My Burger (東廣場)

营业中

休息中

間中會跟小朋友兩人一起撐撐檯腳的。今天一老一幼來到家附近的商廈小食店中，品嚐我倆皆愛的漢堡....位於成業街內的東廣場對我來講，除了是一幢商廈給人們上班的地方以外，在它的地下還有一個開有不少小食舖的集中地，驟眼看下去真的頗像商場內的foodcourt呢....其中一所是賣漢堡的，就是這間"My Burger"了....下午一時半左右抵達，OL吃飯高峰的時候仍未過，這兒跟場內的其他食店一樣，都是一位難求的。幸好上斑一族大多是速食之輩，基本上由坐低後不久下ORDER到吃完都花不過半小時，所以翻檯的速度可是不慢的....事不宜遲，甫一坐下便跟那些OL一般，馬上落單。小弟點的是蘑菇洋蔥牛肉BURGER；小友喜歡炸物，就來一份炸魚漢堡....只吃漢堡當然不行。照以往的慣例，將它加錢變成套餐就可以試埋薯條及沙律....在蕃茄及生菜片上塗上超多濃厚的千島醬，味道略嫌偏膩口味亦較單一。個人還是喜吃較"清淡"版本，只加黑醋及橄欖油的。在身旁的小友相反有理沒理地埋頭便吃個不停....薯條只要是夠粗且新鮮熱辣炸起的話就不會太難吃。今天在這裡遇到的，還可以....炸魚漢堡餡料塞得滿滿，睇落挺吸引的....打開

Classic Beef Burger $49經典牛肉漢堡 +$20 soft drink & chips 睇到openrice"可能係最好味最抵食burger" 而來🏃🏃大大個burger😈 包烘得微脆~onion 醃得入味, cheese加埋 sauce 都幾香😙😚 話說, 我平時去m記都會挑走哂酸瓜, 但呢度既酸瓜醃得又幾好味wor 😜爽脆又唔會過酸, 唔錯~~ 不過講"最好味最抵食"又有d 言過其實... 自家製既patty 好tender, 雖然都 juicy, 但加左blk pepper 又混入左豬肉, 牛肉香味不足🙈 價錢轉左set 由$69~$98不等, 都值得食下, 下次可以試下多人贊好既fish burger

哩排唔知做乜好想食burger, 突登今日黎左哩間試下Classic Beef Burger $49, +$20 chips+drink其實食物質素真係唔錯粗薯條新鮮炸，熱辣辣，外脆內軟，堅正!個burger 都好好味，包軟，牛肉醃得好味入面仲加左mustard，更加正不過收銀條女就由頭到尾落單都方向口方向面我話要凍檸茶，佢大大力指住個menu 話哩度寫住淨係熱飲，一係轉snapple 加$12, 之後我比完錢先記得走蕃茄，佢話下次你早d 講啦，我話唔好意思我唔記得左，之後佢先好聲好氣d 咁話唔緊要之前上網睇話個老闆(女仔)係o係澳洲返黎開舖, 唔係就係佢下話? 我o係澳洲幫襯過咁多間舖頭都未試過有鬼仔鬼妹侍應排華咁款黑晒面咁對我樓面兩個阿叔好似樣，唔知係一個係阿爺一個係老豆不過個兩個阿叔態度好好多，又有笑容

