Mini Friday (The Wave)

营业中

休息中

今日去開觀塘食飯，咁岩去開呢間，發現原來都好正㗎喎 ！我同朋友lunch Time去，啲食物嘅價錢雖然唔算平，但係都唔算太貴，我同朋友一人叫咗一個餐，一份香烤美國大雞扒同埋一份炭烤澳洲肉眼扒。雞扒超大塊，個蒜蓉汁同個雞扒都好架，平時好少食蒜頭，但係呢個蒜頭就咁食都幾好味！而且個雞扒好嫩滑，幾好食！肉眼扒個份量仲比雞扒大得多，真係會有少少飽！特別鍾意個薯蓉配黑椒汁，非常好食！個牛扒叫咗七成熟，啱啱好！自助沙律吧同甜品吧啲嘢食都好豐富啊！ ！有好多選擇，下次如果唔想食肉我都會選擇架！特別推介個朱古力泡芙，真係好食到癲啦！我自己都食咗好多舊，入面啲忌廉好似雪糕咁，好好食呀！ ！

第1次寫食評，因為呢間餐廳比我太深刻印象，可説是又「驚」又喜，驚慌既驚！先講服務質素，這裡的員工除了1，2位年青高大的男士較為有禮貌外，其餘大部分都好兇狠，口黑面黑，特別係有位好似經理的矮小略胖的男士，十足指揮官/訓導主任咁，他的一言一行都令我們感到很驚很討厭！我們只想快食快閃，整餐飯都感覺有好多人監視住，食得好唔舒服！😖 再講食物方面，唯一欣賞既係佢個沙律，外觀靚，有冰塊包圍著，味道也很好😊。除此之外，其他都是好一般，甚至可用劣來形容！例如燒春雞的雞肉又梅又林；有個用酥皮包住既牛扒，啲肉好林，好蘇/腥🤢，我一向都係對食物無太大要求既人，都忍唔住吐返出黎，吞唔落🤐；德國咸豬手普通；火焰雪山，係無火的，因為太細同太少焦糖（不過這是餐廳免費送的，我對佢沒有要求）。環境方面，地方闊落坐得舒適。不過長枱始終傾計無咁方便（我地8人）。整體而言，感覺很差，對我黎講食物是其次，重要既係服務質素，員工與顧客之互動關係是寶貴的！但這裡某一員工的態度卻令我地難以接受，內心很「驚」😖😖，最後，我説的「喜」就是在不滿意的環境下，仍能與家人一齊慶祝生日的時刻就是整晚最喜樂的事！😊

話說早兩個月，我老公帶我來呢楝工廈食生日飯。已經覺得楝大廈好正。以前食左樓下個間，今次就上多一層。一入門口都覺得好舒適。在觀塘能有咁既地方放工後抖一抖，同朋友聚下真係唔錯。先來小食黑松醬厚切薯條。真係厚切的、夠熱夠脆，配埋個醬，好醒胃。(叫左BEER 一齊食. 爽YY ) 火灸豬手，睇相就流晒口水，個濃度都好香好脆，若配啲薯蓉做SIDE DISH 就更正﹗威靈頓牛，以往係圓筒式，但MINI FRIDAY 就改為方式上碟，切開五成牛啲汁都入晒個皮到食，確實稍覺個皮大份左。但性價比，價錢同味道係平衡，值、抵既，出面要食一份都800-1000元，呢度2-300百。唔敢食第一次的朋友，來呢度先平平地感受下都不失是一個好選擇。最後更係加甜品完美個餐飯既結尾。特別要講下呢個水滴式既沙律。眼睛食了之外，能保持到個沙律溫度，可以慢慢食。

