My Ahjussi (已結業)

My Ahjussi 🇰🇷泡菜海鮮豆腐鍋🍲($78）幾足料嘅海鮮豆腐鍋，有青口、魷魚🦑、蝦🦐、蜆，泡菜唔會好辣幾溫和，飲落暖笠笠♨️配埋白飯一流🍚 餐廳提供好多素食選擇，其中一個係泡菜新豬肉豆腐鍋，都幾特別下次會試下👍🏻韓式甜酸炸雞🍗(6件 $98)炸雞6件有唔同部位，好似雞翼、雞都有✅係甜酸醬配芝麻，甜酸醬唔係沾滿醬個隻，而係唧醬上去佢隻，所以個皮keep到脆卜卜又唔會太膩🤤如果多一碗仔醬俾人沾就perfect💕百香果綠茶(+$33)好有驚喜嘅一杯飲品🍹綠茶fresh得黎又唔會好假，而且百香果都酸酸甜甜幾開胃，值得一試👅芒果乳酪(+$30)呢間餐廳啲飲品，係真係出色，飲落似印度餐廳啲芒果乳酪，杰身得黎又好香芒果味🥭但呢間出色個位係調味做得好，唔會太甜或者太酸，好易入口🙌🏻Extra Comment 🖍•餐廳好多食物都有素食元素，好似炸菇🍄、素麥樂雞、炸素牛肉堡咁，都好吸引🍔

呢間又係bookmark咗好耐嘅良心小店，主打韓式便當小食，餐廳走少女風，周圍都係花花裝飾，dinner 時段都幾full下，大家去記得訂位呀～ 🍭魚糕湯($42)呢個魚糕湯份量都唔少，有2大串唔同形狀嘅魚糕，見到都開心！仲有幾片魚糕喺湯入面，食得好滿足！湯如果可以再熱啲就更好～ 🍭泡菜豆腐海鮮鍋($78)呢個會夾埋個白飯，撈泡菜湯食真係一流😋 個湯好足料，好多泡菜同豆腐～ 少少辣好過癮，蝦同魷魚圈都唔錯～ 🍭韓式便當配蒜香蜂蜜炸雞($78)便當+3件炸雞呢個價錢其實幾抵食，炸雞仲有得揀味道，我就揀咗最人氣嘅蒜香蜂蜜！見到啲炸雞沾滿醬汁真係流口水，雞肉尚算嫩滑～ 便當就有流心蛋、菇、粟米、紫菜仲有石頭飯醬汁！幾好食～ 🍭焦糖爆谷拿鐵(跟餐+$33)我就係俾佢呢杯嘢飲吸引，打卡一唧流！啲焦糖爆谷好好食，latte 屬正常發揮～ 🍭柚子梳打(跟餐+$20)好清爽好fresh 嘅一杯飲品，大熱天時叫就岩晒！仲可以解膩，正！

幾次路經依間簡約純白色的小店🏰，起初見到門口位的白紗廉，仲以為是婚紗攝影店👰。餐廳主打韓國菜🇰🇷和韓式炸雞🐓，亦有提供薄餅🍕、意粉🍝和漢堡🍔等西韓fusion菜式。餐廳用了好多乾花💐做佈置，抬頭望是一片粉色花海🌺，好有少女心💕。🍽️ 韓式牛肉飯捲紫菜裏面包著牛肉片🐂、醃黃瓜🍠、紅蘿蔔絲🥕和醃蘿蔔絲，跟配芝麻油🥣，伴碟有粟米粒沙律菜🥗。牛肉調味🧂不是特別重，有點醬油味，口感輕盈。🍽️ 卡邦尼煙肉泡菜意粉🍝依款fusion意粉好特別，卡邦尼意粉和泡菜出奇地夾👍，意粉忌廉味和芝士🧀味突出，而泡菜的酸味中和了卡邦尼意粉的膩，煙肉🥓份量非常多，選用了半肥瘦煙肉，煙肉🍖的鹹香油脂滲入意粉，令味道昇華。🍽️ 蒜香蜂蜜炸雞🐓炸雞炸得外皮金黃香脆，再淋上蜂蜜🍯和蒜香粉🧄，相當惹味！裏面肉質軟嫩多汁，雞肉🐓無加入過多的醃料🧂，保留了雞肉本身的鮮味👍。🍽️ 魚糕湯小鍋子有兩串魚糕串🍢，串著魚蛋和魚片🐟，鍋子🍲裏面都仲有魚片，所以份量都唔少，湯底清清地，加入了大量胡椒粉，食完炸雞🐓，飲碗魚糕湯都幾解膩🥣。

