My Burger (東廣場)

营业中

休息中

難得放假去咗觀塘行下outlet買下衫買下鞋好耐都冇嚟過觀塘唔知附近工廠區有乜好食問左大神一下就比我地搵到東廣場呢個地方見東廣場有近地鐵站有順路就行去睇吓有乜好食去到東廣場都幾有驚喜估唔到有咁多間鋪頭行咗一個圈之後見到間漢堡包店好多人食就決定去試吓晚餐時段人流不斷鋪頭裏面比較細要同其他人搭枱餐牌水牛城辣雞翼漢堡包加$20至$22有得轉餐可以配薯條或者雞翼連一罐汽水雞翼炸得乾身醬汁微辣德州煙燻牛肉漢堡漢堡包層次分明辣味和酸味十分突出個人覺得如果冇咁酸會更加好食軟殼蟹漢堡蛋黃醬同軟殼蟹幾啱配但係軟殼蟹個蟹身可能水份較多炸得唔夠脆而且有少少腥味

同男朋友講想食burger, 佢就諗起我地上次一齊食嘅my burger! 今次已經係第二次幫襯，burger水準依然keep到炸魚漢堡我地加左$25 加野飲同薯角d薯角勁熱勁脆，唔係嗰d翻炸嘅炸物，好正不過勁熱氣！個炸魚漢堡係我嘅最愛！舊魚炸得好香脆，個自製他他醬先係重點😍勁鍾意！d醬多到漏出嚟，同舊魚勁match!!徳州牛肉漢堡d醬好辣，食得辣嘅朋友先好嗌，辣到食唔到其他味😂牛肉juicy, 煙肉香脆另外仲見到有手工啤酒，不過價錢偏貴~地方比較淺窄，二三人一齊速食可以，唔係太適合三五知己喝酒暢談

東廣場有好多很努力經營既小店，入面有好多唔同既美食。 今日黎左一直好多人既排隊漢堡店。 晚飯時間全full， 等左一陣先可入坐。 地方比較迫， 但環境都ok. 睇左之前既食評後， 就決定食classic 同牙買家。 Classic 有洋蔥，酸瓜，個包烘得鬆軟，比出面特別有咬口。牛肉juicy 多汁。 味道好match 薯仔好食， 粗身， 熱噴噴。 比老m好食好多。牙買家之前d食評有點唔好所以都想想博一下但黎到唔係甘差。個雞肉厚身惹味。個辣味岩岩好。 食到香料既香味有點沙律醬，可帶油脂味幾好食。唔好既就係比較迫。 但明白地方就係金錢。講真，呢個價錢食到呢個漢堡真抵食。值得推薦給觀塘的朋友真心幾好。

上星期食過漢堡比較普通,今次就嚟MY BURGER食,這裏鋪位比較細,湊巧有枱客走,就唔洗點等就有位, 我哋嗌咗烤雞堡同蘑菇洋葱牛肉堡烤雞堡: $46 雞扒無甚味道,嗰包鬆軟不錯,可能辣味會更好味蘑菇洋葱牛肉堡: $57 蘑菇味道很香,醬亦好味,而牛肉肉汁濃,值得推介 加咗20跟餐, 略嫌偏貴,大多數BURGER鋪只係加15蚊, 但今日無哂薯條,得番薯角,又可以任意落黑椒同鹽,值得加分,反而杯餐飲洛神花茶只屬一般整體亦值得推介, 總共食咗123

平價高質burger首選😍講起平價burger大家實會諗起時新/添福小食既港式漢堡包🤔但係鐘意西方美食高質食材既你絕對五可以錯過❤店內絕大部分漢堡$70樓下足料大份無介紹錯😏煙三文魚沙律$48非常緊要煙三文魚無過咸😍口感五軟爛而係有彈性既👌沙律菜全部新鮮爽口👅未食漢堡已經好滿意!!💋磨菇洋蔥牛肉漢堡🍔$57漢堡既靈魂當然係牛肉漢堡🐮一啖咬落去成嘴都係濃郁既牛味仲有好多肉汁😍食到有適量既黑椒調味又五會搶走牛既鮮味👍店家非常明智無加太多既醬料遮蓋牛味😼證明係靚牛😚輕微炒過既洋蔥爽脆但無嗆鼻既辣味💋蔬菜非常新鮮爽口😋磨菇用牛油炒超香又嫩最衰少左d😭連個包都有烘過外脆內軟無得彈!!!❤但環境較為狹窄坐得五太舒服🤔

