My Burger (已結業)

「食咗會放到番兜」爆汁手打漢堡。暖心服務態度值得讚賞係miKiki對面既my burger . 已食左幾次 每次黎都係食大隻佬漢堡， 大大份， 入面幾多料。 個包超軟熟， 又烘到剛剛好， 又香 大隻佬入面有 漢堡扒，沙律菜，紅菜頭，煙肉，芝士，太陽蛋。漢堡扒每次都會煮七成熟。 啱啱好唔會煎得太乾，勁Juice沙律菜新鮮勁欣賞過太陽蛋，煎到好鬼靚一按下去，啲蛋汁流晒出嚟勁正。。 漢堡包可以大大啖咬，啖啖肉。你話幾正但每次都會食到個手成手都係，因為爆曬汁。個短頭髮女仔見到我哋食到甘。即刻比俾張紙巾俾我。 仲問我哋意見原來呢個漢堡扒係*全牛肉* 冇任何豬肉成份。 唔怪得我食唔出任何豬肉啦。見到我大肚朋友落單，仲問她駛唔駛要轉到全熟。細心又Nice地方雖然細但佢又拉開張枱俾我大肚朋友坐入去，唔駛整親個短頭髮女仔真係好細心 值得欣賞。我真係覺得唔錯。