My Burger (東廣場)

营业中

休息中

今日黎到觀塘～首先要食個豐富早餐，原本想食果間，openrice顯示十點開，但我地九點幾去到未開既！？咁唯有其他囉🙈誤打誤撞就去左呢間到食，十點左右又幾爆場喎😅同男朋友叫左兩個餐一齊分享👉🏻蕃茄濃湯通心粉配炒蛋及牛餐肉$32通粉偏硬少少，我比較鍾意稔身啲既～至於湯底都有蕃茄味既，覺得甜左啲囉🤣🤣我諗都係罐頭湯啦～炒蛋幾滑，半熟既仲有啲蛋汁😚午餐肉外皮炸到幾香脆，而且幾大舊，幾歡欣架！！👉🏻淑女早餐$59有炒滑蛋、沙津菜、幾香既磨菇洋蔥，少少蒜蓉既法包、幾juicy既芝士腸、烤蕃茄，烤栗米、兩塊煙肉，呢個價錢都算豐盛架，係個底油左啲😅誤打誤撞都入到呢間餐廳，我覺得都ok ge😌附近返工既朋友不坊一試喎☺️

今日特別幫襯，每次行經都多人，以為公眾假期例外，點知到晚飯時段都是多人，幸好今日食早場，6點鬆D到，唔駛等位。在餐牌前考量一陣，最後堅決試下牙買加雞及大隻佬，我自認比較麻煩，沙律醬另上，個包又要走醬，但my burger都一一做到。先上沙律，我個人認為份量偏少，之後大隻佬到，試了一口，感覺很有層次，又軟，又熱，又脆，又硬，好特別！喜歡他們用紅菜頭代替青瓜。整體味道不錯。而牙買加漢堡就堅辣！係我的口味，冇揀錯；雖然我的包走醬，但味道都很好。薯條都是新鮮炸。一個正字。

想食好食嘅漢堡包唔洗過海，觀塘東廣場呢間小店覺得都唔錯！菠蘿烤雞漢堡🍔🐥🍍唔想成日食牛肉，試吓佢嘅烤雞漢堡。見到小店嘅廚房都幾細，只有兩個人係入邊，所以order左後都要等一等。🐥烤雞非常大塊，面積係超出過個包。烤雞嘅皮煎得很脆，入邊嘅雞肉嫩滑得爆汁，由於新鮮熱辣所以好好食。🍍菠蘿都有煎過，配上沙律醬，同烤雞好夾😍仲有一塊爽脆嘅生菜🥬罪惡感無咁深.唯一意見係呢度只提供膠嘅刀叉😟唔環保之餘完全切唔到個包😢女仔食有啲 ‘lei hea’.撇除呢一樣，睇得出店家好用心煮同招待客人，大家多啲支持啦🥳

近排經常係觀塘發掘美食，今次就想搵下有無漢堡，結果搵到呢間位於東廣場嘅My burger，東廣場地下比較似food court，有好多間小舖，各有風格，可以食多幾次。M burger 舖面細細，應該三至四十個座位，牆身好多牌嘅裝飾帶點美國style。食物方面，食burger 要食最基本嘅經典牛肉漢堡，仲有點咗大隻雞，一個加餐，配薯條同沙律。經典漢堡有芝士，牛肉漢堡，番茄，洋蔥，沙律菜。個包係有焗過嘅粉包，唔係一般嘅芝麻包，而且係輕輕焗過嘅，洋蔥方面原來係有炒過嘅，雖然個人口味比較喜歡生嘅紫洋蔥帶辣味做餡，而炒洋蔥就帶到甜味，至於牛肉無之前第二度食過嘅慢煮漢堡牛咁好味，但都算多肉汁同有牛味。大隻雞，齋睇個餒就已經爆晒出黎，原來對比之下個包都大個啲，同樣係輕輕焗過嘅粉包，入面有勁大塊雞扒，煙肉，太陽蛋，芝士，洋蔥，番茄，沙律菜，份量十足，夠晒男士食，舖頭好細心知道大隻雞份量大，所以加多支竹籤落去減少餡移位，值得加分。雞扒調味唔算濃，咬落去將全部嘅味道夾埋一齊非常滿足，唯獨係炒洋蔥汁蛋黃汁同雞扒汁加埋太豐富，就算攞住張紙包住黎食都會食到成手同成個餐盤都係汁。餐配嘅薯條係粗身連皮薯條，炸得剛剛

