Mini Friday (The Wave)

营业中

休息中

以前係觀塘番工都會間中同班同事黎呢度食lunch😛但就未試過晚餐🤣我地叫左兩個set dinner😆上餐前已經有餐前小食🙊係一份酥炸脆脆片😍 其實我今日都仲病病地🥲但都忍唔住食左3-4片🤣🤣🤣仲有個是日餐湯😎係蘿蔔南瓜湯😍😍😍男朋友岩岩將湯匙放入口就話「好（英文字母）好味」🤣🤣🤣🤣我即刻大笑左😂同佢講洗唔洗講粗口啊🤣有無咁誇張🧐 點知真係幾好飲🙊🌟碳燒北海道和豚肉眼 配燒汁 $268（田園沙律、餐湯、精選甜品、餐飲）豚肉肉質扎實有彈性😆咬落嫩中帶脆‼️‼️經碳燒燒過後肉味突出💓味道濃郁而且脂肪平均分佈😎男友大讚佢帶脂肪部分油脂豐富食落更香濃👀💓💓🌟自選DIY PASTA $168（田園沙律、餐湯、精選甜品、餐飲）我地自選左👉🏻蒜片欖油+煙鴨胸+海鮮+墨汁意粉蒜片欖油係我最愛意粉配搭之一🐷蒜片的香氣慢慢融入在橄欖油每一啖都非常惹味香口海鮮粒粒Q彈😆比吃大大塊的海鮮感覺更過癮🐽層次感更豐富💓💓而今次呢個墨汁意粉絕對唔會搞到你個咀「黑媽媽」🤣大讚👉🏻🙌🏻🙌🏻🙌🏻#minifriday #觀塘西餐 #西餐 #觀塘 #觀塘美食 #hkfoodie #hongkong #香港 #飲酒吹水好地方 #美

今日放工做完facial，喺The Wave是但撞咗入一間餐廳食～餐牌都係同一般西餐廳差唔多，但見到menu有個「時代抗翼」推薦😆，作為雞翼控每餐都叫雞翼是常識吧😌～今次揀咗維尼雞翼(即係柚子雞翼)。雞翼個炸皮好脆！就算掛咗柚子汁都唔會淋咗，仲熱辣辣咁好正🤤另外叫咗個餐廳推薦嘅辣肉腸parma ham pizza，上面有爆多芝士，批底脆卜卜好香批皮味，唔會因為太多芝士而整到淋哂，係好好食嘅薄批～坐低時見到隔離枱有個噴哂火嘅食物，於是都叫咗個黎打下卡😆！個火焰脆豬手真係好大火，個火仲噴得高過個隔板，其他枱見到都嘩嘩聲😂俾你影完相之後職員會問洗唔洗幫你切埋，如果要佢就拎返入去幫你切。外皮因為上枱時有火燒一燒，所以比起平時出面嘅脆豬手多咗陣焦香味～所有食物雖然唔係話超級好食，但都俾返應有質素，而且重點樣樣都熱辣辣！呢樣真係唔係間間餐廳做到！食完先發現今日樣樣食身都又炸又脆，應該會好熱氣🤣🤣🤣

觀塘平日都滿座的餐廳實力不容小覷，西餐廳環境佈置頗有氣氛。甫坐下餐廳便送來墨西哥脆片作餐前小食，有心思，送酒一流 ！這裏有我吃過最好吃的明太子忌廉長通粉！翅膀是看不見明太子，但吃下去卻十分香口，帶子煎得香軟，加埋魚子在口中爆開新鮮的感覺，加上少少煙燻的味道和忌廉的香滑，超好食！另外美國肉眼扒肉質鮮嫩，份量很大，建議熱食，凍咗就會肉質開始硬成晚都見到其他客人不停咁樣點火焰豬手，睇到我都流晒口水，下次黎試吓！

今日放假得閒，喺觀塘行完街好攰，就決定去食好西。估唔到俾我哋搵到寶！我哋入到去坐低之後，覺得個環境唔錯。呢度啲梳化櫈好舒服，行咗咁耐，隻腳都好攰啦，一坐低即刻放鬆晒。呢度一路播住英文歌，環境好放鬆。我哋今日叫咗威靈頓牛，簡直喜出望外，超級好食，超級鬆軟！我話所有嘢食都係好好食嘅，而且環境好舒服，一定會再嚟！

