Mug Pizza (已結業)

外賣Mug Pizza天時暑熱,老婆唔想煮飯,岩岩收到張宣單,就索性買Pizza番來食啦Pizza分為二個size，有9吋同12吋。2個人食就order 左個12吋老婆叫了一個菠桃胸湧加芝士四重奏MIX很足料,我比較鐘意食芝士四重奏,芝士真係有4種~厚批夠頂肚,很滿足 另外叫左秘製豬仔髀豬仔髀肉質滑嫩, 醬汁很入味,一邊拿著食 啖啖肉,一邊睇波非常滋味

專程去到億利工業中心, 目的就是 "程班長" , 但到步後發現全場爆滿, 且還有客在外等候, 我和太座不慣等待, 至少不會為一碗麵去等, 於是轉場往這間在"程班長"隔離的 Mug Pizza, 反正之前就想一試 ....門面簡單, 中門大開, welcome~留意一下木板餐牌 .... "程班長"爆場, 這裏卻沒有一檯客人, 實在有點難以置信, 難道是以外賣為主~不用怕! 我們就是客, 而且還坐在這暗角處! 暗角處 , Yes I Like~Menu~可以用八達通~墨西哥 6吋 (一人餐$42)配料是: 牛肉、墨西哥辣椒、洋蔥、蘑菇餅底的味道鬆化脆身又軟綿似麵包, 一問之下原來此店的餅底是手搓的, 而且是以橄欖油製作, 怪不得味道如此特別~秘製豬仔髀 $44/3隻醬燒令豬仔髀肉質滑嫩, 非常入味, 濃淡適中, 焦起部份帶香, 吃起來啖啖肉, 非常滋味~當日的用餐經驗不錯, 這一間 Mug Pizza 我們會再來的~

荔枝角的工廈，都係我地呢D荃葵青人揾食既地方。果日去完香工燒錢，見到呢間主打外賣既Pizza 店，決定買返屋企作晚飯。地點好易揾，門口裝修都幾吸引。雖然主打外賣，但如果一兩個人，都有小枱可以即食。Pizza分唔同size，有9吋同12吋。2個人食2吋就ok，我選左「夏威夷」同「魚米之香」2款。批底係傳統港式pizza,厚批，鬆軟，有點似麵包。Pizza的材料極多，佈滿整個批面。不過，可能選的味道相近，除了材料不同之外，不太有分別。雞翼係我至愛小食之一。蜂蜜雞翼味道適中，甜甜的，很惹味，雞翼也不會焗得太乾，好食!洋蔥煙肉焗磨菇味道很好，可惜盒蓋沒有疏氣位，當我拎到回家時，菇菇給倒汗水弄濕了，影響了口感，希望店主可以留意!

今日去開荔枝角果頭做野，客戶介紹話呢頭有棟工廈一二樓全部都係食野，當然要黎試下！一路行都唔知食乜好，一望就比巷尾呢間 Mug Pizza 吸引住，細細間但門面都算幾靚。我地叫左個二人餐，價錢係 $132，有一個 Pizza 一個飯／意，一個小食，仲有野飲。作為簡便 lunch 其實有少少貴，但以份量同味道計直頭係超班。裡面其實只有5格 Bar 台同埋一張小台面… 所以我有合理懷疑佢地係做外賣多。  外賣 Pizza 盒～ 都幾靚呢個就係意式風情 Pepperoni Mushroom，材料有蘑菇﹑辣肉腸同牛肉。簡簡單單，但非常惹味。不過我自己就比較喜歡超薄批，所以呢個有少少厚度既我就覺得有少少飽，但我太太就非常喜歡。跟住呢個就係焗素飯。因為通常食呢類西式或意式野，都係多肉多油，所以決定叫個 veggie 調劑一下。通常焗飯都係用炒飯底，但呢個素飯係用白飯底去焗的，配埋佢既茄汁同粟米，異常地夾，越食越開胃！最後呢個小食就係白汁芝士西蘭花。呢個同平時食開既芝士西蘭花有少少唔同，因為佢用左唔少既白汁，所以成個菜都係比較濕潤多汁，少左芝士果陣香濃，不過就變得無咁飽滯，好配合到成餐飯，剛好令你食得

