My Wish Dessert Shop (已結業)

🤭係旺角夜繽紛一下 扮下遊客係旺角穿梭 行下啲露天攤檔 呢啲天氣行都幾舒服 不過有偉大嘅淘淘之下 其實都好少會幫襯呢啲檔仔 因為大部分野都熟口熟面😛行行下突然見到一間食冰嘅甜品舖😍 心動💓…..不如行動😛入到小店 有種溫馨嘅感覺 而佢地牆上揀嘅畫作好有趣😬 有啲意思 同溫馨感覺有種反差感 覺得幾特別 因為晚餐食得都飽飽地🙃 所以只能夠兩個人share一款冰 過下口癮 朱古力味最穩陣 完全唔需要掙扎 一路等一路欣賞周圍環境 不知不覺 覺得個氛圍有種幸福感….🥰🍫香濃朱古力 香橙味刨冰 $68一見到呢款刨冰呈現係我眼前 我即心心眼😍 影完相打卡試味😋 嗯..我未食過呢種橙嘅清甜味….(我承認我見識少)…好Fresh我好鍾意🫶🏻 仲有朱古力脆粒 好脆好好味 唔會好甜 而刨冰上面嘅朱古力醬唔係個啲死甜嘅假糖漿味 成個甜品我都好鍾意 希望下次可以再試佢地其他甜品🍧🫰🏻

【平民價就食到酒店級甜品👅😳】/////今個月朋友生日 小編上網搵到呢間有堂食又可以訂原個蛋糕嘅餐廳🎂堂食有雪糕夾餅、用熱鐵板上嘅多士同火山形心太軟 好想試啊😁拿破崙蛋糕有好多水果 加埋閃閃金箔 廚師係酒店級果然有質素保證 真材實料～.👉🏻士多啤梨拿破崙 (一磅 $320)款式可以揀士多啤梨/栗子芒果/紫薯豆腐…幾層酥皮上有大量士多啤梨🍓同藍莓🫐 水果唔係當造季節都保持鮮甜爽口用左金箔裝飾蛋糕 打卡之選🤍酥皮脆身 散發牛油香氣(˶‾᷄ ⁻̫ ‾᷅˵)夾住小店自家吉士醬 甜度比出面低啲！四人份量做甜品好飽好滿足😜———📍My Wish Dessert Shop旺角通菜街34號

好耐都無黎呢間甜品店，每次都好滿意，甜品非常美味，係用心經營的小店。 簡約乾淨的枱櫈，坐得舒服唔算好迫。點餐後，送上冰凍薄荷檸檬水，很貼心。店內用即棄木餐具，好衛生，又提供紙巾。賣相好靚，店員溫馨提示，小鐵鍋好熱，要小心。咁我慢慢影相打卡都得，因為小鐵鍋可保持吐司熱度，到我食個時都仲熱辣辣，係溫暖的甜品。蘋果法式吐司 $69提供左蜜糖俾客人自己加，我喜歡較甜，所以都加左好多蜜糖，充滿甜蜜的香氣。蘋果加左肉桂帶有獨特香料味，質感保持微爽口蘋果肉，好夾吐司。蘋果脆片裝飾靚，入口輕薄脆，好味呀。吐司軟綿綿富濃郁蛋味，邊位微脆。揀左蕃薯雪糕，味道突出又香，仲有蕃薯粒係雪糕中，小裝飾也非常美。芒果拿破崙 $65每次必食的拿破崙，非常脆薄輕盈，食完唔膩，而且味道平衡。吉士細滑不膩，加香甜芒果肉同綿滑cream，仲有入口脆卜卜即化的拿破崙，完美。配朱古力都好夾，雪糕有朱古力碎，係高質味道好。

