My Burger (東廣場)

营业中

休息中

呢間漢堡店所有嘅漢堡都咁多汁肉厚，而且如果叫雞肉漢堡，多數都會大塊到突曬出黎😂，所以我每次都會叫雞肉漢堡～絕對可以被選為我最喜愛嘅漢堡店～烤雞漢堡 $46 + 菠蘿 $8 |包面脆但咬落鬆軟，如我所講雞堡係好大塊，會飛曬出黎！女仔只要唔叫薯條都應該食得曬，50蚊唔洗真係比起其他漢堡店抵食好多！有時覺得雞扒太濟，可以加埋菠蘿酸酸甜甜就可以解濟同開胃好多！磨菇牛肉漢堡 $57 |牛堡比雞堡貴，但絕對值得！因為佢自己剁嘅肉扒吾鬆散而且好多汁，仲要都好厚下！磨菇都絕對唔hea，正如下面圖都係會多到跌出黎！仲有最欣賞佢地用的菜非常新鮮，咬落係爽口～唔係用梅既菜～

今日捉朋友食LUNCH, 佢介紹呢度.東廣場D 鋪全部都蚊仔鋪, 店仔細細, 冇乜空間.不過朋友就話幾好食.所以就黎試下喇~份量夠~朋友點既: 經典牛肉漢堡.$49我點既: 菠蘿煙肉牛肉漢堡.$65係唔錯既, 不過就真係好厚, 唔知點入手.. 個包好味, 好多時食小店既漢堡包, 我都覺得個包唔OK而扣分. 但呢間冇呢個問題.我滿意既~加 $20 變餐.連薯條同飲品.呢個度薯條幾好食, 睇到連薯皮, 真係薯仔黎家~同埋夠粗好有咬口又唔會油淋淋~老實講, 味道係OK, 不過環境就麻麻地, 真係太迫住得唔舒服~不過都值得嘗試既~

12-1-2019 (Sat)晏晝,同老公行完海濱公園,o黎o係呢個商場o既Luna Cake攞開心果芝士蛋糕時,經過呢間,嗅到廚房煎o野o既味道,攞完返轉頭,同老公商量食唔食,因為已經5點幾了.最後梗係食,否則點會有呢篇食評出現?我o地只決定要一個漢堡餐,就要$49.00o既咕嚕豬堡,加$20.00要薯條同飲品,飲品menu左邊$22.00o既熱飲至下面罐庄飲品都係免費,其他就加原價o既一半就可以.由於呢日比較熱,我o地就飲汽水啦.俾完錢後,等8分鐘,薯條到o黎,細細兜但粗身,熱騰騰,薯味好濃又唔太鹹,睇真喲,有啲有薯仔皮,即係原個薯仔做o既薯條?味道: 5分過多3分鐘, 咕嚕豬堡到o黎喇,大大個,有番茄,原片菠蘿同羅馬生菜,件豬扒係吉列o既,唔見咕嚕汁o既?食落,吉列豬扒外脆,雖然內裡肉汁唔多,但幸好未至於乾柴同o鞋口,而咕嚕汁呢?我就食極都食唔到,要食到好後好後,至食到少少,我老公就話食到,但都唔多.我覺得叫得做咕嚕豬堡,咕嚕汁就唔可以少,就算唔係多到流出o黎,都起碼要成件吉列豬扒o既外表沾滿,我重以為我o地買錯吉列豬漢堡.味道: 1分服務野食到齊但冇俾汽水我o地,我同老公講,要

經典牛肉漢堡包甘大個包只係需要49蚊咋！！！好抵食！！！大家都可以選擇加20蚊，轉套餐，有薯條 ，嘢飲 個包好juicy ，佢有酸瓜，洋蔥， 牛肉 ，生菜等等嘅配料 最令我驚喜嘅係洋蔥 煮得好熟好入味！！ 個牛肉都 一啲都唔，乾好juicy 醬汁喺你個口裏面溶出嚟！！好正 ！食到我成手都係汁 😂😂所以如果女士們同男朋友初次見面黎食就唔建議啦！！不過真係好好食！！！好食到停唔到口！！！ 而薯條... 室溫啦😅😅唔係即叫即炸....熱度不足

