My Wish Dessert Shop (已結業)

第一次去食嘅呢間小店甜品，係女人街入面，在好出名威威唱片店斜對面，小店精緻而合理價錢，大家可以去試試，等齊人叫嘢食，老闆送來一個兒時回憶甜品，又靚又可愛又特別，大家可以去試吓估吓係咩嚟😄，食入口幾得意🥰，跟住我叫咗個芒果拿破崙跟埋雪糕，小店自家製作，已買少見少喇，我不喜歡太奶嘅甜品，所以個雪糕我轉了芝麻味，一試難忘，其實都想試埋其他，但真係飽肚，所以我決定留返下一次再嚟食過😂，整體來說👍👍大家一齊#支持小店

經過幾次都無入過去係因為覺得少少迫，難得今日路過只有一枱客，所以終於入左去試。食物款式不多，我和媽媽各自點了‘焦糖燉蛋配紅豆雪糕夾餅’，每款甜品的雪糕都可自選味道。我點了‘法式吐司配豆腐雪糕’。甜品前老闆送了一個前菜甜點至我們，叫我們試完估下個甜點是什麼，當然最後估岩一半。是山渣味的流心朱古力，入面個山渣係液化左，感覺好得意。後來老闆走出來解釋呢個構思係想同我地食客可以一齊走回過去，回憶返以前小時候的味道，我覺得好有意思哦。媽媽的‘焦糖燉蛋配紅豆雪糕夾餅’好好味，個夾餅脆卜卜，好香口，燉蛋亦都好滑好香。我的‘’法式吐司配豆腐雪糕‘’，吐司好厚身，但鬆化軟熟，食的時候還是熱烘烘的，配埋雪糕冰火的口感，真的好爽，好滿足。（牙齒敏感的朋友不建議了）兩杯清水都有好fresh的lemon味，感覺到每一樣事情都好用心，謝謝這麼好的美食，大滿足。

好食會再去。朋友叫過外賣話好食。仲要包得好好。叫我去試下。我心諗既然外賣都好食。堂食可能仲正。今日有時間即刻去試試。餐牌簡單但精。唔係大部分糖水舖咁由中到西都有。不過今日一心想食西多。所以好快咁決定到要咩。服務好好。最緊要係D食物present 得好好。好靚叫左西多同蘋果批。兩樣都好好食。雪糕今日有豆腐。芝麻同青蘋果。要左豆腐同青蘋果。雪糕係我最愛。唔太甜但好有豆腐同蘋果香。由於所有野都即做。大家唔好太心急。兩個人連埋野飲$139 有時間會再去食

今次已經係第三次嚟啦，本身今次想試拿破倫，但最後都係叫返吐司，因為實在太好食😋今次試左紫薯法式吐司(因為冇相喺manu度上兩次睇唔到🙄)，忍唔住要出返個post😂吐司上面既紫薯唔會太甜又有紫薯味，吐司又外脆內軟，真係好正，不過係要等耐小小......如果可以快小小就perfect 😆仲有個68度朱古力都好好飲，因為最近突然鍾意熱朱古力，去親cafe餐廳都會叫，呢間既熱朱古力都應該係我試過咁多間排頭三名既其中一間！

上星期喺IG見到有人post story，知道依間甜品店新開張，所以今日就過嚟試吓。我叫咗栗子法式吐司配抹茶雪糕+熱嘅68度朱古力。栗子配吐司感覺幾特別，離遠睇吐司上面嘅栗子有啲似意粉🤣，味道唔錯。68度朱古力幾好飲，唔會太甜值得一試。店內環境乾淨整潔，雖然地方唔大但都坐得舒服，而且仲有個籃仔可以用嚟放個人隨身物品。另外店員都好nice，服務態度一流👍👍👍，仲有食物價錢方面又唔貴，物超所值，所以下次會再去😆

好耐末去過旺角，今日同朋友經過女人街，發現一間新開的甜品舖。朋友表示想試一下，店舖簡約帶點和風，還播放日文歌曲。食物方面主打是甜品，我們點了一個芒果熱情果奶凍：- 杯凍西柚檸檬茶，感覺好清新又不會太甜。老闆很好人，說新店剛剛開張給我們特別做多一個特別甜品問我們有布興趣，那當然是好啦！甜品一放上枱，嘩！係一個好似 Love Generation 嗰張 poster入邊嗰個青蘋果咁，晶凝通透，外邊應該是糖膠造的。一問之下老闆說是吹出來的糖膠，即係好似吹玻璃咁樣的。他還說這個甜品很難做而且要六星級酒店才有得吃，呢個青蘋果甜品真係冇得輸，好好味。今天實在太幸福，可以跟朋友一邊聊天一邊吃好味的甜品。

食完飯行過女人街想坐低搵杯嘢飲，本來冇諗住入呢間，但附近有冇其他想入嘅所以就試一試。先講員工，店長好開心、你講乜嘢佢都係咁笑。小店員好有禮貌，好樂意講解食物俾你聽。老闆亦都超好人，仲送咗幾件甜品俾我哋食。食物方面叫咗杯65度朱古力，唔係太甜又唔係熱到入唔到口，一定要試！老闆送嗰個甜品唔喺Menu度，係專登整俾我哋食，亦都唔會死甜，好好味😋再講地方，雖然店舖少少得幾張枱，但係好乾淨。仲有個洗手間喺入邊亦都非常之清潔。