Mokumoku Yakiton (厚福街)

营业中

休息中

今日約左朋友係厚福街食飯，食下串燒飲杯嘢傾下計～前菜係蒜味番茄沙律-酸酸甜甜幾好食，好開胃～鹽燒時令魚，今日係喜之次，聽聞係日本一種珍貴的品種，喜之次魚表面燒到焦脆，入面d魚肉肉質細嫩，非常鮮美，個sauce好清新解膩，食到唔停口。厚切白金豚肉，肥瘦相間的五花肉，肥而不膩，非常好食～燒豬肚豬肚外皮燒得好脆，幾有嚼口，味道唔錯～薑汁燒豚肉蘋果—豚肉燒到表面焦，蘋果清甜，搭配薑汁係幾新穎的配搭。青椒芝士豚肉卷一咬落去青椒同芝士就爆出黎，青椒味好重，豚肉加青椒的組合都幾夾。燒菠蘿🍍表面有一層結焦的糖漿，酸甜好juicy燒白果，顏色好靚好似翡翠，味道係甘甜～

正午時份，終於做完琴晚既工作。和同事搵間居酒屋食串燒鬆一鬆。而Mokumoku Yakiton位於著名食街厚福街既樓上鋪。店舖以日本居酒屋裝飾，坐位間隔闊落，坐得舒服，適合多人聚會。上菜時店員都會介紹菜式及其食法。值得一讚，而家做緊優惠酒類亦買一送一。蕃茄沙律去皮蕃茄配上蒜蓉、甜豉油拌碟，食落酸甜開胃。燒菠蘿焦糖外皮鎖住多汁既菠蘿，味道特出又好食！秋刀魚成條有手臂咁長白子刺身厚切白金豚肉和黑豚豬頸肉串豚肉肥瘦比例是適中。香濃多汁，怕肥都要食多幾串。抱子甘藍皮蛋豬肉卷和青椒芝士豬肉卷估唔到咁match。林檎紅薑豬肉卷芝士脆肉瓜芝士佈滿脆肉瓜上面，脆肉瓜既清甜配以燶芝士，味道唔錯喔！燒飯團-明太子飯團烤得香脆，嗅出陣陣既飯香，記住夾埋紫菜一同食埋粒明太子。只要5點半前，埋單有七折優惠。

今次黎到尖沙嘴呢間mokumoku，一如既往咁好食😋首先要推介既一定係 喜之次， 堅新鮮，d魚肉好嫩再加埋燒完之後既香味，真係好食，同埋個醬汁用來搭配d魚肉，令到個味道更出👍👍👍黑豚肋骨肉都好正，d肉燒得岩岩好，同埋個肉質好嫩，好少食過d豚肉可以整到咁出色。而我個人都偏愛豬頭肉同白金豚肉，本身豚肉既油脂燒完之後好香，咬落去個口感都唔錯，好適合用黎送啤酒🍻豬肚串就比較特別d，其他地方就比較少有，鍾意豬肚既人可以一試

前幾日係左尖沙嘴聽朋友講有間幾出名嘅日式串燒店啲串燒可以，午時仲有7折，就同佢一齊黎試試✌️我最推薦以下幾款串燒：西班牙黑豚豬頸肉串$38肉味好嫩，燒的岩岩好👍皮蛋豬肉卷$36 第一次食咁特別嘅搭配，皮蛋卷夾埋豬肉，口感好豐富👍豬顎骨肉串$38 呢個肉係豬既下巴果度，真係好嫩，一啖就食曬✌️豬大腸串$34 表面有啲肥膏，但係食落又唔覺得好油膩👍豬肝串$32 話是話，豬肝我本身唔係好鍾意食，但係呢度燒到啲色澤幾好，口感幾香脆爽口！如果鍾意食內臟嘅朋友仔，豬心串，豬皮串，豬腰子都記得要試埋吖😋最後必推嘅就係燒菠蘿🍍表面有一啲冰糖，咬落係好甜，加埋菠蘿，酸酸甜甜好好味😋