已經唔係第一次食，每次經開觀塘都心思思想食！第一係食物質素高同足料？第二係價錢合理！但係今次想讚嘅係佢地嘅態度！話說我叫左杯花生奶昔，點知傳菜傳錯左oero奶昔，飲左先知😱我驚飲錯隔離格杯野，就即時同老闆娘講黎錯左，我飲左一淡😔佢即刻講唔好意思，仲話會整返杯花生味比我！非常之care客人，真心抵讚！

幾乎每次到這小店都叫牙買加漢堡超嗜辣的我覺得這款漢堡香料好正好味到爆炸咬落下淡淡肉多汁加上的最愛炸蕃薯薯條 可惜薯條是幼身我個人愛食粗身男友點的是蘑菇牛肉漢堡 都好食！ 兩個人晚餐 漢堡加套餐

#MyBurger觀塘成業街7號東廣場地下G12-13號舖--呢間小店B仔已經回頭過N次 今次叫ge係🐣菠蘿雞扒Burger 菠蘿係普通罐頭菠蘿 雞扒超大件 又嫩滑又多汁🤤飽唔係普通M記嘉頓飽 係一隻類似法飽味道 但又鬆軟過法飽ge飽 整體配搭惹味到不得了 而且全部即叫即整 B仔次次食親都係熱辣辣甘送過黎🔥重點係甘大個甘好味ge飽 只係50幾蚊炸～性價比真係高過最近好hit 但又要排隊又貴又唔夠熱ge某些連鎖Burger店好多啊！🤭--B仔整體評價：9/10個👍🏻B仔抵食程度：10/10個👍🏻B仔環境評分：6/10個👍🏻B仔味道評分：9/10個👍🏻B仔回頭機會：10/10個👍🏻 --跟住我一齊吞食香港啦！

之前食開My Burger軟殻蟹漢堡熱辣辣炸好嘅軟殻蟹配落漢堡的確令人回味但最近小妹既唔可以食海鮮又唔可以食牛..唯有嘗試下My Burger嘅雞堡辣都唔食得嘅情況下..我只好叫Grilled Chicken 加蛋送到黎嘅已經出哂水...唯有焗番熱佢焗番熱之後個麵包變得脆脆可惜味道唔係好夠..只係煎雞扒加沙律醬唔覺得個雞扒有調味...個沙律醬都好寡我諗個沙律醬如果有少少調味應該會好啲如果唔係有沙律菜同蕃茄...我以為我番去中學時食緊小食部個雞扒包成餐最欣賞係洋蔥圈因為個脆漿係我最鍾意嘅beer batter😍如果漢堡包黎講...我最欣賞係軟殻蟹搵機會再試下佢地嘅牛

一向唔太熱衷漢堡呢d咁邪惡嘅食物，但見今日有d餓，就放肆一下啦嗌左個軟殼蟹漢堡，加錢轉做套餐，要左雞翼，仲加多個小食洋蔥圈添漢堡實物同menu 張相係一樣嫁真係原隻嘅軟殼蟹，咬落去嘅時候，幾香脆，有好新鮮嘅軟殼蟹味，雖然係炸過，但咬落去嘅時候唔會覺得乾，仲充滿蟹汁添，非常唔錯洋蔥圈食洋蔥圈最怕遇到粉還粉，洋蔥還洋蔥，擺到上檯到已經支離破碎果種…但呢度嘅洋蔥圈算係幾實淨，有好香洋蔥味，不過有少少偏油水牛城雞翼跟套餐嘅雞翼，小小辣，唔會成口醬，個人覺得幾好食下次單嗌小食都會考慮嗌呢個

觀塘東廣場依家變左個小小美食廣場，進駐左好多小店，樣樣都係又平又抵食！真係花多眼亂🤩呢間Burger絕對稱得上觀塘Burger 平、靚、正之選👍🏻！最平嘅經典牛肉漢堡都只係$49😮！跟埋餐都唔駛$70 😎雖然價錢平，但份量一d都唔馬虎，而且塊牛肉漢堡扒仲幾厚身架！漢堡扒煎得岩岩好，仲保持好多肉汁，好Juicy🤤麵包好鬆軟，帶有微微甜味，再夾住生菜🥬、蕃茄🍅、芝士🧀真係好滿足 😆除左Burger, 呢度仲有沙律🥗、All Day Breakfast🍳、 意粉🍝、 炸魚薯條🍟等等。我地都有試埋個炸魚薯條，外層炸得好香脆，但魚嘅肉質唔夠滑，影響左口感！算係不過不失啦～我都係建議大家食番Burger🍔，真心推介大家試一試 😋