前五星級酒店餅廚主理 平民價錢享受五星級高質甜品🌟一落完單，個staff就送上一碟迷你甜品，叫我地估下係咩味🤔仲細心咁提醒我地隔離嘅石仔唔可以食🤭我食出係榛子朱古力味🍫最後同返我地講謎底，原來係金莎🙈哈哈 個過程都幾得意 睇得出用左心機☺️🔻提拉米蘇法式吐司 💰65 ➡️8.5/10啱啱上果陣，啲mascarpone cheese仲一大舊咁起個吐司上，冇過幾耐，吐司嘅熱力就令cheese融化😝熱辣辣香脆嘅吐司被cheese浸透一半，品嚐一啖，就可以同時食到濕潤同酥脆嘅口感😋一次過將浸透芝士同雪糕嘅吐司擺落口，有冰火兩重天嘅感覺，真係好幸福啊🥰吐司上仲有浸左咖啡嘅手指餅，有淡淡嘅咖啡味，不過咖啡味有d淡，如果可以再濃d就好啦🙈🔻特濃朱古力心太軟 💰65 ➡️7.5/10特濃朱古力一切開，心太軟入面嘅朱古力醬就好似火山熔岩咁湧出來，朱古力香滑濃郁，用左濃度70%以上嘅朱古力🍫個甜度啱啱好，唔會覺得好滯！個底鋪滿oreo脆脆，同心太軟一齊食，口感非常豐富😋心太軟仲有伴上cream，雪糕同🍓同🫐，令到個味道唔使咁單一😝每款甜品都有附送一球雪糕，果日有黑芝麻、朱古力同咖啡🍦整體黎講真係一間好令人驚喜同

第一次係同老公無意中發現初頭老闆經常會同大家分享一D兒時回憶，係你叫左野食後，會上一款小甜點比你估係咩嚟，仲有答案，最初係山楂餅，榛子朱古力，白兔糖，真心覺得好有心，跟住帶左唔同朋友嚟食，以下幾款係我成日叫。同埋坐低無耐會有一樽薄荷橙水，兩個紙杯大家自己斟紫薯芒果白玉泡泡有比埋飲管你到最後可以啜埋冰水主要頭頂豆腐泡泡綿滑細膩紫薯好濃郁，D冰你會食到薄荷橙味，就係店員比你果樽水既味，有別於其他鋪頭冰就係普通既水焦糖燉蛋（配紅豆，雪糕夾餅）雪糕每日都有唔同口味焦糖燉蛋蛋係比較滑，食落仲會見到有雲尼拿籽，所以好香夾餅係我至愛，個餅好脆，紅豆同吉士唔會太甜，食晒成個都唔覺得膩芒果熱情果奶凍配雪糕（平時係得一球）點解相有兩球呢？因為老闆擺錯雪糕，送番球啱既，其實就係同我果球調轉左，我地完全可以自己調番轉，但老闆直接送多球另外奶凍外形超似玉子豆腐栗子批配迷你豆腐泡筒超可愛～呢篇係二合為一～太好食成日唔記得寫今次一次過

暫時認為是最有心思的甜品店 有各款台式口味厚多士 例如提拉米蘇 香蕉 忌廉芝士等 配上自選口味雪糕 吐司各有不同味的調味醬和生果 可說是CP值極高😚偶爾會遇到甜品上餐前的小遊戲環節 中獎的話會有甜品送呢 不過要碰碰運氣🍀餐廳還有其他類型的甜品 例如刨冰 心太軟 拿破崙 焦糖燉蛋等 絕對會回頭繼續吃😝栗子法式吐司 [$73]栗子蓉的份量鋪滿整個法式吐司呢 裏面也不會用忌廉佔據空間 表面有幾件生果肉和甘栗🌰 吃下去栗子蓉用材不錯 沒有一點假假的甜味 加上楓糖漿後 真的很像日式咖啡屋裏的甜品呢😍法式吐司應該是用了丹麥酥麵包 本身加入大量牛奶和蛋漿 沒有負擔感超重的牛油味 吃下去有點像暖暖的麵包布甸🥧雪糕的話選了忌廉曲奇🍦除了雪糕球以外會配上大量曲奇碎 雪糕球也不會很快溶雪得很硬🤎忌廉芝士法式多士 [$69]切開來的時候 表面的忌廉會好像岩漿西多士般 有流心的效果！另外可以滴上新鮮檸檬汁 吐司加上忌廉芝士的關係 吃下去牛乳味超重 又有點像檸檬芝士味蛋糕🍰 至於雪糕選擇了朱古力味 朱古力味道介乎黑朱古力程度 裏面有粒粒朱古力🍫就是一個飽肚滿分 吃完有幸福感的甜品😚