Mokumoku我又來了，每次過來都非常滿足，和朋友到尖沙咀辦一些事情，午飯時間想起了這一間餐廳，於是和朋友一齊動身過來厚福街一想坐店員便會提供餐前沙律，這個蕃茄已經帶出了餐廳的質素，入口清甜，配搭香醋非常清新，是一道非常滿意的餐前沙律汁燒白菌，他們的串燒往往令人驚喜，白菌配搭日式帶有甜味的醬汁，白菌易不會燒到乾身，內裏仍充滿菇汁芝士翠玉瓜和豬腰，味道非常滿意，同樣是因為廚師把外皮燒致香口，但是內裏充滿着食材本身的原味天下第一刀，店員講解是採用豬接近頸部的部位，入口軟身，豬味濃郁，配搭香蔥的清香，是非常驚喜的菜式每次過來都必點的燒菠蘿，外皮燒致焦糖化，菠蘿本身亦非常香甜，是一道非常滿意的飯後甜品

這間位於尖沙咀的主打豬部位串燒店已經不是第一次來，每次過來都滿載而歸，上星期和朋友到尖沙咀逛街中午時間想起了這一間餐廳，馬上極力推薦給朋友嘗試一下他們主打各類串烤，當中以豬的各種部位為主打，另外亦有其他類似日式居酒屋的菜式可選擇秋葵豬肉卷，豬肉的油香滲入了秋葵，品嚐每一口秋葵都充滿着油香清酒燒帶子，一道非常值得推薦的菜式，帶子燒至半成熟，配搭清酒和日式調味，非常鮮味豬心，坊間比較少見的豬心串燒，入口質地滑身，帶有少許內臟應該有的味道，配搭七味粉調味，惹味豬肩肉，非常值得推薦，豬肉的香味十足，配搭少許的肥膏，只加上簡單的鹽作調味，非常能品嚐到豬肉本身的原味豬大腸，外皮燒得香脆，內裏的肥膏沒有完全清理，入口充滿豬油香氣朋友嘗試過後都非常滿意，說他是尖沙咀質素最高的串燒店亦不為過

今日放假相約好友聚聚,聽聞尖沙咀厚福街呢間居酒屋串燒吾錯,食材又夠新鮮...就上去試下先!前菜~蒜子蕃茄沙律紅卜卜原個去皮蕃茄配以酸酸甜甜嘅汁醬,口感清新爽甜刺身盛-4款帶子,牡丹蝦,三文魚及油甘魚..4款刺身,非常肥美新鮮,配合檸檬汁帶出海鮮嘅鮮味更出色厚切牛舌我好喜歡食牛舌,香料味適中,厚厚牛舌爽口吾韌,夠香口月見免治豚肉串自家製豚肉串,肉質鬆化,肉味濃郁,脂肪分佈平均,燒得外脆內軟,再配合日本蛋黃一齊食,充滿柔滑口感豬耳芝士串豬耳燒到脆卜卜,面頭鋪上芝士肉醬,咬落爽口鬆脆露荀豬肉串薄薄豬肉片包住清新幼嫩嘅露荀再配以日式燒汁,食落一點也不肥腻,口感清爽健康!

一坐低就叫咗個刺身盛合五款作為頭盤，有北海道海膽、三文魚、帆立貝、油甘魚同赤蝦。之後我地一開menu見到鹽燒時令燒鮮活魚，好奇之下問問店員，原來有兩款魚揀，有暗皮白肉嘅馬友，而另外一款係喜之次，就係紅皮白肉。我地揀咗燒馬友，貪佢自帶少少咸鮮，蘸埋酸汁配蘿蔔蓉一齊食，味道好醒神，更顯鮮味。串燒方面，汁燒白菌多汁好juicy，而抱子甘藍非常爽口，朋友好鍾意呢種口感。另外仲叫咗皮蛋紅薑卷，用紅薑包住個皮蛋再用豚肉片包住，而紅薑就用黎中和皮蛋嘅味道，好岩我口味！再飲啖我好鍾意嘅淺間蘋果甜酒，酒味不重，甜甜的蘋果香，好滿足~西班牙豬肋骨肉外層燒香脆卜卜，入面肉質腍軟多汁，豬小腸同豬耳芝士上面係芝士mix咸牛肉就各有特色。我個人比較鍾意流心蛋櫻花蝦乾，流心蛋做得非常出色，加埋櫻花蝦乾嘅味道同口感認真一流!最後下次一定要encore個燒菠蘿焦糖脆皮，個焦糖脆皮做得好好，一咬落個燒菠蘿就流晒d汁出嚟，而且外脆內軟，好正!其實我地一入門口就發現5點半前埋單有7折，所以覺得勁抵食，唔洗等位之餘，食完之後仲可以係尖沙咀行街，下次都會再嚟食個early dinner!