路過觀塘東廣場，隨意選了這間小店歇一歇。點了最basic 的經典牛肉漢堡，配薯條汽水。先來薯條，有驚喜！熱辣辣，即點即炸之餘，仲係厚實豐滿嘅。再來漢堡，嘩！肉味濃、一咬落去，流哂d肉汁出來。雖是小店，服務人員不多，但serive 還是相當不錯的。當日，隔離枱有個小朋友不斷要求要水(父母只自顧自吃)，waitress 還是耐心地招呼。結果，個小朋友玩到連水杯都丟埋，一地玻璃。這時，疑似老闆娘立即從counter跑出來友善地處理。值得一讚！

好日唔入觀塘 ,入得黎當然滿心歡喜想去工廈搵食啦所以出發前已經簡好兩間台式餐廳點知一間冇開,一間未開.....要怪就怪自己冇睇清楚營業時間Ok, Fine! 觀塘咁多野食冇理由會餓親我既時間已經係三點...最後遊遊下比我係東廣場搵到依間食漢堡既第一次黎,梗係要試下基本野先啦經典牛肉漢堡!!!!!!跟左個A餐,包薯條同飲品薯條份量多,一隻浪口杯竟然咁有份量重要熱辣辣,算唔錯登登!! 到主角出場上面個包好脆,乾身d,但接受到入面除左漢堡,有洋蔥,蕃茄,生菜,芝士配襯重有甜甜地既汁,全部加埋一齊好夾塊漢堡都好大塊,有肉汁又有肉味,不老,要讚質數完全超出預期,不得了依個價錢,依個質數,CP值爆登啦好多貴價餐廳都冇咁好食今日雖然食唔到預期既野,但比我食到佢食完好滿足,yeah yeah以上食評只反映個人立場,如有雷同,實屬不幸

今日到觀塘的駱駝漆大厦逛街，因為這裡有很多outlet，雖然未必一定很便宜，但有時都能夠找到一些很抵的運動服飾。逛了一個下午，肚開始餓了，身處於觀塘，難免不會不想到美食集中地的東廣場! 東廣場的my burger真的很好味，而且離駱駝漆大厦相當近，所以今日決定回味一下!今日單點一份炸魚漢堡($48)。因為即叫即整，所以等了十五分鐘，就有熱辣辣的漢堡了。炸魚個熱力還在，炸得很脆，炸的粉不會過多，正! 醬料的份量很合適，加上蕃茄和生菜，當中的水份可以中和炸魚的熱氣! 整體來說，依舊一樣美味!!

係觀塘上完公司既training，同同事係附近搵野食，最後我推介左一間我係東廣場至愛既漢堡店～My Burger依道係自助落單形式，揀好後自己去收銀位落單俾錢～佢地Burger既選擇非常之多，我次次黎之前都想試新野，但黎到之後就會忍唔住叫返蘑菇洋蔥牛肉漢堡($57+$20跟薯條及餐飲)蘑菇洋蔥牛肉漢堡，如其名，有蘑菇片同洋蔥，仲有蕃茄、生菜、芝士同最重要既主角，牛肉漢堡扒！薯條係新鮮炸起，熱辣辣～入面充滿薯肉，外脆內軟，好食～至於漢堡，食咁多次都保持到水準，無令人失望，首先漢堡肉好厚身，夾埋其他配料，成個Burger好大個，漢堡扒又多肉汁，食得好狼狽，但食Burger就係要咁兒過癮哈哈～而且蘑菇味好香，配埋佢地既自家醬汁，非常出色呀！附上Menu俾大家睇下，佢地既Burger真係有好多款，仲會清晰寫哂用左咩材料

黎親觀塘都會諗起呢間burger, 佢一直都係my favorite!!呢日收左工過黎食, 黎到既時候已經好多人喇~好彩有位!雖然食過好多次, 但每次睇餐牌都要睇一大輪經典牛肉漢堡朋友最愛食牛, 呢個burger 夠大份, 肉汁夠! 岩哂佢炸魚漢堡我就揀左炸魚, 塊炸魚好長又夠厚身! 配埋沙律醬好正食burger一定要配埋薯條加$20就可以轉埋薯條+飲品 套餐桂圓紅棗茶食得咁飽, 叫返杯茶養下生每次都唔會令我失望既"My Burger", 我好鍾意呢度既包好鬆軟, 每個burger都好足料