Mini Friday (The Wave)

营业中

休息中

又到年尾，係一年入面最忙嘅日子，要同同事食好lunch!!!!!!觀塘一到lunch time真係人山人海，呢間餐廳夠哂大間，而且座位都好舒適。夠多梳化位。我地揀咗雞扒同肉眼扒，全部lunch set都包餐湯、小食、飲品、自助沙律吧，仲有甜品！好扺食。店員時不時會refill架👍🏻我去第1 round 已經忍唔住攞咗甜品🤣👀泡芙同木糠布甸都好好食呀！木糠布甸好creamy。<香烤美國大雞扒配蒜蓉燒汁>雞扒好大塊呀！份量十足！雞扒啖啖肉，肉質夠嫩滑，薯蓉好香牛油味。<炭燒澳洲肉眼扒配黑松露燒汁>黑松露燒汁呢個配搭好match好開胃，肉眼扒算幾高質，肉質夠軟腍，牛味亦好香濃，五成熟剛剛好。自助區仲有糖水攞添！

上樓餐廳雖然唔似得大商場咁五光十色，但上樓相對租平，用較平價錢食到好嘢的機會相對較大。今晚呢間西餐就係一個好例子。溫泉蛋菠菜大啡菇有圖有真相威靈頓牛柳 傳統的英國菜，做法比一般牛扒繁複，烹調時間較長，可以預先準備的功夫不多。坊間一般西餐廳不太常見有此菜色供應。但這裏偏偏以此菜式作為招牌菜……牛柳生熟度對於我而言剛剛好，做到大概 Medium, 肉汁豐盈、鮮嫩粉紅。酥皮焗至金黃色，乾爽鬆脆。牛柳與酥皮之間沒有太大空隙，而且加入雜菌蓉，增加口感，亦有助減少肉汁弄濕酥皮機會。朱古力心太軟朱古力心太軟即叫即焗，有脆皮效果。同坊間一般西餐廳番熱生產商製成品不可相提並論。Crème Brûlée即叫即燒的焦糖燉蛋叫人興奮。香脆的焦糖糖衣，配上軟滑的Custard…… 點解食極都唔夠架??Fruit Tea很清新，少少甜，非常解渴 !

The wave既餐廳真係越開越多 喺駱駝漆隔離大家又多左不少選擇 今次我地就去左呢間環境唔錯 又抵食既西餐廳食啦😚 平日晚上都幾多人食 座無虛席架🤭一坐底每枱都會有啲免費小食 係墨西哥脆片配沙律醬 食住等野食心情特別好😌 我地叫左個Pasta加一份皇牌威靈頓牛柳🍽 DIY Pasta 可以自行揀醬汁 意粉同配料😆 我哋就揀咗黑松露忌廉汁煙鴨胸扁意粉🍝 價錢已經包括左沙律 餐湯 餐飲 加$1仲有埋甜品添👅 煙鴨胸有成4大片 加上香濃既忌廉汁掛在扁意粉上 味道唔錯👍🏻 餐湯係紅菜頭忌廉湯 都幾有驚喜 飲到香甜既紅菜頭味😋另外仲試左出面食價錢好貴既威靈頓牛柳 呢到價錢好平民 性價比好高🤩 牛柳好入味好腍 加上大量蘑菇同香脆既酥皮 好抵食🌟

同朋友去官塘，朋友介紹去mini friday，話係官塘幾高質西餐。入去都好大好舒服，唔會覺得好嘈吵。有set dinner，但想飲酒，叫左杯1664，飲飲下又好餓。。散叫左個飯。龍蝦西班牙海鮮飯 $238一來到有好大條龍蝦係面頭。份量多又好足料。仲有蜆，蝦肉，魷魚仔，好爽口，個飯唔會太濕，成條龍蝦肉幫你起左，一叉就成條出哂。絕對可以二個人share。到8點好似隔離有音樂聽，雖然係第二間餐飯，但呢到都聽到ga。overall我見到人地食扒，好似好正，下次再試！

the wave真係食極唔嫌，今次想食好西餐，又坐得舒服既。甘岩mini friday隔離有live band可以聽到，又幾甘甘。叫左個晚市套餐磯燒紐西蘭牛肉眼扒 配黑松露汁 $258好夠肉汁，牛扒肉質鮮嫩，肉味香濃，筋位不多，都好大塊！加上黑松露汁好入味。意式焗牛肉丸$78加左個牛丸，有勁厚薯蓉係底！勁大粒肉丸，又入味，茄味濃。蜜糖檸檬玉桂茶$ 68一大壺又幾抵飲，仲要可以任加熱水。整體服務都好好，2個人坐沙發位，好有空間。