呢間韓式cafe中文意思原來係"我的大叔"咁解 店內裝飾少精緻浪漫🤭 估唔到食物款式同質素亦都比預期有驚喜~🦀軟殼蟹漢堡 $108原隻炸軟殼蟹size比想像中大隻多肉多膏 啖啖滿足😍 薯條亦新鮮熱辣辣 香脆飽滿🐥韓式甜辣炸雞 $98/6件雞翼雞槌雞髀各兩件 兩個人食唔洗爭 炸皮幾脆偏厚 肉質幾嫩滑juicy 整體都唔錯 配埋甜辣醬幾惹味🍄炸菇 $48被薄薄既脆漿包住既白菇 keep到爽彈多汁 冇草青味 點埋個沙律醬一流☕焦糖爆谷拿鐵 +$33賣相打卡able之餘 味道亦有水準 面頭爆谷脆卜卜 咖啡同奶味都夠香濃 焦糖既甜度亦岩岩好夠match😋

經過一星期繁忙嘅工作💻，上星期五晚約咗朋友 一齊去韓式花花cafe 輕鬆吓👭🏻小店以白色佈置以主🤍🤍，一入門口有白色大吊燈，已經想像可以係度影韓式婚紗相👰🏻‍♀️。再望埋天花既花花，少女心要爆發了🌸店員為我地送上玉子片同泡菜做前菜，用粉色系前菜碟，襯托住韓式少女心💕❥ 牛油果炸豆腐沙律 🥗 ($78)重點嘅炸豆腐炸皮同樣好薄，口感非常軟滑🤩，食落好輕盈，很讚！旁邊有半個牛油果、芽菜、生菜、粟米🌽、小洋蔥🧅、車厘茄等配料，營養豐富，而且好清新✨❥ 蒜香蜂蜜炸雞🍗 ($98)可以揀半份 (6隻)或者一份(12隻)，兩個人叫半份已經足夠☺️。炸雞鋪有香草，我地撈勻香草先食，蜜糖醬好清甜🍯，炸雞皮又薄又香脆，肉質嫩滑👍🏻❥ 牛肉卷 ($55) 牛肉卷裡面有爽口嘅黃瓜，配有蘿蔔絲，同埋重點嘅牛肉。牛肉幾香，肉質唔錯，外層嘅紫菜脆薄，旁邊可配韓式麻油增添香味😋❥ 柚子燒酒 🍶 ($48)食韓國菜就好想飲番杯酒，兩個女仔share 呢枝燒酒已經好足夠。燒酒味道甜甜地，酒精量唔高，岩哂happy Friday放鬆一下❥ Hangry Donut 🍺($48)坐耐左叫多左杯啤酒，麥味幾香，酒既濃度會高少少

