Neighbor (已結業)

本身已經BOOK左位8:30, 去到既時候仲要拎號碼飛等位, 等到9點幾先有位比我同女朋友入去, 先唔講BOOK左位仲要等咁耐, 期間有D BOOK左9點後既人黎到, 有職員同佢地講已經冇位, 同埋冇食材. 喂, 你間野會唔會搞笑左?收得人地BOOKING, 竟然冇位比人, 冇野食比人?好喇, 入到去坐, 叫野食啦, 你就同我講邊D邊D冇, 大佬, 你情人節已經淨係賣情人節餐, 收我$888加一, 餐入面D野有得揀既仲要同我講冇哂喇揀其他啦, 仲有最搞笑既, 杯唔夠, 碟唔夠, 沙律, 湯隔離幾張枱就一人一碟一碗, 黎到我呢邊幾枱就變左一細碟一細碗, 一人一啖好SWEET呀真係! 叫左豬扒, T骨, 煙三文魚意粉, 兩塊扒用黎訓練口部肌肉一流意粉就黎錯既, 黎左個卡邦尼, 不過都叫合格, 甜品就蜜糖蛋糕+雪糕, 野飲又係得意既, 前半場係紅色, 後半埸變左黃色, 又用哂D料呀? 我同我女朋友早入去一步真係好好彩, 起碼有野食! 後面入黎果D情侶就慘喇, 坐左幾個鐘淨係食左幾啖沙律同湯跟住乜都冇但係要讚下呢間鋪既侍應, 有禮貌!你地問我呢, 我就會答唔好去呢間野喇, 唔好浪費時間金錢,

情人節book左8:30pm 我地8:15pm 去到個到點知佢同我地講要攞飛出面企滿哂人 我地以為好似自助餐咁一批批咁入點知去到9:00pm 都無人出黎終於有郁動 但原來仲要逐張等！ 我地等左個幾鐘先有得入入到去以為有位 點知仲要繼續等！真係好差！！！佢根本就overbook！其他人9:00黎到話book左枱然後同人講唔會有位咁樣manage真係好差！！浪費時間！！！！！食物非常一般 想食又賣哂超級差既經驗 一定唔會再黎

情人節要book枱食飯就係人都知架啦，男友一早已book左9:30，早左10分鐘到，行到埋去竟然同我講今日食材用晒已經冇野食，俾你入去坐都冇野俾你食！明白情人節多人食飯好正常，你冇晒食材我冇得食最基本都可以打個電話黎通知一聲掛？仲要同我講‘小姐我冇收你錢架喎！’請問這是什麼態度？🤬

一早已經諗住尼銅鑼灣行街睇戲，行到攰攰地，就諗住搵個地方坐底食下野咁。約左朋友尼銅鑼灣聚會，最終我地就揀咗係邊寧頓街既Neighbo去食晚飯。 呢間餐廳原來有成幾層，等我一入門口以為個得咁細間鋪。員工示意我地上上層，樓梯兩邊有不少盆栽，好有 feel架！不過兩邊冇任何圍欄同欄杆，所以行既時候要小心！尼到餐廳既上一層樓，環鏡睇得出有佈置過，別出心材。燈光係淡白至黃色，牆身係淺灰色既，加上有好大塊既綠色葉草做裝飾，令人感覺好舒服，唔會介意係到坐返兩三個鐘！首先係黑松露鴨胸意大行飯。味道算係十分不錯，鴨胸都煎得好香。香脆紐約薯條炸得幾正，價錢又唔貴，值得一試。

NEIGHBOR燈光柔和十分舒適 再以木和皮座配搭很型格👍🏻南瓜帶子意大利飯南瓜汁是新鮮製造, 每一口都充滿香甜味👍🏻意大利飯煮得很不錯, 外層微軟裡面仍保持點硬身. 吃起來富有嚼勁, 醬汁稠而不膩! 配合兩隻大大的帶子令人停不了口, 整個非常有驚喜 下次會再叫美國安格斯肉眼10oz(附有一大堆熱辣辣薯條)肉眼油脂最豐富, 五成熟, 入口鮮嫩滿口肉汁, 沾上適量的海鹽更突出牛香. 個人更愛帶一點脂肪, 既加強牛肉味道 又保持肉質濕潤 忍不住Encore 個脆脆薯條配黑松露醬價錢稱不上經濟但相當合理, 很高興認識這間NEIGHBOR（鄰居）

