Mini Friday (銅鑼灣廣場二期) (已結業)

尋日食泰國菜果時，就見到對面有間西餐👉🏻 Mini Friday 👈🏻 今日去食下先👅.餐廳範圍唔算好大，但都坐得闊落，幾舒服㗎➰ 而且員工態度nice ，服務超好‼️.“炭烤澳洲羊架配紅酒汁 配薯菜” (HK108)羊架賣相就幾好吸引，食落冇騷味，肉質嫩滑，加上紅酒汁令味道更豐富，唔錯🙆🏻‍♀️.“炭烤澳洲肉眼扒配黑松露燒汁 配薯菜”(HK$128)叫左5成熟，切開肉眼扒都見中間嘅肉係紅色，仲帶少量血水，烤得岩岩好👌🏻 而且肉嫩多汁又軟腍，薯蓉亦非常幼滑，幾正㗎😋

DIY Pasta，龍蝦大啡菇辣味茄汁扁意粉，龍蝦肉質彈牙，蝦膏飽滿，味道鮮甜；大啡菇食落好Juicy；辣味茄汁味道酸辣，內有蕃茄、洋蔥；扁意粉食落有咬口，容易掛汁。夏威夷薄餅，表面鋪滿芝士、火腿、彩椒、菠蘿、香草、千島醬；芝士拉絲效果突出；火腿肉質肥瘦適中，味道感香；薄餅口感薄脆，食落好香口。黑松露野菌湯，口感稠身，黑松露味道濃香。田園沙律，包括有芒果爆珠、粟米、車厘茄、紅苦白菜、芝麻菜。是日餐湯，西蘭花忌廉湯，口感幼滑，味道濃郁。蘋果金寶，表面鋪滿糖霜，蘋果口感爽脆帶腍，味道酸甜，奶酥口感酥脆，充滿牛油味道，配以草莓、草莓醬食用，味道更佳。是日甜品，朱古力蛋糕，口感鬆軟，味道香甜，帶有香蕉味道。

餐廳座位闊落舒服，侍應也很有禮貌～西蘭花忌廉湯～西蘭花味很濃郁，每啖也像在吃西蘭花般～香烤雞鎚拼雞肉腸配BBQ燒汁薯菜~雞鎚有兩大隻，雞肉整得很嫩滑，有肉汁，剛剛好熟透；雞肉腸也很大條，內裡還有磨菇粒，不錯；而醬汁BBQ汁相當惹味，薯蓉沾一點點來吃更正～香煎盲鰽魚柳配香草忌廉汁意粉～魚柳煎得很香，魚皮邊有脆邊效果，魚肉也大條，無骨的；意粉份量適中，意粉也是剛好熟，帶點煙韌而不硬的感覺，拿掐得很好～

上年年尾曾經喺觀塘幫襯過呢間人氣黃店mini Friday，一直都對佢嘅嘢食評價頗高，念念不忘🙈 直至前排同屋企人行街嘅時候，發現銅鑼灣都開咗新店，於是同咗佢哋一齊上咗去再度幫襯😚估唔到隔咗幾個月，mini Friday仲有「時代抗翼」食，記得上一次嗌咗胡椒雞翼，而今次二訪，當然要試埋其他口味啦🤤 今次嗌咗呢個黃到金雞翼，佢每隻雞翼都大大隻，淋滿咗鹹蛋黃醬，仲有小小一粒粒嘅鹹蛋黃添😍 食落口腔充滿着鹹香，內裏肉質juicy，好快我哋一人一隻就已經食晒😆而偏好芝士嘅我就揀咗呢個菜式，一睇呢啲配搭都知好食😋 芝士mix溫泉蛋簡直perfect match！可惜佢個蛋唔夠流心，過熟咗啲啲🥲 而佢嘅牛脷配埋焗咗嘅芝士一齊食，鹹鹹香香咁，超好味🤤 而且牛脷尚算腍，不過薯粒有啲太大舊，如果可以細粒少少，食起上嚟就會無咁濟啦。另外，鍾意食海鮮嘅我哋仲嗌咗個西班牙海鮮飯😌 估唔到隻龍蝦都有返咁上下份量，隻鉗好多肉！仲有其他海鮮配料，有蜆、蝦、墨魚同魚柳，鋪滿哂個飯面咁濟😋 而個飯底有啲似西炒飯，但炒到幾乾身，唔錯👍🏻最後，我哋以呢個apple crumble做結尾，呢個啱哂鍾意食肉桂粉嘅人🤪 食落粒粒