荔枝角的億利工業大廈真的是美食集中地，除了有不同的西餐私房菜外，還有聞名已久的程班長，現在又有了Mug Pizza.Mug Pizza主要是做外賣，內有數個位都可以堂食，地方細細，都OK呀！餐牌上除了基本食物外，還有Mug Special 同其他店主推介。因為友人是素食者，所以當日我買了Margherita Pizza 同迷你甜蕃薯上朋友家中開餐了！這裡都幾多素食者的選擇，個人很喜歡呀！因為我有很多朋友都是素食者來的！這裡的Pizza是比較厚底的一種，喜愛食麵包的一定喜歡！Margherita Pizza 是一個傳統的Pizza口味，由傳統意式蕃茄醬，馬蘇里拉芝士同蘿勒做成的，沒有肉類。當中蕃茄醬味與芝士味十分配合，誰也沒搶到誰的風頭！ 這個味道是不錯的！迷你甜蕃薯說不上是很甜的品種，但烤出來味道也不錯呀！一個PIZZA加上一個小食，2人份量剛剛好！也只是一共＄120, 已經夠2人晚餐了！

寶寶很喜歡食Pizza，但連鎖店的Pizza食到有點悶了。上網查一下發現原來屋企附近還有其他Pizza店，找到了這家位處工業大廈內的Mug Pizza。平常都會到附近所以很熟悉這幾條街，不過入夜後原來向長沙灣道的出口會關上，找了一會才找到入口。上到2樓，看到電梯口的易拉架宣傳，想不到這大廈有不少隱世食店，而且營業到晚餐時候。在走廊最盡頭的門面，終於看到Mug Pizza的招牌。店面很小，大約只坐到10個人左右，大概是以外賣為主的一間食店吧！Menu選擇還蠻多的，Pizza、小食、麵類等。因為只有2個人，所以我只點了煙三文魚Pizza和辣雞翼外賣。在Openrice看到別的食家推介，煙三文魚Pizza底是塗滿牛油果醬的，叫喜愛牛油果的我又怎能抗拒呢？Pizza底很香脆，不過牛油果味不重。最令我驚喜和歡喜的是Pizza上面竟然有火箭菜做topping，雖然食的時候會有點麻煩，但火箭菜加三文魚真的很搭。我個人是超級喜歡這個口味的配搭。不過Pizza的分量有點細，而且因為是薄批，感覺有點食不飽。而辣雞翼也算蠻香的，微辣而且很入味。寶寶說這個雞翼完全有連鎖pizza店的水準，很好味。用心的小店總

老婆大人同d姊妹去香工掃貨，叫我自己搵食。行呀行，唔係美心就茶記，去到個工業中心樓下，佢個水牌上面都有d餐廳名見到，上去八下先，係一樓見到間台灣野同pizza 離遠睇唔清楚佢係乜pizza行近d睇原來真係mug pizza 哈哈，俾佢個名同型格既裝修吸引左入去。叫左個一人餐(pizza配秘製豬仔脾),我中意重口味，又中意芝士就點左佢個瘋芝戀，mozzarella cheese, cheddar cheese, Parmesan cheese，cream cheese就好似芝士四重奏咁，四款不同口感既芝士，各有特別，香味濃郁。啖啖芝士，食落又唔會有好油既感覺，雖然無肉又無菜，但咁樣令芝士更香醇。跟餐豬仔脾得一隻，對我黎講少左d,我再加左5蚊要左罐可樂$57蚊落樓，可以靜靜地俾我坐咁耐，冷氣又夠，老婆行耐d街都無有怕。

香港人口味的PIZZA1/5 黃金週出面人山人海,不想離開社區,就在附近買PIZZA食吧早陣子收到了MUG PIZZA的傳單,今日就決定試一下吧MUG PIZZA就在程班長旁邊,億利工業大廈1樓我們街坊必然知道如何去啦PIZZA大約有18款,薄批只有2款口味不是我喜歡的意大利薄餅似乎是老公最喜歡的較飽肚的美式口味也有意粉和各種小食,不過今天只想食PIZZA店內有小量位置可以給客人用餐,我埋單後才發現門口的MENU原來下午茶只需$30即叫即整,大約15分鐘左右可以取貨點了瘋芝戀,菠桃胸湧雙拚12寸名字有點搞笑,很港式,打開PIZZA後發現批底很厚,足足有2/3寸厚~UM..第一眼的感覺老實說不是太好,不過咬下去味道不錯呀!很捨得用料,瘋芝戀的部分用上了大量芝士,包括忌廉芝士,馬蘇里拉芝士、車打芝士和巴馬臣芝士,味道很香濃,啖啖拉出絲來,而且很有美感,但濃味又不會很咸!菠桃胸湧那邊又是菠羅又蜜桃,就是經典港人口味~批底雖厚,但焗得外脆內軟,而且很飽肚!假日在家不用和人迫食飯,看著老公飲著啤酒看電視食PIZZA,感覺很幸福~