晏晝想同朋友吹水坐得舒服啲，除左去cafe，我地會揀啲日式居酒屋，食住串燒，飲下野，都幾寫意，同款式會更多！今次呢間出名串燒，所以我地都叫左好多試下，再配埋日本酒，而且午市有7折，抵好多🥰厚切白金豚肉- 見到餐廳有推介，所以就試一試。果然相當唔錯，豚肉肥而不膩，燒得外脆，但𥚃面肉汁依然鎖住👍西班牙黑豚肋骨肉- 另一個推介，今次唔係串燒，用木板上，同配上酸酸地既汁。肉味好出，亦好唔好韌，燒得剛好！豬小腸- 串燒都係2串起，俗稱粉腸，表面已經有啲肥膏但食落又唔會好油膩👍🏼豬肝- 燒到色澤好靚，香脆爽口豬頭肉- 燒到非常香脆，肉質結實有咬口🤤柚子檸檬酒- 酸酸甜甜，酒味唔會太濃，適合配串燒，解一解膩咖啡酒- 覺得幾特別所以試吓，閒落好香咖啡味，但飲落就酒味重啲，滿足晒咖啡同酒既需求🤣

約咗朋友係尖沙咀食晏，黎到厚福街呢個周圍都係美食嘅地方，想食串燒所以簡咗呢間Mokumoku Yakiton試下，午市仲有7折添😆位於樓上鋪日式居酒屋嘅裝修，地方都算大，座位闊絡舒適，餐廳開放式廚房主打串燒😋蒜子蕃茄沙律新鮮清甜嘅開胃前菜，已經預先去皮蕃茄上面加少少蒜蓉，每一啖都係清新嘅味道🍅剌身盛合五款有海膽，三文魚，帆立貝，油甘魚同赤蝦，厚身全部都好新鮮🍣燒秋刀魚表面燒到焦香，但入面肉質好嫩，一啲都唔鞋🐟西班牙黑豚肋骨肉厚切外脆內軟，旁邊嘅醬準酸酸甜甜，個人覺得唔洗點調味料已經好夠味🤤豬心好厚身，加上七味粉去燒厚切白金豚肉加咗黑椒去燒，好靚嘅五花腩肉非常多汁，好厚身同油香味重😋白金豚肉流心蛋卷流心蛋本身冇咩味，上面加咗櫻花蝦，豚肉包住流心蛋燒，令蛋吸收咗肉汁又做到流心效果，食落去蛋黃爆出黎再令豚肉加上另一種味道😋露筍豬肉卷 & 蒜芯豬肉卷豚肉包住爽口嘅露筍同蒜芯，減低油膩感👍🏼雞皮燒得好香脆又鎖得住雞皮嘅汁🤤燒菠蘿最後嘅甜品，少少焦香，好清甜😳

過咗個peak season，終於有時間約朋友出街食飯，就揀咗間串燒可以慢慢食慢慢傾吓計。我哋book咗星期日夜晚6點，去到唔駛等就有得入座。首先嗌咗個刺身做前菜，刺身切得夠厚，有口感之餘亦到食到魚嘅味道。油甘魚魚油味濃郁，三文魚肥美，帆立貝清甜，海膽同蝦我有敏感就冇試，但朋友都係好評，overall中上水準。入正題前嗌咗條我最鐘意食嘅魚-鹽燒馬友😍 魚嘅表面燒到好乾身，魚皮脆卜卜，一介開見到有煙標出嚟，證明真係即燒，上枱仲熱辣辣👍🏻 入面嘅魚肉keep到嫩滑，加少少檸檬汁一齊食可以突出到魚嘅甜味，由於我本身真係好鐘意食魚，我自己一個都食咗大半條😆肉類方面揀咗西班牙豬肋骨肉，呢個非常驚喜，豬肉味好濃，肉質超級juicy，每一粒都係一口size，好味之餘仲食得好方便。串燒方面見到有個好得意嘅皮蛋紅薑就嗌咗試吓，佢係用豬肉加紅薑包住皮蛋嚟燒，口感食到啲薑脆卜卜，紅薑嘅味道可以中和皮蛋嘅味道，我諗就算唔鐘意食皮蛋嘅人都可以食😆豬小腸係粉粉地果樣，豬腸表面燒完好煙韌，我幾鐘意呢個口感。另外嗌咗啲蔬菜類。燒菇好juicy，調味應該係加咗啲醬油一齊燒，size係一口size，食落好方面唔會滴到周圍