魔鬼朱古力法式吐司🍞雪糕口味可以自選，選了咖啡味☕️十分香滑👍吐司剛出爐超級熱辣辣，朱古力醬很濃但不會太甜，還有幾粒焦糖脆脆和爆谷做點綴🫰🏻栗子拿破崙🌰雪糕也是選咖啡味✌🏻酥皮夾著軟滑吉士醬，口感鬆化❤️栗子蓉的份量和圖片一樣多，香甜可口👍店員態度很親切友善🫰🏻推薦❤️

有一晚同朋友去旺角食飯，食完想食甜品，所以即興揾左呢間叫My Wish嘅甜品舖☺️等左一陣就入得😛佢啲choice都好多，有唔同口味嘅冰、法式吐司、焦糖燉蛋咁😊真係花多眼亂😆🔻🔸特濃朱古力心太軟 $69心太軟當然要配個雪糕球啦🤣我地揀左曲奇口味，一冷一熱嘅配搭真係好正😌隔離仲有一大pat cream😆好食🔻🔹芒果拿破崙配芋頭雪糕 $65呢次個雪糕就揀左芋頭味😋拿破崙好脆，中間夾住啲吉士醬，最頂仲有一粒粟子咁，好match好食😋🔻🔸紫薯芒果白玉豆腐泡泡 $68呢個甜品都好出色，紫薯味好重，個冰中間仲有啲芒果，芒果超甜，側邊仲有幾粒白玉😍夏天食好爽👍🏽

All you need to know…as I had dined in and had numerous takeaway experience with this joint😝 love it! 1. A small shop in the MK neighborhood~ ❤️ 2. Very nice people work there + the chef was awesome!! 😘3. If you like Tony Wong, you won’t be disappointed! 😚 And once you try this shop’s Napoleon. It’s 10X better and with a very reasonable price!! 🤩🤩 The custard was soooooo yummy and not too sweet 🤤4. Even you put the Napoleon in the fridge for whole day, it’s still so crunchy! Amazing! 🤩5. Amazing

係旺角食完晚餐 明明好飽但又口痕想食下甜野果然甜品係有第二個胃🤣🤣係女人街無意中發現到哩間甜品店～▫️提拉米蘇法式吐司🍞 $59貼心既係用熱鐵Pan上 保持吐司既溫度！上面擺放左手指餅 每啖都充滿咖啡味 配埋表面既可可粉👍🏻而吐司一切開D忌廉流哂出黎🤤仲配埋雜莓+雪糕🍦雪糕口味有得選擇 今次揀左朱古力🍫▫️草莓忌廉芝士冰🍧 $58草莓醬岩岩好 唔會太甜 配埋忌廉一齊食👍🏻刨冰夠碎😌唔會大大粒咁旁邊有新鮮士多啤梨🍓同藍莓🫐仲有D士多啤梨乾配搭🔸總結．甜品店主打西式甜品，雖然店舖較細 但都有4-5張枱 坐得都唔會太逼．價錢算平價，甜品足料👍🏻 份量岩岩好～．除左吐司🍞之外 拿破崙都比較出名，有機會下次會試埋拿破崙😛

－路以嚟都好欣賞呢間小店，食過幾次。覺得佢哋有心思，甜品好好味，睇得出真係好有heart去造甜品。 今年生日即管訂一個自己大愛既芒果栗子拿破崙蛋糕🎂包裝送埋好精美－對蝴蝶🦋超贊👍🏼👍🏼👍🏼

經過旺角，見到有一間好靚嘅甜品店，就嗌咗個紫薯刨冰同栗子批。個職員講嘢完全聽唔到，佢講嘢含糊不清，我同朋友都聽得好辛苦。首先，個紫薯刨冰有一浸奇怪薄荷味，加上啲冰好硬，紫薯完全冇味，芒果同紫薯完全唔夾。然後，栗子批個餡得好少，亦都唔係太食得出栗子味。舖頭送嘅餐前同餐後小食，一個係金莎朱古力，另一個係曲奇雪糕筒，上面有豆腐泡沫，我同朋友都想食咗甜品先，所以將佢哋擺埋一邊，然後職員用質疑態度，問我哋「你哋係咪唔食啊？」。 最後都覺得兩個甜品唔抵食，餐前同餐後小食都一般。

