Moomin Cafe (已結業)

之前睇雜誌見到日本有姆明主題餐廳真係羨慕死，點知半年後香港都開了，可以同姆明公仔共進晚餐好幸福啊！一放工即刻衝去希望7：30pm前有得食，點知去到竟然無人排！等咗5分鐘左右就有店員安排入座，等候期間當然不停影相啦。整間餐廳好有田園風味，門口有一對公仔俾你影到夠。坐底咗之後當然又係繼續喪影不過入坐起計只有90分鐘，好rush啊，所以要放底相機點咗食物先，之前睇食評建議唔好點餐，所以我地三個人叫咗三個main course加一個甜品share，份量唔係好大，只係啱啱好夠飽。牛扒拼大蝦$180（5/5 stars) 牛扒係一塊薄切西冷，應該係靚嘢黎，夠牛味唔多筋，脂肪比例適中，大蝦都好新鮮，多肉，配菜有南瓜、西蘭花、薯仔同露筍。蕃茄醬豬扒$140（3/5 stars) 厚切豬扒，煎得剛剛好，保留肉汁唔會太乾，但同個蕃茄醬好似唔太夾，配菜跟之前果碟一樣。是日意粉：海鮮長通粉$110（4/5 stars), 個汁好creamy，重牛奶味，海鮮用咗蜆肉和魷魚仔，很簡單但味道不錯。不過餐廳內冷氣都幾大，食物上枱後很快就變凍了。甜品套餐$138（5/5 stars)點餐時店員會問你想要邊隻公仔，到上呢

過了聖誕節和學校假期，果然少了很多人排隊，我們排了大半小時便可進去。店裡面人不多，有好幾張臺都沒人，我們任選。點好了餐，我們便進行主菜，瘋狂拍照！拍好了照片，我們見到玻璃窗位旁的枱走了，問過後我們搬了過去。拍食物照還有誰港做背景，好靚呀~點個北極光晚餐，$289，一人份，先有一些配菜。前菜醃製三文魚，朋友問我如何，正想說話時，佢話，你一定話普通質素啦~我等佢放了入口才說，是比普通更差！三文魚可以沒有味道的，感覺在吃一塊膠。底部的沙律菜更有發泡膠粒！朋友十分同意，著我放棄那些沙律菜，改吃另一碟沙律。三文魚牛奶湯，在極度沒祈望下，這個算是比較好，感覺在喝稀忌廉洋蔥片湯。北歐沙律有少量dressing, 還好。跟餐的蘋果汁跟屋企雪柜裡的蘋果汁一樣好喝洋蔥焗薯味道不差，旁邊的薯仔弄了朵花，那個就比較平淡而且造型並不討人歡喜。主菜點了上等鹿肉扒配紅酒燒汁，純粹是未吃過鹿肉。肉質有點像駝鳥肉，而紅酒汁一直味道不濃，所以配上鹿肉，整碟非常怪，又是沒有味道的扒餐。可幸伴碟有鹽，所以伴碟比較好吃。因為那扒實在太細塊又不好吃，我們只能加點了當日意粉，$110。是白汁磨菇長通粉。還個反而有驚喜，接近普通西餐

雖然不是姆明超級粉絲，但總算是忠心粉絲，上年九月曾到日本Moomin Cafe，香港分店於海港城LCX12月初開幕，排隊都要去"朝聖"。畢竟日本動畫文化及餐飲服務業態度普遍皆比香港的質素高得多，而且光顧Moomin Cafe多以"朝聖"性質，只要可抱抱姆明一族，對食物質素不太有期望。主題餐廳當然沒有"抵食"可言，沒有期望之下但仍然讓人完全失望，不得不來一個喊面！排隊安排：內容跟之前網友講差不多，主題餐廳多人排隊等兩至三小時屬閒事，不太介意。(當日3:30pm 等位，5:30pm入座，屬下午茶時間)侍應態度：接侍處男侍應態度尚可，多人查詢等位情況也很耐心；反觀餐廳裡其他侍應，無論答覆查詢、落單、上菜、主動的態度而言，可知香港食肆沒有服務質素，身為悠閒無憂的姆明一族主題餐廳的服務員，竟然不主動幫客人交換巨型姆明一族公仔拍照，加上聖誕當日亦無足夠人手，並非侍應本身問題，根本是整體培訓不足，因此未能讓客人完全感到姆明餐廳之可愛。姆明一族聖誕放假：當日姆明一族巨型公仔居然少了歌妮與呀美，場內巨型公仔很重，搬來搬去影相很吃力，影相已佔去一半用膳時間，加上限時坐90分鐘，港式到不得了。食物質素：熱香

