Mr.明洞 (已結業)

同朋友去探剛生左bbs的朋友家，由於屋苑無咩好食，朋友建議行遠少少去買呢間外賣，上次食過都不錯，咁再買來食下啦，但不送外賣到朋友家~去到商場都有幾間食店，志在呢間韓食，入去落單，得一個男人，應該是老闆，一個做哂，叫我地等15分鐘後返來取。咁我地行去睇下零食，返來鋪頭可能都未夠15分鐘，我地諗住都差唔多，一入去個老闆好似黑我地面, 話“咪講左15分鐘後先來拎，都未夠鐘xyz..." 朋友仲見到佢口噏噏，似咒罵緊我地.....終於拎得上朋友家開餐~叫左3樣野招牌炸雞拼盤-左邊乾身嘅原味炸雞槌比較好食和香脆，唔會好多油脂，右邊甜辣雞球，沾滿芝麻蒜頭嘅汁，是酸甜都幾開胃，但唔知辣在那，啲肉仲勁多脂肪韓式籌司卷-無特別，正常韓式嘅壽司，但不貴，抵食嘅泡菜煎蛋伴飯-可能太耐無食話煎蛋，覺得隻太陽蛋煎得幾香，有啲瓜、菇和菜撈埋一齊食，都不錯~仲有一小盒醃蘿蔔，開胃小吃整體一般啦，還是之前食果次更好食.....

已經唔知第幾次食，每次都有驚喜紫菜飯卷，唯一唔好係今次啲飯煮得太爛泡菜餅每次必點，份量够，又好够泡菜味炸醬公仔麵，一般最推薦係呢個炸雞，之前食開拼盤，想試新野，估唔到好香蒜味，勁入味，唔會炸到乾曬

收工要去健生拎野再加上今晚又唔想煮飯嘅關係今晚就食外賣啦哈哈Mr.明洞沒有座位係一間只做外賣嘅餐廳依度嘅食物款式雖然唔係太多但小店黎講都應該算係可以接受炸雞嘅款式比較多聽聞過佢嘅炸雞係比較出色所以今次一定要試試佢我要食雞！係炸雞！！！招牌炸雞拼盤 $43入面都幾足料韓式炸雞槌x3,韓式甜辣雞球x4雞槌好脆好香甜辣雞球個汁好正酸酸甜甜好惹味韓式炸醬公仔麵 $34麵都幾彈牙醬汁都算多泡菜煎蛋伴飯 $23我覺得依個比較普通個飯比較硬個汁比較難撈得晒d飯韓式壽司卷 $27食韓式野點少得紫菜飯卷另外送左個醃蘿蔔好好味買左4樣野都係$127，老實講都算幾抵食總括黎講依度嘅炸雞最好食其實佢仲有好多款雞下次要試晒佢d炸雞先!

好想食炸雞，上網搵到呢間，雖然食評話大叔無禮貌，但唔緊要，響韓國當地嘅小店都一樣係無服務，最緊要有食物質數。於是打電話去落order啦！講完要咩大叔話15分鐘嚟攞，於是我哋收線就開車去喇，鋪頭好易搵，側門一入就係，去到對完電話就比錢攞嘢走，無錯，大叔係無笑容嘅，但都有講多謝。。。。返到屋企所有嘢都仲熱，真係好好味，令我好懷念韓國呀！

屯門真係冇乜韓國嘢可以食，有個同事為咗慰藉佢對啲Oppa相思之苦，就走咗來呢度叫外賣。舖頭貼左好多韓星嘅poster，入面有兩個疑似韓國男人做韓國小食外賣。我哋好瘋癲咁叫咗韓式辣炸雞，原味炸雞，紫菜飯卷，蘿蔔泡菜，沙律韓式撈飯，炸餃子，辣炒年糕，炸豬扒⋯⋯基本上Menu有乜我哋就叫😂好瘋狂炸雞梗係辣炸雞好味啦，原味就有啲乾，紫菜飯卷原本叫外賣嗰陣話無既，去到攞外賣見到佢包緊，即刻叫！蘿蔔泡菜真係好好味酸甜適中，沙律清新，韓國撈飯好足料，炸餃子好脆，辣炒年糕好彈牙，豬扒我無食😂因為好飽喇⋯⋯每次打電話叫呢間外賣，服務態度真係呢⋯⋯講嘢冇尾音既，仲有啲串🙄，可能好生意唔憂做，咁不過啲野幾好味同唔貴，唯有買完即走。笑下啦Mr明洞

