Mue Mue

营业中

休息中

新開不久的泰菜..中學同學回港探親，約吃頓飯說要吃泰菜，那正好，friday night來個happy hour…一開始老友叫我去泰國餐廳喝酒我是有點卻步的，感覺肯定又吵又擠不然就是音樂震耳，結果來到完全不是這樣。我們坐outdoor, 白椅子白帳篷木地板，很舒服很寧靜。那個bar檯位置我超愛，下班一個人來快喝一杯放鬆一下應該會完美。今晚的第一杯酒我點mojito。口感挺獨特的，檸檬與薄荷葉完美結合，糖漿和酒精量很恰當，它既有清新的果味，又帶著淡淡甜意。我去酒吧也很經常點mojito, 看似簡單大眾化但很少調得令我感密，不是酒精不夠就是太甜。mue mue的mojito我點讚!再來就是negroni。我之前對negroni並不是很感興趣，總覺得它味道苦苦的。但今晚喝的這個口感醇厚，帶著淡淡的煙燻香和橘味，沒有很苦。大家晚點還有飯局所以沒點太多吃的，來了兩份冬陰功蝦片與無骨鳳爪。冬陰功蝦片有驚艷到! 蝦片吃得多但現炸的還是冬陰功味的真的第一次吃，酥脆可口，冬陰功的香味撲鼻而來，又不太辣，讚啊! 無骨鳳爪就太適合我們幾個懶人了，口感Q彈酸辣，一吃停不下來(後面還追加多一份哈哈)。環境賞心悅

第一次黎呢間新開的中泰fusion 餐廳，餐廳環境非常靚，仲有個大露台，好適合打卡同約會。唔好睇佢外表係一間網紅餐廳，其實呢度都相當家庭友善，首先座位空間感十足，唔怕小朋友騷擾到隔離檯，而且提供high chair 同兒童餐具，仲有餐廳入面有企理既洗手間，對帶住幼童既家庭黎講係好加分既。最令我滿意既係呢度既服務，小朋友唔小心打瀉左飲品，侍應生立即清潔，仲換左一杯新既飲品我地，佢仲另外用兒童膠杯分多一小杯俾小朋友，十分細心。講返食物，可能新開張，暫時選擇唔算太多，我地叫左幾樣味道都不錯，份量亦足夠，推薦炸物即炸熱辣辣，好惹味，而甜品清甜，同樣推薦。Pineapple coconut milk ($48)，菠蘿加椰子好夾，唔會太甜Pineapple coconut milk ($48)，侍應生好細心幫我分左落膠杯俾小朋友，連飲管都幫手cut 短軟殼蟹青木瓜沙律 ($168)(食左D先記得影相)，軟殼蟹香脆，青木瓜酸酸地，好match香茅雞翼(4隻) ($68)，新鮮炸起，外皮夠脆，肉又juicy冬陰功湯河 ($268)，份量好大，足料，味道偏辣菠蘿炒飯($248)，呢個就普通D，得一小片菠

約左好耐冇見嘅朋友食飯，選址一個環境舒適嘅地方冬陰功脆蝦片新鮮炸起蝦片，配上冬陰功調味粉，口味創新Pineapple Punch酒味突出，口味特別龍眼茶清甜可口雪糕紅豆珍多冰十分足料，配上香濃椰子味雪糕，味道不會太甜，值得一試紅磚豆腐以紅菜頭汁製成的脆漿包裹豆腐油炸，豆香味濃，非常滑溜泰燒汁八爪魚八爪魚鮮味十足，配菜驚喜，是以梅粉醃製的西瓜肉，個人很喜歡，推薦！冬陰功脆皮燒雞廚師將雞起肉，配上冬陰功調味，燒雞皮放在雞肉上，懶人至愛香茅檸檬葉烤魚筍殼魚油泡後放到泰式酸辣汁上。醬汁並沒有搶過魚的鮮味，兩者配搭完美，推薦！青咖哩和牛面頰咖哩汁好香濃，和牛高質，一咬即化，油香充足，可以餸幾碗飯，推薦！手抓餅（3件）是刈包的質地，夠鬆軟，沾青咖哩吃非常搭配馬拉盞炒通菜正常水準黃金魚皮咸蛋黃配上新鮮炸魚皮，鬆脆可口，推薦！黑糖椰子雪糕香濃椰子雪糕，配上桃膠、烘乾椰絲、竹蔗茅根啫喱，龍眼肉，滋潤清爽

