Mini Friday (The Wave)

营业中

休息中

今日男朋友生日，上OpenRice搵有好嘢想帶佢去試，見到有不少好評推介佢哋個威靈頓牛柳，而且又有得Book位，仲有88折；所以一心去試啦！我訂咗18:30的枱，去到未正式好多人來，所以完全唔洗等位，而且仲比我選擇坐咩位置。我哋一坐落，餐牌都未睇，一來就先order個威靈頓牛柳，不過可惜嘅係佢今日依款菜嘅食材未返到貨，所以無得試。我見一場來到，都係食埋餐飯先啦！於是我哋就叫咗個軟殼蟹墨汁意大利麵、冰島羊架保雲蘇、火焰燒豬手 —- 其實我哋一坐落，佢就已經放抵咗籃像似炸酥餅配千島醬嘅東東，食落係好食嘅，但我哋覺得太油，所以我哋倆個都只係每人食咗2片就收手嘞！開始上菜啦！佢先來個意大利麵，個麵無咩汁，但係睇得出有用嘢炒邊，食落好夠味，而且麵質爽口，隻軟殻蟹係全隻分成兩半咁上，係用粉漿酥炸的，但一啲都唔油膩，我哋全碟清咗；佢哋上菜嘅速度唔算急，我哋差不多食完嘅時候，剛剛好上隻豬手嚟，佢係放抵咗隻豬手後，再搵人來幫你點火，所以有足夠嘅時候比我可以拍片、影相，味道一般，無驚喜，可食得落口的，不過佢哋啲刀影真唔夠利，所以對於我哋要肢解隻豬手係有啲難度；再接下來又係食到差唔多嘅時候，佢才上埋碟牛架，

喺觀塘the wave入面都有好多不同種既餐廳，今次揀咗西餐食一睇就知有style喇，去到三樓一入去有米走雞同mini friday,我地入去mini friday個邊。好有格調嘅內在環境，氣氛就好似入咗有情調嘅餐廳一樣。今日同朋友一齊 一人叫咗一個set dinner,分別係黑毛豬梅肉同埋肉眼扒。價錢包埋湯同甜品飲品，幾抵食一坐低就送上炸脆片配沙律醬味道可口，如果配送麵包會仲開心是日餐湯係忌廉海鮮湯，好重嘅香忌廉味配上足料又新鮮嘅海鮮新鮮沙律菜配柚子醋，而且配上柚子味爆爆珠令口感更加豐富 而且酸酸地10分開胃我地仲加左太高帶子二重奏，超級肥美嘅帶子再加上重膏味嘅蟹膏配合埋飯一齊食 真係食完一啖有一啖。呢個值得推介大家加黎試主菜到了，肥瘦適中嘅肉眼扒，超重牛油香味，入口10分鬆軟，配合埋燒汁，真係色香味俱全叫左五成熟 剛剛好 唔會太血淋淋/太熟朋友叫咗豬梅肉，甜甜嘅醬汁，配上鬆軟香濃嘅豬梅肉，肉質唔會太鞋太硬，加上菠蘿，味道開胃。配菜都唔馬虎！南瓜茸好味程度係好飽都食得落。估計係原隻南瓜打溶先有咁重既南瓜味最後，其實我地已經好飽，再加埋朱古力蛋糕 真係覺得呢個價錢 呢個質素 十個值回票

幾個觀塘朋友都有推薦過呢間西餐廳適合拍拖晚餐，難得今個星期四空閒啲不用ot，7:00就到餐廳，一到8:00本身成100個位都爆哂！環境果然一流，每枱都隔得幾開，有空間感！未點菜先送上一客墨西哥脆脆配沙律醬，偏油而且不夠脆，但喜歡酸酸甜甜的沙律醬。前菜有溫泉玉子菠菜大啡菇，菠菜和芝士口感一流，而且大蘑菇焗得非常香，第一次加上流心蛋一起吃，蛋黃醬攪勻蘑菇汁！意粉點了明太子香草醬長通粉，香草醬基本上是百搭的，明太子有點鹹，但這個日式和西式的配搭幾新穎。主菜有脆燒德國原隻鹹豬手，食法非常有玩味，因為店員會用酒淋上，豬手外皮然後用火點着。約1分鐘後外皮被燒得香脆，用刀切時脆卜卜，而鹹豬手很入味。絕對值得一試！晚餐環境很有格調，又有現場樂隊在演奏，食物亦都十分出色！是拍拖的好地方。

