Mr.明洞 (已結業)

之前某大快餐連鎖店推出了韓式炸雞，但味道真不及這兒的甜酸炸雞。上周四突然想再次回味Mr 明洞的韓韓式炸雞，所以便即興到來再光顧。今次除了點了招牌菜甜酸炸雞外 ，，還點了一客紫菜粉絲卷，Yummy!出釆我意料之外的好吃！另外，今之又叫了個韓式炸豬排，呢個菜就一般喇  最後，加了個炸醬公仔麵，都算好味，但可惜只是公仔麵。今次共用了$119，十分抵食！ 

由於朋友介紹話尼間好食…就專程放工試一試老闆係韓國人…所以只能點點點落單…因講多佢會唔明同理解錯誤食物價錢唔貴…但飲野貴囉蒜蓉炸雞…好香蒜蓉味，回到家食依然香脆…配埋個汁更一流紫菜卷…正常，冇咩特別炸豬，好食喎…點埋汁仲正魚肉串…抵過韓國食…XD ，平靚正

見有咁多好評 一直都想食 <br style="line-height: 1.6;">上星期一中午專程去建生買炸雞係商場既一條走廊尾搵到間鋪點知星期一原來休息... 無試到d炸雞 好無奈...琴日夜晚又行經建生邨 心情唔係咁好 想食好野鼓勵下自己 XD終於成功買到！！Yeah 接近7pm 去到得一個客人企左一邊食緊野點左炸雞拼盤 想一次過試兩款雞 因為係即叫即做 所以要等十分鐘 老闆好好禮貌 ！ 去左買d野 十分鐘後返黎 竟然有四五個人排隊見到有人係預約左幾袋野食 我攞到炸雞之後 半個鐘先返到去食 不過盒野有用錫紙 保溫做得好 d雞仲熱一打開就好吸引 未影相已經食左舊甜辣雞超好食！ d醬好夠 又多花生粒 雞球大大舊 啖啖肉 一開始淨係甜味 之後就食到微微既辣味 好正啊！炸雞鎚都好食 只係無甜辣雞球咁驚為天人 哈哈！個人偏好甜辣40蚊一盒 我一個女仔食好鬼飽囉... 仲送左盒蘿蔔泡菜（都幾好食）呢個價錢 呢個水準 抵！下次再試埋其他野食

今日同女友想食下小食，記得建生果邊有間韓國店好多人食過都推介，決定去試下。間店比較入，要花時間搵。餐牌上韓式炸雞最吸引，所以叫左一個炸雞拼盤，入面有四個甜酸雞球同三件炸雞，仲有鍚紙包住保暖。甜酸雞球味道一流，雞肉嫩滑，炸雞也不錯。四十蚊一份，跟女友二人一起吃也夠飽。店內有長枱可供客人堂食，可惜没有椅子，跟女友走了一整天腳都痠了，最後外賣出了公園吃，挺浪漫的。

咁岩果日行開新圍個商場，見到有間韓國小食檔就買左d黎試下。一試難忘。韓國小食，當然叫左d平民既小食喇，有炒年糕同紫菜卷。個炒年糕真係同係韓國食差唔多，個汁酸酸辣辣，好開胃。而且咬落煙煙軔軔，唔會太琳。之後見個質素幾好就叫左個甜辣雞球，而依個雞球絕對無少到料，大大粒而且個醬都好夾個雞球。

昨晚在OPENRICE CHECK下香港各處有什麼韓式食店的時候，發現了屯門除了華都花園的E-MO之外，原來還有一家位於盈豐商場的Mr.明洞，所以今天晚餐就是外賣韓國餐。我們駕車過去盈豐商場買外賣，除了泊街邊之外，附近唯一的停車場就是寶怡花園的停車場，不過泊好車走過去也不算太遠。店內沒有座位，但放有幾張桌子可以讓客人站著吃，不過相信除了學生之外，應該也沒有什麼人會在店裏用餐吧﹗點好菜付好款，店員交給我們一個牌子，叫我們10分鐘後來取，因為食物都是即製的，新鮮熱辣。我們在商場隨便逛逛，取好食物之後就極速駕車回家開餐﹗招牌炸雞拼盤 - 自從在首爾吃完炸雞之後，對於韓式炸雞的印象很好，這個炸雞也很不錯，炸雞槌很香很惹味，甜辣雞球很開胃，特別是表面加上芝麻和花生碎，特別好吃。因為看網上的食評推介，都說這兒的韓式甜辣雞球很好吃，所以也點了一份，怎料原來招牌炸雞拼盤已有這款甜辣雞球，結果同一款味道略嫌點得太多，吃起來有點膩。韓式壽司卷可能是即製的，因為我竟然吃到紫菜還是有點兒脆口，讚﹗這個好明顯是因為懷念美味的魚糕而特地點的，其實味道也很好，但魚糕吃起來好像硬了一點點。點了這麼多東西埋單都只是$1

