影片
更多
2020-05-26
514 浏览
喺新蒲崗做嘢，見女朋友鍾意就上網揾下有冇漢堡包店。見到評價不過不失，只係有啲人話服務態度差，諗就漢堡包店唔洗好多Service就算。結果食到凍既漢堡扒之餘，仲要比個個都話冇禮貌果個短髮女人喺背後大大聲話：「你叫佢下次要食全熟一早落單時講吖嘛，不嬲都生架啦。」講到好似我想呃着數，但明明收碟姐姐問我有冇需要跟進時，我都講咗：「唔緊要啦，想表達返啫。」所以想食咗背脊骨落值得一去。講返成件事：其實你見我影張相，本身都好期待。初初入到去，覺得係小店值得一試，亦都佈置幾靚，其實都冇乜hard-feeling。因為見到檯面冇人，坐低諗好食咩，好聲好氣講咗聲：「唔該」就起身行出去檯面想落單，點知果真如之前啲食家所言，果個短髮女待應已經起晒幹。其實個男待應服務尚且過得去。然後，薯條嚟到，雖然係淋咗啲，食得出係翻炸，但都可以接受。到漢堡包嚟到，我女朋友食蘑姑洋蔥牛肉漢堡，塊漢堡扒外圍都尚可，但愈食愈入時發現入面根本未熟，粉紅色之餘，仲有少少凍。但因為我自己食大隻佬漢堡又可以接受，女朋友諗住自己都食咁多，諗住算數，所以佢食完其他配料就放低冇食。我冇影相，因為本來都覺得煮漢堡扒總有少少機會出現呢個問題，唔想特
講返成件事：
其實你見我影張相，本身都好期待。初初入到去，覺得係小店值得一試，亦都佈置幾靚，其實都冇乜hard-feeling。因為見到檯面冇人，坐低諗好食咩，好聲好氣講咗聲：「唔該」就起身行出去檯面想落單，點知果真如之前啲食家所言，果個短髮女待應已經起晒幹。其實個男待應服務尚且過得去。
然後，薯條嚟到，雖然係淋咗啲，食得出係翻炸，但都可以接受。
到漢堡包嚟到，我女朋友食蘑姑洋蔥牛肉漢堡，塊漢堡扒外圍都尚可，但愈食愈入時發現入面根本未熟，粉紅色之餘，仲有少少凍。但因為我自己食大隻佬漢堡又可以接受，女朋友諗住自己都食咁多，諗住算數，所以佢食完其他配料就放低冇食。我冇影相，因為本來都覺得煮漢堡扒總有少少機會出現呢個問題，唔想特別追究。
執枱姐姐見到佢塊漢堡扒仲喺包裝入面，疑惑咁問我係唔係唔要，我輕輕講一講塊扒唔熟。然後佢問我有冇野要跟進，我都話：「唔緊要啦，想表達返啫。」點知個服務態度惡劣既短髮女人見姐姐掉咗塊扒去垃圾袋，然後問佢咩事，然後大大聲話：「你叫佢下次要食全熟一早落單時講吖嘛，不嬲都生架啦。」其實我自己都有整漢堡包，不嬲都知道唔洗全熟，但都唔係個芯仲凍話正常呀嘛？一個好食既漢堡扒應該係豬肉同牛肉溝成，啫係佢叫大家食生豬肉，所以如果大家想食完唔舒服，或者想瘦身，記得幫襯。
蘑姑洋蔥牛肉漢堡、大隻佬漢堡跟A餐
$145
37 浏览
0 赞好
0 留言
张贴
