MR. MAKI (保和大廈) (已結業)

🍴是日點餐:魚全部都係魚 $69 + $15 set b 有皮薯條,沙津&飲品.睇到menu已經覺得名改得好有趣,今次叫左 "魚全部都係魚",卷物有吞拿魚拖羅,三文魚,蟹籽同脆趣一黎到見到卷物舖滿吞拿魚拖羅,三文魚,蟹籽同脆趣!!!每啖咬落去都食到哂魚蓉同三文魚,而且好鮮甜同有口感.跟餐加錢仲有埋有皮薯條, 沙津同飲品,好豐富的午餐而且宜家有皮薯條買少見少了, 我比較鐘意食前菜, 沙津如果再多d 同多d 其他配料會更上一層樓😍

灣仔橫街內的日式小店🤪有時係啲唔當眼既小巷 真係充滿好多驚喜🔓 熱情赤富士🌋 $59名字配搭外形 好掛住富士山🥲 用左8舊飯團堆砌🍣 每舊飯團包住牛油果🥑同炸菇🫓 香脆可口 跟住火山頂好多韓國泡菜甜椒同炸蔥 味道相當吸引 辣得黎帶有清新既感覺 而且最後用焗既方式固定形狀同口感 日韓混合好有創意加配套餐Set A +$15🔓日式沙律🥗生菜加黑醋 簡簡單單開胃前菜🥗🔓先生炸雞🐔炸雞好Juicy🤤 大大舊一啲都唔乾 加配佢啲秘製檸檬酸汁🍋 好開胃🔓哈蜜瓜梳打🥤係原裝日本入口既汽水呀🥺 香港真係要行到日式超市先會見到 呢間小店真係好有心機仲有其他額外汽水選擇架#支持小店

Mr. Maki 雖然睇落似外賣店既格局, 但係都有提供少量座位堂食. 主打壽司, 但就唔係賣傳統既壽司. 主要賣特色卷物, 每款係出面都無食過, 全部自家創作, 創意十足我地今次叫左魚全部都係魚有拖羅，三文魚，蟹籽和脆趣. 魚油油香十足 個人覺得吞拿魚拖羅最正同埋帶子被困火焰山芝士份量足料, 加上蟹子,牛油果, 味道帶有層次, 基本上唔洗加豉油都OK夠味另外都推薦大家加個小食set. 因為只需要$15-$20左右, 就可以有一款炸物, 沙律同埋野飲. 炸雞多汁嫩滑. 野飲方面除左普通汽水, 仲有罐裝波子汽水, 都比較少見俾錢嗰時見到+$2可加配黑松露沙律醬咁就加左 咁就既可以食到炸雞/番薯薯條既原汁原味 又可以品嘗到黑松露沙律醬

MR. MAKI 地址: 灣仔交加里51號保和大廈地下L號舖假日我喜歡漫無目的四圍行，行到累了就買杯飲品坐低休息。星期六去開168 買下figure ,過左對面街食野呢間個名好日本feel work,食壽司，堂食位唔多咁我買返屋企，可以邊食邊玩模型$59 麻麻地軟殼蟹指係麻辣，有牛油果同炸起熱辣辣軟殼蟹，yummy yummy.加錢配小食飲品$69 魚全部都係魚，吞拿魚三文魚蟹籽，刺生魚打成泥，加上脆粒同蟹籽口感鮮明，多層次口感。$15 轉成套餐有日式沙律同炸雞，honey mustard ,同雞好夾。另一份轉套餐有日式沙律同炸蕃薯條，蕃薯香甜粉嫩又夠粗身。soda 波子味汽水

朋友係呢頭發掘左呢間主打外賣特色壽司, 所以帶我黎試下, 鋪面都設有小量座位作堂食. 壽司之外, D 炸物睇落都幾吸引, 有薯條, 炸雞等等的, 仲有外面好少見既番薯條, 薯條, 炸雞可以加$2 配調味醬/粉, 除左大路既芝士粉同honey mustard 之外, 仲有好鐘意既黑松露沙律醬同好有創意既麻辣沙律醬. 而加做緊開業優惠, 仼何卷物加$15 至20就可以有有皮薯條/番薯條/炸雞, 沙律 仲有汽水, 超級抵食.我地二個人食，分別加左一個炸雞同番薯條。炸雞肉質鮮嫩，新鮮炸起雞汁有鎖起。番薯條甜甜地夠晒脆口, 番薯味十足帶子被困火焰山 (焗)帶子同牛油果既配搭完美咁融入一齊。唔知係咩錯覺，呢個火焰山既份量好似大小小，入面勁足料，帶子蟹棒都滿滿的，口感非常豐富麻麻地軟殼蟹軟殼蟹同牛油果口感配合，另外配上麻辣沙律醬，口感清新獨特。蟹子令到成個手卷口味層次提升呢度竟然有日本波子汽水味梳打可以揀，二話不說就揀左，仲有其他味既梳打