但凡到過程班長都會見到附近有間招牌燈亮亮的披薩店 --- Mug Pizza。今次特登走進披薩店去看個究竟, 原來店範圍是一眼見完。座位只有靠牆吧檯高椅, 相信披薩店是以外賣為主, 他們也有外送速遞服務但只限荔枝角區, 若然消費滿$150亦可速遞至美孚新邨、長沙灣元州邨、麗閣邨、美居中心。披薩店主要售賣以橄欖油製作並手搓的鬆脆披薩底, 不過也推出了兩款薄脆批 --- 採用牛油果醬底的煙三文魚薄脆批及巴馬風乾火腿薄脆批；至於運用的醬汁也是自家製作, 披薩有分蕃茄醬底、燒烤醬底、沙嗲醬底、咖喱醬底、千島醬底。披薩店亦有套餐供應, 由一人餐 ($42-$52)至六人餐$372不等；其餘食品包括有沙律、特色小食、焗意粉/飯、甜品。買了份$132餐包括一個普通9吋披薩、一客焗意粉/飯 或 一客小食。披薩點了新出的「港式炸醬」拼「食肉獸」, 每款各3塊。「港式炸醬」帶出集酸、辣、甜的醬汁底, 鋪面的有洋蔥碎、肉絲、還有熱溶後仍然厚厚的芝士, 披薩底被烤焗至外酥脆內輕綿, 連吃至邊位也不會覺得乾涸, 應該是多醬汁與多芝士溶所造成的後果。「食肉獸」是蕃茄醬底, 餡料有罐頭蘑菇、雞肉、辣肉腸、牛肉、煙肉

係荔枝角探完朋友，就周圍行下撞下。雖然呢頭工廠大廈多，但係隱世小店都好多，今次朋友就介紹左間pizza比我。叫左mug pizza 究竟係乜pizza 呢？原來係工廈入面既pizza 位置好近地鐵站，方便！望一望menu選擇都唔少，除左pizza 仲有沙律，焗飯同意粉，仲有小食同甜品。我有選擇困難症，唔知食咩好，最後叫左個一人餐(pizza配秘製豬仔脾),pizza我揀左菠桃胸湧，bbq 醬底既pizza上面有菠蘿，煙鴨胸同水蜜桃，當然芝士都係唔小得。就算拎到翻屋企食，個pizza仲好熱個底都好脆，由於用左bbq 醬底，所以個pizza 好惹味，而香甜既菠蘿同水蜜桃就豐富左成個pizza既層次。豬仔脾細細既一隻，肉好嫩，但唔夠入味。個餐只係$52，都好抵食。佢仲有好多特色pizza，好似沙嗲金菇肥牛，馬灣漁村風味。下次再黎試下先得

話說小妹是很喜愛吃pizza的, 奈可街上只得連鎖店的選擇, 而且份量亦最巨型, 一個女仔真係冇可能食得曬, 得好朋友話我知, 工廈有個食pizz既好地方, 地點也超方便, 就在某班長的旁邊 - Mug Pizza店子只做外賣, 堂食只有幾個位子, order後可以坐下食的門口有佢地既外賣盒, 同埋制服帽, 感覺唔係hea既pizza店睇完餐牌後, 先叫一個特色小食, 紅酒蕃茄(8粒), 一上檯酒味好濃郁, 陣陣紅酒味, 未食前感覺蕃茄跟紅酒不是太配合, 入口後出奇地好食, 而且一D都唔酸, 反而酒味只是淡淡的....素食的人也可以食的喔再來一客新奧爾良雞翼, 是帶點辣味的雞翼, 可惜是辣勁不夠, 怕辣既朋友都可以嘗下食, 幸好雞翼皮脆, 肉質尚可, 挽回不少分數芝士煙肉焗薯皮, 芝士焗到表面有微焦, 內面的薯蓉已經掏空出來, 剩下的份量, 吃下就不會撐飽肚子食pizza又點少得有cheese呢? 瘋芝戀CheeseLover(迷你厚批)一定是你杯茶, 當中有四款芝士在內 (馬蘇里拉芝士, 車打芝士, 巴馬臣芝士, 忌廉芝士), 不同濃度的芝士真係令人垂涎三尺, 更何況要拉得出芝士,