適逢月尾就嚟出糧梗係要食餐好嘅😛 今晚就嚟咗觀塘食呢間西餐 環境唔錯 又有情調 啱晒一pair pair情侶嚟食😬 有表演者即場獻唱 自彈自唱 非常投入 為呢餐晚餐添上不少樂趣😮 我地嗌咗兩個set dinner 包咗是日餐湯 田園沙律 主菜 是日甜品同餐飲 百零二百蚊嚟講算幾抵😺落完單之後 店員就俾咗籃墨西哥脆片俾我地 配埋個千島醬真係好開胃是日餐湯係南瓜忌廉湯 好creamy 有淡淡嘅南瓜味 口感好順滑田園沙律 好特別 除咗平日常見嘅蔬菜同番茄仔外 佢有啲爆珠喺入面 令口感豐富咗好多 咬開後 味道甜甜地 係好新鮮嘅口感🙊燒澳洲牛肉眼扒 配黑松露燒汁 我地嗌咗medium 食落口啱啱好 唔會過咗火候 肉質唔錯 有黑松露薯蓉同少少蔬菜伴碟 不過有啲牛筋 所以咬落口有少少韌🤧香煎鸚鵡魚柳 配蟶子忌廉燒汁 魚柳煎得好香 肉質都幾嫩滑👍🏻 而燒汁上面真係有一條條蟶子 睇得出係真材實料 汁既味道又唔會搶左魚柳既鮮味最後有個菠蘿mousse cake做甜品 蛋糕唔算好大嚿 味道都幾清新 啱啱好可以為呢餐劃上一個完美嘅句號😻

觀塘工廠區依家真係有超多餐廳。今次試下呢間係the wave入面既西餐廳。the wave都算幾易搵，同埋唔係係d好黑好舊，電梯又舊，又無人既工廠大廈入面，平時有時自己去工廠大廈都會有d驚，但呢間餐廳既位置好好。入到餐廳會見到一邊係mini Friday 西餐廳，另一邊係食雞煲既。西餐環境氣氛都幾好，唔會好嘈，同朋友傾計食飯幾好，最估唔到係佢有live band。 講返食物叫左芒果黑松露鮮蝦沙律，黑松露薯條，德國豬手，威靈頓牛柳，酥皮佛跳牆。沙律賣相幾靚，冰滴型既冰裝住沙律，一來靚，一來d沙律可以keep住凍，慢慢食都得。成餐飯最吸晴係個火焰豬手，因為一上枱侍應會係你面前點火，做成火焰豬手，超靚啊，影相一流。味道都好好，個皮好脆。依家好興食威靈頓牛柳，黎到見到餐牌有，一定要試下先。賣相真係好靚，用酥皮包住牛柳，不過如果個牛柳可以無咁熟會再好食d。酥皮佛跳牆真係第一次聽，當然要試下，係超多海鮮既忌廉湯，再加酥皮蓋，都唔錯啊。

有一次家庭聚會，想一家人舒舒服服，搵個安靜地方，又唔想價錢太貴喎，跟住就上OpenRice睇吓有咩餐廳啱... 見到有間喺觀塘好近地鐵站嘅西餐廳，地點幾方便就去咗試lu！好得意，佢係有兩間餐廳合成嘅，即係一邊係西餐廳，一邊係火鍋店，我哋係到埗嘅時候呢，就有一下想食火鍋，所以和平投票，最後都係決定試吓西餐LOL 就去咗搵張枱，坐低打開Menu，見到有好多唔同嘅set dinner好抵呀! 有appetiser 呀，main dish啦，加嘢飲呀到時不過係百零蚊likelike因為我哋有四個人，最後我哋試咗一個set, 其他散叫，份量大啲，一齊share食smileheart溫泉蛋菠菜大啡菇👍🏻香草牛油焗田螺酥盒嘅口感都唔錯，特別一提個餐湯好味呀！價錢合理👍🏻

