Mini Friday (銅鑼灣廣場二期) (已結業)

黎到星期五，工作完一週緊係食餐好，放鬆下，中意呢到地位夠大，舒適，唔覺得焗促。我地叫左2個set dinner，有沙律，餐湯，飲品，好抵食。沙律新鮮爽口，仲有d爆珠口感好得意，餐湯creamy 唔會水汪汪。自選意粉可以自由配搭，好正啊，我揀溫泉蛋芝士忌廉意式燴飯配大啡菇蝦肉，意式燴飯煮得軟硬適中，個汁好creamy，好食，大啡菇份量多，蝦肉大隻爽口。香烤澳洲羊架配薄荷燒汁$248揀左7成熟，羊架燒得香，肉質嫩，唔會鞋烚烚配菜都好食。我地加左$1有甜品，係細細件嘅cake，鬆軟唔太甜。

之前係旺角食過1次Mini Friday, 叫左出名既豬手同pizza, 已經覺得好好味，留下深刻印象。今次黎到銅鑼灣分店，都分別試左其他菜式，估唔到都一樣咁好味，而且服務質素都保持着一樣咁好。DIY Pasta-配田園沙律，好中意沙律面有好大粒既爆珠，擺放精緻又美味-配甘筍湯，一開始俾個湯個顏色呃左，以為係蕃茄湯，但飲落原來係甘筍，平時比較少飲，估唔到味道都唔錯-主角意粉簡左扁意粉，配鮮蕃茄汁，菠菜，再加配龍蝦.......整個配搭鮮豔，龍蝦肉爽口彈牙，而意粉每一條都被蕃茄汁裹着，食落酸酸甜甜，相當開胃。熱溶芝士牛肉漢堡雖然有點邪惡，但好治癒，可以自己手動將熱辣辣既芝士溶漿倒在牛肉漢堡上面既膠膜，然後拉開個膠膜，芝士就會好似山泥傾瀉咁傾湧而出，好壯觀。將個漢堡砌開一半，里面既牛肉好厚身，食落相當多汁嫩滑，而且芝士又無想像中咁油膩......黃金雞翼(4隻)好中意食咸蛋，所以簡左黃金雞翼，雞翼外皮炸得好鬆脆，內里嫩滑多汁凱撒沙津叫左個沙律減少些罪惡感🤭🤭Mini Friday 真係食物質素，價錢同服務質素成正比既餐廳，值得推薦👍👍👍。

銅鑼灣新式西餐廳，晚餐Set dinner都幾抵食。一坐低似傳統西餐廳有麵包籃，不過入邊係脆tacos，配千島醬。Set Dinner包餐湯沙律同茶啡，感覺有啲似小型Cafe，是日餐湯係雜菜湯，不過不失。沙律上面有啲爆珠，幾特別。Main叫左牛仔骨同自選意粉。牛仔骨有三大塊，份量都幾好，旁邊嘅黑松露薯蓉係我覺得最好味既！自選意粉幾特別，因為可以按個人喜好揀自己鍾意嘅醬汁/麵/肉，配合成自己最鍾意嘅意粉。最後加咗$1換甜品，係幾抵食既。

頭盤黃金雞翼不錯，不過香草牛油焗田螺酥盒表現不過不失，田螺酥盒既薯蓉味道略淡，建議可加香料增加味道層次。大讚明太子忌廉帶子手卷粉，第一次食手卷粉，原來係兩條幼身長通粉癡埋，口感max。餸同麵比例剛好，個汁好食不膩。另外一道溫泉蛋忌廉汁蟹肉意大利飯就遜色了不少，第一配料太少，第二太膩。飲品方面，Virgin colada $88/Jar 好抵飲，如圖超大樽，椰香味重，酸酸甜甜，同菠蘿汁好夾。甜點方面只試左Apple crumble，結果令人有點失望，玉桂太重手，以致整個甜品太濃味。整體餐廳裝修好歐式，好chill，服務亦不錯，如果約三五知己相聚都係好地方。