店舖是以快餐店的設計，入面有8張橙色高櫈和兩張長枱。餐廳提供招牌卷物，小食，沙律，甜品和冷麵等等。我們最後選擇左食一號餐「魚全部都係魚」，裏面包括吞拿魚拖羅，三文魚，蟹籽和脆趣。吞拿魚蓉份量算多而且有很香的吞拿魚油味，加上三文魚和脆趣，味道好夾。十分推介！我地仲揀左二號餐 「麻麻地軟殼蟹」，軟殼蟹新鮮好味，加上配牛油果和青瓜，感覺很清新，食落不會太油膩。每個招牌卷物約100g壽司飯，如果吾係話太肚餓既女仔黎講絕對足夠，而我當日比較肚餓，所以我選擇了套餐。由於開業優惠的關係，所以只要叫卷物後額外加$15至$20就可以升級至套餐。套餐我選擇了炸雞四件和番薯條，另外還有日式沙律和汽水。除了一般的汽水可供選擇的還有波子味，提子味橙味和蜜瓜味的梳打，幾特別。炸雞新鮮，即叫即炸，個皮好脆，入面既雞肉嫩滑得來又多汁同好juicy , 而蕃薯薯條外脆內軟之餘仲好有蕃薯味，兩個小食都好推介。

一個人漫無目的行行吓見到間新嘢～係賣特色壽司卷嘅! 試咗個<<三文魚轉角遇上蝦>>($49)就係飯卷入面有炸蝦、紫菜同cream cheese…面頭有塊三文魚同1pat 千島醬~~一啖放入口都幾滿足🤗加$15仲有埋沙律、汽水同<<先生炸雞>>🐔Menu話有四粒🤔但我有五粒喎! 梗係見我靚女請我食多粒😂好彩我加咗$2 要埋蜜糖芥末醬~令原味嘅炸雞更有層次感😋

這天本來約了同事一起吃飯，可是同事臨放飯被客戶纏住了，所以我只好幫忙買外賣。餐廳位於專上學院對面，裝修設計簡約整潔，格局偏向是外賣店，但有提供一些座位，相信會受學生歡迎。我們這天點了兩份套餐分享。第一份是魚全部都是魚。卷物上面鋪滿了吞拿魚拖羅、三文魚及蟹子。味道鮮美，使人很滿足！另外一份套餐的主食是香芒薯先生，是無肉的選項。我個人不偏好水果配飯，但這個卷物整體感覺是清新的。它裡頭有紫薯及芝士，所以其實味道是不錯的。套餐包括飲品及炸物。飲品是預先包裝好的飲品，有日式汽水、酒及抹茶。我覺得飲品選擇算是比較特別。炸物是炸雞/薯條及蕃薯條三選一，我們這天吃的炸雞及蕃薯條。我覺得炸雞香脆，味道很好，而且雞肉仍算細嫩。蕃薯條略顯不夠脆，但它味道香甜，所以我們還是吃光了它！

今日嚟到灣仔職訓局附近 見到門面橙色嘅招牌好吸引 就入去叫一份午餐嚟試吓 卷物方面我嘅喜好好明確 因為我鍾意食辣所以我揀咗5號 熱情赤富士（$59）加$15就有先生炸雞四件 日式沙律 同埋飲品一罐日式沙律嘅蔬菜同埋車厘茄超級新鮮 食起上嚟索索聲 先生炸雞四件大大嚿 仲要外脆內軟 最驚喜係佢表面仲有一蜜糖醬汁 食起嚟又甜又脆 到個主角用上錫紙兜裝住 令到卷物就算拎到返公司都熱辣辣 表面有炸洋蔥 泡菜芝士同埋墨西哥辣椒最驚喜係佢入面嘅牛油果 毫不吝嗇 食起嚟外層脆卜卜 入面牛油果軟腍腍 口感好夾❤️飲品佢都多選擇 有汽水 茶同咖啡 仲要細心到分有糖無糖👍🏼以為唔會夠飽 點知佢既用料多而且真係飽肚 錦既價錢真係化算 lunch 食到錦高質既卷物 真係好幸福

灣仔美食超多，今日行經交加里，見有間新店”Mr. Maki”，主打日式壽司🍣、卷物等，見有少少餓，就決定食個套餐餐廳面積細細，坐位約8個左右，主以外賣為主，呢度有招牌卷物，70g壽司飯，小食等呢度係即點即做，所以卷飯入口帶有微溫，軟糯有咬口香芒薯先生$59外層芒果、日本米飯包裹紫薯、芝士，加上沙律醬，入口有甜甜芒果香，中間紫薯綿密軟滑，加上咸香芝士，更突出紫薯香甜味道沙律、蕃薯條+波子汽水（轉套餐加$20）炸蕃薯條蕃薯🍠條炸至金黃，蕃薯味香濃，入口香甜香脆