今跟好姐妹約食晚餐！ 今次約喺觀塘商廈食野！ 平時行完都想試下 但心思思唔知食乜，今次好姐妹相約 話上次食過都不錯 就食mini Friday啦！上openrice book 散嗌仲有88折添！一人一個set share再加小食！原來工廈啲餐廳環境都唔錯 仲有人唱live添 但歌聲就....重點係食食食！今日個湯係椰菜花湯，好香椰菜味 唔錯！到沙律啦！好食啊！加左啲爆珠落去 幾得意 個汁又甜甜酸酸咁 好似係甜醋！睇人地既食評同隔離枱個個都有脆脆 我地就無 要舉手問佢拎 好快就俾我地了 脆脆都好油下 除左咁都係好食既！主菜啊！超好食！ 叫左pizza同羊架！小食就叫左依芝士薯條同牛舌！ 牛舌有驚喜！好諗！好好味！朱古力蛋糕有驚喜！上面黃色係類似燉蛋 下面就好似金沙朱古力咁 好好食姐妹果然無介紹錯 下次帶埋老公去食先！

《Mini Friday》 #觀塘📍觀塘興業街4號The Wave 3樓———————————————————▪香草焗慢煮牛肋骨 $298小編唔係太喜歡牛肋骨 因為怕痴骨嘅肉會特別老。不過同場嘅男同事們就好喜歡食。▪焗溫泉蛋大啡菇 $58哩個頭盤輕食幾好，一隻嘅份量可以分成4份呢☺☺味道都係正常水準😃 叫左兩份 7個人share.▪水牛城雞翼 $58一碟有6隻雞翼，我哋叫左兩碟。老實講一碟太酸一碟太咸😨😨完全無水準▪燒德國咸豬手 $168豬手味道唔錯，略嫌肉質比較乾身，不過豬手醬加哂分😋(黑松露加上蜜糖芥末咁上下)▪南瓜汁海鮮意大利燴飯 $138好creamy,南瓜味好清甜 出奇地同海鮮咁夾😱😱▪海鮮意大利扁意粉 $138普普通通，不過不失 意粉好感最抵讚▪原條鹽燒牛脷 $78哩個牛脷賣相認真麻麻 見到原條咁上即刻無咩興趣😨但食落去真係唔錯 好爽腍嘅口感 一啲都唔老。▪黑松露牛肝菌意大利飯 $98正常水準之上，飯嘅軟硬度非常好😃😃黑松露味足夠。▪美國牛肉眼黑醋意大利扁意粉 $138哩個味道好正，酸酸甜甜嘅黑醋汁解左牛肉嘅肥膩感而且意粉軟硬度適中😊😊———————————————————

今晚到 Mini Friday ，發現多左好多大伙兒食飯既客人，原來佢地最近加左menu ，除散叫外，仲有好多唔同既套餐。我覺得最抵食係呢個豐盛海鮮二人餐555元。有好多道菜，每道都好有心思。充滿驚喜！頭盤係海鮮拼盤。真係好豐盛！有鮑魚、帶子、鮮蝦、聖子同藍青口，每樣都幾新鮮，鮑魚特別有印象。西蘭花忌廉湯餐湯都唔係粟米忌廉或羅宋湯甘行貨，而係西蘭花忌廉湯。打碎既西蘭花，味道都幾突出。蟹肉三重奏呢個冷盤好正！大量蟹肉，加上牛油果粒，luxury 既組合。熱盤有黑松露忌廉炒野菌或田園炒雜菜選擇，我選擇前者。忌廉蘑菇汁滑，加上松露既香，無選錯！主菜有七款，識揀當然係揀最貴價嘅主菜啦！美式燒西班牙黑毛豬柳廚師只做到八成熟，因為係黑毛豬最 juice 同柔軟既程度。有兩大塊，可以 share 。配上紫薯同羽衣甘藍，好健康。炭烤美國牛肉眼五成熟，薄切，有炭烤香。牛肉眼本身都比軟柔軟好 quality. 呢個套餐 offer 既都係精選既材料。是日甜品係朱古力蛋糕，呢個蛋粒超預期甘好食。朱古力好濃好滑，唔係太甜，但朱古力味好突出！好食！單點都值得！咖啡或茶最後仲有咖啡、茶，或半價換特飲呢！甘豐盛嘅二