友人響個幾禮拜前已經提過想去Moomin cafe,雖然我唔係姆明既hardcore fans, 都想去一探究竟 於是就膽粗粗聖誕夜諗住去拎張飛等下~點知去到發覺已經轉左要排隊咁無計啦聖誕夜, 度度都超多人開始排既時候都係十幾二十人響前面, 唔算太多心諗點解咁好彩呢?聖誕節喎...排到咁上下謎底就解開:原來今日係食聖誕餐要成300幾蚊一個, 加pancake仲要4百幾tim即刻打俾朋友問佢o唔ok, 佢都同意左之後於是繼續排 等左大概30分鐘左右,終於到我地啦!餐廳入面既裝修好有歐式小屋既感覺勁開心我地竟然可以坐到海景位煙三文魚, salmon milk soup, 焗薯蓉, 沙律同聖誕特飲煙三文魚分量都唔少, 大大片, 亦算油潤salmon milk soup出奇地無咩腥味, 連同牛奶滑滑溜焗薯蓉超香口, 面頭有鋪麵包糠, 頗有驚喜沙律菜分量還好, 汁有d酸酸地, 應該有vinegarzoom in呢個聖誕特飲佢似係無酒精版既mulled wine!有mulled wine既香料味但個底似係berry juice出奇地好飲同開胃餐送俾我地既杯亦係跟圖中同款呢個係鹿肉配紅酒汁響香港

這天早上的會議突然取消了，所以有時間去剛開業不久位於LCX 的姆明餐廳。 店員說平均的等候時間約90分鐘，非繁忙時間的等候時間則較短，這天我於11時多來到，但都要約12時才可入座啊！可想而知姆明的吸引力有幾強勁呢！香港的姆明餐廳比日本的還要大，餐牌上也一些香港限定的食物，這精緻的pancake - 姆明之家熱香餅便是其中一款。香噴噴的熱香餅鬆軟煙韌又味道香甜，三層的姆明之家內有芒果啫喱，朱古力雪糕及焦糖布甸，朱古力雪糕加之外熱香餅一起進食，使熱香餅份外甜美。在熱香餅上還附送一Feve(陶瓷人偶)作為紀念，一共五款，我當然選擇我喜愛的姆明啦。結賬時，店員還會主動給我一個紙袋讓我可以把此裝飾品袋回家，很細心的服務啊。讚！除了pancake 外，還點了一杯latte，並可從4款姆明latte 圖案選擇一款（姆明、亞美、史力奇和樹精）。我選擇了姆明的好朋友Snukin，latte 圖案精緻，咖啡味不夠香醇 ，但牛奶泡沫尚算細滑. 

聖誕節特登去拜訪姆明，姆明真係好可愛 餐廳外貼了告示，因為排隊人數太多，不再派籌，只能排隊。幸好人龍不算太長，排了半小時多點就入到去了。由於聖誕節關係，餐廳話只能order set dinner, 不能散叫食物。每人最低消費250蚊。Last order 係晚上9時半。Set dinner 每位350蚊，有2隻紀念杯可以帶走。加姆明pancake 就480蚊，有隻小小陶瓷姆明可以拎返屋企。Set Dinner 包括：前菜沙律餐湯三文魚沙律 麵包薯蓉 主菜： 我們選了一份西冷扒，和一份鹿肉飲品：包2杯姆明特飲，and 2杯普通餐飲甜品：加錢的姆明pancake前菜無咩特別，餐湯過得去，姆明特飲都幾特別，細細杯紅色就係。紅莓汁但有肉桂豆寇味，唔難飲。後面2袋就係同特飲一樣的杯可以帶回家。三文魚，後面係麵包薯蓉，麵包好硬，薯蓉幾好味。D 餐具都係姆明樣架。肉眼扒加大蝦，肉眼扒唔算熟但好韌。。味道嘛嘛。。鹿肉。。又鞋又韌。。又細塊。。對住艘處女星號食飯，食食下開走左，原來對面係維港個view, 仲可以見到中環摩天輪。 正。姆明pancake 反而幾好食，個cream 好soft, 食落唔he