:My Ahjussi (大角咀)大角咀大全街39號地舖更多正餐搜索 #jff_dining (｡･ω･｡)ﾉ今次去到大角咀附近搜尋美食🥰朋友話好耐都冇食過韓國嘢所以黎到呢間내 아저씨~~中文姐係我的叔叔🫣🫣入到去餐廳氣氛非常浪漫因為鋪滿了花海係天花板同有鳥籠成個感覺係好溫馨之餘好舒服٩(´ε｀ ٩و～～～～～～～～～～～～～～～～～～～～♪ 蒜香蜂蜜炸雞 $98 (8.5/10)炸雞炸得好香脆之餘唔會好熱氣而且蒜香蜂蜜味十分的濃厚～醃得好入味～食落甜蜜而又少少蒜♪ 炸軟殼蟹 $40 (9/10)估唔到炸軟殼蟹係原隻附上炸得唔會油膩而且保持到軟殼蟹的味道食落真係有蟹膏㗎👍🏻👍🏻推薦旁邊仲配有蛋黃醬同沙律～清新一下♪ 海陸薄餅 $128 (9.5/10) *推薦！呢個海陸pizza可能因為有好多芝士所以食落係會拉曬絲～超滿足呀！而且佢配料有韓式蛋黃醬同埋雞肉蝦洋蔥冬菇等等～豐富！兩個人食都表示份量非常足夠～♪ 鮮奶抹茶 $32 (8/10) 韓式既抹茶鮮奶～抹茶味頗濃但係個人認為冇咩特別～～～～～～～～～～～～～～～～～～● ● 總結 ● ●偶然食一餐韓式都有些少驚喜首先小店的韓式料理都

《花花韓式世界🇰🇷》———————————————-#MyAhjussi 🌸-大角咀愈來愈多新式餐廳，呢間韓式良心店好特別，花花裝修充滿少女心🌸 佢唔止得個樣，之前睇過關於呢間小店嘅新聞，佢仲有聘請身心缺陷嘅人士做員工，好有心💛-🐣 蒜香蜂蜜炸雞炸雞外皮黃金，炸得都幾香脆，啖啖肉好惹味，分量十足，蜜糖蒜味味道濃郁，蜜糖帶出蒜粒嘅香味，鹹鹹甜甜，食到我舔哂手指👍🏻-♥️ 泡菜海鮮豆腐鍋用咗熟成泡菜、魷魚、青口同豆腐滾成嘅熱湯，賣相火紅色，但又意外唔算好辣，飲完暖笠笠，撈飯食一流🤤-🦀 炸軟殼蟹軟殼蟹夠晒脆卜卜，一啲都唔油膩，炸得酥脆，點埋個沙律醬咁食好唔錯😋-🧡 焦糖爆谷拿鐵賣相吸引，上面鋪滿焦糖爆谷，入口焦香，一啲都唔會死甜，拿鐵帶有淡淡咖啡香，口感順滑～-⭐ 參考價錢︰（另收加一）蒜香蜂蜜炸雞：$98泡菜海鮮豆腐鍋：$78焦糖爆谷拿鐵：$45炸軟殼蟹：$45🍌 抵deal 指數：7/10💰 人均消費：$150

#📍 My Ahjussi 大角咀大全街39號地舖🔸泡菜海鮮豆腐鍋 $78🔸卡邦尼炸雞6件 $98🔸炸菇 $48🔸香蕉拿鐵 $33(跟餐）🔸甜麥仁拿鐵 $45🍒點評時間餐廳雖然叫My Ahjussi但環境很粉紅很少女風💓難道這就是大叔的愛？😂我和朋友都是被店舖環境吸引進去🍲泡菜海鮮豆腐鍋鍋物配了一碗白飯🍚雖然是泡菜湯但湯底不算太咸👍🏻裏面海鮮有青口、魷魚圈、蟹柳同蜆仔🍗卡邦尼炸雞平日很喜歡卡邦尼 所以二話不說就點了這個✌🏻滿滿的卡邦尼醬極度邪惡😍🍄炸菇這個炸菇超級juicy超鮮味🤤沒有草青味點上沙律醬超好味😋有8件我覺得都幾划算👍🏻🍌香蕉拿鐵香蕉味很濃😋拿鐵奶泡上還有幾片香蕉🫘 甜麥仁拿鐵附上一碗甜麥仁 可以自行放到拿鐵奶泡上加入甜麥仁後增加飲品口感👍🏻好味指數😋：⭐️⭐️⭐️⭐⭐抵食指數😛：⭐️⭐️⭐️⭐⭐服務指數⚜️：⭐️⭐️⭐️⭐環境指數🧽：⭐️⭐️⭐️⭐️⭐#foodie #foodiehk #hkfoodie #hkfood #foodbloggers #hkfoodbloggers #hkgirl #instagood #foodlovers #globaleats #eathk #sisterhoo