心血來潮想食Burger, openrice一下見東廣場有間睇黎唔錯ge漢堡店, 即刻去try try。夜晚7點幾成個東廣場都坐無虛席，估唔到無去一排，多左禁多人識去呢個都幾山卡L啦死場, 哈。去到舖頭, 剛好門口有吉位就坐低。職員送上餐牌，我地見選擇都唔少, 牛, 雞, 海鮮, 素食漢堡都有，40-70蚊一個包豐儉由人， 加2X蚊有個SET，有薯條/雞翼/沙津+飲品。 未黎前估佢飲品都係得罐裝汽水，點知佢連紅棗桂圓茶, 柑桔蜜呢D禁滋陰飲品都有，作為一個滋陰人, 當然機不可失要個紅棗桂圓茶試試佢，點知中左伏..... btw, 記得落單係要去櫃面落唔係職員過黎，落完單佢會俾個鐵牌你坐低，同one pacific centre間pepper lunch一樣。我地叫一個德州煙熏牛肉漢堡+薯條+紅棗桂圓 & 經典牛肉漢堡+雞翼+忌廉。紅棗桂圓茶，原來係茶包...... 中伏.....不過喺漢堡店叫呢樣野都伏味濃, 我唔怪佢，正如你唔應該怪PIZZA HUT的意粉林芝芝一樣，佢唔係主力做呢只要招牌貨唔伏就無問題。德州煙熏牛肉漢堡，睇樣唔錯，包, 煙肉, 菜,醬, 漢堡肉, 包五層 一拎上手就

食野都要講緣份。尋日約左fd去觀塘行街，到左夜晚好肚餓，本身諗住唔熟觀塘腳又攰，喺apm求其食就算。不過有個fd話難得山長水遠過來觀塘一次，又聽聞觀塘工廈宜家D野食唔錯，不如就試下啦。講真，我真係毫無期待，淨係想快D搵個地方坐低餵飽自己，竟然畀我試到呢間咁好食ge burger! 間鋪係幾細，大概6，7張檯，但裝修的好有美國style，牆上黐左好typical嘅鐵牌，色調都幾舒服。 開放式廚房，見得到廚師（香港大叔，睇個樣真心估唔到佢整burger薯條咁有一手，唔係淨係外國型仔廚師整burger先係好味）兩個fd都唔食得辣，所以叫左個classic beef burger 套餐同炸魚burger套餐，再加一個炸薯角。套餐有三種選擇：1. 薯條＋沙律 2. 薯條＋飲品 ，或3. 雞翼＋飲品都係加＄20 -＄26， 可加錢轉特別飲品。經典牛肉漢堡: 超juicy但塊牛肉堡又唔會太肥膩，肥瘦控制簡直恰到好處。加埋洋蔥，更加減低油膩感。稍嫌芝士唔夠香濃。不過＄49 已經係超值享受，比起我喺中環試過ge 兩倍價錢的beef burger更好味！炸魚漢堡：驚喜之選，真係成塊炸魚夾喺入面，fish

有一次路過已經想試， 不過最終無去到。今次專登食tea時間前來， 試一試佢嘅味道。磨菇牛肉漢堡 : 好味 - 輕輕烘過加上牛油嘅鬆軟麵包， 炒過嘅洋蔥同磨菇， 充滿肉汁嘅牛肉， 惹味嘅汁醬， 係小店竟然搵到有一定水準嘅漢堡包， 唔怪得成日都坐滿客人啦！男朋友叫咗得州牛肉漢堡，我無試到， 但見到好快食哂， 都應該好味啦跟餐小食： 粗薯條不過不失， 芝麻醬沙律同樣不過不失， 水牛城雞翼焗得幾脆， 但唔夠刺激， 如果可以有不同辣度選擇會更過癮！ 跟餐飲品：green tea latte - 比我預期嘅濃嘅抺茶味，幾好

第一次去到呢個商場，好random咁揀左My burger, 點知喜出望外， 只可惜無照相我地食左1) onion ring($25) 新鮮，炸粉唔會太厚，食到停唔到口2) mushroom beef burger Juicy, mushrooms+onion+beef+veggies 味道剛剛好，唔會太heavy 3) fish burger 朋友食的，無試，不過佢好快食完，應該唔錯People are nice there with nice food, the only thing is less variety of drinks. For sure we will be back

觀塘，充滿活化工廈、年輕人創業的文化，如果花些時間在這區走走到處都是有心有創意的小店。My Burger用料新鮮，一個漢堡由麵包、生菜、醬汁都一絲不苟，薯條外脆內軟十分有薯香味，連酸瓜也甜酸適中咬落去爽脆，高度推介！找個星期天早上來試試順道四週逛逛吧！