同媽媽食飯， 基本條件就係唔好太貴得嚟又要OK好味今次就揀咗MINI FIRDAY 我叫咗DIY PASTA， 比較特別係有得自選食材咁就可以無限COMBINATION！蒜片欖油+扁意粉+煙鴨胸／大啡菇 ＄158 (+$10 add on ingredients)份量好多呀， 而且非常足料鴨胸肉鮮嫩多汁，加上鴨皮嘅油香撈埋好有蒜香扁意粉真喺幾夾幾好味媽媽好滿意佢嘅 香烤澳洲羊架配薄荷汁 ＄238紮實嘅羊肉細嫩彈牙媽媽喜歡當中嘅羊羶味所以無刻意點到薄荷汁我試咗少少都覺得唔錯仲有蘆筍同薯蓉， 食得好滿足最尾嘅甜品酸酸甜甜又唔會太大份剛好可以清一下味蕾侍應服務好好有禮貌TOTAL食咗AROUND ＄400銅鑼灣區嚟講CP值超高！

上網見到呢間餐廳評分吾錯，又係香港人既餐廳 諗住試下啦 ，當日12點幾book位 ，已經問左7點鐘2個有無位 ，佢話有咁ok la去到同佢講book左位，然後佢同我講暫時未有位要我等一等 ，話如果7:10果個無黎就可以入 ，我已經覺得奇怪 ，我book仲要等7:10果台黎吾黎先有？ 咁我就等一等 ，可能真係太多人 ，畢竟都係星期五 ，等左10分鐘 ，佢話果台已經黎左 ，又要等15分果台 ，之後先知中伏 ，有人黎左話用左open rice book都無位 ，又有一對情侶book左位黎到都係無得入 ，之後我去問職員其實我咁樣真係要等幾耐 ，佢好老實話知真係無位 ，咁樣都係無了期等 ，咁點解當初我問有無位你要答我有？佢同我講話當初電話應該有話我知人太多要等，我好肯定當初電話果個人無咁講過 ，你一話有位我就留低資料之後收線 完全無講過任何我可能黎到需要等等既說話，你當初話無我就book第二間啦 ，職員係好有禮貌 ，所以我都無諗住吵佢 ，但真係吾該呢方面做反好少少 ，星期五我最後係搵左4～5間先有位食野

尋晚和朋友去開銅鑼灣，順便過來食好西，貪佢近近地唔駛等位，而且環境光鮮，美食質素中上。店員安排了大卡位開心死唔駛就住就住影食物。叫了一套餐再另外散叫兩小食，食完飽晒，好味。薄脆點完餐後小食隨即奉上，薄脆口感卜卜脆，醮埋千島醬，美味到食唔停口。水牛城雞翼 $78炸得皮脆肉嫩的雞翼沾滿酸辣醬汁，風味一絕。仲有沙律菜，中和下口味唔錯。溫泉蛋菠菜大啡菇 $78原隻厚肉的大啡菇放了上菠菜和温泉蛋，蓋上芝士燒熔，味道出奇地清淡唔油膩，口感彈牙幾好食。香烤美式BBQ豬肋骨(套餐) $188豬肋骨厚身份量唔少，肉質好淋好易切開，面層BBQ醬汁惹味內裡好有肉味。仲有薯蓉、珍珠筍、蘆筍配菜，prefect。田園沙律 (跟餐)平凡的沙律菜加了蜜桃爆珠，帶來香甜口味。椰菜花忌廉湯 (跟餐)忌廉味濃，椰菜花碎弄得極其細緻，帶來若隱若現粒粒口感。朱古力慕絲蛋糕 (跟餐)細細件慕絲，面層朱古力味甜美，醮埋莓汁味道突出。凍檸檬茶 (跟餐)味道正正常常，甜度剛好。

星期五係銅鑼灣行街行到肚餓😂😂見到呢間mini Friday，然後就入咗嚟試吓。門口睇落唔大，點知入到嚟原來咁大間😂裝修幾別緻，卡位好闊，坐得好舒服👍🏻staff超nice🌸勁有禮貌，呢個已經好加分😹Lunch set都幾多野揀～價錢合理，好多野都好想食haha我同朋友每人揀咗一個set～上菜都唔會要等太耐!G. 炭烤澳洲肉眼扒配黑松露燒汁 $128塊肉眼扒好大塊，staff推薦七成熟~果然熟度啱啱好😋切開粉粉地，食落超嫩又多汁！！一啲都唔會乾！配黑松露燒汁一齊食會上癮。揀咗薯菜，自己覺得幾搭😚薯蓉味道剛剛好F. 炭烤澳洲羊架配紅酒汁 $108羊架都一樣唔老👍🏻好嫩幾重羊味 調味幾啱我口味！好鍾意佢個紅酒汁😋揀咗意粉🍝軟硬度煮得岩岩好，唔會太硬👍🏻配菜都好好食 今日餐湯係羅宋湯，湯有洋蔥薯仔同三色豆😂😂都幾特別