Lunch time 匆匆忙忙去了灣仔VTC 辦完自己私人事務，又係時候吃lunch。附近有間新開張日式便當Mr. Maki，可堂食，也可take away.我買了兩set套餐take away 同同事一起吃。食物會即叫即造，保證鮮味，須稍等了一回。套餐名字很有趣，我選了「知我咩料」吞拿魚拖羅炸飯薄餅，配先生炸雞及可樂。吞拿魚拖羅份量不少，舖上用炸飯造的pizza，創意十足，非常飽肚。我很欣賞炸雞，熱度十足，調味到位，雞肉滑嫩，一點也不油膩。另一套餐是「黑松露轟炸」，我選了腸仔做主角，腸仔外面被炸飯包着。上面點上了一大滴矜貴黑松露醬，令這炸飯卷生色不少。有皮薯條我至愛，不太salty，絕不油膩，吃到停不了口。

午餐時段，出外用餐總是座無虛席，有天走到交加里，殘舊的街道發現一家裝潢帶點韓風的餐店～8款特色壽司飯卷，還有9款基本壽司飯卷，所有卷物可以配搭套餐，最平$15已經有炸雞/ 沙律及飲品飲品除左可樂之外，仲有梳打汽水，當然來一個波子汽水賣相，相當吸引！就像一份韓日便當一樣，整體不會太多，但份量又剛剛好炸雞即叫即炸，金黃色的外層，咬一口，好脆口仲帶點juicy入面好嫩滑壽司一客8件，點了魚全部都係魚！面層吞拿魚腩蓉，好足！蟹籽加上面層脆趣，脆卜卜，入口非常有口感，壽司飯沒有太凍，暖暖的，灑上一點芝麻，再增加層次內裡卷著的是三文魚～套餐配上少許沙律，滿足想食蔬菜的女生該店座位主要是高椅子的，一個人唔知食咩，又可以慢慢坐的，呢到唔錯

講起日本美食第一時間一定係諗到壽司，飯同埋唔同食材嘅組合可以話係經典，大家都司空見慣。今次去到呢間餐廳，入面嘅壽司大部分都係好創新嘅fusion菜，賣相同埋菜名都好有新意。知我咩料，個名好勁xd，其實係吞拿魚拖羅配炸飯薄餅，$59。拖羅味道唔錯，份量都唔少，但個重點落左去個炸飯度。個飯基本上同薄餅餅底冇分別，仔細咬就仍然會食到飯嘅口感。壽司飯嘅味道加上薄餅嘅口感真係好有趣！加$15就可以食埋沙律，炸雞同埋飲品，算係幾超值。

炎炎夏日，好想搵啲清新既野食，提升食欲。壽司加薯條，好新穎既配搭。今日一個人食晏，平時一個人多數食粉面，今日想有啲新攪作，行行下見到Mr Maki，被橙白色清新簡單既店面給引，售賣的主要係與別不同既卷物，啱晒貪新鮮既我。其實我都好鍾意食壽司，呢度既卷物無咁單一，我今次就試左“魚全部都係魚”，其實係三文魚反卷，面頭舖上好多吞拿魚拖羅蓉撈左少許沙律醬，蟹籽同炸脆脆。三文魚同吞拿魚都好鮮味，吾使再沾醬油食已好鮮甜，再加上蟹籽同炸脆脆，好有口感。卷物加$15～20 轉套餐，我就揀左蕃薯條，沙律，綠茶，蕃薯條炸得乾身脆口，蕃薯本身好甜配上少許鹽，好好味。飲品有汽水綠茶同幾款特色soda 選擇。睇落一個卷物好少，其實都100g 壽司飯，加埋沙律，蕃薯條，飲品，真係好滿足啦！

呢間位於內街嘅小店真係比到我十分驚喜～起初以為都係普通壽司卷物，但見到佢幾個signature卷物嘅名咁特別就吸引咗我去試。Menu好清楚講咗每款卷物包含咩材料，仲圖文並茂，有加份魚生刺身嘅，有焗嘅，有炸嘅，有pizza形嘅……真係出名都搵唔到！除咗卷物，呢到仲有提供幾款小食甜品同飲品，開業優惠嘅套餐都幾抵食我試咗兩個套餐，一個配薯條，一個配炸雞！望到份卷物d材料多到呢～真係真材實料架！啖啖都非常滿足。呢個「魚全部都係魚」食落真係有佢個名嘅感覺，滿口魚油香，加上d蟹籽同脆脆，口感更上一層樓！另外個炸雞都幾出色，即炸香口就當然架啦，但係佢入面仲充滿肉汁，而且肉質嫩滑，分分鐘好食過好多炸雞店嘅。呢一款焗嘅食落暖暖哋咁，有微微焦香，d料又係多到成座山咁，真係夾一下都滿到瀉出黎，有少少狼狽但令人一d都唔介意，仲好滿足添！