同朋友慶祝生日佢想食威靈頓牛柳所以我哋book咗間有得食威靈頓牛柳嘅餐廳～香草牛油焗田螺酥盒田螺同酥皮配搭唔錯～黑松露啡菇水牛芝士薄餅啡菇個味好香，薄餅唔厚，食到唔停口～火焰脆燒德國鹹豬手豬手一到，侍應會幫你淋上火酒燒豬手，想影相拍片搞到手忙腳亂，之後會幫你拎返入廚房切後再拎出嚟俾你，呢方面幾貼心～皇牌威靈頓牛柳現實跟不上期望，食落同想像中嘅有啲出入，酥皮有啲厚，菇同牛肉分布唔平均，中間有啲過熟～1664啤酒塔打卡一流食物味道唔錯，都對得住個價錢（訂座有88折），但係對於服務態度來講，侍應嘅態度好參差不齊，經理對手下甚至客人嘅態度好似訓導主任，我哋搵個侍應妹妹幫手，結果累到佢俾人訓話，搞到我都地超唔好意思。有時候想講，食物當然對餐廳來講好重要，好嘅服務態度會令間餐廳錦上添花，但令人不愉快嘅服務態度，會令人唔想再去多次

本來有2間想試既餐飲 SUN原來無開........唯有開openrice睇下邊間有興趣，見到啲相都幾好，雖然都預佢小貴，但有openrice book 88 折都可以試下。7:15 左右上到去，即刻有位，環境OK.2個人, 嗌左火焰脆燒德國咸豬手, 黑松露野菌湯, 溫泉蛋菠菜大啡菇, 香草牛油焗田螺酥盒野食來得好快，都有D心知不妙....卒個講下黑松露野菌湯, 第一啖都有D黑松露同菌味，但幾咸下，味精FEEL，不過純味道計，幾好味.溫泉蛋菠菜大啡菇，好快上，不過係凍既，未到冰冷，冬天室溫咁....香草牛油焗田螺酥盒，涼既，唔覺有田螺味.火焰脆燒德國咸豬手, 佢會原只上, 仲會淋D野上去會著火，估計係卓頭野比人影下相咁，不過大概5秒左右就熄得7788,  淋之前無通知你。如果你反應夠快，應該都仲影到D火尾......同火屎..。擺左一陣，會有人來拎開幫你切開佢。食落去皮偏硬，有小小韌。D肉....係死咸....仲要食得出明顯係前一晚既隔夜貨(就算唔係都最少午市放到夜晚)....最後無食曬.4 樣野, 無樣得, 野來得太快張枱差D唔夠位擺, 要焗住食快D清走一碟....落樓$442, o

一家三口黎到The wave 嘅Mini Friday度食個lunch先，一上黎感覺好舒服，我地被安排坐向梳化位，好寬闊，坐得好舒服！我地order 左2個set lunch，分別係香烤美國大雞扒配蒜蓉燒汁同炭烤澳州肉眼扒配黑松露燒汁，之後就同仔仔去自助沙律吧度拎嘢食先。有湯，墨西哥脆片，沙律區同甜品區，可以慢慢食住等主菜。主菜到喇香烤美國大雞扒配蒜蓉燒汁，雞扒超大塊，香烤後雞皮好香，肉質鮮嫩而且口感一流，蒜蓉燒汁味濃！而炭烤澳州肉眼扒配黑松露燒汁，肉眼7成熟，肉眼外層鎖住肉裡嘅肉汁，夠軟腍好好咬口，配返黑松露燒汁，非常香口，一絶啊！呢度嘅服務態度仲好好，整體值得推介。

