影片
更多
2018-01-09
372 浏览
從來喺OpenRice都只係做CD-ROM，只係會睇comment，但呢間餐廳嘅質素令我不得不寫下第一篇食評。朋友同我補祝生日，佢比左幾間餐廳我揀，最後我選擇左呢間環境好似幾好嘅neighbor作為我地嘅晚餐地方。當晚我地order左 黑松露卡邦尼意粉 嘅set、芝士三重奏pizza、焦糖熱朱古力，同埋榛子熱朱古力。首先嚟到嘅係set嘅湯，同凱撒沙律(因為呢兩樣個賣相好一般，無影到相)個湯店員無講過係咩湯，我 亦 都 飲 唔 出 係 咩 味，只係飲到好重嘅胡椒味，我飲左2啖就放棄左。至於個凱撒沙律... 超 濕 ！除左啲凱撒汁之外，每塊菜都有好多好酸嘅水(碗沙律有1/4都係水，最底嘅菜係比呢啲不知名嘅水浸住)，同埋啲菜有一陣陣嘅苦味。兩杯熱朱古力，糖漿分開放。諗住試下杯朱古力甜到如何，先決定落幾多焦糖。但本身杯朱古力已經好夠甜，似乎已經唔可以再落焦糖..最後我無落過糖漿，飲呢杯原味朱古力。主菜黑松露卡邦尼意粉，黑松露無黑松露味，卡邦尼又無卡邦尼味，完全唔知呢碟係咩！意粉質感更加唔識形容，一半硬、一半軟。成碟野只係得啲雜菌最正常.....到重頭戲：芝士三重奏pizza一上枱見到好多好多芝
朋友同我補祝生日，佢比左幾間餐廳我揀，最後我選擇左呢間環境好似幾好嘅neighbor作為我地嘅晚餐地方。
當晚我地order左 黑松露卡邦尼意粉 嘅set、芝士三重奏pizza、焦糖熱朱古力，同埋榛子熱朱古力。
首先嚟到嘅係set嘅湯，同凱撒沙律(因為呢兩樣個賣相好一般，無影到相)
個湯店員無講過係咩湯，我 亦 都 飲 唔 出 係 咩 味，只係飲到好重嘅胡椒味，我飲左2啖就放棄左。
至於個凱撒沙律... 超 濕 ！除左啲凱撒汁之外，每塊菜都有好多好酸嘅水(碗沙律有1/4都係水，最底嘅菜係比呢啲不知名嘅水浸住)，同埋啲菜有一陣陣嘅苦味。
兩杯熱朱古力，糖漿分開放。
諗住試下杯朱古力甜到如何，先決定落幾多焦糖。
但本身杯朱古力已經好夠甜，似乎已經唔可以再落焦糖..
最後我無落過糖漿，飲呢杯原味朱古力。
焦糖熱朱古力
18 浏览
0 赞好
0 留言
主菜黑松露卡邦尼意粉，黑松露無黑松露味，卡邦尼又無卡邦尼味，完全唔知呢碟係咩！
意粉質感更加唔識形容，一半硬、一半軟。成碟野只係得啲雜菌最正常.....
到重頭戲：芝士三重奏pizza
一上枱見到好多好多芝士，作為芝士控嘅我見到好興奮，點知放入口先知係惡夢嘅開始....
超 級 酸 。
真係眼都擘唔大，好似食緊檸檬咁。我真係無誇張到，酸嘅程度係真係令到你擘唔大隻眼！同店員講返呢個情況，佢解釋入面有隻芝士係用羊奶做，所以會有陣羊羶味。但....我地食到係不折不扣嘅酸未呀....
之後該名店員話拎返個pizza入廚房問下。幾分鐘之後有一個senior啲嘅店員拎返我地岩岩拎左入廚房嘅pizza出嚟，話呢個pizza入面有blue cheese，所以係會酸啲。
我同朋友對望左好耐，最後答佢：哦。
如果係咁，不如呢個pizza唔好咁芝士三重奏，索性叫blue cheese好了，反正除左酸味之外你根本食唔到任何芝士味.....
黑松露卡邦尼意粉、芝士三重奏pizza
35 浏览
0 赞好
0 留言
由於實在太失望、實在唔可以再食多塊，我地決定埋單離開去第二度食嘅時候，店員都有問駛唔駛換過另外一個pizza。由於我地真係未飽，所以決定比多次機會，換左個最唔會出事嘅夏威夷pizza。
15分鐘後嚟到嘅夏威夷pizza，中規中矩。
坦白說見到啲芝士我都有啲驚，不過今次好正常
塊pizza皮係好味嘅！
夏威夷pizza
16 浏览
0 赞好
0 留言
原來我朋友為我order左生日甜品，唔，係一個唔知咩味嘅雪糕配蜂蜜蛋糕咁上下。食左3、4啖就真係埋單走了。(詳情如下)
生日甜品
45 浏览
1 赞好
0 留言
其實一間由前菜、湯、主菜、飲品、甜品都可以咁「出色」嘅餐廳實屬難得，食完餐飯我無嬲，只係好愕然點解會比我遇到。我相信貴餐廳一定有可取之處先可以喺銅鑼灣食店林立嘅地區站得住腳，加上OpenRice咁高rating，我相信我今餐純粹個別例子。嗯，係我唔好彩姐。一定係除非唔係。
P.S 喺openrice見到餐廳營業時間係到24:00，可能仲未update？因為未到22:00我同朋友影緊相，仲未食完甜品，佢地啲staff已經喺到掃緊地。當然我唔係想阻任人收工，但喺無通知客人已經last order嘅情況下，無啦啦喺我地面前掃地...又係咩玩法？
张贴
