影片
以上资料只供参考，请与餐厅确认详情
食家推介
🤭系旺角夜缤纷一下 扮下游客系旺角穿梭 行下啲露天摊档 呢啲天气行都几舒服 不过有伟大嘅淘淘之下 其实都好少会帮衬呢啲档仔 因为大部分野都熟口熟面😛行行下突然见到一间食冰嘅甜品舖😍 心动💓…..不如行动😛入到小店 有种温馨嘅感觉 而佢地墙上拣嘅画作好有趣😬 有啲意思 同温馨感觉有种反差感 觉得几特别 因为晚餐食得都饱饱地🙃 所以只能够两个人share一款冰 过下口瘾 朱古力味最稳阵 完全唔需要挣扎 一路等一路欣赏周围环境 不知不觉 觉得个氛围有种幸福感….🥰🍫香浓朱古力 香橙味刨冰 $68一见到呢款刨冰呈现系我眼前 我即心心眼😍 影完相打卡试味😋 嗯..我未食过呢种橙嘅清甜味….(我承认我见识少)…好Fresh我好钟意🫶🏻 仲有朱古力脆粒 好脆好好味 唔会好甜 而刨冰上面嘅朱古力酱唔系个啲死甜嘅假糖浆味 成个甜品我都好钟意 希望下次可以再试佢地其他甜品🍧🫰🏻
继续阅读
【平民价就食到酒店级甜品👅😳】/////今个月朋友生日 小编上网揾到呢间有堂食又可以订原个蛋糕嘅餐厅🎂堂食有雪糕夹饼、用热铁板上嘅多士同火山形心太软 好想试啊😁拿破仑蛋糕有好多水果 加埋闪闪金箔 厨师系酒店级果然有质素保证 真材实料～.👉🏻士多啤梨拿破仑 (一磅 $320)款式可以拣士多啤梨/栗子芒果/紫薯豆腐…几层酥皮上有大量士多啤梨🍓同蓝莓🫐 水果唔系当造季节都保持鲜甜爽口用左金箔装饰蛋糕 打卡之选🤍酥皮脆身 散发牛油香气(˶‾᷄ ⁻̫ ‾᷅˵)夹住小店自家吉士酱 甜度比出面低啲！四人份量做甜品好饱好满足😜———📍My Wish Dessert Shop旺角通菜街34号
继续阅读
好耐都无黎呢间甜品店，每次都好满意，甜品非常美味，系用心经营的小店。 简约干净的枱櫈，坐得舒服唔算好迫。点餐后，送上冰冻薄荷柠檬水，很贴心。店内用即弃木餐具，好卫生，又提供纸巾。卖相好靓，店员温馨提示，小铁锅好热，要小心。咁我慢慢影相打卡都得，因为小铁锅可保持吐司热度，到我食个时都仲热辣辣，系温暖的甜品。苹果法式吐司 $69提供左蜜糖俾客人自己加，我喜欢较甜，所以都加左好多蜜糖，充满甜蜜的香气。苹果加左肉桂带有独特香料味，质感保持微爽口苹果肉，好夹吐司。苹果脆片装饰靓，入口轻薄脆，好味呀。吐司软绵绵富浓郁蛋味，边位微脆。拣左蕃薯雪糕，味道突出又香，仲有蕃薯粒系雪糕中，小装饰也非常美。芒果拿破仑 $65每次必食的拿破仑，非常脆薄轻盈，食完唔腻，而且味道平衡。吉士细滑不腻，加香甜芒果肉同绵滑cream，仲有入口脆卜卜即化的拿破仑，完美。配朱古力都好夹，雪糕有朱古力碎，系高质味道好。
继续阅读
前五星级酒店饼厨主理 平民价钱享受五星级高质甜品🌟一落完单，个staff就送上一碟迷你甜品，叫我地估下系咩味🤔仲细心咁提醒我地隔离嘅石仔唔可以食🤭我食出系榛子朱古力味🍫最后同返我地讲谜底，原来系金莎🙈哈哈 个过程都几得意 睇得出用左心机☺️🔻提拉米苏法式吐司 💰65 ➡️8.5/10啱啱上果阵，啲mascarpone cheese仲一大旧咁起个吐司上，冇过几耐，吐司嘅热力就令cheese融化😝热辣辣香脆嘅吐司被cheese浸透一半，品尝一啖，就可以同时食到湿润同酥脆嘅口感😋一次过将浸透芝士同雪糕嘅吐司摆落口，有冰火两重天嘅感觉，真系好幸福啊🥰吐司上仲有浸左咖啡嘅手指饼，有淡淡嘅咖啡味，不过咖啡味有d淡，如果可以再浓d就好啦🙈🔻特浓朱古力心太软 💰65 ➡️7.5/10特浓朱古力一切开，心太软入面嘅朱古力酱就好似火山熔岩咁涌出来，朱古力香滑浓郁，用左浓度70%以上嘅朱古力🍫个甜度啱啱好，唔会觉得好滞！个底铺满oreo脆脆，同心太软一齐食，口感非常丰富😋心太软仲有伴上cream，雪糕同🍓同🫐，令到个味道唔使咁单一😝每款甜品都有附送一球雪糕，果日有黑芝麻、朱古力同咖啡🍦整体黎讲真系一间好令人惊喜同高质嘅甜品店，十分值得推荐👍🏻繁忙时间，例如星期六日，都要每位order一份甜品或者野饮㗎，唔好食太饱去啦🙈👅味道：8/10💡抵食：9/10📌环境：7.5/10
继续阅读
第一次系同老公无意中发现初头老板经常会同大家分享一D儿时回忆，系你叫左野食后，会上一款小甜点比你估系咩嚟，仲有答案，最初系山楂饼，榛子朱古力，白兔糖，真心觉得好有心，跟住带左唔同朋友嚟食，以下几款系我成日叫。同埋坐低无耐会有一樽薄荷橙水，两个纸杯大家自己斟紫薯芒果白玉泡泡有比埋饮管你到最后可以啜埋冰水主要头顶豆腐泡泡绵滑细腻紫薯好浓郁，D冰你会食到薄荷橙味，就系店员比你果樽水既味，有别于其他铺头冰就系普通既水焦糖炖蛋（配红豆，雪糕夹饼）雪糕每日都有唔同口味焦糖炖蛋蛋系比较滑，食落仲会见到有云尼拿籽，所以好香夹饼系我至爱，个饼好脆，红豆同吉士唔会太甜，食晒成个都唔觉得腻芒果热情果奶冻配雪糕（平时系得一球）点解相有两球呢？因为老板摆错雪糕，送番球啱既，其实就系同我果球调转左，我地完全可以自己调番转，但老板直接送多球另外奶冻外形超似玉子豆腐栗子批配迷你豆腐泡筒超可爱～呢篇系二合为一～太好食成日唔记得写今次一次过
继续阅读