃郁好香。意粉亦煮得剛好，鍾意食淡味食物嘅朋友可能唔啱食🔸紐奧良炸雞翅 $88雞翼炸得好香脆，肉質都好juicy，配上明太子蛋黃醬，有啲微微辣味，令味道更豐富。🔸士多啤梨拿破崙抹茶芭菲 $98必點甜品，呢款仲要係店鋪限定款式，賣晒就無架啦！頂層放有勁吸睛拿破崙，當中夾有吉士醬同士多啤梨，杯內面層鋪有綿密忌廉同雲呢嗱雪糕，下層係抹茶啫喱配麻糬、脆米、士多啤梨，口感好豐富，真係必點之選！

今日係紅磡行街亂咁行，無啦啦見到有間cafe勁靚，即刻入去試下呢間「Niksen Koffie」行清新文青路線，成個線勁大坐得好鬆動，淨係食個環境都勁chill!野食方面用手機落單，主打西式食物，亦聽講好出名拿破崙芭菲，一場黎到點可以唔試下炸魚薯條，估唔到有三件咁多，炸到好脆身，魚肉一啲都唔腥好嫩滑，薯條亦係鮮炸卜卜脆，配上沙律醬食一流本身想叫煙三文魚pizza，但見到有章魚燒味，有啲新意就試左呢個，食落真係好似章魚燒味，醬汁、木魚落得好重手，餅底咬落都好脆身香煎三文魚菠菜汁意粉，三文魚皮煎得好香脆，不過最impressive都係個菠菜汁意粉，意粉掛晒湯好入味，醬汁唔會好水，中間仲有啲三文魚籽食落勁有口感香印提子拿破崙芭菲，本身已經食到好飽頂住個肚，但見到呢個都好想繼續食上面拿破崙好酥脆，牛油味香濃，加埋中間啲cream夠晒甜好好食下面係雪糕同香印，甜到入心！

近來黃埔壽司郎附近新開一間咖啡店Niksen Koffie，尤其是以拿破崙芭菲最為人熟悉，而店名中「Niksen」其實源於荷蘭人的放空哲學，無所事事、隨心所欲，卻正正是大部分香港人趨之若鶩的生活態度。店內裝潢走簡約路線並以白色、珊瑚色及木色為主，面積約六千呎空間感十足，寬敞明亮惟比較悶熱。除了各式各樣主食、小食、甜品之外，連衣索比亞、哥斯達黎加、古巴等產地手沖咖啡都一應俱全，相信咖啡迷亦不會失望而回。香煎刺身帶子明太子忌廉汁意粉 ($148)三粒刺身帶子表面略經煎香保持鮮甜軟嫩；意粉軟硬適中可惜明太子忌廉汁份量偏少，令整體口感較乾而明太子鹹香亦未夠濃厚。原隻龍蝦香蒜忌廉汁意大利飯 ($208)雖然個人偏好意大利飯傳統煮法較有口感，但這份實在近似未熟透般硬而非柔韌有致；原隻龍蝦不算太大但勝在肉厚鮮美；醬汁蒜味與奶香均比較薄弱但三文魚子恰好能彌補鹹鮮。豬肉丸配牛肉汁薯蓉 ($98)豬肉丸肉質結實彈牙並保留適量肉汁，薯蓉配上牛肉汁卻竟最出人意表，綿密當中更帶粒粒薯仔真材實料。香印提子吉士撻 ($68)撻皮吸收水氣稍微變軟，杏仁蛋糕濕潤而吉士細滑，香印提子毋庸置疑香甜如蜜，但或因久放始終未算飽

同 bf 去黃埔行街, 經過見到間 cafe, 好吸引, 入去醫肚先.店舖地方闊落, 坐得舒適, 仲可以帶寵物, 同佢哋一齊gathering.order 了兩份主食.奶油煎美國封門柳扒配薯蓉及烤雜菜, 大大塊嘅牛扒好 juicy, 好淋, 美味薯蓉加上烤過嘅雜菜特別香口.香煎刺身帶子煙三文魚京蔥意大利飯, 帶子微微煎過, 保持住豐厚嘅肉汁, 意大利飯有口感, 加上三文魚、京蔥, 令人食指大動.熱朱古力鮮奶朱古力味香濃, 個拉花都幾特別.香印提子芭菲好大堆頭, 有雪糕、脆米、蒟蒻、麻糬 頂層係酥化嘅餅加上奶油, 好正最後仲 order 咗香印提子吉士撻提子夠爽甜, 同吉士撻好夾 食物款式夠特別, 值得 encore.