觀塘美食眾多，無論係小店定連鎖店都不少，今次光顧既「Mini Friday」有兩間，一間係旺角，一間係觀塘，兩間對九龍友嚟講都好方便，我同朋友係觀塘方便啲就去咗觀塘分店。餐廳內外一層之中分開兩邊食不同菜式，環境開揚，唔會有壓迫感，坐得舒服。食物選擇食物種類唔算多，不過以西餐廳及裝修格局黎講價錢合理，套餐會抵食好多。免費小食一坐低就會比一籃脆片，應該可以Refill，不過我地食左一籃就留肚食正餐。帕爾馬火腿紅菜頭雜果沙律 $68擺盤幾得意，係一個布甸造型，最上面有Parma Ham，然後係紅菜頭雜果沙律，最底有青瓜絲，整體食落好清新，鹹食Parma Ham配清爽沙律中和味道。火焰脆燒德國咸豬手 $228嚟之前有做過資料搜集，知道火焰咸豬手係呢到既招牌，如果中意影食物打卡既你更加要點呢個，話明火焰豬手，當然有火焰呢個環節，豬手一到，店員隨即會點火淋上酒精以產生火焰，都燒10秒既時間，有股燒豬皮既味。豬皮本身已經燒到脆卜卜，再加酒精燒多次令豬皮脆上加脆！肉質正常，有啲位比較乾啲，但豬手味道夠之餘唔會太咸。皇牌威靈頓牛柳 $288對威靈頓牛柳都有個情意結，皆因唔係一道易整既英國菜式，工序繁複，

一間位於觀塘活化工廈的餐廳 餐廳環境寬敞舒適， 雖然隱藏在觀塘工廈樓上，仍然有一定的知名度，是一間受歡迎的餐廳， 約晚上7時15分， 已有八成入座率。想食得抵啲， 晚餐套餐是不錯的選擇DINNER SET ，晚餐套餐包括:前菜湯主菜甜品餐飲今晚點咗:F. 香烤寶雲酥羊架 配 紅酒汁 及G. 燒澳洲牛肉眼扒 配 黑松露燒汁開始上餐:先來前菜，田園沙律非常醒胃，有橄欖，蟹子，蕃茄， 青瓜 ， 沙律菜配上甜酸汁 ,層次豐富。湯: 是日餐湯蕃茄湯，味道可口。薄脆金香鬆脆， 配以酸甜醬， 食完又想再食。• 香烤寶雲酥羊架 配 紅酒汁厚切羊架，外面灑滿了香脆麵包糠，賣相特式，有新鮮感，肉質嫩滑彈牙，調味適中， 配菜爽脆口感， 層次感豐富，香口惹味。側面配菜清香原味！• 燒澳洲牛肉眼扒 配 黑松露燒汁:上枱時，牛肉眼扒上已塗滿了好味醬汁，切開後，見到粉紅色澤的牛扒， 燒到一啲都唔過火，充滿肉汁，先咬一口，肉味濃郁，鮮嫩高質，配搭上醬汁的牛，食落啖啖滋味無窮。旁邊是清爽的配菜:翠玉瓜、黃瓜 。 仲有淡淡超滑的薯蓉 。甜品朱古力慕絲， 最頂一層朱古力味濃, 頗為可口， 下層慕絲幼滑， 甜度適中 ，令人回

上星期收工約左老婆同兩個朋友一齊去mini friday試下，睇食評d相都唔幾大件，就上去試下。去到樓下其實每層都有一間，mini friday就係三樓同咪走雞同層，究竟係咪同一間公司由於觀塘閒日晚上，上到去都有唔少位揀，我就開左位坐低先。坐低就有一兜脆片，味道似食蛇，果種蛋散同時有芝士醬配，幾好食之後等齊人我地睇完menu就點野食今次有四個人，點野可以點d重手野。首先就到左個薯條同沙律，薯條個醬好好食，好似有d黑松露咁，我地食晒仲要多左一兜薯條都夠熱。沙律就叫左menu左上各圖果款，黎到個有d失望，但味道係幾好，酸酸甜甜開胃，另外上面好似魚秄果d又唔係魚秄，唔知係咩魚季口感但甜。之後正餐到，咸豬手用火燒完比我地睇再幫切左。整體唔算好咸，似香港人口味，份量亦唔少。跟住到今期推介酥皮海鮮佛跳牆，份量認真唔細，而且湯係忌廉湯，所以真係好溜，裡邊海鮮豐富有鮑魚等等，同時亦有菜平衡下，但都係好溜....之後到威靈頓牛，份量係唔少。可惜味道有點失色，牛肉太熟，酥皮太厚層次不足...（不過價錢上有反映到）最後我地叫埋甜品食飽包就慢慢飲下酒坐下埋單$1500，坐得舒服，食物抵食大件。另外值得一提，店