✨銅鑼灣新開張西餐廳✨•🔸食物簡評(✔️收取加一服務費)•💭香烤澳洲羊架 配薄荷燒汁 $238呢個係Dinner set嚟！包前菜、餐湯同飲品🤩抵到crazy🤩但就好好好普通😂餐湯係勁淡嘅南瓜湯🥶但羊架好正！🤩肉質鮮嫩、脂肪甘香、好juicy！煮得啱啱好，勁入味😍但個薯蓉係用粉開，有啲失望...🥲但羊架太正，拉上補下啦😆•💭龍蝦西班牙海鮮炒飯 $238海鮮種類繁多，有龍蝦、魷魚、蜆肉同大蝦等🤓上菜嘅時候熱辣辣，但飯太乾，後尾撈埋一齊先叫好少少😅亦都唔夠鹹(本身都食得淡🥶)海鮮都麻麻...龍蝦肉好梅好乾🥲唯一可取之處係份量多，但唔好食既話就多多都冇用😬•💭黃到金雞翼 $59呢度有四款「時代抗翼」💛我哋揀咗鹹蛋黃味😚呢個幾好味！🤣雞翼外脆內軟😍肉質嫩滑，亦都唔油膩～啖啖都有鹹蛋黃香同牛油香🧈😙•💭火焰雪山包埋畫碟添架😍🧡(Aga好開心😚)上碟時會點火，賣相好吸睛🤩但味道普普通通啦～🤣下面係朱古力味雪糕🍦•🔸IGable：📸📸📸•我覺得餐廳裝修係靚，亦都有情調😚餐廳都寬敞🤓但就較適合享受同欣賞，打卡就唔係好適合呢間餐廳🙏•我地就一早book定枱，所以坐咗喺窗邊位🤣坐得超級舒服，基本上可以坐6個

之前食過觀塘Mini Friday味道唔錯，知道銅鑼灣有分店，一於去試吓😋。.叫咗Dinner Set～🐮香草燒牛仔骨配蜜糖燒汁Set 餐有餐湯同田園沙律🥗，牛仔骨肉質嫩滑，切開有肉汁流出加埋燒汁食好好味呀😋。.另外加💛黃到金雞翼，鹹蛋鋪滿雞翼之上，雞翼香脆金黃，入面鮮嫩，配埋鹹蛋嘅咸香，惹味升級。.甜品食🍑蜜桃雪葩同焦糖燉蛋🥚，蜜桃雪葩🧊冰凍透心涼，🍑蜜桃味清淡香甜，焦糖燉蛋🥚表面燒得唔算焦香，但燉蛋軟滑而清甜，甜度適中。.餐廳店員服務細心有禮，安排闊落坐位、提供High Chair 🪑、更換小朋友餐具🍴，仲主動提供濕紙巾抹手用。.好味指數：😋😋😋😋4/5推介指數：😋😋😋😋4/5抵食指數：😋😋😋😋4/5.🍽 Mini Friday (銅鑼灣廣場2期) (銅鑼灣)📍銅鑼灣駱克道463-483號銅鑼灣廣場2期6樓

“Mini Friday”終於喺港島區開分店啦😆觀塘店有非常好嘅口碑，今次喺港島區開分店當然要試吓。餐廳地方雖然唔係超大，我覺得枱與枱之間唔會太貼就可以了。店內燈光充足，幫食物影靚相絕對冇問題😝。一坐低店員就遞上一碟免費小食，係薄脆配千島醬，等你一邊食一邊睇餐牌。▫️炸魚薯條 (HKD98) - 餐牌上寫係“小食 & 前菜”。份量其實係可以作為一個主菜(如果你係細食嘅話😬😬)。魚肉鮮嫩冇腥味，外表炸到金黃色而且脆口惹味。有沙津作爲拌菜，見到幾粒細小透明嘅珠就搵問侍應係咩嚟，佢話係「爆爆珠」。個名字幾得意嘅😂😂味道甜甜地，用來代替沙津醬拌菜食。▫️胡椒雞翼 (HKD58) - 喺另一個餐牌 “時代抗翼”發現有四款新登場口味雞翼。「維尼雞翼」、「黃到金雞翼」、「催淚雞翼」、「胡椒雞翼」，每款雞翼名字各有特別意思。我哋揀咗「胡椒雞翼」，用胡椒同埋蜜糖來調味相對少見，味道帶甜多過胡椒味。因為個汁都幾好味，後來我哋用呢個汁來代替茄汁點薯條食😝😝唔經唔覺成籃薯條清晒😂▫️美式BBQ豬肋排(HKD238) - 隔離枱點咗呢個豬肋排，嗰陣BBQ香味傳到我哋呢邊，望吓個樣都幾靚於是就點咗。 豬肋排冇另外上醬汁

