My Burger (已結業)

今天在這家小店午膳，座位擺放得有點像茶餐廳，但牆上亦有一些佈置和裝飾，加添了小店的風味。食物主要是全日早餐、漢堡飽和意粉。餐牌印刷算精美，字體的大小亦剛剛好。我點了溫泉蛋蕃茄肉醬意粉，配蒜蓉包（亦可配沙律）（$58）。原來這個價錢包括飲品，我選了熱檸茶。而我同行的同事點了農夫早餐配凍檸茶。所有食物和飲品送來了。只看見這雞蛋不似是溫泉蛋，勉強只能說它是半生熟蛋，而且蛋白散開兩邊。肉醬鬆化，鮮茄味道清新，酸甜味剛剛好。意粉軟硬適中，有嚼勁。蒜蓉包蒜香迷人，香脆可口。同事點的農夫早餐擺盤精美，色彩鮮艷豐富，賣相極吸引。但另一方面，熱飲杯和碟的款式很有茶餐廳的感覺，和小店路線有點格格不入。

又嚟食依間了， 同男朋友第二次嚟食今次試下佢啲漢堡，因為撞正下午茶時間我哋又係乜都冇食過落肚，所以好肚餓 但係又驚太飽嘅話晚飯會食唔落所以決定簡簡單單食個漢堡就算～我哋一人嗌咗一個漢堡，一份薯條＆沙律漢堡分別係經典牛肉漢堡、德州煙燻牛肉漢堡因為我唔鍾意食青瓜，所以走青瓜佢啲漢堡比我想像中更要大份大到真係嚇親我哋， 而且個價錢都只係五六十蚊，呢個價格有呢個質素同埋咁大嚿包，性價比真係十分之高，好抵食包入面夾咗好大塊好新鮮嘅生菜食落去好清新爽脆，夾住好大塊牛肉、芝士洋蔥等等材料，啲醬汁好好味係咁滴出黎佢啲牛肉煎得生＆熟恰到好處而且肉質鮮嫩，咬落去啲肉汁係咁滴出嚟加上我係牛魔王超愛食牛，真係好滿足！好食到想食多個，可惜已經飽左八成佢啲薯條亦都係炸得好脆卜卜好香 好有薯香味，重點係好大條切到好巨型哈哈哈，而且有成十幾條咁多唔洗驚唔夠食啦～飲品就分別嗌咗凍美綠，熱柚子蜜佢啲飲品一樣都係 做得幾好真係有料到㗎，好多柚子肉沉曬底凍美祿攪拌完之後，都有好香濃嘅美祿朱古力味都係嗰句啦，夠曬大杯包你唔會唔夠飲黎送漢堡

同男朋友趕住去拍拖所以早上冇食過早餐 hea下hea下都去到晏晝lunch time時間～所以佢帶咗我去呢間餐廳食野門面好潮好有時代感而且餐牌貼咗喺玻璃上面，清晰易睇可以企喺度慢慢揀下想食咩入到去坐低 餐牌上有大大個漢堡 見到都覺得好吸引好想食由於早上冇食過嘢，我哋驚食漢堡唔夠飽所以嗌咗 一人一份breakfast 我呢碟係叫做淑女早餐，襯曬我呀哈哈哈淑女 個名好優雅，見到份早餐寫住嘅食材都係我鍾意食嘅嘢，好開心！我覺得好食過之前我喺尖沙咀食過嘅某間 cafe嘅all day breakfast囉～呢間，佢喺啲味道 方面都做得好好條芝士腸 好大條，食落去啲芝士喺口入面爆開～好爽呀 好食過啲台灣腸多多聲啲菇亦都炒得超好味，佢落左少少胡椒粉去炒我係一個從來唔會食菇菌類嘅人因為好憎嗰陣菇味，但佢真係整到好味到我完全食曬所有菇啲炒滑蛋炒得好滑好香又熱辣辣放落個 脆卜卜嘅蒜蓉包上面一齊食簡直係完美呀！啲蔬菜沙律配上沙律醬亦都好好味，啲生菜沙律好新鮮口感清新，中和返口腔啲肉味粟米亦都好鮮甜，個番茄就有少少煎過嘅所以食落去 有少少燶得嚟但係又好香而且個蕃茄一啲都唔酸， 甜甜地幾好味基本上所有嘢都做得