隔了一段時間沒來這店, 發現原來中午時段沒得訂位的, 怕沒有座位, 所以急步趕來, 發現...還好, 順利入座.樓梯仍然保持剛開業時那般昏暗, 上去和下來的時候千萬要小心, 否則後果嚴重.中午時段提供7款午餐選擇, 價錢由$6X-$11X不等, 包括主菜和飲品, 凍飲不用另外收費.如果想吃得豐富一點, 也可以選擇加錢改配不同飲品, 加餐湯或雪糕.這次點了南非烤焗豬頸肉飯配凍檸茶($68).有少許沙律菜伴碟, 鮮嫩的綠色, 帶來小清新感覺.豬頸肉有5片, 烤焗後的豬頸肉顏色非常漂亮, 閃閃的, 質感好像叉燒, 很軟熟又有肉汁, 很好吃.白飯繞上一點燒汁, 為單調的白飯添上一點美味.看著份量很小, 但是吃完後是足夠飽的!!

呢晚朋友約我到銅鑼灣呢間西餐廳，睇介紹好似幾有格調，門面裝修靚靚的，滿心歡喜去到時，真係好surprising 餐廳係一棟塘樓翻新而成，入去先知一共3層。第一層冇為意有幾大，只記得門口有個靚靚的蛋糕櫃，店員就响賣cake地方後面；我一入門口就同佢哋講人數，佢就指吓旁邊的樓梯叫我哋上3樓。樓梯係唐樓原用的style,窄窄的有啲直又長，爬起上嚟都有啲索氣😓。梯間徧暗，通道的格調舊，氣氛有啲詭異我係第一個行的，前面冇人，一心快啲上到去，到咗第一個平台，先知要轉一個彎，上多半層先係二樓😨我要上3樓😰經過二樓會見到長廊有一個（好似荒廢）的廚房，成段路一啲人氣都冇😶終於到達目的地，內裏幾暗吓，正門明明好光猛，反差好大我地坐喺L形廳的轉角位，睇哂2邊反而更覺裝修古怪～～～暗唔在講，啲光線令人好眼訓，集中唔到😶啲decorations 都好詭異，我身後幅牆係掛滿空的小畫框，令人總凝住係掛滿大頭相的....食物方面呢⋯⋯係正正常常的西式菜，味道ok的，不過冇咩太特別。。。。只影咗第一道菜咋

從來喺OpenRice都只係做CD-ROM，只係會睇comment，但呢間餐廳嘅質素令我不得不寫下第一篇食評。朋友同我補祝生日，佢比左幾間餐廳我揀，最後我選擇左呢間環境好似幾好嘅neighbor作為我地嘅晚餐地方。當晚我地order左 黑松露卡邦尼意粉 嘅set、芝士三重奏pizza、焦糖熱朱古力，同埋榛子熱朱古力。首先嚟到嘅係set嘅湯，同凱撒沙律(因為呢兩樣個賣相好一般，無影到相)個湯店員無講過係咩湯，我 亦 都 飲 唔 出 係 咩 味，只係飲到好重嘅胡椒味，我飲左2啖就放棄左。至於個凱撒沙律... 超 濕 ！除左啲凱撒汁之外，每塊菜都有好多好酸嘅水(碗沙律有1/4都係水，最底嘅菜係比呢啲不知名嘅水浸住)，同埋啲菜有一陣陣嘅苦味。兩杯熱朱古力，糖漿分開放。諗住試下杯朱古力甜到如何，先決定落幾多焦糖。但本身杯朱古力已經好夠甜，似乎已經唔可以再落焦糖..最後我無落過糖漿，飲呢杯原味朱古力。主菜黑松露卡邦尼意粉，黑松露無黑松露味，卡邦尼又無卡邦尼味，完全唔知呢碟係咩！意粉質感更加唔識形容，一半硬、一半軟。成碟野只係得啲雜菌最正常.....到重頭戲：芝士三重奏pizza一上枱見到好多好多芝