Mini Friday 最近推出左dinner set ，好抵又好食，選擇又多，一百幾到二百幾都有，原本中意散叫都既刻轉肽。每個餐都有餐湯、沙律、主菜、甜品同餐飲，今晚一定要幫佢地推介下！田園沙律呢個係兩人份量，都真係唔少，係 regular size!! 上面既西柚汁啫喱好討好。餐湯，係西蘭花忌廉湯。打碎曬西蘭花混合忌廉，好健康。我選擇左個最平既”$139元套餐，自由配搭意大利麵或飯”，可以任選四款配料。配料選擇包括椒絲、蘑菇、橄欖、洋蔥、番茄、香蒜、雞肉、火腿、煙肉、牛肉、海鮮。甘多真係花多眼亂，最後我要左蘑菇、海鮮、火腿、雞肉乙蕃茄汁、忌廉汁、香草汁又可以任選一款。結果，呢個組合我好滿意，料多，味濃。有甘多選擇，真係食多幾次都唔會厭！朋友選擇-香烤波士頓活龍蝦配西班牙黑毛豬肋條， $209套餐。原隻活龍蝦，其實209元真係抵食。再配有羽衣甘藍同紫薯同西班牙黑毛豬肋條，好有heart 既製作，其實都好值得推薦！甜品都充滿驚喜，超濃滑朱古力蛋糕，一碟唔夠！Mini Friday 定期換 menu, 上菜快、服務到位，黎多幾次都唔厭！

今日去咗觀塘搵好嘢食，眾所周知，觀塘工廈入邊好多新開嘅餐廳，或者一啲嘅特色餐廳，於是我哋就去咗其中一棟嘅工廠大廈，搵咗一間高質素嘅西餐野，同男朋友享受一個寧靜又舒服嘅晚上。一入到去嘅時候，餐廳環境十分舒服，燈光微暗， 十分適合情侶一齊來，或者三五知己喺度傾閑偈。呢度啲場地都非常之大，除咗有呢間餐廳之外，隔離仲係一個食雞煲嘅餐聽，而且仲有訂標場，仲有live聽，環境簡直就係一百分。於是我哋就坐低靜靜享受我哋一個晚上。睇一睇個Menu ，覺得呢度嘅餐牌都幾豐富，除咗啲相影得好靚之外，食物嘅選擇都非常之多，我哋就望左望set dinner for one, 個價錢都唔貴，再加上呢度嘅環境，覺得已經值回票價。我哋分別叫咗一個炭燒美國肉眼扒，同埋海鹽燒原條石斑魚。係上菜之前佢仲俾咗一啲小食我哋，係一個墨西哥脆餅，個脆餅非常之好食，而湯方面係一個紫薯湯，紫著湯真係非常之正，味道好濃郁好鮮甜。餐前仲送咗一個沙律，十分之開胃。肉眼扒嘅size非常之大，而且燒得十分靚，肉質都非常豐富。以為切落去會可能有少少韌啦，點知入口非常鬆軟。而且肉味好濃郁。加埋有少少炭燒，所以食落去都非常香口。牛扒配薯蓉，呢個唔係

