NeNe Chicken (新都會廣場) (已結業)

送咗細林生返學難得有時間出葵芳行下行到攰攰地食個晏晝抖下口淡淡突然想食濃味野就諗起韓國泡菜海鮮湯🤤下午茶時間即刻衝入去😂😂😂之前我都係Nene chicken嘅會員之前因為有會員有折扣同有野送所以好多時食韓國野都諗起佢今次韓國泡菜海鮮湯上枱嘅時候真係好熱好熱滾到起晒泡泡湯入面有一隻大蝦、蜆肉、魷魚同豆腐味道方面，有香辣嘅泡菜酸酸地真係好開胃🤤豆腐食落去雖然知道係連鎖品牌但係又香又滑算係好有誠意而且價錢都好合理$78下午茶餐，加兩蚊仲有凍咖啡🌟雖然個凍咖啡有少少淡下次都係飲可樂穩陣👍🏻

本來諗住黎試下十二月既炸雞放題優惠，但擺左烏龍，原來係禮拜三先有一場黎到無理由唔食咖。記得以前食過剩係得炸雞、蛋卷同炒年糕，依家多左唔少新野，連蛋包飯都有真係未試過韓式既蛋包飯。點完野食店員即刻送上前菜，最中意食醃蘿蔔，酸酸甜甜又爽口，好開胃。泡菜偏酸，如果辣啲會更惹味。紅醋茶係開稀左既果醋，酸酸咪咪，幾解渴消滯，比起飲汽水健康得多等左一陣終於見到蛋包飯既真面目，同圖片一樣咁大份炒至半生熟既滑蛋蓋喺飯面，加埋旁邊既茄醬同燒肉汁，色彩豐富令人食指大動。燒牛肉都幾多，有成六七大片，飯粒圓潤飽滿，口感略嫌濕潤，但加左黑椒食起黎幾香口，面頭仲有芝士，撈埋蛋同肉食感覺好豐富。吉列豬扒包住兩款芝士，有拉絲效果，反而肉唔係好多。仲有新推出既秘風糖脆雞，估唔到有咁大碟每舊都半個拳頭咁大，有成十五六舊，細食既話一份都夠兩個女仔食。無骨食起黎啖啖肉好滿足！外皮炸得好香脆，炸粉唔會太厚，肉質嫩身唔乾，蒜味好濃郁惹味，醬汁酸甜中帶微辣，食多幾舊都唔覺漏。不愧為第一間喺香港開既炸雞店，炸雞的確幾出色，連平時唔好煎炸野既朋友都食唔停口

裝修簡潔，座位不太舒適，中午時段人流不息，香辣炸鷄尤其出名，頗為大碟，炸鷄香脆可口，香味撲鼻，辣醬鋪满炸鷄，非常惹味，肉汁豐富，不太辣不油腻，幾乎係必吃嘅選擇，名不虚傳，難怪大受歡迎。

喺葵芳雖然有好多好味既立食選擇但係如果約咗朋友傾計吹水嘅話梗係要搵一個坐得舒服嘅地方平時炸雞去韓國就係必推介今次要試吓係香港食唔食到韓國嘅味道😎前菜：蘿蔔同泡菜嘅味道都唔錯不過未有客人每枱都預先放晒喺檯面度好似有啲唔係咁好 食落去好似風乾左咁😅希望可以改善一下環境：店鋪裝修大至都乾淨整齊我哋今次就點左兩個味道（有骨）甜辣：甜味為主蒜香：香口必選三個女仔嘅份量來講我哋都啱啱好食晒味道係唔錯嘅 賣相亦唔差 鐘意韓式炸雞既朋友都值得一試👍🏻

難得可放下小朋友，同老公兩個人食飯，當然食啲平時無得食既野啦！ 炸雞啤酒，辣抄年糕加公仔麵，正呀！選擇了兩味烤雞，一款酸辣，一款大蒜，其實都唔係好辣，但外脆内軟好好味!選了一款泡菜蛋卷，超好味呀，啲蛋好滑，啲醬好夾，好味呀！之後就要介绍辣炒年糕加公仔麵，真係都幾辣啊！係甜甜地辣辣地咁的，好特别啊！我點了一杯strawberry cocktail, 好好味呀！ 食辣係要飲凍嘢，好爽呀！有機會要約多啲人一齊再食多啲!