想食紫菜包飯，行下行下行左泥呢度，入到去大叔話無紫菜包飯，就揀左個差唔多嘅拌飯頂一頂，再加個魚糕串～舖仔細，一係外賣一係立食。等一等，野食就到，煎蛋大大隻，揭開見到有唔同顏色嘅蔬菜同醬料，視覺上幾好～味道就普普通通啦，比較淡口同偏酸，但全部係菜，感覺健康。如果可以再多啲翠玉瓜就好了～至於魚糕串，大叔會剪開細細舊上碟，無左成串食嘅霸氣。魚糕比韓國食到嘅較淋，個人口味偏向有咬口嘅魚糕，呢個未算合格，不過熱湯幾好，清清地。成串個樣望落好誘人～呢間韓食小店味道一般，不過勝在價錢大眾化，同區難搵平靚正嘅韓食店，韓癮發作嘅時候都可以泥呢度平平地止住癮先🙈

今日賴生約埋屈小姐&一大班同事去探新生b, 由於新生b出街唔方便，最後決定叫外賣食!! 其中一間揀左Mr. 明洞, 一間由韓國人主理既韓式小食店! 因為係韓國人主理，所以風評個服務係麻麻地既，呢件事係真既! 不過算啦! 就係因為佢有性格，所以先保持到食物質素!我地一早預先二十分鐘落order先去拎，去到佢都係叫等陣! 我地叫左 …1) 魚卷串x2 (4星)- 佢好細心嫁，剪好晒比你- 而且都幾彈牙，有魚味2) 年糕串x2 (5星)- 佢用炒過既辣年糕再炸，辣汁仍然依附係年糕上- 惹味得黎，外脆內軟3) 紫菜粉絲卷x2 (5星)- 紫菜包住粉絲再炸，外面脆卜卜- 內裡一條條既粉絲，口感好特別4) 甜酸雞球 (5星) - 呢個西利囉，個汁超惹味，甜酸度同勁夾- 一件件冇骨既雞球，大口大口咬下去都咪話唔爽- 而且雞肉仲好juicy好滑呀5) 香蔥炸雞- 佢用大量香蔥配左個酸酸地既檸檬汁，中和左炸雞既油膩感- 超開胃! 又係另一個令人忍唔住狂點汁食既炸雞- 重要的是 汁很夠!!- 雞很香，肉嫩! 完全感受到新鮮炸起既味道!6) 泡菜 (4星)- 正宗韓國泡菜，偏辣，但大大兜，有排食- 好抵!總

有驚喜的食店，點了冷麵、炸物同小食。冷麵醬汁甜酸配上吸味的粉絲；魚肉串有很多，魚湯好鮮甜；最後是炸粉絲卷，粉絲串最外層雖然有一層乾的粉團，但是粉絲被濃厚的醬油包圍，仍有彈牙同口感，配上外圍爽脆的紫菜。全部都是水準之作，唯一不足之處係無座位，眼見面前主要都是外賣客。

自問對韓國菜不大興趣所以開業咁耐一直未試過，但見咁多好評，而又就腳，就即管試下啦先講下態度方面，由我打電話至到取外賣，店員（可能係老細）語氣冷淡，全無禮貌，黑口黑面，當時中午一時十五分左右，場內並無客人！今日叫左佢既招牌雞，同魚片串，味道真係好一般，完全唔覺得好食，原本諗住試埋其他未食過的，但咁既態度唔想再幫襯，唯一可取係價錢算是便宜！