第一次黎食，聽聞新開張每一道菜店員都有親身介紹係啲咩真係服務唔錯魷魚唔錯，下邊有啲西瓜酸酸甜甜既味道紅燒豆腐，夠香口而且味道特別豬頸肉炒椰菜，口感都唔錯而且賣相幾好和牛臉青咖哩，夠香滑夠足料豬頸肉沙律，入量超大！而且豬頸又燒香過，柚子沙律都好味脆炸麻辣手撕雞，偏咸，味道真係幾重口味！炸軟殼蟹，脆卜卜夠好食蟹肉新鮮！飲品方面，我地叫左幾款不同口感，個人喜愛紅豆雪糕三色冰！超豐富既料另外我哋都嗌咗啲酒精嘅飲品就喺佢出邊露天嘅位置就享受！三五知已傾偈真係唔錯嘅選擇啊呢度有甜品送左比我地食！中泰式口感 幾滋潤

今日同朋友嚟試吓呢間新開嘅餐廳，位於美麗華商場一期，好方便。一入門口已經被裝修驚艷到，算係幾高級嘅地方，好彩今日嚟唔算太多人太嘈，整體環境好舒服。而我哋揀咗坐Outdoor諗住有Feel啲，始終唔係間間餐廳都有Outdoor位咁正～侍應服務態度唔錯，畀到好開心嘅感覺我哋。可能因為餐廳新開，暫時仲未有Dinner Set Menu，而 à la carte menu又唔算好多嘢揀，比起平時食開嘅泰國菜同泰式Cafe嚟講算少嘢食。頭盆嗌咗泰燒汁八爪魚，睇英文menu就知有西瓜，覺得好有趣。不過個人認為八爪魚同西瓜嘅味道唔係好夾，而且調味都唔係咁大眾口味：小食我哋嗌咗炭燒沙嗤拼盤，本身已經喺串燒上面沾滿左沙嗲汁，所以味道都好足夠，色香味俱全。肉質都非常之嫩滑，真係幾好食，但係略嫌貴咗少少：然後就到我哋最期待嘅香茅檸檬葉烤魚。首先香茅檸檬汁調配得非常之好、超級開胃，帶點鮮甜味，配埋烤魚一流！而烤魚嘅魚皮吼得非常之酥脆，肉質保留到鮮嫩感，一啲都唔老，我係我食過最好食嘅檸檬魚！要飲食均衡，梗係要帶返一碟菜啦！馬拉藎炒通菜用咗石鍋上碟，可以保持返溫度，就算坐喺室外都唔會咁快凍，熱辣辣嘅通菜真係好好食

今日同家人去美麗華廣場一期shopping，細仔突然間話想食嘢先，咁我哋就逐層揾吓有咩新餐廳，行到3樓見到有間泰國餐廳比佢啲優雅裝修吸引住，裝修風格非常好，環境寧靜好舒服，見到還有廂房就諗住下次與家人或舊同事聚會都好適合。坐低看到餐牌款式不多，起初都有啲失望想離開，但見到經理很誠意介紹啲菜式，就不妨一試。我哋order咗6樣菜式及一碟菠蘿炒飯，起初真的沒有期望，但一碟又一碟有驚喜。小食每枱必上一小碟香脆可口的蝦片作為今天主角的前奏唔錯，又香脆又帶少少辣粉好惹味。菜式1.  泰式燒豬頸肉必食推介，啲豬頸肉肉質嫩滑，燒汁味濃郁仲配有秘製泰式辣汁，一塊又一塊好快就清碟，非常惹味。2.  手抓餅平平無奇的包以為無特色滑，原來食落好鬆軟。3.  咸魚炒芥蘭這味菜相信去任何一間泰國餐廳必叫的菜式，這間不是使用平時的咸魚配搭芥蘭，佢係使用咸魚仔, 比較特別及創新，值得嘗試。4.   泰式烤季節魚這條筍殼魚真係值得一讚，用咗冬蔭功湯底烹煮這條魚，肉質本身已經好嫩滑，配上酸酸辣辣的汁非常又惹味，味道恰到好處。5.   冬蔭功脆皮燒雞雞皮很脆口，肉質好嫩滑但淡啲，如果配上豬頸肉的秘製泰式辣汁就一流。6. 