上星期舅母食完NeNe chicken係whatsapp放閃, 引到我流哂口水~ 正好公司樓下有間NeNe chicken, 所以今晚相約同事放工去食返餐炸雞!係門外展示了一款新推出既二人炸雞套餐, 我地剛好兩個人, 所以唔洗諗咁多, 就order左呢set "炸雞內戰", 套餐包兩款味道炸雞, 分別係咖哩同埋辣味炸雞, 另外仲有沙律、薯條小食同埋果茶。平時食沙律通常所有配料都係冷盤, 而今次多左幾件炸物, 味道同口感都似魚腐咁甜甜地, 新鮮沙律菜爽脆, 夾條幾件雞柳片, 幾滑, 配沙律醬又幾清新。重點又吸晴既炸雞套餐上檯喇!!! 炸雞有有骨同無骨選擇, 我地當然中意啖啖肉, 食得夠放!上檯時其實未食都已經聞到幾攻鼻既辣味, 令人有好想快D食既感覺~炸雞即叫即炸, 熱辣辣, 表面乾身鬆脆, 脆到一口咬落去時有聲。咖哩粉平均附於炸皮表面, 甜中帶點微辣, 但其實食得辣之人未必食到果種既辣, 反而咖哩香超突出!喜歡食辣既一定要試另一邊既辣雞, 單睇色都已經感覺到有幾辣, 唔食得辣既朋友食一啖已經噴火!!最重要係兩款炸雞肉質幾嫩, 而且juicy!!!不過中間既薯條就本身幾脆, 但因為淋左d

今晚在新都會廣場nene打算外賣招牌炸鷄回家給老公宵夜，9:38分落order , 職員要求留下電話等通知，本人只好真心地等待，等至10:05分，職員居然突然通知我說炸爐壞了，退錢給我了事😡😡😡剛才落單時還見堂食的客人、等外賣炸雞的客人，到了我落單時候也沒有職員説炸爐壞了，質問他們為何突然廚房炸爐壞了又不馬上通知我，他們只是不停地說廚房沒有通知，到跟單追問時才發現😡😡😡，然後才說是廚房不對，下次免費送一份炸雞給你。其實很明显是廚房甩單，外面員工又沒有跟進，隨便找個藉口。該負責人(一男職員)處理手法極差，完全沒有歉意，而其他店內職員則隔岸觀火，食花生，還居然看見有一女職員對着廚房內的人在笑，令我極為生氣！我追問誰是廚房負責人，突然一中年四眼叔走出來說是他，之前還一直企在遠處觀望😡😡😡我問他為何炸爐壞了不早點通知前線員工，他居然理直氣壯，大大聲呼喝話自己睇唔到還有order,只顧著換油，非常沒有禮貌地大聲話"咪我錯囉，我錯囉，咁點吖!＂，態度極為無賴且惡劣！跟著就一支箭走番廚房😡😡😡，很明顯是提早關爐准備收工而甩單！我立即要求負責人給我總部投訴電話，但他一直推說沒有，只給了我一個客服電邮地

💁🏻‍♀️Nene Chicken (葵芳)🍴-第一次食呢間炸雞店，朋友話呢到平時好多人排隊，難得果晚冇咩人，就即管試吓。入到去，叫左一道炸雞。諗住兩個人食應該夠啦。-忌廉芝士炸雞伴泡菜炒飯（$168）一睇到真係打左個突，咁嘅價錢我expect個份量會大啲囉，數吓手指十舊雞都未必有，1/4個碟都俾啲沙律蓋住，泡菜炒飯又冇咩泡菜😑啲雞食落去，都算滑，但個味似食緊KFC d雞💀俾左百幾蚊食巴辣雞粒⋯不可一不可再

