Mr.明洞 (已結業)

味道真係好一般，，，似港式小食轉左字眼變韓式，，，泡菜餅 1/10泡菜味，好多粉，有幾絲青婌。伴飯有紅羅白絲之類，最唔好係全部外賣盒，底部好多油。手卷好一般，無味，似街市門口姐姐包既壽司仔，有機會都唔會再食就住宅地點而言，唯一可取係只是近。如果再食一定去tst韓國街 或 爭鮮青瓜手卷。。。我好懷疑係咪同一廚師，因為見d人讚不絕口。。。唔會再去，同商場重有好幾間其他風味小店。如果再見到好多人去試&唔同人在廚房，都會可能再入去。。。

mr明洞永遠都係中學嘅回憶， 超級鍾意呢度嘅芝士麵， 辣辣地嘅湯底配上一隻蛋， 令到個公仔麵唔再係普通嘅公仔麵， 芝士嘅味道濃沃， 嗰度仲有唔同口味嘅韓式炸雞， 以前係企喺度食而家加咗啲吧枱嘅凳， 令到大家用餐嘅時候更加舒服

平時出邊好難食到好味或正宗嘅韓國嘢食，通常都會唔夠味，但係呢一間餐廳啲嘢食夠平民，d韓式拉面幾好食，最鐘意係佢個年糕串，甜甜辣辣好好食，加埋上面d芝麻，會想食完一串又一串。

呢間小店既Location 有啲隱蔽 有好多款小食 例如辣年糕串 甜甜辣辣咁好好食 芝士麵煮得岩岩好 唔會太林 或者太濕立立 另外面頭鋪左一塊芝士 融合左落塊辣湯底 味道好match

成日都經過依間韓國餐廳，店面裝修幾靚，叫Mr.明洞就覺得超有韓國feel。今日大約一點鐘的時候，餐廳入面無乜客人，得兩個學生。食飯時間得咁少人，都驚伏伏地，但都想試一試。入面得一位店員，應該係韓國人，但都識講小小廣東話，而且幾有禮貌，微笑點頭店內食物即叫即整，餐廳入面有Bar枱比客人等餐/食野用，位置唔係太多，但都夠用既，同埋通常都見d客人外賣拎走。今次我叫左韓式年糕串同韓式壽司卷，因為都係韓國Common食物，就試下佢同韓國果d有無分別～首先個年糕串超級麻麻。通常年糕串都有好多辣醬係面，但依個就勁dry，得少少色，好似染左色就算，不過食落ok，辣辣地，幾鍾意個味道。但口感方面就勁差，唔似新鮮煮嘅年糕，好硬，似放左係度一段時間咁，無左個煙韌口感。可能今日無乜人買，由朝早放到依加......而壽司卷就ok，無論外表，味道都唔錯，餡料有五樣，都足料既。味道主要係醃蘿蔔嘅味道，唔加任何醬料食個味道都ok，唔會太淡，$29/9舊，依個質素，覺得有d小貴！整體而言，覺得應該去韓國會好食好多，而且有d小貴，味道好一般，不過香港都少地方有依d餐廳，會支持下！

建生除了有平民米線食，也有平民韓食享用～這間都開了好幾年的店是韓國人開的，所以感覺就是韓國平民百姓的地道風味，價錢也實在，是解決晚餐的好幫手。韓國的的涼拌粉絲，粉絲質地跟我們中華風時有點不同，偏軟熟一點。上邊好多高麗菜，淋上韓式醬汁，輕度辣酸酸甜甜的很惹味。還有半隻熟蛋灑了芝麻，增加香口的口感。另外是韓國餃子沙律。餃子是煎的，所以不會很軟身，且皮偏硬，挺香脆。沙律也是淋了跟拌粉絲差不多的醬汁，但會更少辣偏酸甜。兩個合起來$55，晚餐來吃性價比高。

在附近住了咁耐。成日過門不入。今日終於拖老公衝入去吃。壽司卷味道口感都適中。牛肉便當材料好豐富精美。韓式伴飯好惹味。胃口開晒。全部都好正。未吃完已想好下次要一定要吃炸雞拼盤了。哈哈

住屯門嘅你無理由會唔識盈豐園既韓國小食店聽聞係由韓國人開 不過講廣東話🤔呢個拼盤係甜辣雞同炸雞搥合併 炸粉既份量岩岩好加埋松子係面平衡左原本有啲漏既感覺炸雞搥外面呢就其實就用左黑椒幾香架有啲人會揀係䓤配雞搥都別具韓國口味，值得試試話唔定岩大家口味不過個人認為將雞塊切細就更好👍🏻另外有最好味既醃蘿蔔 醒胃100分！招牌炸雞拼盤$43好味指數⭐️⭐️⭐️⭐️⭐️⭐️⭐️價格指數⭐️⭐️⭐️⭐️抵食指數⭐️⭐️⭐️⭐️⭐️⭐️

跟朋友不時來建生，來這間韓國人開的家庭式韓食叫外賣了，也有堂食座位不夠寬敞不過要對小店支持嘛～不堂食就外賣囉。韓式粉絲，粉絲彈牙的，醬汁酸辣～配上高麗菜青瓜胡蘿蔔絲，爽。韓國最多人愛吃的炸雞，這店有四款，我們常叫就是香蒜味～雞皮炸得香酥淋上醬汁後會變軟但好吃。每次多過兩人必點的哦。韓式壽司，挺小一個可一口塞一個不過這盒也有不少件。跟日式不同，但很有風味。海鮮薄餅，薄餅不會很厚，皮有點香脆，沾上汁吃很惹味。這店嘛～適合一家人叫外賣吃著，價值在平民價裡不是最便宜但味道很不錯，值得。