唔明點解呢間burger店一個負平都無？識飲識食既香港人對食既要求有無咁低呀？叫咗兩個餐，一個牙買加雞堡同磨菇牛堡，首先講下個雞堡，塊雞已經薄到無乜口感，仲要煎到燶曬，完全唔juicy,得個辣字，陣辣味掩蓋曬成塊雞扒既味道，都唔知自己食緊乜！個磨菇牛堡塊牛好咸，有肉汁但無咩牛味，無牙籤篤住，食到最後解體，而且個法式軟包好易爛，唯一比較好味既係個雞翼既辣汁。除左難食之外，唔明點解有幾枱客係到都係到掃地，間舖又唔係大，灰塵滾滾咁令人食得好唔舒服。成日話要支持下小店，但80幾蚊一個餐，求求其其既質素，食完出黎見到隔離連鎖漢堡包店，心諗真係無限後悔

近期興起食漢堡熱潮，當然我牛牛都唔執輸，找番間食下。我每個星期都會去觀塘，最近俾我係東廣場找到間My Burger，而且都有一定人流。我點到個蘑菇牛堡加薯條餐飲，只要等到5分鐘多啲，就有得食。個蘑菇牛堡打開就見到芝士，蘑菇同醬汁已經融為一體，一咬落口幾種口味同時係口腔流著，正到.........仲有個薯條係連薯皮一齊炸嗰種，薯皮炸完有一種田園泥土既香味，食到停唔到口. 

觀塘返工既好處就係附近多野食！今日lunch去左試間漢堡店～ 店唔算大，但都算坐得舒服唔會話好逼。我同朋友一行兩人，試左兩款唔同既漢堡。友人試左經典牛肉，不過佢係偏食既人，所以走晒蕃茄同菜，只剩包+牛+牛油+芝士佢話幾好味，牛肉唔會太乾，幾香，都幾多肉汁，可以一試！我就愛辣，所以試左牙買加辣雞，佢地個包同平時果啲唔同，都幾好咬口，不過一上發現砌到好核突變左菜還菜，肉還肉咁咬，都幾狼狽下。佢啲菜都幾大片，幾新鮮；塊雞就少少辣，偏乾，麻麻地。個醬都冇咩味。佢啲包都係加$20 可以轉套餐，我地揀左加$20 配薯條加汽水。呢度係用粗薯條，新鮮炸既，上果陣熱辣辣，好食！總結覺得個薯條做得比較出色，漢堡就一般。

第一次試my burger叫左個最多人讚既軟殼蟹burger，另外加左套餐，有炸洋蔥圈同罐裝野飲。軟殻蟹漢堡隻蟹都幾夠大，唔會食到成口油，不過洋蔥圈都差啲，好多舊痴埋左做一餅，都唔知點食好，可能叫粗薯條會好啲。

東廣場地下有好多餐廳，團左一個圈，發現哩間 My Burger 好多人幫襯，望望個餐牌又幾吸引，見到岩岩有位，於是入去試試。點左個蘑菇洋蔥牛肉漢堡套餐，套餐想拼洋蔥圈，可惜無貨，見有個好特別嘅甜薯想試試，又無貨，可能近收工時間吧，於是叫左薯角。個包黎到，份量頗大，有一種老鼠拉龜，唔知點放入口嘅感覺。重點係漢堡牛肉，牛肉整得比較乾身，無咩肉汁，有d失望，個包有一個醬，比較酸，個人口味唔太鍾意哩個酸味嘅醬，薯角係岩岩炸出黎，所以好熱。希望下次幫襯時，個漢堡牛肉唔會咁乾身。