這間餐廳已經不是第一次食的，喜歡這裏串燒款式多，食物材料新鮮有質素，知道六點前埋單有七折優惠，就約埋閨蜜食返餐好的😋前菜原粒蕃茄顏色鮮紅色，入口清甜多汁，配合酸酸地的醬汁好開胃！剌身盛-四款有三文魚、牡丹蝦、帶子和油甘魚四款不同的刺身，件件都切得好厚身，帶子肉質清甜爽口，加入少少檸檬汁更提升味道，三文魚油香味十足，油甘魚爽口肉嫩，牡丹蝦肥美大隻！原隻赤貝赤貝有手掌般大隻，師傅刀工一流起肉之後再切到好幼細，食起來爽口又好鮮甜美味，值得一讚！燒秋刀魚秋刀魚燒到外皮微焦帶點香脆，魚肉好嫩滑，加點醬汁食唔停口！雞翼串食串燒必點的雞翼，雞翼燒得外脆內軟，火候控制得好好👍粟米粟米最怕燒得好乾身，但這裏的粟米咬落多汁爽口！月見免治豚肉串店員上枱時建議我們點生雞蛋一齊食，勉之豚肉本身已經咬落多汁口感豐富，再加上蛋黃汁一齊食，令豬肉更嫩滑，這個食法味道好夾！

⭕️蒜子蕃茄沙律（送👧🏻💬味道酸酸甜甜，但係冷盤食唔錯！.⭕️燒菠蘿👧🏻💬面有層薄薄地嘅焦糖，食落去有啲口感，相對比較甜，而且熱辣辣，可算是必點的甜點。.⭕️九條蔥卷、日本番薯仔、豬頸肉👧🏻💬串燒需要打孖叫，相對比較要小心中伏，因為一中就係 double伏😏番薯仔係甜甜地，幾易入口，九條蔥卷都好 juicy.⭕️雞泡魚乾👧🏻💬佐酒小食，咸香咸香！.⭕️天下第一刀（豬👧🏻💬今日見到佢個名好特別，所以就叫你試下，賣相都唔錯面頭鋪咗啲蔥，但係睇返個價錢💰$288 +1實在超級唔抵！.⭕️Sake👧🏻💬叫左個300ml既燒酒，$238，有蜜瓜既香味，正！.⭕️生蠔🦪💰$75/個 魚生👧🏻💬居酒屋嘅生野真係麻麻哋，新鮮度唔夠，食落去有浸雪味，已經唔係第一次喺居酒屋試過食魚生 以後都不了。.⭕️黑松露炒雜菇香口，但$88，自行衡量一下價錢🥲我都識整.👧🏻💬整體來講唔抵食，$1500左右埋單，啲嘢又唔係特別好食，性價比唔高，下次都係唔好亂咁試🙈🤣有啲掛住之前吃既串燒店。

Their food was good. We love their appetizers, rice, and their Japanese rice cake. However, it does not justify their deceptive, dishonest sales tactics. Minutes after we sat down, before we had a chance to look at the menu, they put down two sets of appetisers on our table, telling us quite quickly that "It was the restaurant's appetizers. One portion for two people." And then the waitress walked away. It was naturally assumed that the appetizers were on the house, but we learned that they wer

是日跟朋友來了老地方聚會，循例先上個冰凍甜蕃茄作前菜，清爽一下口腔。是次我們點了～燒鱔串(新鮮彈牙厚肉多肉汁每次都必點，但師傅說不是經常返貨，算是每日精選)，紅薑林檎豚肉串(又一清新口腔系列，蘋果蓋過油膩感)，豬生腸、豬心(內臟更見燒烤的真章，一點都不腥，像肉的質感)，西班牙黑豚肩肉串(軟林肉厚多汁)，西班牙豬肋骨肉(有咬口兼濃厚豬味)，最後來個甜品～燒菠蘿(燒過後真的甜到入心，面層有微微脆薄焦糖更是錦上添花)，短聚豐富一餐，非常滿足。