想吃威寧頓牛柳就來到Mini Friday這間分店地理位置都算容易搵在麥當勞斜對面見到大螢幕就可以進去座位空間寬敞椅子材質舒適環境寧靜 適合談心點餐後首先出場的是脆脆片脆片十分香脆配以漿汁 開胃非常我們只有兩個人所以只點了兩款主食墨汁意粉 $148咸度適中 墨汁夠濃入味意粉軟硬度合宜配搭的海鮮頗新鮮份量適合女生如果男生品嚐 可嘗試更多菜餚威寧頓牛柳 $288在外形方面 四四方方 十分飽滿 賣相吸引配以紫薯蓉 感覺新鮮在上菜時 侍應教導我們從中間切開再倒入漿汁在切開時發現 表皮十分香脆中層煙韌 內層的牛柳鮮嫩多汁對於兩位女生而言十分飽肚滿足後八卦其他食客的菜餚發現隔壁桌的德國豬手外形吸引在上菜後會在桌上即席點燃 十分特別 下次再來 可以嘗試此餐廳除了可以滿足口腹之慾還提供娛樂設備有興趣可玩飛標如好杯中物可與友人到酒吧枱談心頗有情調是日晚餐兩人合共$513

有一嚟到觀塘行街，就同朋友嚟咗呢一間西餐食晚飯。環境非常舒服，仲有樂手喺度表演好有情調。事不宜遲叫嘢食先，我同朋友每人叫咗一個set dinner. 我叫左炭燒紐西蘭羊扒＄189，佢就叫咗原條燒石斑＄199。另外再加左一個帶子蟹膏飯＄38。食咗個沙律先，啲生菜蔬果都非常新鮮仲有啲包豬喺度陪埋黑醋汁好醒胃好得意之後都有期待已久嘅帶子蟹膏飯，上面有好大粒嘅帶子同埋好多嘅蟹膏同埋魚子喺上面，蟹膏味好濃郁鹹鹹地配埋啲飯食就一流了到主菜上場，首先講吓個羊架先，成數係我叫嘅七成，本身個羊非常之新鮮， 再加埋上面揸過嘅麵包糠同香草，之後點啲薄荷醬食簡直就一流， 而且個羊好夠羊尾又唔show輪到條石斑啦，呢個真係驚喜，估唔到條石斑係咁新鮮，睇吓裏面啲肉幾新鮮幾結實， 佢仲俾埋一個好似食蝦刺身嘅青檸選擇俾你，配埋呢一條魚真係絕配，越食就越想食最後食埋個甜品，完成。

友人係觀塘返工，搵佢食飯好自然揀返觀塘區～大家都想食西餐搵搵下就黎左呢間mini friday。呢排工作繁忙，收工去到餐廳都已經八點幾，好彩朋友八點已經到左拎位。我見佢入坐率都幾高，九成滿。好肚餓一坐底望左menu五分鐘即落order！叫完大約十分鐘已經有意粉食～蘆筍冇渣爽口，鮑魚切好一片片唔un易入口，大蝦雖然唔係厚身大隻但夠新鮮。最正係意粉，真正Al dente, 有咬口！大啡菇juicy, 廚師好大方俾左好多菠菜。上面有少少creamy sauce仲有d芝士tim。連埋溫泉蛋食唔錯架。呢個真係wow一聲，侍應哥哥將着左火ge酒淋落黎，視覺效果一流。豬手大大隻，d肉唔會好dry而且味道剛好唔會太咸。食食下有live band坐陣好有feel, 我地成日誤會今日就係星期五XD最後，甜品時間。呢個焦糖 蛋糕好得，首先佢味道唔會太甜，而且焦糖味夠特出，好想食多件～

星期四下班跟老婆找了間cafe吃晚飯，雖然店名叫Mini Friday，但星期四也可以提早慶祝Happy Friday吧！The Wave是觀塘區近年大舉活化的工廈之一，開了不少特色食肆，今次決定再來搵食。一坐下，侍應便隨即奉上一盤墨西哥脆片，點上千島醬，一邊吃一邊選食物，剛好慰藉了肚餓的靈魂。餐牌上有一人或二人餐可以選擇，當然還有a la carte menu啦。因為肚餓，我們各自選了一份一人餐，另外還追加了兩份小吃。先上枱的是跟餐的田園沙律，新鮮的蔬菜包括生菜、蕃茄、黃椒配以陳醋汁，非常醒胃。加了$48換購的歐陸海鮮拼盤一點也不失禮，帶子、蟶子和藍青口都非常清甜，鮮蝦亦很爽口，鮑魚則是以醬汁煮過，非常入味。跟餐的餐湯是蘑菇湯，有別與一般的忌廉蘑菇湯，這裡煮的是蘑菇清湯，清新的感覺而又不乏蘑菇撲鼻而來的香味，富有層次。主菜方面，我們選了肉眼扒和白松露忌廉汁雞扒配紅蝦。肉眼扒煎得剛好，內裡保留肉汁而且不鞋口，另外配菜也選了super food羽衣甘藍，非常有誠意。白松露忌廉汁非常香濃，與幼滑的雞扒真是配合得很不錯，配搭的紅蝦亦很爽口。作為牛脷愛好者的我，當然不可以錯過同樣是加錢換購的鹽