💛良心小店👍🏻大角咀平價韓國菜My Ahjussi (大角咀)大角咀大全街39號地舖鹹蛋黃炸雞 $118 (6ps)👍🏻必點推介✔️分別係炸雞翼、雞鎚同埋雞扒各2件✔️鹹香味好重、邪惡蛋黃醬✔️層次分明，帶點蜜糖牛油香✔️好熱好脆好香口焦糖爆谷拿鐵 (+$33) ✔️爆谷好脆兼igable✔️叫少甜剛好，咖啡味濃，唔會過甜✔️滑滑嘅奶啡底，好match 焦糖香魚糕湯 $42✔️2大串，好多各種形狀嘅魚糕同魚糕片✔️湯重麻油及胡椒香韓式海鮮意粉$72✔️酸酸甜甜，重蕃茄味✔️多海鮮🦞✔️幾大份，不過推其他食物多啲✔️價錢公道，仲包普通嘢飲🧃Igable:8/10Taste:7.5/10Worth revisiting:7/10

店舖充滿住粉紅色同花 確實幾小清新 好少韓國菜有呢種風格 環境乾淨企理 坐得好舒服😍食物方面仲有素食選擇添 -▫️卡邦尼煙肉泡菜意粉 ($72)▪️黃金鹹蛋炸雞 6 pcs ($118)▫️黑松露薯條 ($45)▪️韓式牛肉飯捲 ($55)▫️芒果乳酪 (跟餐 + $30)食物質素有驚喜 首先卡邦尼煙肉泡菜意粉醬汁超creamy 不會被卡邦尼搶左泡菜既味道😋其次鹹蛋炸雞好濃郁 雞肉又夠嫩🍗而黑松露薯條個醬十分濃郁 薯條又夠脆！最後大推韓式牛肉飯捲 配上的海鹽麻油 令飯捲味道更香口！

話說之前去大角咀路過一間門面簡約的小店，望入去裝潢走小清新路線，漫天櫻花的天花板🌸🌸 配搭簡約的擺設。叫𝕄𝕪 𝔸𝕙𝕛𝕦𝕤𝕤𝕚 我的大叔?!😳 呢間韓式餐廳又幾特別喎！今晚一於同我身邊的大叔🙊專程試試😆😆菜單款式多樣：小食、沙律、韓式飯類、fusion意粉、pizza、burger、炸雞。就連飲品都款式不少。選擇困難症出現🥴先來每人一小碟泡菜✨ 味道合我口味，火速清光😂🫶🏻魚糕湯 $42超掛住每次去韓國食熱辣辣的魚糕湯🥹 一串用上不同款式的魚糕✨ 而豬先生鐘意它的湯頭😆🫶🏻泡菜海鮮豆腐鍋 $78海鮮有青口、蝦仁、蜆肉、魷魚，還有大量豆腐及泡菜❣️ 材料豐富！湯汁送飯一流👍🏻 如果可以再辣些會更jeng☺️☺️🫶🏻芒果乳酪 $42 飲落清新，乳酪夠light，帶淡淡芒果味，唔錯唔錯👍🏻🫶🏻雜果賓治（跟餐價$36）很想點它的特色咖啡，每一款都勁吸引🥴 可惜晚上不能飲（否則會失眠眼光光🥺）只好點了雜果賓治🥴 上枱超吸睛，色彩繽紛，內裡是水果做的冰❣️飲下飲下就會吸到果肉😍🫶🏻蒜香蜂蜜炸雞（6件）$98炸雞口味都有6款。蒜香與蜂蜜完美配搭，味道恰到好處🫰🏻 皮脆內軟✨✨整體而言，價格親民，味道不俗，打卡