小敏今天生日，我上次去觀塘The Wave 有一間很有氣氛的西餐廳Mini Friday, 性價比高而且很闊落，聊天真的最好不過了!七時半，已經有很多客人，坐下後我們点了兩客晚餐!首先餐湯是自家制的甘筍忌廉湯，很香濃而且又滑，我們胃口大開!沙律菜伴車利茄很新鮮，而且很爽口!小敏点的香煎三文魚柳很鬆軟，又煎得得很入味，而且份量很大，一点也没欺場，小敏吃得很開心!我点的鹿兒島黑豚西冷扒配藍莓汁，黑豚肉很厚而且很鬆化，時間拾到好處，肉質也很鲶，也很入味，不用再添加任何醬汁，已經很夠味了，我点了一些蓝莓汁，覺得味道很夾!甜品是提利米蘇，又香又軟，軟化了我們女孩子的心了!

一入門口就問你食西餐定係食雞煲好特別喎食西餐嘅地方有分食雞煲感覺俾人有啲唔專業嘅感覺🧐一坐低就俾個脆脆你做小食～免費嘅啲脆有啲油，但係嗰醬酸酸地幾開胃是日餐湯 - 周打蜆湯不過不失啦，但係啲蜆肉有少少腥沙律冇咩汁醬感覺冇咩味但係有啲爆珠甜甜地都幾得意溫泉蛋菠菜忌廉汁芝士天使麵芝士份量唔係好夠所以令到個汁好水而且味道有啲唔夠、好淡唔夠Creamy唔夠香雞柳黑松露忌廉汁天使麵聞上嚟好大陣煤氣味😆雞肉係冇雪藏味 幾滑黑松露味都幾濃郁，但係呢個麵又好鹹加咗一蚊有甜品話係Tiramisu其實你睇個樣都知道唔係啦好乾好硬唔好食幾平都係咁話Setdinner自選DIY意大利粉$158 1個set如果用西餐嘅價錢來講就唔係好貴但係我又覺得佢做到好港式嘅感覺茶餐廳做西餐嘅感覺食物來講總括都可以接受嘅但係如果比我再揀我應該唔會再去因為我覺得要做果樣菜式就要做到專業呢個質素同埋呢個價錢感覺CP值唔高

叫了一個dinner set,但set只有一塊好細塊既魚，一個湯同沙律，沒有飯，食完好像完全沒有食過一樣，完全不飽！份量實在太少了！所以大家不要叫set,完全不值二百幾一個set!另外再叫個西班牙海鮮飯，只有三隻細蝦，四粒墨魚仔同一塊細魚柳，龍蝦太細冇肉的，而且龍蝦煎黑了！味道好一般，冇吸引力，應該不會再去！我在另外一間餐廳食過的西班牙海鮮飯超好食！呢間實在太普通了，以這樣價錢，有其他餐廳更加好味！服務員服務態度好好，幫我準備了蛋糕送給朋友，值得讚賞！

 【#西餐】講女搵食團 || CP值高的Happy Friday- 觀塘 Mini Friday= = = = = = = = = = = = = = 大時大節，出街食飯人太多，當然聖誕也不例外，所以12月頭同朋友去了位於觀塘Mini Friday 食聖誕大餐，提早興祝聖誕。因為都是聖誕月，所以都預先訂位，收工時間上去依經八成半，所以建議大家最好都要訂位較安全。 - - - - - - - - - - - - - - - -前菜 - 『墨西哥脆片』未點菜前，一入坐就會先上小食，一小籃脆片點上醬汁，等朋友時，用作送酒。 - - - - - - - - - - - - - - - -前菜 - 『香草牛油焗田螺酥盒 』（左） & 『黑松露忌廉炒野菌』（右）『香草牛油焗田螺酥盒 』 - 一份4件，中間的田螺，用上香草牛油焗，味度香濃，酥上外圍的香脆酥皮，外脆內軟，一人一個，配上Cocktail，送酒一流。『黑松露忌廉炒野菌』 - 同樣是黑松露味重，用上忌廉炒，黑松露 + 忌廉味，完全比野菌吸收晒，鍾意野菌 / 菇類既朋友不要錯過。 - - - - - - - - - - - - - - - -

