Mini Friday (銅鑼灣廣場二期) (已結業)

之前係旺角食過1次Mini Friday, 叫左出名既豬手同pizza, 已經覺得好好味，留下深刻印象。今次黎到銅鑼灣分店，都分別試左其他菜式，估唔到都一樣咁好味，而且服務質素都保持着一樣咁好。DIY Pasta-配田園沙律，好中意沙律面有好大粒既爆珠，擺放精緻又美味-配甘筍湯，一開始俾個湯個顏色呃左，以為係蕃茄湯，但飲落原來係甘筍，平時比較少飲，估唔到味道都唔錯-主角意粉簡左扁意粉，配鮮蕃茄汁，菠菜，再加配龍蝦.......整個配搭鮮豔，龍蝦肉爽口彈牙，而意粉每一條都被蕃茄汁裹着，食落酸酸甜甜，相當開胃。熱溶芝士牛肉漢堡雖然有點邪惡，但好治癒，可以自己手動將熱辣辣既芝士溶漿倒在牛肉漢堡上面既膠膜，然後拉開個膠膜，芝士就會好似山泥傾瀉咁傾湧而出，好壯觀。將個漢堡砌開一半，里面既牛肉好厚身，食落相當多汁嫩滑，而且芝士又無想像中咁油膩......黃金雞翼(4隻)好中意食咸蛋，所以簡左黃金雞翼，雞翼外皮炸得好鬆脆，內里嫩滑多汁凱撒沙津叫左個沙律減少些罪惡感🤭🤭Mini Friday 真係食物質素，價錢同服務質素成正比既餐廳，值得推薦👍👍👍。