小女子一路都好想試下韓國嘅街頭小食，但係未有機會去韓國，所以一直喺香港搵下啲似模似樣嘅。搵過好多唔同嘅韓國餐廳，有啲價錢太貴，有啲又冇小女子想食嘅野。巧合喺openrice 見到屯門有一間韓式小食店，咁岩去開屯門於是就決定去搵下。但係大懵落錯車，搞到行左一大段路，又熱又攰。終於搵到呢間野，當堂成個人醒晒!一開始都幾驚會好似超市買嘅年糕咁一啲咬感都冇，點知! 炒年糕好煙韌 ，比想像中好食好多。而且辣度都接受到，不過會越食越辣，哈哈間舖寫佢叫魚片串，但係我比較鍾意佢做魚糕。林林地好好味，放入口軟綿綿好得意。炸雞拼盤，面頭有啲花生粒同芝麻，好香。啲雞好大件，兩隻味都唔錯，價錢都好合理。$40 就有7件 之前去過元朗一間韓國餐廳食炸雞，份量差不多，大概多三四件，但價錢係3倍。泡菜煎餅，好驚喜。因為有啲食店嘅煎餅真係淨係得粉漿，而且硬掘掘。不過呢塊煎餅就完全冇呢個問題喇! 沾一啲炒年糕嘅醬汁黎食仲好味。兩個人食以上幾樣野食到好飽，好滿足。最後小女子仲叫左一個紫菜卷外帶俾家人，隔住個盒都聞到香味。

朋友gathering今次提議食連所店以外ge野, 就叫左附近ge韓式炸雞早左幾日through facebook 留inbox order, confirm好order就俾左錢, 影返張receipt俾老闆睇就ok, 其間有更改同其他要求都好快有response, 可能依家未有咁多人識佢地, 所以反應非常快, 要keep住呢點! 到果日晏晝, 收到佢地ge msg, 叫我帶遮同叫多個人拎, 因為好多盒, 一個人拎唔晒, 好細心~有人情味, 真係小店先有 你幾時有見過麥先生同肯先生叫你帶遮同擔心你拎唔晒.......去到朋友度開始拆開, 好香~~~~~~無影到單獨照, 只有全家幅~間舖mainly賣炸雞, 所以勁多雞....一份可以2-3個人食~*較特別ge係甜辣雞球, 似咕嚕肉, 甜甜地, 唔酸~辣度好微*蒜味炸雞槌好花惹味, 個人比較鍾意呢個多過招牌炸雞槌*招牌炸雞槌同其他雞一樣有花生芝麻係上面, 味道最普通*醬油炸雞槌好濃味, 如果食開淡味ge人可能覺得有d咸*香蔥炸雞槌好多蔥係面, 接受到蔥味ge可以試下, 不過d蔥唔知係唔係要一齊食, 因為放耐左先食, d蔥un*韓式炒年榚好

上網看過食評，得知屯門有間韓式食店，於是去試試，到了舖面有二個人整嘢食中，其中一個煮食兼收錢，我地叫左炸雞併盤 ，炒年糕， 魚片 跟住收錢叫我地等陣， 收錢後見到他沒有洗手及帶手套就拿食物煮，這樣未食就以被扣分喇有點兒欠缺衛生但食物質數味道可以尤其炸雞併盤中的炸雞鎚好脆好夠味，年糕好夠辣 我仲留番個泡菜汁煮面食，正希望可以改善一下衛生就更好了值得再試！！