是日一行4人勁openrice訂座，完全唔洗等，直接入得。佢一開始張枱會放左啲墨西哥薄脆加芝士醬俾人做前菜。睇左陣餐牌，叫左香草燒法國春雞，龍蝦西班牙海鮮飯，自選意粉同炸薯條配黑松露醬，我餐飲揀左艾丁格黑麥啤酒。先講杯餐飲艾丁格黑麥啤酒，好濃麥味，完全冇苦味，好順口，同薯條超夾，超好飲。之後到果小食炸薯條配黑松露醬，係粗薯條黎，炸得夠脆夠熱，果醬好香，同薯條好夾。自選意粉係可自選汁，粉同配料，我地揀左辣汁茄汁，意大利粉同埋雞柳，果然好食，意粉軟硬度適中，唔會太乾或太濕，汁好夠味，雞柳岩岩好唔會太鞋口。龍蝦西班牙海鮮飯令人幾失望，啲海鮮麻麻地，都係冰鮮海鮮，所以有啲唔新鮮，朋友話果龍蝦好霉，我見到甘黑都唔想食了，果飯完全冇西班牙海鮮飯既味，好乾又油。終極失望一定係呢個香草燒法國春雞，簡單黎講就係好鞋口，又冇味，好似食柴甘，完全浪費左隻雞。整體黎講，食物質素有啲浮，一啲好味，但一啲就令人失望，所以打過和啦！服務正常既，店員們反應都快。

一入到去已經有脆片同沙律醬放咗喺桌面。脆片好酥脆。沾沙律醬好夾，唔經唔覺就食晒一邊。重點係免費㗎！#溫泉蛋菠菜大蘑菇 $78(美味指數: 😋😋😋😋)食主食之前要咗個大蘑菇做一個前菜。一切開流心蛋黃就流出黎，好治癒。好欣賞佢菠菜嘅調味做得好好，成個配搭好有驚喜，大蘑菇嘅香味菠菜嘅質感同埋流心蛋嘅濕潤，味道好豐富#燒美國頂級肉眼扒 $268(美味指數: 😋😋😋😋)牛扒煎得好靚，我哋要咗五成熟，煎得好岩岩好，肉質軟綿。調味用咗簡單嘅鹽同黑椒，令牛肉更好味。配有一球細滑黑松露薯蓉，同埋蒜蓉汁#冷泡水果茶 $58(美味指數: 😋😋😋😋)揀咗水果茶做嘢飲，唔太甜，水果味又夠，都幾只係平時手搖店飲到嘅水果茶。略嫌有啲太細杯，如果大杯啲就好啦😋整體食物質素：4 / 5💰性價比：4 / 5👍推薦指數：4 / 5

#Mini Friday#薄脆片 $0 free每枱都放置左脆片配沙律醬！脆片係好酥脆大塊厚身果種，☺️比平時食到既好食，唔似自己買一包包果啲。#威靈頓牛柳 $298相對市面上係平價版，當然份量都細少少🤏啦，但絕對夠飽。🤓正正方方既酥皮包住牛柳，牛柳好厚身，外面熟透，中心會略生，肉就算係全熟既位都好腍。🥩肉味重。酥皮同牛肉之間仲會有黑松露蘑菇，調味得唔錯。另外伴有一球黑松露薯蓉，好細滑，黑松露唔太重無蓋過薯仔🥔味。飲品方面我叫左 #sangria $68細細杯，味道邊面調得好好，唔太甜，有紅酒味但又無咩紅酒既苦澀味🍷，加上幾款水果既清香，好易入口，🧏🏻‍♀️好岩女仔飲。最後食埋佢個推薦甜品#疏乎厘班戟配雪糕 $108有3舊配吉士醬同雲呢拿雪糕。🧐雖然價錢唔算平，但質素同出邊疏乎厘專門店其實差唔多，🥳好鬆軟，空氣咁十足。