端午節放假難得地到屯門搵搵朋友，因為好想食韓式炸雞，就上open rice 一search見呢間有好評啲價錢又平，就問下朋友易唔易去，竟然就係佢住嗰頭附近！去到個商場嗰個位都幾冷清，除咗我地，間店都無其他客，見係「立食」就決定外賣！因為得2個人食，所以買咗一份炸雞拼盤$43（3件小鎚，4件甜辣雞球）同埋韓式壽司$27（12小件）雞炸得好脆！但唔會覺得一陣油~ 甜辣醬微辣好惹味！不過我就覺得小鎚嘅雞味重啲好食啲，雞球入面炸粉略嫌食落有點糊糊的口感。韓式壽司都好唔錯，幾爽脆的醃菜，整體又唔會太鹹，面頭有啲芝麻都幾香整體黎講真係好食，而且好抵食！最好嘅係2個人去食都可以食到多啲款式，份量啱啱好！相對好多要近$200一份的韓式炸雞，呢間店嘅價錢同份量更啱小倆口去食呢！

這間小店已經食過數次，真係比起出面其他韓國餐廳又平又抵食!呢間小店係專做外賣，不設坐位啊！ 如果堂食，店內都有吧台企係度食。 點了紫菜卷對比起其他餐廳個味道都係差唔多，普通 。但是黎到一定要食炸雞啊！呢個係招牌炸雞拼盤左邊是4件甜辣雞球 右邊是3件炸鎚熱辣辣，外層香脆，內裏嫩滑連埋醬汁好正! 總括而言，好味!食物質素 : 8/10服務 : 7/10價錢 : 8/10

大食既人，愛韓國野食既有福呢間shop係韓國人開，本身係尖沙咀開店，為左專心做炸雞，搬黎屯門。炸雞唔係極辣，但好香雞味，好香肉汁。唔係平時啲韓國店既炸雞咁，啖啖骨，佢呢間係啖啖肉，無骨，好香。炒年糕好香辣椒味，不過唔太辣。

食過2次一次過講。 泡菜煎餅少泡菜，不過夠香脆。魚板0k。浸湯好味。 年糕夠厚身夠軟。 招牌炸雞，香蔥味的0K, 酸甜味的正。韓國芝士麵0k! 希望会開設座位，因為企起度食野。真的企到好累。

事關朋友十分想食韓式炸雞所以就openrice下附近地區有咩好野食最終就搵倒泥間mr. 明洞但地點的確不太方便要搭到建生站再串過幾個屋苑先到不過其實路程都唔係好遠到左之後可能因為8號風球所以成個商場都無咩人叫左韓式炒年糕、招牌炸雞拼盤、韓式魚片串之後店員就會比個牌等左around 10min 食物就整好韓式炒年糕好大份 我地兩個人食都覺得有D多不過佢比較香港人口味一定唔會比韓國的辣但味道拍得上韓國的招牌炸雞拼盤包括3件原味 4件甜辣原味的比甜辣好食好多唔係甜辣唔好食只不過原味太好食佢個炸皮好薄 咬個時會有肉汁 個味道完全係意料之外甜辣個款有D普通而雞肉裡面有D肥膏感覺不太好但其實味道也不錯只是原味太太太好食不過overall係好底食兩個人食左80左右only 而且食得好飽不過如果有位坐 地方近西鐵站多D會比較好

屯門高水準韓國菜係openrice左揾右揾，終於揾到Mr. 明洞。一試難忙！是次菜單：1。韓式炸醬面2。炸雞拼盤 （四件嫩雞球，三件雞鎚）3。泡菜韓式炸醬面味道濃厚，內裡有少量肉碎，薯仔，同以往係老尖所食嘅唔同。老尖嘅都係有大量洋蔥，而Mr. 明洞就用上薯仔粒同肉粒塑造口感，感覺上有過之而無不及。再加上醬汁夠濃厚！入口非常滿足炸雞拼盤係非常令人意外嘅發現！經高溫烹調後，雞球及雞鎚都充滿滿嘅肉汁！！韓國及老尖嘅食店，好多時都炸到雞件乾爭爭，又柴皮！Mr.明洞就唔同，非常juicy! 辣醬雞球依然醬汁濃厚，略嫌太咸，唔夠辣。不過水準已經好高！！泡菜中規中距，如果再辣啲，相信會仲正！呢個水種韓菜相當唔錯！絕對要encore 試埋其他食物！（老闆係韓國人，相信味道夠正宗！）另外，由於鋪面細，堂食只有企位，所以選擇左外賣。而我住得老遠，唯有的士出，的士入，有少少唔方便。希望小鋪能夠做大，搬去中心位，益下廣大食客。