呢晚去黃埔買嘢，搵咗呢間走木系氣嘅西餐廳。環境裝修好文青feel，地方好大，好chill好舒服。餐廳晚餐主要要單點菜式為主，沙律、意粉、意大利飯、薄餅、甜品等選擇豐富。我哋兩個人點咗意粉同薄餅各一，再加甜品香印提子拿破崙芭菲同香蕉蛋糕share。 避風塘香辣軟殼蟹意粉（$128） - 上餐已經聞到陣陣香味，軟殼蟹好大隻，亦炸得香脆。成個意粉整得好香口惹味，充滿避風塘炒蟹嘅風味。巴拿馬火腿蕃茄醬pizza($98) - pizza佈滿巴拿馬火腿，火箭菜、芝士及蕃茄醬等。巴拿馬火腿充滿鹹香，夾埋清新嘅火箭菜，仲要有埋芝士拉絲，味道好有層次，真心好味。香印提子拿破崙芭菲（$98）- 賣相極之吸引，打卡一流。除咗面頭嘅千層酥之外，入面有勁多材料，包括雪芭、麻糬、碎碎、忌廉等，味道超級豐富。香蕉牛油蛋糕（$36）- 簡簡單單嘅蛋糕，味道清清地，帶香蕉甜味，配搭咖啡或朱古力就最啱。鮮薑青檸梳打（$48）- 好清新嘅味道，除咗青檸外，仲加入好多砌碎咗嘅生薑粒，帶少少薑味，飲落亦好有口感。餐廳食物質素唔錯，價錢亦算抵食。座位闊落，環境舒適，好適合一大班朋友敘舊，食飯傾偈。

自從屯馬綫開咗之後，佢有時都會過嚟黃埔Little食嘢嘅，咁今晚今晚放假發現咗呢間新開嘅寵物友善Cafe佢空間感超大，一望無際，採用北歐木喺裝修，所以有時放假冇嘢做就咁坐低食吓嘢都好好享受!餐牌選擇都有唔少健康菜式，首先要左羽衣甘藍水果沙拉，配埋黑醋汁，酸酸甜甜，非常開胃。巴拿馬火腿蕃茄醬披薩，呢個即叫即焗，所以上枱熱辣辣，鍾意佢pizza 皮夠哂薄脆，食多都唔會膩，又有拉絲效果。好少cafe 會有生銅餐單，呢間竟然有椰菜花飯。三文魚牛油果雞蛋藜麥椰菜花飯，全部配搭都超級健康，食多都唔怕肥👍🏻 最後點左好多枱都有叫既季節限定 Niksen 芭菲，賣相好靚，影相打卡一流，香印提子夠晒香甜。入面仲有蛋糕做底，好味！下次要試下佢咖啡☕️

黃埔真係好多好嘢食，今次就嚟到呢間新Café試下！一入去第一個感覺係：真係好大！呢頭雖然都多咖啡廳，但又好似無咩邊間空間感咁足，枱與枱之間隔得遠又有私隱，仲有戶外空間可以帶埋毛孩嚟放風呢到有賣咖啡豆，又有好多咖啡器具，當然要試下杯啡啦！我揀嘅係店鋪拼配豆，大家有興趣嘅仲可以加$5揀單品豆（當日係雲南豆），我哋叫咗一杯熱Latte（$49，加咗$5轉無乳糖奶），咖啡大大杯，拉花靚靚，因為係無乳糖奶嘅關係，較易入口，整體風味較均衡，帶出少少核果味道。正餐我哋就叫咗一客「香煎刺身帶子明太子忌廉汁意粉」（$148），帶子固然係正啦，而個明太子忌廉汁亦好有驚喜，除咗有好多明太子之外，個忌廉汁本身亦非常濃稠，入口十分Creamy，令人一啖一啖食唔停口，加埋有唔同嘅菇類等等嘅配菜，口感好豐富。另一客就叫咗「避風塘香辣軟殼蟹意粉」（$128），呢個價錢有軟殼蟹確係好抵，而蟹亦炸得香脆，上碟時熱辣辣，好惹味，意粉入面有炸蒜、紅辣椒等，真係似足避風塘咁嘅整法，中西合璧，我自己覺得辣度適中，但一邊食一邊都要飲返啲水平衡返，哈哈！最後，我哋叫咗甜品——「士多啤朵乳酪抹茶芭菲」（$98），出人意外嘅係芭菲上面竟