位於荔枝角的億利工業中心，提及此，你會想到什麼？沒錯！此行就是為了程班長而來！　　上到一樓，從升降機大堂已能看見人龍的龍尾。這麼多人，我想大概要排一個小時吧？救命，餓的時候要等一小時也等飽了，還是先吃一點東西再排。　　沿路進去，看到巷尾一家小小薄餅店。名字沒有聽過，不是像Pizza Hut、Pizza Express等的大型連鎖店。聽講係馬灣都有店，但講真……有幾多人會去咁遠……　　薄餅癮又起了，這裏賣的是美式版本，就是料滿厚底的，正合我心意。既然要等那麼久，還是在此醫醫肚先:^)　　餐牌款式比我想像中還要多。想不到在小小工廈中的一家薄餅店，還會推出如此多款口味任客人選擇。更有沙律、小食、飯粉麵及甜品供應，面面俱到。　　環境就比較狹窄，吧枱只有五座位左右，另加一張正方餐桌。也許大部分客人都只是自取或送貨吧。堂食的話也是早早食完早早離開，不會多待一點。不過論及衛生就還是不錯的，光鮮企理，沒有什麼污物。　　服務就不太特別吧，因為大部分時間都是自己在吃。最多係落單同送食物時有點接觸，唔係去餐廳果啲又話加水又話點點咁，冇咩好講xd醬燒金沙骨（五件）　Grilled Pork Spare Rib

因為某大連鎖店的廣告攻勢影響，BeautySearch 總覺得，Pizza 是需要大伙兒一齊食的，所以，我甚少3-4人時選食Pizza，更沒想過一個人獨自食Pizza… 回想起來，BeautySearch已超過一年沒有食Pizza了，還記得當年新居入伙，一大班朋友來housewarming，買了Pizza、意粉、 雞翼… 等來我家開 party，熱鬧非常！不少研究報告顯示，紅酒對心血管健康有益，可惜，BeautySearch 沾不了酒...BeautySearch 雖然愛吃三文魚，但只愛魚生，貪其肥美鮮嫩；而煙三文魚因為經過加工處理，令味道變得偏咸，還多了一點煙薰味道，BeautySearch 卻不太欣賞！雖然已經有點飽，但老闆突然問我們要不要甜品...

走出新天地@Mug Pizza荔枝角長沙灣道883號億利工業中心1樓101室自從上次在工廈中用雙腳走出了遍新天地,這空間中不少新食肆賦予了新氣息,行完香工就同姊妹門移到Mug Pizza食個飯再購物。小食點了人人愛的新奧爾良雞翼$ 39 6件帶微辣的焗雞翼，部份雞皮看似焦黑，但到入口雞皮有拉力邊位又脆脆地，如果調味再辣點就更惹味。芝士煙肉焗薯皮 $38連皮 薯仔中鑲入了芝士及煙肉碎，嚐到芝香及煙肉的油甘，惜薯皮稍為軟身唔夠香脆。原本想點salad, 但有人說薄脆批想試，但3個人又怕再加沙律吃不完，那相協下就點了煙三文魚薄批。個批底幾似餅乾，上面就放滿了火箭菜，桃肉同三文魚，灑上cream cheese ,上層像salad,而餅底抹了層牛油果醬，但牛果味未算突出。大量火箭菜造就了清新的感覺，女生怕麵包pizza底太沉重，換一換這款很良好。芝士怪那可不點cheese lover 瘋芝戀，有4重芝士包括馬蘇里拉芝士、車打芝士,巴馬臣芝士和忌廉芝士，做出拉絲又夾雜4種香氣，入口又唔乾身同死鹹，每種芝士優點都表露無遺.忌廉芝士的濕潤，車打與巴馬臣芝士的濃和香，最後加馬蘇里拉的鹹甘。孖煙通 $44

閒日番工多數都係叫delivery或者自己買個燒味雙拼,總之冇乜變化啦,今日放AL, 為左就一個FRD就入左黎荔枝角食晏,橫掂大家都想食PIZZA, 就決定左黎呢度嘗新,試下LUNCH食PIZZA咩感受~位處走廊底,就係著名既程XX台灣食物隔離,一大班人排隊既時候其實都幾難見到呢間餐廳,不過味道卻令人有意想不到既驚喜先上蜂蜜雞翼,雞翼皮脆到扑扑聲,焗既時間掌握得極好,不過蜜糖略嫌不足,令味蕾刺激感唔太夠煙三文魚配芒果真係絕配,半鮮既醃煙三文魚加上 水份&甜度 充足既芒果,效果尤勝巴馬火腿+哈密瓜,因為煙三文魚大份D更有咬口嘛~CREAM CHEESE作為搭配亦很出色,淡香沒有搶去主角的味道,但提供了額外的口感,個人亦非常喜歡牛油果醬塾底,沒有芝士醬那麼漏之餘,亦提供豐富不飽和脂肪酸,可降膽固醇啊!沙爹金菇雞都可以放上PIZZA?味道也非常不錯,烤雞不用說, 其實烤過既金菇是好正的,亦冇咁難消化,而且本身金菇屬於低卡低脂, 高膳食纖維食品,真係食PIZZA又可以減到肥食左一半先記得影,因為真係好香芝士味,它裡面既芝士係半流質,熱辣辣之餘非常軟滑,可能因為太好味, 本人內功不受控制連整斷左