cwb 唔係得貴野，呢間mini friday,一直save 了，但是以為旺角先有，cwb 都有分店啦！！用埋openrice coupon, 88折！！2點幾入座，有大窗好光猛，又舒服好坐，同層仲有同公司另外日式及泰式的店（下次試下）點了2 個餐，睇相係有2 塊豬排，甘平食落都係有水準，雖然薄豬排，不過d 汁幾好味，塊排又滑，唔會乾又唔韌仲有配一小份炒飯，沙律份量又勁多，再加小食雞翼🤤🤤 埋單折後$216😆😆✅， 坐到4點又唔趕客走，仲提我地可以慢慢坐✅（雞翼有配少少爆爆珠沙律，唔夾味）

今次去高性價比「Mini Friday 」食西餐.薄脆🍴點少少千島醬，好滋味🤤.田園沙律🥗加咗益力多味嘅爆珠😆同埋有粟米🌽番茄🍅仲有其他蔬菜🥬都幾豐富.是日餐湯🥣飲落係有沙質狀薯仔嘅忌廉湯🥔.胡椒雞翼🐔雞翼炸得酥脆😉胡椒同蜜糖味道平衡🍯幾好味.溫泉蛋芝士忌廉龍蝦雞柳大啡菇扁意粉🍝龍蝦大小剛好🦞大啡菇好juicy🍄個sauce好creamy😋.即製梳乎厘班戟配雪糕🥚梳乎厘質感鬆軟😗另外附上醬同雪糕🍨整體唔錯.布朗尼🍫唔會過甜，但硬身咗少少😢.草莓牛奶沙冰🍓上面灑上彩針糖同棉花糖☁️不過略嫌甜咗少少🥺.凍檸檬茶🍋茶底濃度適中

疫情關係已經好耐冇約朋友出街食晚餐，朋友話minifriday係銅鑼灣開咗一於放工去試下，環境唔錯幾舒服又有窗口梳化位，一坐低先送上一客墨西哥脆片，之後我地order 咗1個set dinner ＆1客DIY Pasta 一齊share，每個set都有餐湯,沙律同飲品，加一元重有個是日甜品👍炭燒紐西蘭肉眼扒~肉質嫩滑質感豐富牛味濃郁👍辣味茄汁龍蝦大啡菇天使麵~爆膏嘅龍蝦再配上少少辣特別野味😋餐湯係熱辣辣非常清甜嘅南瓜蓉湯是日甜品係草莓mousse cake ~ 細細件又唔太甜相當好味😋

多國菜餐廳【Mini Friday】2017年6月於觀塘興業街開業，以其創意料理及高性價比深受食客歡迎。繼旺角分店後，持續疫市擴充，第三家分店去年尾登陸銅鑼灣。是日到銅鑼灣店晚餐，餐廳裝潢帶歐陸風，燈光柔和而不會過於昏暗。座位濶落並有靠窗卡位，很適情侶共聚或朋友慶祝。甫坐下店員便送上免費小食，是自家制的薄脆，份量不有6,7片，作香口零嘴剛好。還貼心地附上千島醬，沒因饋贈而馬虎了事，好感度立即大大提昇。點了"芥末忌廉豬扒漢堡"， 隨餐附上一個透明塑膠圓筒，上枱後店員即場淋上醬汁，做成爆漿效果，玩味十足。忌廉汁酸酸甜甜帶少許芥末辛香，醒胃之餘不會過於嗆喉。漢堡包烘得微脆，吉烈豬扒外皮香脆不油膩。配菜有大兜薯條及新鮮沙律菜，沙律菜用上紅菊苣及苦菊，兩款蔬菜皆帶明顯苦味和隱約的辛辣感，但搭配甜甜的香醋及三文魚籽，美味又富營養。"催淚雞翼"炸得酥脆，加入大量辣粉及炸蒜，味道香辛，喜愛吃辣的朋友吃得津津有味。"芒果黑松露鮮蝦沙律"以水滴形冰藝包裹，擺盤吸引，打卡必選。芒果香甜，黑松露香氣襯托出蝦肉鮮味，加上火龍果及沙律菜，味道豐富。冰鎮沙律不單提供視覺享受，更添冰涼清新感覺。"鹹蛋黃薯角"屬邪惡之