已經第N次幫襯此店，小店位置雖然頗為不顯眼，不過依然深受歡迎。因為是小店，所以只提供外賣服務，但站內也有立食位，因為位子有限，所以每次都是外賣回家慢慢食 今次和家人分享，所以試多了幾樣東西韓式壽司卷 - 份量很多，而且會灑上黑白芝麻，水準一直很好海鮮煎餅 - 可能因回家路程遠，所以淋了少許，但味道依樣不錯韓式蒜香雞鎚 - 份量不少，面有花生碎及芝麻，另外會有少許汁，好食芝士麵 - 內附一隻雞蛋，芝士麵不會不好吃啦～當然會繼續支持此用心的小店～

位於建生有一間沒座位的韓式餐廳，要是堂食得站著吃。店面雖不大不過韓國較受歡迎的公仔麵炸雞薄餅等麵是有賣的。不是第一次來這間店吃，雖然這次沒拍照不過力推她的蒜蓉及韓式醬油炸雞。另外她的壽司與海鮮薄餅都好吃。適合幾個人外賣時分來吃。這次我一個人點餐所以份量就不太多。先來一個芝士公仔麵，裡頭有隻蛋，這個沒什麼特別中規中矩。然後是我個人蠻喜歡的餃子沙律，雖然餃子淋了醬但不會太軟身而且醬汁有點酸甜輕度辣所以很開胃。這店另有個粉絲也是用這種醬也是開胃的不過會比這個辣。整體而言份量不多但不算貴且蠻好吃的小店。

其實此店由最初開張已一直有幫襯，當時沒想到會在屯門一個小區的商場內有韓食店，為支持小店，就試一試，順帶一提，小店都是做外賣，但有到會服務，店內只有少許立食位；第一次幫襯時點了炸雞，很不錯，雞鎚也算大隻，個人喜歡蒜香味，之前有報導看過，其中一位店主是韓國人，另外一位是香港人，他比較cool，不太會笑😅如果不知道，可能以為在黑面，其實他一向是不苟言笑的唷。說回今次買的東西，因為是放假日，懶煮，就買了芝士麵和餃子沙律，芝士麵不是平時食開黃色包裝那款，但也不錯；而餃子沙律很好食，有少許辣，但很開胃，當然會繼續支持小店

這間小店開在一個沒什麼人逛的商場裡, 平時十分冷清, 一次偶爾的機會下, 不小心走到這個簡陋的商場(好像是為了涼冷氣...), 發現了這間韓食小店, 到現在已光顧了幾次, 因性價比高, 也開始有少少名氣, 今次就為它寫一寫食評吧。韓式紫菜卷是我必吃之一的, 感覺很足料, 也不貴。青瓜泡菜是必吃之二, 青瓜又脆又酸, 配上泡菜的酸辣, 吃下去冰涼又刺激, 開胃又消暑。再來是醬油炸雞, 是我必吃之三, 有6件雞鎚, 因我不喜歡吃乾乾的炸雞(感覺好熱我), 有一些醬汁會令我覺得更juicy, 所以我很喜歡這款炸雞鎚, 醬汁味濃, 雞鎚也是剛炸起的, 又脆又燙口, 唯一不好是這次有一小部分燶了, 平時不會的。接著是韓式炸豬排, 我本身不愛吃炸豬排, 但男友經常吵著要試, 於是要了一份, 分開醮的醬汁挺惹味, 但對我來說太乾, 沒什麼特別, 男友很喜歡就是了。我每次去都是堂食, 不過沒有椅子, 只能站著吃, 其實我住得滿近的, 為什麼我要選擇站萫吃? 因為我每次都想立即品嚐, 已等不到走回家了。

話說今日專登同男友去幫襯呢間野，入面有兩個店員，其中一個負責收銀同整野食。另一個見我同男友係店內等緊外賣果陣，冇乜禮貌咁話我地兩個唔好塞住門口，阻住其他人入黎。。。我同男友係企係近門口位置，但好肯定冇阻人。就當真係有阻人，叫人行過啲態度可唔可以唔好咁差?當區街坊都知呢個商場本身都唔係旺，而呢間野仲要開係地下個尾位，你間野有幾多客心照啦，至少到我同男友等到外賣到走果十分鐘都冇人入黎啦，阻你？你當自己間舖開係尖沙咀韓國街?好笑好笑。我打呢篇野之前，都驚打左呢篇野間接幫你宣傳咋，多左客唔使多謝我。

呢間店食過好多次，每次都鐘情佢嘅韓式原味炸雞。今次一於試下其他嘢，叫左韓式蒜香炸雞槌同泡菜煎餅， 早15分鐘打定電話去落order, 咁就唔使等啦！蒜香炸雞好香口，不過由於有太多汁，所以下層雞槌就淋左，都係原味好d, 唔會比汁浸淋，不過整體都唔錯，好香蒜味，幾野味可口食咁多次都未試過叫泡菜煎餅，今次終於試左啦！幾多泡菜係煎餅裏面，每一口都充滿泡菜香味~ 附送嘅醬汁帶徵酸，如果怕膩可以點少少醬汁一齊食，唔點汁就會泡菜味重d~後記，負責落order位哥哥之前次次都好燥底，同佢講完唔該都無乜反應，難得今次竟然都會禮貌地回應唔使客氣，希望哥哥可以keep住呢個好心情，等客人都買得開心d