**Mini Friday-銅鑼灣店**記得之前係旺角店食過一次，印象幾好得知銅鑼灣開左分店一於又食下，開左係銅鑼灣廣場，一出lift見到分左三間唔同既餐廳，大概係同一集團。有日本野，泰菜同埋西餐Reception 好快安排左我地入去住window seat , 卡位好大張櫈，應該可以坐到六個人。睇睇menu , 原來係黃店，有份雞翼menu用左d好似好搞笑既黃色詞語，但我個人就覺得不是味兒。有點over 同埋唔值得笑落完單就有餐前小食,記得上次都有我地要左一個DINNER SET,所以有湯同沙律明太子帶子粗管粉,夠哂多汁,粗管粉比較少有,都幾特別同埋好好食呢個我同老公都比99分!煎牛仔骨配薯蓉 , 都煎得幾好,香口有牛味,雖然擺碟比較平凡SET有餐飲,檸茶無苦澀味,讚再點左個心太軟食,好流心,但旁邊果個唔知係雪糕定咩黎,好似融過再雪返咁,唔敢食

放工約左朋友食晚，自疫情開始都少約左朋友出去，最近疫情都緩和咗，所以都約返朋友出去食飯，大家都係在銅鑼灣放工好方便，見到新開冇幾耐嘅西餐廳Mini Friday 既餐😋環境舒服😌服務不錯，坐下來睇睇餐牌都很多野食👍🏻套餐前菜沙律🥗餐湯芝士牛肉漢堡漢堡都做得幾出色，芝士是自放上去等芝士慢慢流，再蓋上包一齊食，入口淡淡芝士加牛肉的味道，口感豐富滋味十足👍🏻磯燒美國頂級牛肉眼扒晚餐就叫咗牛扒，切開都算林，肉質都鮮嫩多汁，美味可口！最後加$1 多個甜品🍮好抵食

同公司同事在外工作完，大家又攰又想搵地方抖下，即刻諗起Mini Friday，既可以一人一份晚餐，坐得又舒服，仲要係唔會趕時間迫客埋單架！係銅鑼灣，這間是我的首選👍🏻銅鑼灣廣場2期6樓, 有一、兩個知客接待三間食肆嘅客人, 相信係同一集團經營,知客靚女都幾有禮貌, 會直接帶領客人去他們的預訂食肆的。MiniFriday, 間餐廳環境闊落, 一坐低就給我們一碗仔薄脆可以點沙律醬食啦, 其實都冇問要唔要收錢的，埋單時睇番張單先見到原來係免費架, 加多一份好感🥰叫左個Dinner Set 澳州羊架, 猶豫要叫幾多成熟之際, 侍應話會係七成熟喎, 正正係我想要的做法。大大隻碟上有三件羊架, 份量都唔少, 而且每一件看似全熟噃, 點知切開羊肉都是微紅, 果真係外脆內嫩, 仍保存到有肉汁, 極力推介各位羊架控😋😋😋另一份揀咗自選意粉:辣味茄汁煙肉天使麫, 加$48追加了龍蝦, 嘩原來有半隻龍蝦架, 48蚊自己都買唔到啦, 都有膏架, 龍蝦味道不錯, 肉質好彈牙😍😍每個餐都有沙律, 餐湯, 咖啡或茶, 看似例牌野, 但樣樣都整得好好味, 尤其是個湯, 係好濃郁嘅菜湯黎架。👏🏻👏🏻絕對係用心做食物嘅一

約了朋友在銅鑼灣吃晚餐，他建議去這間有心思的西餐廳。餐廳內坐得舒服，而且食物選擇都好多～去過觀塘分店，他們的火焰豬手真的非常有特色。但當晚我們決定點dinner set和自選意粉～碳燒北海道和豚肉眼配燒汁的豚肉扒外脆內軟，非常香脆的外皮配上入面厚厚的軟嫩肉質 ，每一口都好滿足。而且豬肉肥瘦均勻，個人建議連少少肥一起吃更滋味。另外配菜的薯蓉都好用，是加了非常香的黑松露，薯蓉亦磨得好滑，忍不住吃個不停。溫泉蛋芝士忌廉波菜天使麵加龍蝦一上碟已聞到龍蝦的香味，非常吸引😋溫泉蛋芝士忌廉波菜汁真的非常出色，每口意粉都好creamy，夾上菠菜同菇好match，口感同味道俱全。ps 當日隻龍蝦好多橙色膏，好好食😋😋他們的$1甜品是必吃的，雖然價錢便宜，但品質幾好，好香朱古力味值得一讚是他們的服務好好，店員好nice☺️下次同朋友gthering再來～