約了朋友,大家並不太餓,只點了年糕及咸蛋黃炸雞.幸好,因為食物水準不及如期.當日去並不多人,連我們只有兩枱客.環境裝飾很少女,夢幻, celling佈滿白色假花.年糕：口感一啲都唔煙韌,外淋內硬,感覺翻叮又翻叮過,醬汁偏淡,魚糕正常,但總體不合格.鹹蛋黃炸雞：鹹蛋黃醬很少,炸雞粉較厚,肉質還好,肉是有醃製過的.比較好的是加了海苔粉,令味道更香口.兩個食物都不太理想,年糕更是吃了一口,我們就沒有繼續吃下去.究竟我們不好彩還是..太多?

menu好多素選擇 好意外有韓國素餐廳 無論係主食pizza 定係小食都有素選擇最驚喜係有新豬肉豆腐鍋 同埋素牛肉紫菜卷 食物份量足夠 味道幾好 豆腐鍋嘅豆腐好滑！忌廉意粉出色！舖頭唔算大 但裝修好靚 好似韓式cafe咁 睇得出有心🥳

【大角咀•My Ahjussi 】————————————————————————大角咀唔近鐵路站 但呢頭好多餐廳值得食呢次韓國餐廳有啲似coffee shop 環境舒適寧靜 讚一讚呢度泡菜 食落有蒜香味 易入口好多餐廳啲泡菜酸到入唔到口🍯｜蒜香蜂蜜炸雞 6pc｜HKD98雞翼。雞胸。雞髀 各2件 微微蒜香味唔會蓋過蜂蜜味 喜歡呢度炸雞唔會太濃味炸粉又唔會太厚 食幾件都冇問題😊🍯｜泡菜豆腐鍋｜HKD58中間放上生蛋做點綴 鍋材料豐富飲咗幾碗都仲有 呢度豆腐嫩滑 食到最後仲有 🍯｜炸菇｜HKD48小食方面我哋叫咗炸菇 蘑菇咬落去勁多汁 個人比較鍾意唔加醬食 記得趁熱食 🍹｜芒果乳酪｜跟餐加HKD30推介❤️好好飲 口感好似奶昔 非常滑 又唔會太甜🍹｜香蕉拿鐵｜HKD45朋友表示焦糖爆谷拿鐵見得多 揀了呢款香蕉香蕉味好夠岀 仲有少少蕉肉食吓 。餐廳環境：📸📸📸📸📸服務質素：😊😊😊😊😊食物味道：👅👅👅👅性價比：💰💰💰💰消費 HKD307(已加一)。✨✨✨✨✨✨✨✨✨✨✨✨✨#nkiki大角咀 #nkiki韓國菜 🏠 My Ahjussi 📮 大角咀大全街39號地舖

係大角咀俾我無意之中發現呢一間食韓式Fusion菜嘅小店，店內裝修雖然簡約，但抬起頭就望到天花佈滿晒櫻花的，非常之有少女風，好似去咗韓國梨花大學一帶嘅Cafe 咁！🥰🥰🥰一行二人點咗一個海鮮鍋🍲、魚糕湯🍢、韓式甜辣炸雞🍗、焦糖爆谷Latte及香蕉牛奶，個海鮮鍋都有非常之多嘅配料的，包括青口、蝦、蜆肉、魷魚圈、蟹柳同菜等，配飯食一流！韓國菜中我個人係幾喜歡食魚糕湯的，因為我係好鍾意食魚旦㗎！哈哈! 😝炸雞同樣係必點嘅菜式，味道甜甜酸酸充滿著韓國嘅風味！我個杯焦糖爆谷Latte嘅賣相真係好鬼死靚，打卡呃like 真係冇得輸呀！❤️❤️❤️食到飽飽，人均都係百幾蚊，而且又好食，性價比非常之高呀！👍🏻👍🏻👍🏻 @myahjussi_hk