一行四人難得聚會，諗住聖誕節食餐好，於是選了這間，但失望到極！無服務，食物無質素，點了意大利飯但啲飯硬嘅、意粉又係硬嘅，究竟係餐廳風格定廚師風格呢？坐低左一陣都話比杯水我哋，到我哋要求要水應左但都係無比！無下次！！

餐廳樓底十分高, 配以外國復古風格, 還有放滿植物嘅牆身, 非常特別還未上餐時, 店員說天氣凍, 立即送上兩杯暖水, 真是窩心凱撒沙律內,有好多翠綠新鮮嘅羅馬生菜, 灑上芝士粉, 咬口非常爽脆, 又有粒粒嘅煙肉同麵包粒, 口感豐富龍蝦湯以杯黎盛載, 湯內裏有洋蔥粒, 黑椒, 香草同蘑菇粒, 飲落去, 龍蝦湯嘅精華, 滲滿口腔內蟹肉龍蝦汁意粉, 意粉配上龍蝦汁, 再配埋青椒, 磨菇去豐富口感, 意粉掛上龍蝦汁, 滿口鮮甜, 口感彈牙, 蟹肉份量啱啱好主角出場, 龍蝦尾配澳洲PRIME SIRLOIN STEAK, PRIME西冷邊肉，口感JUICY，油香出, 肉味濃郁又有嚼頭, 而龍蝦燒得焦香, 口感彈牙, SIZE 一D 都唔細, 不錯

Showed up to a relatively empty restaurant. Immediately asked if I had a reservation. Ha! As if one was needed. During meal all I could hear was a loud fan or vent the entire time and the front desks phone ringing. No music or pleasant ambiance. Sun wasn’t down yet but place still felt very dark and depressing. Otherwise, decor and style was rather good. Flower wall and faux bricks and windows create an interesting visual aesthetic. Really need to focus on the audio impressions here though to ma

突然好想食意大利粉朋友推薦去neighbor食晚餐開頭搵唔到間餐廳 原來經過左我都唔知因為地面嗰層 完全唔似🙈上面仲有幾層 都係餐廳一部分點左幾樣野食 墨魚汁大蝦意大利粉意粉好濃墨魚汁味 大蝦🍤好鮮甜牛排同埋凱撒沙律 🥗好健康

一樓無位，被安排坐二樓，裝修麻麻，仲要行兩層好鈄既樓梯，途中會經過廚房後門，未洗碗碟放晒出黎，有點髒。維一抵贊係佢間餐廳係用成棟三層既唐樓活化黎做，但要客人行咁鈄樓梯同經過廚房，設計就差了牛扒及薯條做得有水準，二百幾蚊一個牛扒算做得出色，但套餐的龍蝦湯太稀又唔熱，服務員對食物知識不足，我地問Rib-eye好定Sirloin Steak好食啲，服務員話佢唔知，但一般客人會點rib-eye或者西冷扒⋯⋯ 咁即係無答過囉，我同朋友即刻呆咗⋯⋯ 明顯服務員連sirloin係西冷既英文都未知，所以總括食物、環境、服務都係好一般。

樓上cafe ，環境優雅，價錢不算太貴，四個人二百幾！👍🏻但係個墨魚汁意大利的飯真心吾得 d飯好硬 已經叫左佢再煮 其實都係硬，之後佢解釋佢地d飯係比較硬身 同埋用墨魚汁煮 係咁樣😲😲😲即係d汁 定係飯既問題呢？

之前路過銅鑼灣, 就搵下有冇平小小嘅Lunch食, 見到依間價錢ok,就試下😙茄汁海鮮意大利飯 $60茄汁味好重, 但意大利飯偏硬, 可能係我食唔慣意大利飯嘅口感, 食左幾啖已經食唔落😥意式牛柳意大利粉 $55牛柳好淋, 意大利粉煮得岩岩好, 味道一般, 唔算太特別☺車打芝士牛肉漢堡 $78依個漢堡包好好食, 個包好軟, 牛肉味好突出, 再加埋芝士, 依個配搭真係一流, 而薯條有加黑椒, 食過返尋味, 真係唔錯👍可遇不可求  (跟餐$25) $38聽個名"可遇不可求"都唔知係咩野飲, 其實依杯係由Peach, Peach purée, Grenadine, Lime, Juice, Ginger, Ale整成, 味道好清新, 酸酸甜甜的, 好重桃味👍