觀塘出曬名多工廈，但除左工廈之外呢都有唔少美食，今次介紹觀塘一間食物水平高既漢堡店，佢既價錢亦都唔算太貴，值得一試。😈-✨德州煙燻牛肉漢堡 $65（跟餐配薯條&餐飲$20）漢堡既size岩岩好，一啖可以食到曬所有材料。煙肉煎到非常之脆，牛肉係用坑紋鐵板黎煎，有少少焦香味，就咁睇都仲可以見到啲坑紋😋，牛肉唔算好厚但係肉汁好豐富。配料除左有蕃茄、生菜仲加埋德州辣醬係入面，惹味得黎亦都好夠辣。-✨芝士烤雞漢堡 $52雞扒烤得好嫩滑，味道方面岩岩好，又唔會醃得太過咸。配埋沙津菜同芝士幾match，配料仲有煎蛋同番茄，食完成個唔會太膩👍🏻另外，薯條炸得幾脆，但薯肉唔夠多，有唔少條薯條食落都好似空心咁，唔係好滿足。餐飲方面，是但叫左兩杯熱飲黎試，用現成茶包沖既，麻麻地但解油膩都唔錯。-依間漢堡店既食物水準算係幾高，而且漢堡既選擇都非常多，又有雞、牛、豬、海鮮等，甚至仲有埋素食漢堡🍔。野飲小食亦都係有好多選擇，人均消費大概$70到，經過觀塘既朋友不妨試一試。

有朋友話過呢間好食，今晚就嚟試試佢呢度係半自助嘅形式，先係櫃面落單，再拎號碼，等人送嚟誰不知幫我落單嘅叔叔轉過頭就係開放式廚房整order，搖身一變，變咗廚師，好surprised睇落似係老闆朋友叫咗個午餐肉burger，塊午餐肉都幾厚實，再加上層層嘅配料：蕃茄，芝士，洋蔥，patty，仲有新鮮生菜，望住都留哂口水口感層次好豐富，最特別嘅係連塊牛肉漢堡扒都有好濃烈嘅午餐肉味我就叫咗個蘑菇burger，個包咬落好鬆軟，係好啱我嘅口味本身已經係蕃茄上塗上黃芥末醬，加上蘑菇有汁好juicy，芝士呈半融化狀態食落好fresh又滿足跟餐加$20有薯條同嘢飲，薯條係粗直薯嘢飲就自己去雪櫃拎，有普通嘅汽水

突然想食burger 上網睇到呢間my burger 評價幾好就專程過黎試下叫左一個蘑菇牛肉漢堡 一個牙買加辣雞堡 +左20蚊叫左薯條+野飲蘑菇牛肉漢堡（$57) 不過不失 但唔值呢個價 包係幾軟 不過食落去搵唔到個包既重點薯條就係粗個種 夠熱夠脆 好食但最令人失望係佢個辣雞堡($49) 佢寫推薦就諗住唔伏啦 個樣睇落都ok 雞排大大件 但一食入口就知大劑調味重口味到極點 自問食野都唔係淡味 又食得辣都覺得太重手啲香料味勁到遮晒所有材料既味 食唔到雞味 番茄味 連包味都食唔到真心好失望 抱住食埋塊雞既心聲先勉強食晒啲雞 好後悔黎左 簡直浪費quota 時間同錢食m記好過 再唔係東廣場門口都有mos burger 仲抵食仲好味

偶爾來到觀塘的東廣場才發現是個很多美食店聚集的地方啊！我們這次就決定試試這間走澳洲風的漢堡包店，漢堡本身價錢很相宜，再加($20)就可以加配薯條和汽水。大隻佬漢堡果然配料多到爆：牛肉、芝士、流心蛋、煙肉、洋蔥、蕃茄、沙律菜、紅菜頭，盡全力張開口也不能把它完全放進口裡呢 哈哈！ 個人最喜歡流心蛋蛋汁和芝士滲入牛肉漢堡裡，配上超級鬆化的麵包，邪惡又滋味！另一個我們點的是蘑菇牛肉漢堡包，配料(牛肉、沙律菜、蕃茄、芝士、蘑菇、洋蔥)份量同樣是多到滿瀉！麵包鬆化又有牛油香，牛肉充滿肉汁，半溶芝士再配炒得超香的蘑菇和洋蔥，整體超配超美味！而我們就加了($25)配薯角和汽水，薯角炸的非常香脆又充滿薯香！

經過觀塘喺physical樓下見到好多嘢食可以選擇有間burger平平哋就入咗去但係都幾有驚喜個包皮係好特別其實唔係麵包質感好似脆卜卜咁仲有驚喜係個酸瓜因為我平時係唔鍾意食酸瓜但係呢個酸瓜係帶甜味所以我可能會為咗個酸瓜再去食多次

東廣場越開越多食肆，不過要數當中最好食嘅，都應該有呢間漢堡店份。大隻佬漢堡叫得做大隻佬漢堡，份量當然有返咁上下。漢堡十分足料同厚，除非再撳扁食，否則都冇可能一啖可以咬到曬成個漢堡。加廿蚊可以配套餐，有埋雞翼同埋飲品。