今日約左朋友食午餐, 她推介這間漢堡話份量足而且味道唔錯.我同友人都係點左經典漢堡$49加$20跟餐包薯條及飲品餐牌食物選擇多幾多, 一來食物賣相同餐牌都相近, 單單睇樣都覺得非常對牌.最喜歡佢地既薯條厚切炸得金黃唔油, 食時仲熱騰騰非常可口.再來漢堡麵包好鬆軟好好味而且入面塊肉都大好有牛肉味真係好好味, 朋友無介紹錯!!這裡唯一是東廣場入面似food court形式, 所以坐位都唔係太舒服, 但食物水準一流, $70午餐係同區都叫合理.地址:觀塘成業街7號東廣場地下G12-13號舖

去開官塘，更係又要試新野，知道有呢間漢堡店好耐，因為無乜期望，所以無特別想黎試，見今日路經就入黎睇下有無位。細細間小店，晚餐時間差不多已經滿座。老公指定動作試左個磨菇漢堡，佢就話一般，唔太吸引喎，牛肉好碎，菜都好一般，但磨菇就好入味。跟餐要左個薯條+飲品，薯條份量少少，但好好味，唔係就咁將薯條炸炸就算果隻，有落左味先去炸。飲品就一般罐裝野飲，無乜特別。我就要左個辣雞包，估唔到好好味，好多汁，唔係乾柴喎，沙律醬剛剛好，個包又夠軟，估唔到我自己食哂成個包勁呀另外要左個炸洋葱圈，食親漢堡指定動作係要叫個洋葱圈先得咁，其實食左個包+薯條既份量已經夠哂飽，再加圈圈又真係次次都飽到上心口，有時重食唔哂好浪費！！！不過$25 又真係唔貴，份量都算幾多，但就硬左少少，我唸唔炸太耐會好dd....呢到重有我想食既炸軟蟹漢堡，唔貴，希望下次可以試下先

上次話說試過一次東廣場入面的漢堡包店之後，就念念不忘，想試下其餘嗰幾款未試過嘅漢堡包，睇下會唔會有特別嘅發現。答案係。。。。正囉！叫埋幾個同事嚟試下漢堡包，我番到公司講到好似神級一樣嘅漢堡包，連我幾個平時唔多中意食貴價餐(因為拒地平時都食開m記，哈哈)的同事都一齊去食。一去到勁多人，都要等左下先有位。見到有甘多款唔同味嘅漢堡包，個個都唔知選邊個好，結果有3個就選左最吸晴嘅軟殼蟹漢堡，當然唔小得我喇。大大隻軟殼蟹放喺個包入面，外面炸到好脆，起初我都好怕會咬親個口，但咬落又幾好，外面有小小脆，入面好軟，咬落去汁都出哂嚟，好鮮好正。另外再配有沙津醬，蕃茄，生菜。正正正！大隻佬漢堡--聽得個名都知係有一定嘅份量喇，剩係配菜都有幾款，沙津菜，煙肉，漢堡扒，洋蔥，蕃茄。仲有最最正嘅太陽蛋，切開d蛋汁流哂出嚟，好好味！炸魚漢堡包--咪以為拒係好普通嘅魚柳包，拒係一隻好大嘅炸魚，外面脆卜卜，入面d魚滑到呢，真係一分錢一分貨，呢個包質素好明顯係好高。究竟試幾多次先可以試唒d味道架，日日都好想試好想食，我中左毒丫，哈哈。。