姆明係我的兒時回憶，和朋友一知道姆明響香港開cafe，就相約好一定要來朝聖。我地兩個人，好準時十一點到，但已經好多人排隊拎飛，我地拎到50號飛。行左精品店購物後，仲有大把時間，好彩門外有三隻船仔可以坐住等。等左兩個幾鍾，係有史以來等得最耐的一次，等得到入得去，開始明白點解出面要等咁耐。因為入到去會很忙，忙著用餐拍照。對住無敵大海景的姆明谷實在太正。而且入左餐廳內，大人細路都唔記得自己幾多歲。如果有需要，可以跟店員幫忙，找公仔影相，店員也主動幫我地影相，每次影相都會叫moooooo~min.用餐時間係90分鐘，下午3點前都仲係午餐時間，我和朋友分別叫了樹精套餐(茄汁雞肉飯，有忌廉湯，沙律，同飲品一杯），套餐的飲品係唔可以叫牛奶咖啡，牛奶咖啡可以指定四款姆明角式的圖案，我和朋友又各自叫了一杯，然後再叫了個姆明pancake share。估唔到呢度唔係得個樣，d野食都幾好味，意料之外，特別係pancake。初時驚pancake白色果d醬會很漏，但原來唔會，其實白色果d係cream。pancake仲包左芒果布甸，焦糖燉蛋同朱古力慕絲。最好味係焦糖燉蛋。樹精套餐的茄汁雞肉飯，茄汁很開胃。忌廉湯內

星期五放假,1點鐘到,排隊拎籌都等左25分鐘再等入場等左2個鐘多D入場得下午茶可以選擇得pancake & puddingPancake 都OK,雜果用果醬浸過,甜甜地幾好味~屋企有3層一層朱古力一層布甸一層啫厘另叫左3杯芒果布丁隻杯可以拎走成$78一杯唔係太好食,一杯布丁& share pancake $409/3$137 each 勁貴夾唔抵食~其實主力都係影相影相影左成個鐘食就15分鐘KO晒

今天是 12月15日，繼金鐘及旺角佔領區清場後，最後一個佔領區銅鑼灣今早亦會清場。香港就是這樣一個和平的地方，人民會集結但不會暴動。對面海的人鬧哄哄，這邊的餐廳商場如常運作。行街的行街，食飯的食飯。姆明的主題餐廳在12月5日正式在尖沙咀開幕了。姆明是來自芬蘭的 moomin valley，由一位芬蘭女作家創作的。其中的人物都是以她本人，家人和身邊的朋友為藍本，中間滲透著芬蘭的傳統精神。他們熱愛大自然，喜歡無憂無慮的生活，對世界充滿著好奇心和熱愛冒險。而每個角色都有獨特且鮮明的性格。姆明和他的朋友意見並非經常一致，但本著互相尊重的精神和平地生活。這天睡晚了點，到達時大概十一點半，拿的是二十七號籌。招待告訴我們每檯客人可以有 90分鐘用膳，她建議我們先到 LCx的商場內和一眾姆明朋友拍照。等了差不多個半鐘，入去時又興奮又肚餓。午餐的選擇不多﹝我們偷看了晚餐餐牌，款式比較吸引﹞，點了兩個餐。餐湯是暖的。沙律有三個醬汁可以選擇：日本醋，奧羅拉醬﹝類似蛋黃醬﹞，茴香醬。姆明餐廳拼盤，是薄牛扒和配菜，味道合格。姆明拼盤，分別是用飯造了姆明，不過不太似，起初我們以為是樹精。餐廳的賣點是姆明和朋友是和

   從雜誌上得知姆明主題餐廳要在香港開業，實在興奮，所以它第一天開業我們就去了！   店就開在尖沙咀的LCX地點還算很方便！我們大約响下午2:30左右到達，見到很多慕名而來的人，我當然第一時間就去飛等位，門口的待者告知今日係餐廳的試業日，現在店內俾傳媒拍緊照，而且今晚收7:00P.M.！所以唔想派飛了！    但我們兩個見時間尚早，反正尖沙咀亦有地方可以行消磨時間，就决定等了！而待者只有再三聲明有機會今日等唔到㗎！     我們在等侯的期間當然係去同姆明，史力奇，阿美影相啦！過了大約20分鐘左右，我們想離開LCX出去行下，順便就去問下叫到幾多號飛啦！門口多了一位日藉的waiter很熱情地告知下個號碼就到我們了，還叫我們不要走遠啦！當時真的有點喜出望外，由原本覺得無乜機會變成立即得到了！     大約七八分鐘後就叫我們準備入座了，店舖大算很大，但裝修很有北歐氣息！一入到店內就被大大小小的姆明家族的公仔佔領目光了！     店內的waiter很熱心地介紹現在係Tea Time有推介食物,我們2人叫了一個Pan Cake 同一個飯！而飲品就叫了一杯咖啡！     姆明媽媽的七層Pan ca