成日經過話要食要食又唔記得左... 好啦！今日終於都記得佢喇... 起初睇到佢門口個menu啲漢堡勁大個就比佢吸引左😂最衰限聚仲未有堂食啦... 唯有買返屋企食... 我地叫左菠蘿烤雞漢堡... 真係好巨型🍔塊雞又大.. 而且又唔會嚡澀澀... 仲有配搭埋菠蘿酸酸甜甜.. 好開胃... 而卡邦尼意粉都好正～啲汁煮得剛剛好又唔會太稀太傑... 小朋友食到停唔到口😆另外仲有小食拼盤...入面有魚餅春卷同薯角... 以咁大份黎講都係賣緊38蚊真係唔算貴... 特別提一提.. 佢個春卷好好味🤤雖然拎到返屋企已經凍凍地.. 但係佢個春卷都仲係好脆👍🏻整體黎講呢間小店算抵食同高質

新蒲崗是我常到覓食的地方，很多小店。今天因為晏了吃午飯，想吃一些西式包點。逛著逛著，看到不起眼的小店My Burger ，試下啦！店內很清潔，沒有客人，可能已過了午飯時間。(不過有件事好奇怪：我入店內，一個人都沒有。我叫了幾聲「唔該唔該」，才有人探頭出來； 最初沒有人應，我還以為是不是「落場」。如是者，有兩三位客人也入來看看，叫了一聲「唔該」，沒有人應，就走了……希望這間小店可以留意一下。)看看餐牌，不貴！我叫Lady Breakfast (配飲品$59)改Cappuccino+$10相對Farmer Breakfast ，Lady Breakfast 平宜$30。但是，分量一點都不少！有炒蛋、大條的芝士腸、煙肉、粟米、烤蕃茄、炒洋蔥、炒蘑菇、沙律菜配胡麻醬……嘩！好豐富！真的好抵食！而且每樣東西都是立即烹製。Honey就叫了漢堡包$49因為是A La Carte，40多元，但是真的物有所值，因為好大個！而且，牛肉好厚，煎得好！牛肉是外面煎得焦香，裏面仍是嫩嫩的牛肉碎。材料豐富： 生菜、番茄、炒洋蔥、西式芥末……因為漢堡包不是套餐，所以Latte原價$28。兩杯咖啡都不錯，奶泡好濃好滑

好食過mos burger，如果性價比嘅話就mos好啲，因為佢$68得個包，要加$20先有薯條同飲品，但材料同埋味道就呢邊好食啲，追求味道多過價錢嘅話我會推薦呢間👍🏻但如果唔係漢堡包而係沙律嘅話，我會非常推薦呢間，個48蚊嘅沙律又大又新鮮，真心正🤣

今天星期日在新蒲崗 bunch，第一次到這自助漢堡包店，店不大只有7張檯，full house也是22個坐位，因為自助形式，只有二位員工主理廚房，收銀，店面。好像麥當勞，但多了送餐服務。二人点了二樣東西。農夫早餐份量多，味道不過不失，有二件烘法包，炒洋蔥白菌，沙律菜，牛油粟米，煎蕃茄，炒蛋，炸烟肉，香草腸，芝士腸，放滿一大碟。大隻佬漢堡又是大大件，有漢堡扒一件，伴上烟肉，芝士，洋蔥絲，蕃茄片，生菜片，最特別有隻流心蛋。脆脆烟肉，嫩嫩漢堡牛肉，配上蛋汁，提升了整體味道。

首先一提，食肆的開舖時間是am10:00(可不是玻璃趟門上標示的08:00)。😅門面張貼了特大餐牌，臚列着各項餐飲的中/西名目、菜色、價錢，一覽無遺，加之，頂端飾以可愛的水彩插畫作點綴，既有功能性，又漂亮吸睛，留住了路人的腳步。早上10點，全店只一位哥兒在忙活。這兒是先付帳模式，也接受八達通付帳(雖則並不順暢😅)。哥兒說，因為剛剛開舖，製作需時。你有幾何遇見如此貼心的提示？敢情是這兒老闆吧！台型和氣場都很有老闆風範。早餐是我芳心暗許的煎蛋卷配沙律蒜蓉包+飲品＄35蚊，蛋卷餡料可選二(洋蔥磨菇/火腿/煙肉/芝士/午餐肉/番*茄)《備註*：寫對了！「番」茄的番指外來物，屬正寫字，eg.番茄和番薯。至於，「蕃」茄則為習非成是的俗寫字。蕃，留給吐蕃配詞好了。》最緊要識吃，也最緊要正字🤣。洋蔥磨菇及番茄！並且蛋，還有沙律，這個早餐的組合，實屬難得一見😲。不是嗎？看看一眾茶餐廳/食肆的餐單，盡都是如出一轍的加工肉早餐eg.火腿、香腸、餐肉、煙肉，以及精製加工泡麵和精製加工麵包等等(精製食品往往在加工過程中除去了大部份食物營養，再加入各種無益的提味劑或經過不可取的高溫油炸工序)。大家為着省時方便，於