當很多大商場都進駐不少連鎖食店，小店賣少見少時，觀塘工業區中總有容納它們的地方 觀塘東廣場位於APM附近，通過鱷魚恤中心，一條馬路之隔，就會看到。廣場小小，但有不少小店食肆默默付出耕耘，今次來到My Burger，無它，空間小小，但人客多多。餐廳是半自助形式，先到收銀處下單，拿回號碼牌，就可以到雪櫃拿汽水啤酒，乖乖回座位等食 這裡可以用八達通付款，十分方便。點選了磨菇牛肉漢堡配薯條，餐飲soda water，共$77。等了10分鐘，漢堡終於上場，漢堡看上來實而不華，和平時一般的漢堡店沒兩樣。輕輕按下麵包，比想像中軟熟，但仍有一定的紮實感，不似坊間的空氣麵包。咬下去時，入面的餡料豐富，而且互相配合，磨菇和洋蔥份量不少，炒得香口；牛肉有黑椒味，肉質有彈性；蕃茄薄薄的，沒有嘩眾取寵。整體來說，漢堡的水準不錯 薯條是粗身的，本身的已有甜椒粉調味，不用另點茄汁已夠味。薯條炸得有點黏，有幾條黏左一起，但尚算香脆。小店往往有讓人驚喜的地方，雖然My Burger的價位不低，但總算交出應有的貨色，不錯。

喺東廣場試過日式，台式料理之後，又再試一試西式快餐。呢間餐廳有點像美國餐廳，裝修以木紋色為主，很特別地牆身都掛有懷舊色嘅鐵牌，有些是文字嘅圖片，有些是數字車牌亦有一些是地標嘅圖案。餐枱都是比較高身的，以鐵具為主，相當有風味。餐店都以食漢堡包為主的，另外還有幾種不同的小食。多款不同嘅漢堡包，可以剩單點漢堡包，或是加錢轉做套餐，套餐有薯條，沙津，飲品等選擇。我就加左一份沙律加薯條，薯條為厚切薯條，又長又厚肉，最緊要係熱辣辣。而沙律就配胡麻醬，加上薄切蕃茄，味道不錯。今次我極度推薦黑松露磨菇漢堡，它係一個全素嘅包，外面包包軟熟，類似粟米包，入面嘅材料全是蔬菜，拒嘅主角係大磨菇，然後再有生菜，黑松露同蕃茄。而醬汁係白色，類似甜蛋白沙津醬。估唔到呢個配搭超級好食，磨菇完全唔會乾身，食嘅時候仲有汁流出嚟，非常正！另一個叫左德州煙燻牛肉漢堡。呢到嘅牛肉份量都好大，又夠厚身，咬落不會太乾，又不會太淋，相當有嚼口。再加上洋蔥絲，原條煙肉，芝士同生菜。食落辣辣地，酸酸地，好開胃。其實拒嘅漢堡包種類不小，今日食過甘有質素，下次一定再試下其他看看有沒有驚喜。還值得一提嘅係呢間小小嘅店，竟然有酒賣，晚上三五好友

烤雞漢堡 💲46 @ my burger漢堡包要烘過先上枱係基本。而配料就有生菜、雞扒、番茄同沙律醬，但份量偏細，男仔食就可能唔夠飽啦。雞扒煎得香脆，但雞皮較雞肉多。

常聽說觀塘好多好嘢食😋黎到工廠大廈區嘅一個商場，發現咗呢間勝價比高嘅平民漢堡包店🤓🍔🍔 如果想跟薯條餐+$20，跟雞翼餐+$22，跟薯條沙律餐+$26💁今次揀咗水牛城雞翼餐，有兩隻雞翼同飲品，雞翼酸酸地幾開胃，加咗少少辣黎調味！吾錯嫁～經典漢堡有牛肉，沙律醬，芝士，番茄，洋蔥等配料🙂牛肉都幾juicy，煎得吾會過熟，岩岩好。芝士略嫌唔夠多，可能因為太多洋蔥搶左啲味... 大隻佬漢堡有成半個手掌咁高😊材料有流心蛋，番茄，煙肉，沙津菜，釀瓜，芝士，牛肉...材料都幾豐富😋蛋黃仲要係流心，令到漢堡包嘅口感更豐富😊麵包烘得外微脆內軟，加上沙津醬同牛肉食味道匹配