星期五開幕,要上班,預咗嚟到都食唔到! 6點幾到咗話下午1點已經派曬籌,但出面仲有5、60人排緊隊...... 食唔到望吓都開心!終於星期日放假,知佢開10點,但放假冇奶油唔訓晏啲啫~ 以下就係成功食到moomin cafe攻略:12點前到咗攞籌,4人或以下都係A籌,亦係最多人攞, 個冧把仲要等70張! 接住去附近其他餐廳先食午餐再喺附近行吓,3點就可以入座了!!!菜單選擇比較少,我記得東京嗰間都係咁上下,下午茶大部份人都食個pancake set, 午餐食到飽曬,最主要都係入嚟影吓相... 估唔到個pancake又幾好食噃,影咗好耐相先開始食都仲係暖嘅,又唔會乾唔會太甜,有香味,就算唔點cream/士多啤梨醬都好味!姆明屋有3層,打開有chocolate mousse(濃濃而有點結實的), 焦糖燉蛋(好滑)同一個冇乜味嘅布甸。 哩個set附送姆明公仔一粒,有4款選擇!另外嗌咗個芒果布甸,食完個杯可帶走,當然係畀個新嘅你,有兩款選擇!個portion比較細,但芒果味夠,唔馬虎,不是只有賣相!負責人流嘅係一個日本人(可能都係經理),可英語對答,對住門外咁多人嘅心急問題同壓力,依然保持笑容

行開尖沙咀影聖誕燈飾，必定去海港城影靚相。近日聽聞海港城近期用姆明做主題宣傳，仲有新開餐廳做賣點，响附近影完相一定去試試。因為知道多人光顧關係，所以避免午飯時間去光顧。而且預左早點時間等位。去到門口見不太多，拿了飛，服務員示意，因為每次客人入來可光顧90分鐘，所以等時間特別長。原來D人拿了飛，就會四圍行街等。聽到呢個都有少少退卻，但一場來到，點都光顧下。好彩附近都有姆明的裝飾，俾遊人影相，邊行邊影都容易消磨時間。大約一個小時，終於可以入到餐廳用餐啦主題餐廳，都係預左食環境多於食食食物質素。姆明餐廳買點都是一樣。餐廳有好多大型公仔俾客人影相留念。我地一行二人，立即點餐醫肚先。原來下午茶餐只得班戟供應，但可配不同的姆明小公仔（客人可帶走作紀念）做陪碟。我地就點左一客「亞美班戟」和「史力奇拿鐵」（即牛奶咖啡latte)。因為製作需時，當然把握時間影下公仔啦！店內有好多公仔俾客人影相，而且每一款都好靚。影左一陣相，有得食啦！先試試杯「拿鐵」先味道當然不是太特別，咖啡味道都算香濃！咖啡最特別是有姆明人物做買點！客人可選擇姆明，亞美，史力奇和樹精。當然見到個拉花公仔咁有特式，真係有少少唔想飲之後就

今年的主題餐廳, 開完一間又一間; 今年壓軸出塲的有千呼喚終於於昨天開業的Moomin Cafe. 適逄友人放假一天, 二人就相約這天先試為快. 平時對排隊甚為抗拒, 這次竟然在第一天第一時間來朝聖, 實是自身奇聞.本來約了好友10時來排隊, 但因二人都睡過了頭, 到逹時差不多11時, 門外在等侯的人不算多,大約只有20人左右. 先取了飛, 編號是21, 即表示前面有20張要等, 侍應跟我說11時才正式開業, 要我們先等等. 這做法比要排着隊等有彈性一點.踏正11時, cafe的一眾職員在門外briefing和合照, moomin cafe是日本人開設的, 跟港式文化有點不同, 日本人都較重視禮貌和美觀度, 這兩點在往後的用膳過程中充分體現.還未能入座的時間, 先跟店外的姆明拍拍照, 門外幾艘姆明船, 等得累時還可以坐一坐休息還有門外的姆明爸爸和媽媽, 這一個是必影區, 大人細路都要走過去合照一番. 食物方面, 侍應說因新開業, 所以午餐menu只供應一款牛扒餐, 而甜品和招牌pancake則全日供應. 這些是門外櫥窗display的食物樣辦, 造型也算精緻呢~開始入坐的速度比我想像中