朋友介紹咗依間旺角甜品店，冇諗過咁平都咁足料 😗坐低叫完甜品之後，staff就上咗個小食，話係廚師請我哋食，有關於廚司嘅童年回憶，叫我地估下，佢係一塊薄片皮住小許忌廉🫡 食落有小小白兔糖嘅味，點知原來真係由白兔糖做inspiration 嘅小食🤩仲送咗我哋每人一粒白兔糖佢嘅法式吐司全部都係用同一個底，但係有配搭❤️‍🔥日式紫薯法式吐司 $59係紫薯上面放咗一隻用糖整成嘅蝴蝶 同埋幾款水果 🤍賣相超級吸睛 旁邊配咗忌廉同埋小小嘅糖漿 ，好足料🫶🏻忌廉芝士法式吐司 $65 呢一款醬真係令到你有一種感覺係食緊忌廉芝士 ，但係因為佢配左有檸檬汁喺旁邊，所以就唔會好漏😗提拉米蘇法式吐司 $65提拉米蘇嘅醬比較多，所以切開嘅吐司可以每一面都沾滿晒啲醬🤩但有淡淡嘅咖啡味同埋可可粉 🫡再加上配上左手指餅，可以食到有唔同嘅層次😍栗子拿破崙 $65依家款拿破崙真係可以話係性價比極高，個酥皮厚度適中🫰🏻中間栗子嘅餡同街外嘅有少少唔同，口味比較清新，唔會好似坊間嗰啲死甜死甜 😍椰子雪糕 依一款雪糕好有驚喜，甜甜地嘅椰子雪糕上面配上咗一啲椰片🤩抹茶雪糕正正常常，冇乜特別朱古力雪糕除咗有好濃郁嘅雪糕底之外，裏面亦都

今晚係旺角搵到間超正甜品店，店子細細有4-5張枱，但精緻美觀，好多貼心野，店主好有心機。甜品店主打西式甜品，有拿破崙、心太軟、法式吐司等等，仲有刨冰。點完甜品，店員送上小甜點，連紙一口食，張（紙）食得，店員會講解食法。味道係兒時回憶的味， 食完一陣就會開估，送上實物糖果，想知就去試下啦。芒果拿破崙賣相精美吸引，拿破崙輕盈薄脆，入口好有層次，非常酥脆，吉士幼滑柔軟，配芒果一流，今日嘅芒果微酸帶果香，果肉香軟，旁邊的cream都有驚喜，好輕好軟唔膩，而且很有奶香，食得出高質。雪糕可揀味道，我地揀抹茶味，有茶甘清香，奶味濃，口感味道都很好。提拉米蘇法式吐司用熱鐵pan上，保持暖熱好岩冬天食，法式吐司係厚切，吸滿蛋汁好香，做到好似蛋糕口感，好light無負擔。手指餅有咖啡酒味，更貼切Tiramisu 味，面層係Tiramisu ，有齊蛋、奶、芝士味，配生果食酸甜剛好，跟朱古力雪糕食超夾。服務有禮又細心，甜品高質有水準。

好難食，奶凍硬，類似食緊龜苓膏，冇奶凍應有嘅香滑。甜品雖然叫芒果熱情果，但食落都只係有陣化學味。雪糕好似打咗啲化學香味咁，完全冇味，無論係綠茶雪糕、定咖啡雪糕。如果淨睇賣相同價錢係好吸引！拿破崙上嘅栗子蓉味道正常，但係酥皮唔夠層次，加埋吉士醬同栗子蓉一齊食，感覺唔夠鬆脆。而且酥皮上面嘅焦糖要仔細睇先見到有少少反光，食唔到焦糖嘅脆口同甜味。雖然用前五星級酒店餅廚主理做招徠，但食物水準都係平平無奇。但服務係ok嘅。