上年去過食雞煲，記得隔離有間食西餐，生意不錯，上網睇到餐牌價錢唔算貴，Dinner Set百幾蚊就有交易，不過我地想食既都係單點，所以都係決定散叫。環境同一間雞煲店係同一層，相信係同一集團，餐廳因為係兩間一齊所以好大，擺位亦擺得幾好，唔會太密但又多位，仲有live band聽，不過係雞煲果面，而且太細聲，唔太聽到。餐前小食應該係墨西哥脆片，略油左少少，但唔係Serve餐包而係脆片，呢款構思幾特別。火焰脆燒德國咸豬手 $228每枱必點，上枱後店員會淋上酒再點火焰，燒既時間有少許燒焦味，之後會收返入廚房幫你斬件，一分鐘內就送返上枱，師傅十分快手。豬手即時再燒過後，豬手皮十分酥脆，而肉質唔覺油膩，經燒過後油份揮發，咬落唔算韌，沾上附上既醬汁，頗為香口惹味。龍蝦海鮮蕃茄扁意粉 $158應該係新菜式，做緊試食價，幾足料，除左半隻燒龍蝦外，仲有青口及海蝦。扁意粉掛上大量蕃茄，微微酸好開胃，海鮮就正常。焦糖咖啡沙冰 $68底部係咖啡，沙冰味道偏淡。即製梳乎厘班戟配雪糕 $108製作需時約20分鐘，加上餐廳生意好，所以食得差唔多就要落單。不過都等左接近40分鐘有多，上枱見到賣相有令人失望，從外觀望就知

活化工廈後，觀塘進駐左好多隱世美食，今日我地就黎到The Wave, 聽朋友講呢個場如果夜晚黎仲好氣氛，仲多人。但係礙於今日係有公事在身，所以就中午光親左，一出升降機，見到嘅係個好精緻嘅魚缸和魚缸佈設呢個場真係好大，可以想像得到夜晚呢到嘅人可以容納得多幾多同幾熱鬧。由於我地特登有要求需要比較安靜少少嘅環境，方便傾下公事。職員於是就帶左我地去呢個又大又舒服，又安靜少少嘅位。跟住我地就點左d餐後，便出去拎d小食，呢d香噴噴嘅同麥計嘅麥樂雞真係有有過之 而無不及不但止，仲可以係呢到同個侍應講想要d咩材料即場為你炒一碟意粉，濃郁嘅牛油香而不膩唔洗太耐，主餐就上左黎啦，不過此時嘅我地都已經食小食都已經有4，5分飽啦，如果自問係大食多少少嘅，呢間餐廳絕對係適合晒你地。睇下個雞扒，成個藝術品咁，可以見到個廚師係精心設計過先送出黎俾客人食用，更加值得一提嘅就係個薯蓉，好重嘅黑松露味！羊架嘅油香味，一d騷味都冇最後就係呢個牛扒，呢次叫左5成熟，可以講係恰到好處，一路品嘗美食之餘，仲可以有個咁舒適嘅環境到傾到野，唔夠飽嘅仲可以不斷出去自助拎小食或甜品，又或者即場炒返碟專屬嘅意粉， 真係感覺一流啊。

