Niksen Koffie (已結業)

今日係紅磡行街亂咁行，無啦啦見到有間cafe勁靚，即刻入去試下呢間「Niksen Koffie」行清新文青路線，成個線勁大坐得好鬆動，淨係食個環境都勁chill!野食方面用手機落單，主打西式食物，亦聽講好出名拿破崙芭菲，一場黎到點可以唔試下炸魚薯條，估唔到有三件咁多，炸到好脆身，魚肉一啲都唔腥好嫩滑，薯條亦係鮮炸卜卜脆，配上沙律醬食一流本身想叫煙三文魚pizza，但見到有章魚燒味，有啲新意就試左呢個，食落真係好似章魚燒味，醬汁、木魚落得好重手，餅底咬落都好脆身香煎三文魚菠菜汁意粉，三文魚皮煎得好香脆，不過最impressive都係個菠菜汁意粉，意粉掛晒湯好入味，醬汁唔會好水，中間仲有啲三文魚籽食落勁有口感香印提子拿破崙芭菲，本身已經食到好飽頂住個肚，但見到呢個都好想繼續食上面拿破崙好酥脆，牛油味香濃，加埋中間啲cream夠晒甜好好食下面係雪糕同香印，甜到入心！