好好味，性價比超高，環境一流。平時都唔鍾意食泰國菜，但依家突然覺得泰國菜都唔錯。1）去骨鳳爪🌟：有少少辣，但係好入味2）蜆湯🌟：好鮮甜3）海南雞飯🌟：個雞好嫩、個飯好香4）冬陰功湯麵🌟🌟🌟🌟🌟：一定要試下，非常足料5）熱情果沙冰：有啲酸🙈我唔鍾意6）龍眼茶🌟：好多龍眼👍7）豬頸肉沙拉🌟：豬頸肉🌟好好味，都應該叫8）黑糖雪糕甜品🌟：非常jengggggg，一定要試下

星期六晚與屋企人到尖沙咀美麗華廣場的MUE MUE晚餐，是一家新派泰國菜餐廳，餐廳環境服務亦非常好，waiter耐心介紹他們的菜餚。我特別推薦大家一定要試「香茅檸檬葉烤魚」，魚是炸的，但肉質非常嫩滑，配以一些泰式微酸汁，出奇地好味。就連唔愛食魚嘅老公都覺得好食。他們都有些較創新的菜式「泰燒汁八爪魚」，估唔到西瓜配八爪魚是可以好夾的，食落味道非常清新。另外，我亦叫咗一D必食泰國菜炭燒豬頸肉青木瓜沙律：豬頸肉配上特制泰式醬汁炭燒好味好爽口，再配上木瓜沙律，真是最佳前菜。泰皇冬陰功湯：超多海鮮，蝦好爽口好大隻，不太辣，非常適合我們。冬陰功脆皮燒雞：雞皮脆到好似薯片一樣，「正」必食的「菠蘿炒飯」：他們這個飯好特別，炒飯中加入細細粒臘肉及鮮菠蘿粒一齊炒再配上肉鬆，絶不油膩，超惹味呀！食飽飽，一定要叫埋「黑糖椰子雪糕」 先算完滿的一餐。

⭐️評分：8.5/10-中式x泰式 Fusion 菜，創新獨特-✳️紅磚豆腐 👍👍以紅菜頭染成紅色，模仿泰國紅磚屋酥脆香口，內裡滑溜，口感多元-✳️泰燒汁八爪魚 👍👍底層清甜新鮮西瓜配搭彈牙爽口八爪魚加上特製青汁口味層次豐富-✳️泰王咖喱龍蝦 + 手抓餅 👍👍👍濃稠咖哩汁，融入蛋醬更綿滑肉質彈牙鮮爽以台式手抓餅包裹蝦肉、咖哩醬、蝦膏、年糕😍 味道均衡誘人-✳️冬陰公脆皮燒雞 👍👍👍炸子雞繁複做法，風乾再炸熟造就皮脆肉嫩多汁效果秘製冬陰公醬滲入雞肉-✳️香茅檸檬葉烤魚 👍👍👍魚皮酥脆，魚肉軟滑幼嫩檸檬葉帶出清香口味加上特製醬汁酸甜香辣，呈現豐富層次色香味俱全-✳️麥皮蝦 👍香口，肉質彈牙強烈鹹蛋黃香氣撲鼻-✳️泰式青醬牡丹蝦 蝦肉柔軟有膠質，帶黏度配上青醬更提鮮-✳️參巴豬頸肉炒椰菜 回窩肉風格烹煮椰菜吸收香濃參巴醬豬頸肉柔嫩軟熟，帶彈性-✳️菠蘿炒飯 👍👍臘味炒飯 vs 菠蘿炒飯 將臘味特有的臘肉油香融入微甜的菠蘿炒飯鹹香味中透出陣陣菠蘿清香油而不膩-✳️泰皇冬陰公湯有別傳統，湯底加入南薑、香茅、檸檬葉、魚露、檸檬汁、辣椒膏等多種香料香料味道濃郁，配搭多種海鮮❗️以酒精配搭加強酸辣度更可口❗️-✳️黑糖椰子雪糕