一直覺得呢間餐廳改名改得好好，邊個打工仔唔鐘意Friday?一於試一試！叫左兩個set lunch，先上一份墨西哥脆片，有點油膩，建議上枱前再炸一次。餐湯喝到很清淡的椰菜花味，感覺輕盈健康。附送的明太子雞翼幾足料，沾上燒烤醬都幾惹味，熱啲會更好。廚師沙律有牛舌、火腿、雞肉等配料，牛舌很軟熟，如切片上碟會更美觀，菜很新鮮，作為一個輕午餐，很不錯！蟹肉黑松露雞扒意粉原以為是淨意粉，所以見到蕃茄意粉有啲驚喜，帶天然蕃茄味，不是茄膏，抵讚！紫薯蓉是純紫薯，沒有太多牛油等加工，健康！黑松露雞扒黑松露味很重，配上蘑菇相當好味，不錯！

收工繼續係觀塘搵食，慰勞一下自己！今次試試處於新式工廈The Wave內的Mini Friday。裝潢實在無得彈，地方開闊，整潔舒適，而且有嬰兒專用高櫈，難怪當晚不少家庭帶同小孩前來聚餐。豬牛羊雞魚海鮮，任君選擇，我們二人選了雞扒、黑毛豬。店員在未點餐前，已先奉上脆脆片，祭祭五臟廟。餐湯也很快奉上，份量剛好，湯質不漿口沙律很足料，亦很新鮮爽口，獨特的黑醋口感突出而不嗆喉，效果不錯套餐加配的海鮮拼盤（鮑魚、鮮蝦、藍青口、蟶子、帶子），個人認為$48追加價非常抵食，各項海產都爽口鮮甜，稍加檸檬汁已很鮮味，尤其鮑魚以類似磯煮方式預先調製，驚喜度極高！另一項$38追加的帶子蟹膏杯，蟹膏毫不吝嗇、非常重手，啖啖蟹膏，鮮味無窮，對初次嘗試蟹膏飯的我留下了深刻印象主菜 白松露雞扒配紅蝦，白松露威力不必多說；雞扒滑嫩無雪味；紅蝦肉質彈牙；首次接觸羽衣甘藍，以為味道會腥苦粗糙，卻鮮嫩甘甜，味道似上等菜心的嫩葉！另一主菜西班牙黑毛豬，豬肉味極濃，肉汁油分甚多，醬汁味道較重口味，與白松露雞扒截然不同的風味咖啡不俗，入口有咖啡豆香套餐甜點，並非求其之作，用料甚足，味道有層次，個人認為質素都值$25-$30總括

今晚4人入坐，點4個1人晚餐，頭盤湯都不錯，可惜主菜非常失望……羊架: 寫住係紐西蘭，但好蘇，我認得那種蘇味是澳洲羊，我最憎的澳洲羊，感覺被騙了黑毛豬: 好肥，肥到無肉，50%脂肪比例，我真係食唔到，我以前都有在別的餐廳食黑毛豬，未有過如此難食石班魚:正常，魚的質素可以Risotto:最好的一個course可惜分量太細甜品:不錯服務很好，賣相都好，可惜我在乎食材質素，我自己有煮西餐經驗，騙我的一定知。請餐廳入貨入好材料！否則辜負厨師一番心機，主菜肉類質素差，點煮都唔會好食。