上星期去銅鑼灣廣場二期食飯時睇倒隔離間Mini Friday門口個餐牌幾吸引，舊同事約我dinner梗係去試下！餐廳座位濶落多卡位，一座低送左個炸薄脆配芝士醬小食， Set Dinner 有主菜、田園沙律、餐湯同飲品，加 $1仲有甜品🍮性價比高！🥩法式紅酒燴牛肋條🍷$208上一枱有超香嘅黑松露味，原來法式紅酒燴牛肋條跟左黑松露薯蓉！紅酒汁味道香濃，同黑松露一齊食好夾平分秋色！配搭煮得好淋嘅牛肋條，肉質紮實帶點彈性，加埋綿綿薯蓉唔油膩，配菜有蘆筍，紅蘿蔔等，份量好足！性價比好高！讚！🦞龍蝦西班牙海鮮飯 🥘 $238賣相滿分嘅龍蝦西班牙海鮮飯，有半隻龍蝦、煎魚、魷魚、大蜆同海蝦等食材！龍蝦新鮮爽口～仲有好龍蝦膏咸咸地撈埋個飯度食更美味！其他海鮮新鮮而且份量都好足，成個海鮮飯滿滿嘅～飯粒分明，每一啖飯都包住個汁，香濃惹味！跟餐嘅粟米湯都唔錯～飲品點了最愛凍檸茶，食得太飽，冇加 $1 食甜品！

Mini Friday (銅鑼灣廣場2期) (銅鑼灣).DIY Pasta-幾喜歡啲舖頭可以自由配搭食咩餸要咩意粉，我哋今次揀咗大啡菇配帶子，香蒜欖油加扁意粉，成個配搭好夾，帶子五成熟，意粉煮得唔會過腍.芝士牛肉漢堡-呢個反而有少少失色，佢有好龍口嘅芝士醬再加埋煙肉碎，但係個麵包偏硬同脆，感覺有少少膩，而且個薯條屬於粗扁薯條，偏淡.水牛城雞翼- 相信大家鍾意食水牛城雞翼都係喜歡佢嘅酸酸甜甜，不過今次呢一個連我都覺得有啲偏酸.焦糖燉蛋- 本身叫咗心太軟下1秒即刻後悔，焦糖燉蛋好耐冇食好好食😋焦糖微脆，燉蛋又夠滑夠creamy.Mini Friday (銅鑼灣廣場2期) (銅鑼灣)銅鑼灣駱克道463-483號銅鑼灣廣場2期6樓.—————————————————————-#hkig#hkigfood#hkfoodie#foodie#food#hkfoodblogger#foodstagram#foodie#銅鑼灣美食#minifriday

一出lift就見到大大既影相位好吸引入到餐廳感覺環境舒適，同朋友聚餐傾計一流😊👍🏻今次食lunch set叫左羊架同牛扒5成熟😋⋯⋯牛扒好juicy又吾韌，薯蓉好creamy…黑松露好香😍如果份量可以再多啲就更滿足喇對於細食既人黎講係ok既如果想飽肚就可能要再叫啲小食了餐飲方面 加錢叫左士多啤梨牛奶沙冰，大大杯好香甜🍓仲有細細粒既棉花糖整體來講，侍應們都好有禮貌好nice! 值得稱讚👍🏻

