影片
更多
2019-04-13
142 浏览
近排經常係觀塘發掘美食，今次就想搵下有無漢堡，結果搵到呢間位於東廣場嘅My burger，東廣場地下比較似food court，有好多間小舖，各有風格，可以食多幾次。M burger 舖面細細，應該三至四十個座位，牆身好多牌嘅裝飾帶點美國style。食物方面，食burger 要食最基本嘅經典牛肉漢堡，仲有點咗大隻雞，一個加餐，配薯條同沙律。經典漢堡有芝士，牛肉漢堡，番茄，洋蔥，沙律菜。個包係有焗過嘅粉包，唔係一般嘅芝麻包，而且係輕輕焗過嘅，洋蔥方面原來係有炒過嘅，雖然個人口味比較喜歡生嘅紫洋蔥帶辣味做餡，而炒洋蔥就帶到甜味，至於牛肉無之前第二度食過嘅慢煮漢堡牛咁好味，但都算多肉汁同有牛味。大隻雞，齋睇個餒就已經爆晒出黎，原來對比之下個包都大個啲，同樣係輕輕焗過嘅粉包，入面有勁大塊雞扒，煙肉，太陽蛋，芝士，洋蔥，番茄，沙律菜，份量十足，夠晒男士食，舖頭好細心知道大隻雞份量大，所以加多支竹籤落去減少餡移位，值得加分。雞扒調味唔算濃，咬落去將全部嘅味道夾埋一齊非常滿足，唯獨係炒洋蔥汁蛋黃汁同雞扒汁加埋太豐富，就算攞住張紙包住黎食都會食到成手同成個餐盤都係汁。餐配嘅薯條係粗身連皮薯條，炸得剛剛
M burger 舖面細細，應該三至四十個座位，牆身好多牌嘅裝飾帶點美國style。
食物方面，食burger 要食最基本嘅經典牛肉漢堡，仲有點咗大隻雞，一個加餐，配薯條同沙律。
經典漢堡有芝士，牛肉漢堡，番茄，洋蔥，沙律菜。個包係有焗過嘅粉包，唔係一般嘅芝麻包，而且係輕輕焗過嘅，洋蔥方面原來係有炒過嘅，雖然個人口味比較喜歡生嘅紫洋蔥帶辣味做餡，而炒洋蔥就帶到甜味，至於牛肉無之前第二度食過嘅慢煮漢堡牛咁好味，但都算多肉汁同有牛味。
大隻雞，齋睇個餒就已經爆晒出黎，原來對比之下個包都大個啲，同樣係輕輕焗過嘅粉包，入面有勁大塊雞扒，煙肉，太陽蛋，芝士，洋蔥，番茄，沙律菜，份量十足，夠晒男士食，舖頭好細心知道大隻雞份量大，所以加多支竹籤落去減少餡移位，值得加分。雞扒調味唔算濃，咬落去將全部嘅味道夾埋一齊非常滿足，唯獨係炒洋蔥汁蛋黃汁同雞扒汁加埋太豐富，就算攞住張紙包住黎食都會食到成手同成個餐盤都係汁。
餐配嘅薯條係粗身連皮薯條，炸得剛剛好，而且非常有薯味，值得剩係點一份黎食。至於沙律呢，係同包入面嘅菜同樣係沙律菜，加一件厚番茄同芝麻醬，芝麻醬加沙律菜係唔會出事嘅選擇黎，少食膳食纖維嘅食下都唔錯。
整體上小店 My burger 以呢個價錢黎講非常唔錯值得一食，值得推介寫食評，其他特別啲嘅漢堡好似話有啲伏味，但今次食呢兩個包都無伏，薯條仲好正添。
$49
28 浏览
0 赞好
0 留言
$65
23 浏览
0 赞好
0 留言
张贴