今次黎到黃埔呢間新開張既Cafe,店舖空間感幾大,有分室內同室外,仲要係Pet friendly既Cafe,有埋寵物餐提供👍🏻呢日大概weekend晏晝兩點幾左右黎到,唔算好多人,話就話限時90分鐘,但非繁忙時間坐耐小小應該都ok既🙈不過唔知係咪新開張唔熟手?見啲店員好似對啲枱號落單方面幾混亂,我地未落單已經問我地係咪叫左杯Tonic咖啡,之後又有第二次問我地有冇叫到嗰杯野飲🫢《香煎刺身帶子明太子忌廉汁意粉 $148》呢個Pasta個cream sauce煮得幾creamy,成碟意粉有三隻帶子,帶子質地彈牙,煎得唔錯,意粉相對比較普通,不過明太子忌廉汁呢個組合實冇死,味道都算中上👍🏻《紐奧良炸雞翅 明太子蛋黃醬 $88》炸雞翼都係配明太子蛋黃醬,個醬汁好香明太子味,比平時既sauce調配得更好,幾滿意😂雞翼都炸得好香脆,推介👍🏻《香印提子拿破侖芭菲 $98》呢個芭菲幾乎枱枱必叫,但食落唔算好大驚喜,最中意上面個青檸雪葩,好清新好舒服,如果有得單叫就更好😂杯芭菲有好多脆脆係面,口感幾得意,食到落底仲有啲麻薯同Jelly,好煙韌,拿破崙都整得幾酥脆,而且都好多提子係入面,不過整體覺得唔太特

日本簡約格調的Cafe Shop，位於紅磡黃埔天地享膳坊(第4期)地下『Niksen Koffie 』。逛完商場，可以好好地吃晚餐及甜品，輕鬆地坐著談天說地，又有另一個感覺。#香煎刺身帶子明太子忌廉汁意粉 ：帶子大粒又新鮮，兩面煎香，好鮮甜……有日本風味……意粉與忌廉汁濃稠度剛剛好……吃著吃著，再想點多另一個#慢煮羊架配烤雜菜 ：慢煮羊架肉質很軟腍，羊羶味不太重，可以接受。羊架下面全是薯蓉及薯塊，兩者混合，有不同口感，再配上雜菜（栗米仔，紅蘿蔔……）口感豐富。#凍朱古力#鮮薑青檸梳打 ：以為鮮薑會辣，但是新鮮薑蓉配上青檸又很match，易入口又解渴。薑含有特殊的薑油與薑辣素，高膳食纖維、高鉀的食材，含有豐富的維生素，如Vit A、 Vit E、B群，還有少量Vit C。#士多啤梨乳酪抹茶芭菲 ：整杯甜品很美，不捨得吃，影多幾個不同角度相，影多過吃，滿足了打卡感。。。芭菲由最低層是濃厚的抹茶，麻薯，乳酪，士多啤梨，乳酪……雲呢拿雪糕……#士多啤梨乳酪抹茶芭菲 ：有多重口感甜品，值得一嚐，首先千層酥一定要即焗即食；食千層酥建議即場吃，口感最新鮮及即時吃著『最酥脆』的時候。食物吃了令人有開心

黃埔新開左間文青風打卡cafe, 餐廳空間感十足，每張枱之間嘅距離感好大，非常寬敞，除左室內座位，仲有戶外座位，亦係少有嘅寵物友善餐廳。我地點左兩份意粉，先講下香煎三文魚排菠菜汁意粉，三文魚排煎得幾香脆，尤其係塊魚皮，意粉拌菠菜汁係我比較少食嘅口味，用菠菜汁感覺上比較健康，味道唔算太濃，加埋菇同三文魚籽能夠增加口感！另一碟意粉就比較濃味，係避風塘香辣軟殼蟹意粉，香辣惹味，軟殼蟹酥酥脆脆，蟹香味濃郁，加上大量嘅炸蒜，食落另有一番風味😁飲品方面叫左杯熱莫卡咖啡，都幾大杯，朱古力同咖啡都幾balance 😊最後一定要叫甜品黎試，呢到最出名係芭菲，有兩款口味，我地叫左士多啤梨拿破崙抹茶芭菲。芭菲賣相好靚🥰將麻糬、忌廉、抹茶、士兵啤梨一層層咁砌到靚一靚，仲有卜卜脆拿破崙一齊食，非常滿足😍