上星期同朋友慶祝生日，大家都係住觀塘，所以放工之後一於喺觀塘食飯，觀塘嘅活化工廈越嚟越多，其中有一座翻新咗叫The wave 嘅大廈裏面嘅餐廳"Mini Friday" ，既然係happy friday，所以就係呢一間餐廳聚一聚。餐廳有set dinner同埋散點，set dinner包括沙律、餐湯、主菜同甜品，但係我哋兩個女生想點食pizza小食等等，所以就散點。首先我哋點咗水牛城雞翼，一份六大隻肥美雞翼沾滿水牛城芝士醬， 雞翼表面脆內裏肉嫩，配埋醬汁一流。另外黑松露野菌薄餅，薄餅厚薄適中，咬落淡淡香脆，黑松露醬散發出香味，絕對係我嘅favorite。然後再嚟過卡邦尼扁意粉，相信係自家手製扁意粉，粗幼適中，麵條夠彈牙，沾滿卡邦尼醬，亦係我另一個至愛。最緊要既女生必點甜品，我哋點咗個朱古力心太軟同蘋果金寶，朱古力心太軟蛋糕裏面充滿朱古力醬，唔會太甜，蛋糕軟滑，口感相當好， 而蘋果金寶裡面蘋果肉有咬口，甜品師傅確實做得唔錯。餐廳整體環境舒適，食物質素好， 以咁嘅價錢，咁既質素絕對性價比高。

朋友喺觀塘區翻工，話呢間西餐幾好，想帶我食，所以我特登放工跨區過嚟試下。我地叫左兩個餐，朋友叫左燴飯，我就叫左C餐鴨胸伴鴨肝。第一份上嘅係餐廳免費薄脆，薄片似我地之前食過嘅炸雲呑皮，好脆，食落唔油，點醬好好食。田園沙律個樽好得意，沙律都幾新鮮，上面倒左少少黑醋。是日餐湯係粟米忌廉湯，可以點薄脆食。DIY Pasta 系列温泉蛋芝士忌廉意式燴飯 $148芝士忌廉整得幾濃味，燴飯整得好食唔易，呢間算整得幾高質，唔太水，值得一試。香煎鴨胸伴鴨肝 $188幾欣賞呢個，鴨胸整得唔會韌，一共有三件。而薯蓉都幾滑，個餐望落唔係好多，但係一個人食都好飽。是日甜品 芝士蛋糕有少少芒果味即制梳乎厘班戟配雪糕 $108梳乎厘整得好滑，可以配雪糕或者煉奶食。不過一開始蠢左，直接將雪糕放左喺熱梳乎厘上面，所以溶到左個碟都係。建議分開食一口雪糕一口梳乎厘。餐飲叫左檸檬茶兩個人食左500蚊唔洗，幾鐘意呢道環境，夜晚有live music，幾chill幾舒服。

第一次去The Wave食飯，同朋友補祝生日。原來呢間餐廳都幾大，我地坐嘅二人位好闊落舒適。晚市有散叫亦有dinner set。主菜其實選擇唔算多。Set價錢大約百幾至二百頭，但包埋沙律、湯、飲品同甜品，比起散叫一定抵啲，但set同散叫嘅主菜幾乎冇重疊。呢個自選pasta set都唔錯，只係$148都係包沙律湯飲品甜品，而個pasta可以自選汁、粉同配料。飲品的話都多酒類同mocktail，呢度環境確係幾舒服適合飲野傾偈。最後揀左一個DIY PASTA及一個羊扒set。田園沙律正正常常，如果冇咁酸會好啲。湯味道ok，唔太咸。仲送個薄脆片，係好似粥店嗰種薄脆，沾個蛋黃醬食口感味道都不錯。羊架配紅酒汁。羊架肉質嫩滑，而家烤得香脆，值得一讚，雖然紅酒味唔算出。意粉揀左香草汁菠菜扁意。我鍾意較硬身口感嘅意粉，呢個口感剛好，唔會太淋。上面嘅芝士片個人覺得可以再落多啲，但三文魚同菠菜份量就足夠而家味道都唔錯。送嘅甜品芝士餅不過不失。本來想試埋焦燉蛋，但食完前面嗰啲其實都已經好夠飽。下次再試！埋單每人$230。

不訪一試 牛扒juice 飲品有特色炸物薯條唔油，環境坐得舒服沙律有特別jar上，沙律菜新鮮推介薄餅，威靈頓牛扒，薯條餐牌菜式如有再多選擇，更好最後生日旦糕甜品很有心思