服務員面容已經唔友善，黑面，叫埋單竟然唔回應，直接拎張單俾你就算，禮貌上應一聲唔難吧？大前提果陣唔係繁忙時段。另外，上菜既時候，枱面細無乜空間擺第一碟鐵板菜，求其放低仲剷起埋我張餐紙就乜都唔理走左。

所謂食"肉"之秋，今日就約了三五知己一起去吃炸雞！ 沒有假期去旅行，就來吃個韓式炸雞滿足一下。大家都是女孩，食量不大，我們先叫了一個炸雞肉戰餐（內含一個雙併炸雞（無骨），沙律，炸薯條，水果茶）沙律份量算大，除了菜，還有炸魚腐，雞肉塊，車厘茄，橄欖，除了醬汁外上面還撒滿了芝士碎我一向不太喜愛吃沙律菜，但這個沙律材料豐富，忍不住都要吃一口，誰不知一吃停不了口，芝士碎那點點咸味真的令人吃上癮這個雙併炸雞左邊的是咖哩口味而右邊的是辛辣口味，待應捧上來的一刻已聞到一陣很香的辛辣味！喜愛吃辣的朋友一定很愛吃這款！中間的是炸薯條，上面鋪了一點豬腿肉。味道還不錯啊！試完這兩款令人更想試他們的招牌炸雞不得了，招牌炸雞配了一款醬，有點似蜜糖芥苿的味道，很開胃！一人一件很快便吃清光！雖說是炸雞，但裹面充滿肉汁！外層炸皮炸得脆脆的，不愧是招牌炸雞！滿分！餐的水果茶給朋友喝了，另外點了這個shark attack season 2 （碟荳花口味）鯊魚內裝著糖漿，喝時把它加到飲品入面看！加了糖漿很顏色變了，漂亮又好玩總結，閒時來吃一下也不錯啊！

訂了一點鐘。到了後說人沒齊只可留枱五分鐘。13:10 說一定要入座否則取消訂位。 唯有入座，入座計90分鐘，其實現場大量吉位，何必這樣呢？又不是放題任吃。炸雞還可以！  Pizza  韓牛味濕笠笠！  錯哂！ 炸蝦紫菜包飯！ 要立即吃完！ 吃完其他再吃！ 「軟」「林」 炸蝦不易被找到！ 沖劑柚子蜜，顏色三杯不一樣，有清澈透明色，有深橙色！ 也不理解為何不一樣。另外全店服務員面孔像其制服一樣黑！ 沒禮貌！沒笑容說話硬崩崩，難道要學習韓國老一輩人民沒表情。 沒試過百多元一份餐的快餐店裝潢可以一試。 難得

NENE CHICKEN 周不時星期三都會做90分鐘炸雞任食優惠。成人 $148一位，3人同行送Shark Attack一杯。約了朋友星期三夜晚去食，朋友要遲到，叫我地入定去先。因為拎左飛，出面好多人，都叫到我地，但唔齊人唔比入? 好奇怪，入到去照計時咪得，點解要齊人，怕齊人張台不左又要再等....結果朋友只好跑過來，入得。三人送Shark Attack, 味道唔係人人接受。我自己就唔係咁喜歡呢個味。好, 黎到戲肉。我地7款雞都叫左，唔食辣既我表示，點解佢唔分開碟?D辣醬痴到其他口味既雞，其他口味又痴到其他口味，媽~我好亂呀佢7款包括:1. 甜辣 - 甜 + 辣 = 味道開胃2. 初雪 - 芝士粉 + 普通炸雞 + 薯片 = 薯片比較吸引我3. 白郡主 - 白色CREAM + 普通炸雞 =  好少乳酪味，可能其他味道太濃4. 廚師 - 聽聞好辣5. 蒜香醬油 - 蒜香醬油 + 普通炸雞 = 咸既炸雞6. 大蔥 - 大蔥 + 普通炸雞 = 如果你喜歡食蔥的話7. 招牌 = 普通炸雞係. 食咁多款其實好多都係普通炸雞再加少少醬。同埋無得揀有骨無骨, 食食下係咁好厭同好膩。我食左9件就收手了