Mira Place 3樓最近新開左間泰國餐廳，裝修都幾靚，環境光猛，除左普通menu之外，晏晝仲有lunch menu供應。上個星期試左幾個lunch，推介紅咖喱雞同埋香茅肉餅，咖哩唔係好辣仲有好多配菜、肉餅幾特別仲配埋蛋，送飯一流。如果想再要試多啲野，個menu仲可以加配其他小食同飲品，個日就加左個豬頸肉同雞翼，兩樣野都好惹味 👌🏽 野飲就叫左杯龍眼茶，呢啲天氣飲就好舒服，夏天可能要有凍飲。下次可以試埋晚餐 🙋🏽‍♀️

自從變咗奴才後，就會鍾意搵啲可以帶埋狗狗一齊去嘅地方食嘢，但係通常都要揸車去到新界，對我住九龍區的人始終唔係太方便。今日嚟到尖沙咀美麗華商場新開嘅Mue Mue 餐廳，佢嘅戶外地方真係好吸引！座位好闊落，旺中帶靜，有足夠地方比我一家人同狗狗享受一頓舒適和寧靜嘅Sunday lunch。尤其係而家呢個季節坐outdoor，真係同去新界啲戶外餐廳冇咩分別。今日食咗佢哋嘅set lunch ，加埋前菜同雪糕甜品。落咗單之後，好快上菜，同傳統泰菜味道有啲唔同，好似中泰合璧咁，都幾得意，原來係中環唐述師傅設計嘅，唔怪得知咁有創意，個青咖喱和牛份量好足，啲牛好腍，同埋唔食開辣嘅我都覺得呢個青咖喱好好味，我個朋友就點咗海南雞，碟海南雞係同冬瓜湯同串燒一齊上嘅，如果串燒加埋個串燒醬就完美啦！ 至於服務方面，經理同其他服務員都好友善，好有笑容，可能係新開關係，耐唔耐都會走過嚟問吓我哋意見有冇特別需要，寫低我哋嘅意見，睇得出佢哋好有心做好呢間餐廳。而家個個北上消費，希望大家唔好唔記得香港仲有一班好有心嘅年青人想做好本地餐飲業。

今晚一行四人到新開業既泰菜 Mue Mue 晚餐。紅磚豆腐 – 用避風塘既方法煮,賣相好睇, 而且皮好脆, 加埋炸蒜既香一齊食, 好味!冬陰公脆皮燒雞-個皮又薄又脆, 手撕雞‧如果雞胸肉可以再滑D就perfect!冬陰公湯-好多海鮮!好大煲! 味道對我黎講辣左D, 朋友就覺得鹹左DD.泰燒汁八爪魚-個汁幾特別, 八爪魚配西瓜原來都夾燒豬頸肉-呢個真係醃得唔入味, 雖然份量好大, 但有D失色黑糖椰子雪糕必點!!!上面有粒粒椰肉, 同埋其他配料, 好食有驚喜!Overall黎講, 環境同服務態度都相當唔同,食物選擇可以再多D. 

呢個位以前係King Ludwig, 後來結業.  空置咗幾個月, 聽同事講開了一間泰國菜, 於是我地 lunch 落去食下.內部裝修無咩大變化, 大致上都用返之前GE 格局, 係D 座位和枱的擺位闊D, 所以無以前咁貼近.  睇裝潢似係想走高檔路線, 而餐價亦都係中上檔.我覺得一間走高檔路線的餐廳除了有食物質素、良好服務態度, 仲要有貼心GE 安排.論環境, 呢間Mue Mue 的亮麗雪白裝修給人好舒服, 可是冷氣就過了火.  我地都見到有人要求換位, 我地就無換位, 但見到枱上食物上的九層塔吹到不停搖擺, 食物好快涷晒………..論服務, staff 係好 nice 又 helpful.論食物質素, lunch餐價平均係過百, 但只係得嗰主食, 無餐湯 or 餐飲, 令到我覺得5夠圓滿.  呢度叫 lunch menu 里的主食, 係可以用半價叫飲品 / 甜品.  即係叫杯龍眼茶 / 香茅茶, 計埋加一, 要 $30, 值5 值則見仁見智.  甜品只係得椰子雪糕, 無一般傳統泰國甜品, 5 啱我.Appetizer 係加錢叫, 咁我地3條友, 叫咗:2 sets 雞翼 (每 set