唔好睇間舖頭仔細細地,,入面都仲有好多位比人坐下我覺得賣相一般，但味道卻有驚喜首先要食左入面既生菜同埋蕃茄如果唔係咬唔倒，軟殼蟹即叫即炸熱辣辣，咬落去好多汁，如果用差唔多價錢既漢堡比較呢度都算我食過最好食既一間。順帶一提，這裡的薯條也非常香脆好吃

朋友係觀塘返工，於是過左黎搵佢食個快飯😋附近好多野食，行左兩圈就選左依一間，店舖細細，係行自助形式，落單拎野飲都係要自己黎既點左蘑菇洋蔥牛肉漢堡同牙買加辣雞漢堡，兩個都跟左粗薯條，落單時問佢可唔可以幫我地幾漢堡切開一半，點知佢話唔得，話俾把力我地自己切...😂講下野食，薯條雖然係配菜，但係熱辣辣，仲有好多薯肉，好食！之於漢堡，牛肉漢堡個汁調得幾好味，漢堡肉亦非常厚。最後仲jam左朋友仔個牙買加辣雞漢堡黎食，辣度適中，好惹味！總括野食係幾唔錯既，但一黎舖細細唔可以坐太耐，二黎就唔係行服務主打既，不過一試無妨！

漢堡一向都係Mr.J嘅至愛，今晚Mr.J帶我去觀塘東廣場食My Burger。我哋大約星期五晚8點50分去到，其實都接近last order時間，未到嘅時候有一刻以為食唔到，好彩趕得切。餐廳位於東廣場嘅地下，舖位不算大，所以都會坐得少少迫，My Burger可以算係咁多間餐廳中最多人幫趁嘅一間，多人食總會有啲原因嘅。。。睇咗一陣餐牌，今晚叫咗:1)德州牛煙肉漢堡2)蘑菇牛堡兩個都加20蚊變套餐，有薯條同飲品。落單無耐，先送上飲品(玫瑰普洱同柑桔蜜)。飲品ok，勝在有熱飲揀，食完油膩野飲熱茶舒服好多。(好老人家！👵🏻)之後送上薯條。薯條係用杯裝，賣相幾得意。不過食落感覺薯條好乾身，有唔少炸到脆哂。不過幸好薯條係粗身連皮嘅，食落都好有口感兼飽肚，唔似幼薯條得陣風基本上都ok。Mr.J叫嘅德州牛煙肉漢堡比較乾身，無乜汁，而且咸咗少少。我嘅蘑菇牛堡尚算ok，先講漢堡包個麵包，佢哋唔係用平時見到有芝麻喺面果種，而係類似法式軟包，比較較身。我個包送嚟嘅時候，店家無用竹籤定位，結果所有餡飄移哂去包嘅其中一面，我要用手撥返好佢，未食已經搞到成手汁。。。另一方面，蘑菇牛堡只有3至4塊小磨菇片，實在有點失

因為公司要搬離觀塘區，於是決定在最後的一天早點到公司附近，找間餐廳來享用最後的早餐。這餐廳雖然是在一商廈內的一個小舖位，但裝修仍是有格調，所就被吸引坐下來了。選了的早餐是磨菇雞肉奄列，賣相不錯之餘，還配上沙律及蒜溶包。奄列是較港式的，比較乾身，但勝在足料，蛋味夠，皮又厚。磨菇及雞肉的味道也不錯。可惜的就是在公司在觀塘的最後一天才遇到，但好餐是會有不少食客光顧的。

只愛吃中菜的爸爸工作關係在外吃飯，於是和媽媽去試一些其他菜式，太太提議my burger。店內有高枱也有普通枱，各式其式，裝修帶點舊美國風，為店鋪營造一點主題和氣氛。記得之前lunch時吃過牙買加辣雞漢堡，所以這次試試其他的，最後order了蘑菇洋蔥牛肉漢堡，也是很好吃。其實這樣的配搭也是很classic的配搭，它的汁很香，吸收了汁的洋蔥變得更可口。 加二十蚊配套餐有薯條/薯圈/洋蔥圈 和 飲料，和外面的鋪頭相比也不算太貴，而最特別的是這裡也有一些手工啤酒，我亦選了一款來試試，有點花香的，味道也比普通啤酒更豐富，值得一試。