🌸親民價漢堡🌸🌸抵食漢堡店🌸▁ ▁ ▁ ▁ ▁ ▁ ▁ ▁ ▁ ▁ ▁ ▁ ▁ ▁🔸𝗖𝗹𝗮𝘀𝘀𝗶𝗰 𝗕𝗲𝗲𝗳 𝗕𝘂𝗿𝗴𝗲𝗿 經典牛肉漢堡($4͎9͎)🌟雖然餐牌沒有標示牛肉屬甚麼品種，但肉汁滿瀉🌟稱得上是厚切牛肉漢堡扒，大約七成熟🌟一大塊生菜，有營🤪🌟芝士味不算濃但有原片芝士😋🌟麵包外型很特別，略烘過，口感鬆軟💬基本的配料有：牛肉、芝士、洋蔥、蕃茄、生菜♾不能說是最好吃的漢堡，不過價錢真的不貴♾.🔸𝗖𝗼𝗺𝗯𝗼套餐➡️薯條+汽水（+$20）🌟新鮮即炸，好脆😋👍🏻🌟粗薯條，口感同份量十足🍂薯條要襯熱食，因為用不透氣的器皿裝著，令薯條熱力在器皿裡焗冧左💬漢堡店是要出去付款枱先點餐後用餐，醬料也是自助形式💬🙏🏻希望這一波疫情快點過去😖可以快啲再幫襯🙏🏻🎈大家可以Bookmark定，疫情有好轉先再出去食🎈

「食咗會放到番兜」爆汁手打漢堡。暖心服務態度值得讚賞係miKiki對面既my burger . 已食左幾次 每次黎都係食大隻佬漢堡， 大大份， 入面幾多料。 個包超軟熟， 又烘到剛剛好， 又香 大隻佬入面有 漢堡扒，沙律菜，紅菜頭，煙肉，芝士，太陽蛋。漢堡扒每次都會煮七成熟。 啱啱好唔會煎得太乾，勁Juice沙律菜新鮮勁欣賞過太陽蛋，煎到好鬼靚一按下去，啲蛋汁流晒出嚟勁正。。 漢堡包可以大大啖咬，啖啖肉。你話幾正但每次都會食到個手成手都係，因為爆曬汁。個短頭髮女仔見到我哋食到甘。即刻比俾張紙巾俾我。 仲問我哋意見原來呢個漢堡扒係*全牛肉* 冇任何豬肉成份。 唔怪得我食唔出任何豬肉啦。見到我大肚朋友落單，仲問她駛唔駛要轉到全熟。細心又Nice地方雖然細但佢又拉開張枱俾我大肚朋友坐入去，唔駛整親個短頭髮女仔真係好細心 值得欣賞。我真係覺得唔錯。

竟然可以食到咁豐富嘅早餐喺新蒲崗返工咁耐成日落去搵地方食早餐今日經過呢度見到價錢又唔貴 Menu 相又幾靚所以去咗試一去就愛上了呢個價錢可以食到咁新鮮既沙律 煎蛋捲入面配料可以自己配搭唔錯，蒜蓉包又熱辣辣超正，呢個$40都唔使超抵呀我配左杯咖啡，好飲 最衰冇skim Milk 🥛 之後我又好地方落腳題外話，人手好似唔多一個姐姐又行去收銀落單又要煮早餐所以人多可能要俾啲耐性😂😂😂中午時候我都食過佢哋嘅意粉都唔錯下次可以試吓佢哋嗰個漢堡先

新蒲崗終於有一個手快漢堡小店開張到而家我哋都試過幾次暫時so far水準都keep到開頭有啲亂始終新開但我唔覺服務講到人哋咁差始終都係self service 型式早餐29-38 有好多西式早餐，個cappuccino 都不錯唔使淨係食茶餐廳嗰啲貨仔我最愛既始終都係蘑菇牛肉漢堡可以自己配搭配料我會加芝士。 牛肉唔會煎得太熟，爆汁食過甘多次都係keep到可能我好運吧，暫時我去左幾次 食物水準都keep到， 服務態度so far 都唔錯個 女仔 應該條老細 我又唔覺太差， 我覺得只係講嘢大聲左。 但人地講野大聲又變左態度有問題 又唔太合理吧。 其實 唔鐘意可以唔去， 唔駛係個個人既食既評寫都寫既。 每個人要求不同，要服務可去第二度， 如有服務費 態度唔好， 我就覺到呢個先有問題所以我覺得 食物最重要，唔好食 咩都係假。