如題 小女第一次既食評 真心滿肚怒氣大家有心理準備比店員黑面 趕走（明明出面無人排隊）一去到問拎menu 有位男店員（貌似主管 見距唔洗幫手點餐拎餐 只安排位置 行行企企）已經黑面 食到咁上下已經有店員主動汁曬你面前既野 包括餐具🍽 但明明店外無人排隊 到收錢 找完錢都無聲多謝曬啊 之類既客套說話 我好質疑呢間餐廳點train店員 customer service 係0 垃圾餐廳！論食物質素只是還好 市面上有更多更好既選擇大家可以大可skip呢間～

全場最貴並非炸雞，咁究竟係乜呢？星期六同家人想食炸雞，但又唔想去 KFC 見NeNe 冇乜人就幫襯吓啦！NeNe 主打韓式炸雞及韓式輕食，一切以炸為主。店面裝潢令人有錯覺以為係平民快餐，但打開餐牌就知道其實係超高檔！雙併炸雞（無骨）揀咗白群主+韓式甜辣炸雞。唔知係咪冇骨嘅關係，碟頭比原隻有骨細碟好多。炸雞係即叫即炸，上枱保證熱辣辣。白群主炸雞，其實係原味炸雞上面淋上酸忌廉汁，酸忌廉上有醃漬洋蔥，甜酸味化解油膩感，其實幾好味 不愧為皇牌炸雞！韓式甜辣炸雞，炸雞沾滿甜辣醬，味道似足响韓國當地，嗜辣朋友嘅首選！雖然味道幾好，但係一碟（約10件）要$189，真係幾貴吓 但係最貴嘅並唔係炸雞，好戲在後頭！以兩個成年人食量，一份雙併炸雞真係唔夠，所以我哋又再叫一份“芝士年糕拉麵”，而呢個拉麵係本人食過最貴價嘅拉麵（$108）。由相片可見，“年糕拉麵”係有一個辛辣麵，一隻白烚蛋，兩小片魚糕，約8條年糕條，上而面有少少水牛芝士+蔥花，咁就$108，仲要加一服務費！！！！ 而味道方面，絕對OK嘅，但又唔會回味囉！服務方面，由於店內唔會主動提供水俾你，想飲水就要問店員攞。我由點菜後問佢哋攞兩杯水，結果到

路經葵芳，諗住食d新野（平時都係食開米線之類）見到呢間韓式炸雞，有突然好想飲啤酒🍻，咁就不如入去試下啦！個地方好易搵，就係新都會廣場搵搵下就見到。首先講d炸雞啦，我地叫左兩種口味，原味好正！多汁又脆皮，如果有少少辣就好啦！甜醬我個人覺得太甜，搶晒雞既味道，下次要試下辣味先！d雞幫你去埋骨，啖啖肉真係不得了！以為size small得個少少，其實都好夠兩個人食。跟住仲有泡菜蛋捲，我反而覺得出色既地方在於佢既芥末醬，蛋捲本身黎講我覺得麻麻，太多水。跟住我地又叫左個韓式泡菜拉麵（其實就係即食麵），d芝士係好出色既，拉絲咁岩晒影相打卡，醬汁都甜酸適中，好好味。唯一不足之處在於個啤酒🍻！唔知係唔係我地唔好彩啦..店員上黎既啤酒唔夠凍，直情係唔凍，無論係咩啤酒都會失色唔少啦！希望係咁唔好彩d啤酒冇雪凍姐～總體黎講：值得再戰。