Mini Friday地址: 銅鑼灣駱克道463-483號銅鑼灣廣場2期6樓電話: 26820610===============一早起身打算買完蘋果，太多人買都一早掃光支持。中午就去了食lunch ,心情唔係幾好，希望食美食令心情好轉一點。Lunch set 有湯，主菜，飲品菠菜湯無草青味，調味夠唔會淡煎雞扒，個薯蓉仲有黑松露味好香，連平日唔太食薯蓉架我都食光光。羊牛都唔貴只係一百蚊多點就食到，羊架有兩大件。呢度坐位都幾闊落架，幾個人來食都唔會覺迫。

餐廳送嘅餐前小食 一order完就送上嚟 個醬汁似係千島汁幾開胃😛沙律有啲爆汁珠珠，一咬嚟去係有d好似果汁爆發咁幾得意😆青擰薄荷梳打 跟嘢食叫仲可以減廿幾蚊👏🏻圖中嘅杯嚟計的話 兩個人都至少可以share到每人兩杯㗎~自選意粉 由配料、意粉到醬汁全部都係自選！意粉嘅甚至有得揀比較少見嘅墨汁意粉！圖中揀咗 生熟蛋、忌廉芝士汁、扁意粉同菠菜意粉煮得幾好食，分量都適中，不過蛋黃略嫌過熟做唔到流心嘅效果主菜 beef Wellington 一上碟比我想像中大份😵面頭嘅酥皮都非常之脆~塊牛扒切開中間仲係粉紅色嘅🤤不過嚿牛都有少少韌~整體表現都好唔錯✌🏻

Weekend Brunch想chill就去試下Mini Friday😛本來打算叫Set Lunch點知今日有新Brunch Menu😖雖然都算多選擇 但係無我想食既款好迷茫叫左個番茄水牛芝士吐司Set🍅($78)睇到擺盤又好似唔錯 普通影已經好打卡💮比我預想塊吐司大好多 而且沙律好多(因為本身唔想食好脆個類 所以反而安心左)黑醋好好食同個水牛芝士配合得好好，蕃茄仔同沙律係好新鮮嘅🥗甜 鍾意佢加左透明個d蘋果汁粒粒🤣❤好甜好似食蘋果Jelly😛塊包係甜甜地好軟好食🍞唔heavy但係食完好飽好滿足 唔會唔夠分量(朋友叫左個海鮮意粉 分量足料🦐)環境夠靜，就算Brunch都坐得好舒服，環境係偏暗唔會熱死，有少少蠟燭裝飾 可以慢慢傾🙌🏻(同旺角出面熱死/其他開放cafe比好唔錯) 比其他只打卡cafe好食 整體幾滿意打卡度:💮💮💮💮食物:💮💮💮💮舒服度:💮💮💮💮💮(卡位舒服

銅鑼灣廣場二期6樓，同一層有西式扒房，日本菜及泰國菜, 用同一個reception，應該係同一集團營運。今次試下Mini Friday, 餐廳面積寬敞，座位闊落，坐得幾舒服。兩個人，餐廳員工都願意安排卡位俾我哋！卡位大，就算坐上四人亦都不覺迫夾。餐牌精簡，啱晒選擇困難症的我。叫咗兩個dinner set，一個BBQ Ribs，一個和豚肉眼。個粟米餐湯係用新鮮粟米製成，沒有加入大量奶油，鍾意creamy濃湯的可能會覺得少咁d嘢。 粟米湯啖啖粟米蓉，清甜。沙律dressing清新，配上柚子味粒粒爆珠。和豚肉眼先上。熱辣辣上碟，伴以薯蓉。無向員工確認，但薯蓉應該加入黑松露, 味道突出。薯蓉亦保留少量薯粒增加質感。同樣地，鍾意滑滑creamy奶油薯蓉的人又可能會覺得少咁d嘢。真係咸魚白菜各有所愛。肉眼出色，應該係以慢煮嘅方式煮到啱啱好，再炭燒外層增加風味。肉質完全唔韌。Ribs 則難以失手。欣賞個BBQ 汁不會過甜。而且上枱嘅時候熱到出煙，即整即上，沒有在廚房閑置多1秒。同行友人加多一蚊食甜品。個芝士芒果餅不太甜，蛋糕餅底，細細件作為一個完美嘅總結。疫情後，重視餐廳衛生，Mini Friday