行經觀塘東廣場 見到一間漢堡包店🍔 店面細細 但裝修都幾吸引❤️ 好奇心下入去一試 餐牌上有各類型漢堡包 印象中價錢由$49-$78蚊不等 薯條🍟或沙律🥗就要另外配餐 一向鐘意食辣🌶既我 叫左個牙買加辣雞漢堡加薯條餐試下 其實一直都覺得香港啲漢堡包辣極都有限 但個包黎到之後 驟眼睇落性價比已經唔錯 個包都幾大個食過之後更加發現呢款辣雞漢堡竟然同平時食既唔同 佢係用左比較鬆軟既法包 再加上一塊大過個包既雞扒 雞扒唔係炸既 反而係用左好多特別既香料去煎製而成 一啖咬落去 肉汁🥩同辣味🌶 瘋湧而至 嗜辣既你 一定唔可以錯過 其實店家都幾細心既 漢堡包有用好大既紙包住 等你唔洗食得太輪盡 咬到個包散哂 啲汁又滴到成手都係 相信大家食完都應該會返轉頭 下次再有機會 應該會再試下大隻佬漢堡💪🏻🍔

I have had take out and dined in. The burgers are not the cheapest but they are extremely tasty. The place is really basic but what do you want when ordering a quick burger (the best burgers I have had in the east end of London have similar decor). The staff are very friendly and the food has never been a problem, everything is cooked to order so you have to wait a few minutes to get your food (this is not a bad thing).Good food and good vibe.

呢間漢堡店所有嘅漢堡都咁多汁肉厚，而且如果叫雞肉漢堡，多數都會大塊到突曬出黎😂，所以我每次都會叫雞肉漢堡～絕對可以被選為我最喜愛嘅漢堡店～烤雞漢堡 $46 + 菠蘿 $8 |包面脆但咬落鬆軟，如我所講雞堡係好大塊，會飛曬出黎！女仔只要唔叫薯條都應該食得曬，50蚊唔洗真係比起其他漢堡店抵食好多！有時覺得雞扒太濟，可以加埋菠蘿酸酸甜甜就可以解濟同開胃好多！磨菇牛肉漢堡 $57 |牛堡比雞堡貴，但絕對值得！因為佢自己剁嘅肉扒吾鬆散而且好多汁，仲要都好厚下！磨菇都絕對唔hea，正如下面圖都係會多到跌出黎！仲有最欣賞佢地用的菜非常新鮮，咬落係爽口～唔係用梅既菜～

今日捉朋友食LUNCH, 佢介紹呢度.東廣場D 鋪全部都蚊仔鋪, 店仔細細, 冇乜空間.不過朋友就話幾好食.所以就黎試下喇~份量夠~朋友點既: 經典牛肉漢堡.$49我點既: 菠蘿煙肉牛肉漢堡.$65係唔錯既, 不過就真係好厚, 唔知點入手.. 個包好味, 好多時食小店既漢堡包, 我都覺得個包唔OK而扣分. 但呢間冇呢個問題.我滿意既~加 $20 變餐.連薯條同飲品.呢個度薯條幾好食, 睇到連薯皮, 真係薯仔黎家~同埋夠粗好有咬口又唔會油淋淋~老實講, 味道係OK, 不過環境就麻麻地, 真係太迫住得唔舒服~不過都值得嘗試既~

12-1-2019 (Sat)晏晝,同老公行完海濱公園,o黎o係呢個商場o既Luna Cake攞開心果芝士蛋糕時,經過呢間,嗅到廚房煎o野o既味道,攞完返轉頭,同老公商量食唔食,因為已經5點幾了.最後梗係食,否則點會有呢篇食評出現?我o地只決定要一個漢堡餐,就要$49.00o既咕嚕豬堡,加$20.00要薯條同飲品,飲品menu左邊$22.00o既熱飲至下面罐庄飲品都係免費,其他就加原價o既一半就可以.由於呢日比較熱,我o地就飲汽水啦.俾完錢後,等8分鐘,薯條到o黎,細細兜但粗身,熱騰騰,薯味好濃又唔太鹹,睇真喲,有啲有薯仔皮,即係原個薯仔做o既薯條?味道: 5分過多3分鐘, 咕嚕豬堡到o黎喇,大大個,有番茄,原片菠蘿同羅馬生菜,件豬扒係吉列o既,唔見咕嚕汁o既?食落,吉列豬扒外脆,雖然內裡肉汁唔多,但幸好未至於乾柴同o鞋口,而咕嚕汁呢?我就食極都食唔到,要食到好後好後,至食到少少,我老公就話食到,但都唔多.我覺得叫得做咕嚕豬堡,咕嚕汁就唔可以少,就算唔係多到流出o黎,都起碼要成件吉列豬扒o既外表沾滿,我重以為我o地買錯吉列豬漢堡.味道: 1分服務野食到齊但冇俾汽水我o地,我同老公講,要