喺新蒲崗做嘢，見女朋友鍾意就上網揾下有冇漢堡包店。見到評價不過不失，只係有啲人話服務態度差，諗就漢堡包店唔洗好多Service就算。結果食到凍既漢堡扒之餘，仲要比個個都話冇禮貌果個短髮女人喺背後大大聲話：「你叫佢下次要食全熟一早落單時講吖嘛，不嬲都生架啦。」講到好似我想呃着數，但明明收碟姐姐問我有冇需要跟進時，我都講咗：「唔緊要啦，想表達返啫。」所以想食咗背脊骨落值得一去。講返成件事：其實你見我影張相，本身都好期待。初初入到去，覺得係小店值得一試，亦都佈置幾靚，其實都冇乜hard-feeling。因為見到檯面冇人，坐低諗好食咩，好聲好氣講咗聲：「唔該」就起身行出去檯面想落單，點知果真如之前啲食家所言，果個短髮女待應已經起晒幹。其實個男待應服務尚且過得去。然後，薯條嚟到，雖然係淋咗啲，食得出係翻炸，但都可以接受。到漢堡包嚟到，我女朋友食蘑姑洋蔥牛肉漢堡，塊漢堡扒外圍都尚可，但愈食愈入時發現入面根本未熟，粉紅色之餘，仲有少少凍。但因為我自己食大隻佬漢堡又可以接受，女朋友諗住自己都食咁多，諗住算數，所以佢食完其他配料就放低冇食。我冇影相，因為本來都覺得煮漢堡扒總有少少機會出現呢個問題，唔想特

最鍾意食漢堡所以見到my burger 馬上去試試 入到去俾個 燈牌吸引真係好靚。 好多選擇, 有雞有牛有魚 仲有豬 唔食漢堡 仲有意粉，all day breakfast 🍳 呢度都係半自助形式，睇完menu 後要出面落單 ，如果飲汽水可以自己喺雪櫃到選擇， 有好多款。 Order your burger in cashier 唔知係唔係香港人慣咗俾人服侍我叫到有人以為唔使怕羞舉起雙手之後大叫🤦‍♂️🤦‍♂️🤦‍♂️🤦‍♂️甘大個牌都見唔到 *Order here* 仲係度嘈。 很掉面今次食菠蘿雞包。超juice . 超正呀 朋友就食左個牛肉包， 但話唔錯喔 朋友叫左杯榛子奶昔，跟餐半價。 我呢啲窮小子 只可望住 雖然上網見到有人寫唔好飲 但又好吸引 朋友叫我試飲一啖香濃嘅榛子味 又不是太甜 幾好飲呀 係愛呀 哈理用真雪糕打出黎既真係唔用老麥用奶沖。 真係識飲既就知道啦， 奶昔唔係用奶。😂下次再嚟服務也不錯 👍見到 食到 呢Hea 都即刻俾紙巾我細心服務值得稱讚👍食飽 一定會係甘呀 唔通好似人地甘 用刀鋸。 唔知仲以為而家食緊牛扒😂😂😂😂原來有幾間分店㗎下次可以去到都試吓上次食完大埔今次係出

My Burger My Burger 🍔 經過好多次終於有機會試下 新蒲崗唔唔係好多美式餐廳選擇 之前見佢開張都已經好想試下 今日終於有機會了餐牌選擇都好多 門口已經見到一張大餐牌 有牛肉雞肉 海鮮和素食 除左burger佢哋仲有提供意粉選擇 我地叫左外賣返屋企食 等候時間大約15分鐘 即叫即整 咕嚕豬堡 $52友人話好好食 因為其他餐廳比較少有這種口味 咕嚕豬加酸瓜配搭好好味👍🏻經典牛肉漢堡 $49好味 好Juicy 👍🏻 芝士 洋蔥 牛肉加埋一齊係無敵 極力推介🥰加$20可以配小食和飲品 再加$5可以轉番薯薯條薯條熱辣辣 店員用錫紙包着薯條🍟外賣 keep住熱同香脆 👍🏻總括而言 🍔Burger好味 但價格有點兒偏高 單點一個漢堡包已經要$5x 另外因為疫情影響關係 餐廳沒有做任何推廣 如果可以有九折外賣自取提供的話 我相信會有更多人食