住左係呢區好耐，都唔覺有好味既韓式食店，連唯一既漢陽苑都執左@@近期 韓風再次吹襲香港 經過“星星”既熱潮，更加無人不識“韓式炸雞”連鎖店既炸雞就食得多，韓式炸雞係點樣架呢？有朋友介紹mr明洞話個度d炸雞好正原來就係係屋企既附近餐廳主要以做外賣生意 如果想係度食 都有幾張枱係度 但只可以企係度食炸雞只需要三四十蚊就有交易比起出面尖沙咀既李X, 紅X 平一半有多了而且沒有過火 咬落仲好有肉汁 另外仲試左紫菜粉絲卷同魚片串紫菜粉絲卷新鮮炸起 熱辣辣但粉絲偏咸魚片串則是較清淡既選擇個湯頭清清地 幾好飲下次再黎試下其他野食呢度大部野食價錢都唔貴支持韓式小店希可以長做長有俾屯門區既市民多一個選擇

十年前有『大長今』前排有『來自星星的你』到底韓流係咪真係咁堅？（我自己就唔太好，連一集都冇睇過😜）不過聞說公司附近開左間地道小食店，老闆仲係韓國人，所以有日收早就去買外賣試下！！入到去，鋪頭幾大，廚房非常開放只係一塊玻璃之隔，睇完個menu就決定左叫“韓式甜辣雞球”同“海鮮葱餅”，店員就話要等10-15分鐘（原來係即叫即做）等左兩個字鬆啲就搞掂，之後返去開餐。其實鋪頭都有啲bar枱可以企係到即食，不過本人比較鐘意坐係到慢慢嘆，所以拎走😁😁返到去一打開，首先有送嘅酸蘿蔔可能香港同韓國嘅浸法有啲唔同，呢個食落爽啲冇咁酸！（比較鐘意港式）韓式甜辣雞球 $37（7粒）一打開真係呆一呆，每粒都勁大粒！上面有啲黑芝麻同花生碎，其實都唔啲仲幾多……一咬開，我又呆一呆……個汁好正 酸酸甜甜少少辣，連唔食得辣嘅媽媽都食到，雞球好大粒，但唔係個炸粉厚/一半係脂肪，而係真係啖啖肉，爸爸食完一粒都話濟，因為真係好大粒！！！“海鮮葱餅” $27其實呢個我冇乜期望，嗌完之後覺得自己蠢左，因為買完返屋企都起碼要兩三個字，幾脆幾新鮮都腍哂啦！講返個葱餅，圓餅切左九件，另外仲跟個酸酸地類似醋嘅汁，倒埋落去就開動，厚過酒

在屯門想吃韓食真係極困難…通常都係去TST韓國街先有好選擇。從facebook page 得知e間小店竟然係TST搬左黎屋企附近開店，非常之Surprise。之前已經試過覺得幾好，所以特登去試試新店。鋪頭係商場地下最入近厠所的位置，頭一次去又唔係好熟路的人，可能要揾揾。甜酸雞球 ($37) - 份量比想像中多 酸酸甜甜好開胃，炸得好香脆！泡菜煎餅 ($27) - 如果多d泡菜會更好香蔥炸雞槌 ($40) - 份量ok, 蔥令炸雞無咁油膩，同樣炸得好香脆醬汁亦同炸雞match涼拌粉絲 ($28) - 酸甜中有d辣,幾開胃海鮮煎餅 ($27) - 煎得岩岩好，食到有尤魚另外食過炒年糕$28，抵食! 小小辣，個人接受到。因為店鋪無坐位，只有企位，所以都係外賣自取。可以先打電話落order再去拎，節省等的時間。由於位置問題，身邊好多朋友都唔知有e間小店，如果係門口位實多d人知，希望遲d做埋堂食就好了! 會繼續幫襯的小店

今日同黑熊生專登揸車走黎店鋪一試 果然沒失望。絕對絕對有下一次😋準備好做長期客仔😋另外相片同實物不相同😂好像被騙了(說笑😂😂)尤其是個雞球同店鋪相兩回事😂😂😂因為沒想到實物比相片大一倍有多。😍當第一眼見到個雞球size同數量就呆滯了。比我想像中大很多。👍非常有heart店鋪👍。繼續努力💪