紅磡黃埔一帶的美食向來眾多，其中這家位於黃埔商場的西餐廳，更是為食客們帶來了一場味蕾的驚喜。這次我們有幸品嚐到了他們的三款招牌菜式：奶油煎封門柳配薯蓉及雜菜、三文魚排牛油果雞蛋藜麥椰菜花飯以及紐奧良炸雞翼配明太子蛋黃醬，下面就讓我們一起來細細品味吧！首先，走進餐廳，室內裝潢以歐日風格為主，透過暖黃色燈光，營造出舒適悠閒的用餐氛圍。第一道上桌的菜是奶油煎封門柳，牛扒是三成熟，入口溶化，非常美味。配上薯蓉及燒烤過的雜菜，為這道菜帶來清新的感覺。接下來是三文魚排牛油果雞蛋藜麥花椰飯，這道菜的三文魚十分有分量而且煎得很香，再配上滿滿的牛油果加上一隻溫泉蛋，營養非常充足。藜麥配上椰菜花的感覺，炒香後吃下去非常有飯的口感，很適合低碳飲食人士。紐奧良炸雞翼配明太子蛋黃醬是一款非常可口的小食，雞翼炸得金黃香脆，再沾上有點咸香的明太子蛋黃醬，一下子就清了5隻。最後，我們點了核桃香蕉戚風蛋糕作甜品，口感綿密細膩，味道清甜宜人。為這一次美食之旅畫上圓滿的句號。

>< 餐廳空間感大 感覺寛敞舒適真係正如其名 提供環境讓人好好放空一下什菌黑松露忌廉意粉(108)黑松露味好香 醬汁creamy掛汁得嚟唔會太稠身 仲有爽腍菇菌增加口感核桃香蕉戚風蛋糕(46)/美祿戚風蛋糕(45)鬆軟濕潤富彈性 個人鍾意食香蕉味嘅多d有點似奶蓋嘅cream 都好食香印提子拿破崙芭菲(98)Present得好靚 雪葩清爽酸酸的 提子片 脆米 蒟蒻同麻糬 幾款配料嘅質感形成對比熱焙茶鮮奶(48)/ 凍竹炭芝麻鮮奶(52)拉花拉得好靚 入口滑順唔甜膩飲咗友人杯芝麻奶一啖 芝麻味好濃><><><><><><><><><>< Niksen Koffie紅磡黃埔天地享膳坊(第4期)地下G8E號舖

꧁ 𝓝𝓲𝓴𝓼𝓮𝓷 𝓚𝓸𝓯𝓯𝓲𝓮 ꧂ 黃埔天地開咗間新cafe - Niksen Koffie，佔地超過6000呎，環境非常闊落。餐廳分為室內同半室外場地，均設有寵物專用空間。店內裝修帶點北歐風格，以大地色同粉色為主調。「Niksen」係荷蘭文，意指放空，咩都唔做，啱晒我喎～😌 餐廳環境同食物質素都好唔錯，推介！💖👍🏻✨避風塘香辣軟殼蟹意粉 $128軟殼蟹炸得香脆唔油膩，避風塘醬用上炸蒜、辣椒，好香辣惹味美味又創新！😋👍🏻✨士多啤梨拿破崙抹茶芭菲 $98芭菲賣相好靚😍，層次都好豐富。裏面有新鮮士多啤梨肉、香甜忌廉、雲呢拿雪糕同冰涼嘅抹茶啫喱，襯埋放喺旁邊嘅士多啤梨拿破崙，鬆化香甜，好味得黎又igable！💓☺️✨巴拿馬火腿蕃茄醬薄餅 $98Pizza焗得幾香脆，餅底夠哂薄。朋友略嫌蕃茄醬🥫可以多番少少，但我覺得味道都夠濃可以的。✨白酒牛油汁煮鮮蜆 $108個白酒汁牛油味香濃檸檬味又夠酸，突顯出蜆肉好鮮甜，我好鍾意！😋👍🏻味道：4.6/5賣相：4.5/5環境：4.4/5性價比：4.2/5🏠 Niksen Koffie📍 紅磡黃埔天地享膳坊(第4期)地下G8E號舖☎️ 22972037