之前忘記咗寫食評，e家寫翻先。尼間餐廳係睇網上推介而去食，感覺真係冇去錯！好好食必試！建議平日都一定要訂位去食，因為真係好多人價錢唔算平，但真係一分錢一分貨，間唔中去吓係唔錯既！

又黎到一間我幾鍾意嘅西餐廳,一坐低就即刻為我地送上墨西哥脆片配千島醬作為開胃菜。小食我就揀咗個超邪惡嘅鹹蛋黃薯角,每舊薯角都沾滿鹹蛋黃醬,香脆鹹香雙重滿足。椰香菠蘿沙冰夠晒Fresh ,沙冰打得好幼細,椰子同菠蘿兩者嘅味道都好平均。熱熔芝士牛肉漢堡都係邪惡之選,芝士醬超級澎湃, 牛肉漢堡煎到5分熟,超juicy,一切開D肉汁即刻流, 漢堡包上仲好有心思咁印上「香港」。仲嗌左個DIY Pasta套餐,包左餐湯,沙律同餐飲。雖然係pasta套餐,但係我選擇咗意式燴飯配黑松露忌廉汁,配料我就揀咗煙肉同煙鴨胸。忌廉汁好creamy,醬汁裏面本身都有少少蘑菇片作為配料,黑松露味道好突出。

今日約咗個朋友喺觀塘食飯，有啲朋友鍾意食西餐就揀咗呢間Mini Friday良心餐廳💛💛餐前小食就有一個西湯(聽店員講呢個係青豆湯)依度有四款雞翼<<時代抗翼>>，只係見到個名已夠哂吸引 ，本身鍾意黃色當然叫黃到金雞翼試吓，每啖都有鹹蛋汁同牛油香，雞翼表面仲有一粒鹹蛋喺度，唔會比牛油同鹹蛋嘅味道搞到好肥膩，雞肉嫩滑，皮脆肉香，果然係時代抗翼卡拜尼依個意粉做得意外地出色，首先佢意粉嘅份量同埋配料多，意粉煮得啱啱好好彈牙，個汁加埋溫泉蛋嘅味道配合得幾好 香濃滑身得來唔會過膩，特別鍾意佢刨左好多芝士到主角出場啦外層酥皮好鬆脆，切開見到中間牛嘅熟度部份啱啱好，黑松露同埋牛嘅配合效果出黎唔錯，而牛柳咬落去都好Juice，整體來講好好食，份量都比較多建議兩個朋友一齊食❤️❤️整體來講呢間餐廳食物質素同價錢絕對值得大家嚟試吓

💥龍蝦西班牙海鮮飯​個飯太乾，好有鑊氣，好似食緊西炒飯咁😃​龍蝦太熟啦❗️仲有舊極普通嘅蒸魚​得個樣無內涵 唔知以為食緊茶記🤷🏻‍♀️​​💥皇牌威靈頓牛柳​有牛味，但係口感一般​點醬會好食啲​​💥溫泉蛋菠菜大啡菇​超級普通❗️完全唔值得呢個價錢​真係唔會再幫襯​​

之前觀塘有間CP值好高既半自助午餐，好可惜不敵疫情執左。今次咁岩有同事搵到，原來Mini Friday 都有，我地三人就決定黎試。佢都係簡一款主菜再任食自助吧，或者可以俾$98淨係食自助吧，以出面既選擇黎講，淨食自助吧就唔多抵。主菜一：茄汁忌廉🐔柳意粉，🐔柳份量都幾多，搭配茄汁，幾好食。主菜二：日式咖哩🐷扒，塊🐷扒都幾大舊同夠脆。主菜三；炭烤澳洲🐑架配紅酒汁，🐏架好Juicy，切落去個下都知燒得岩岩好，肉質好滑。而且有2件，不過好可惜其中一件有d太咸。自助吧有湯同糖水，湯就淡味同稀左d，糖水西米露因為有杏仁味，所以我冇飲到。湯品列有脆片俾你搭配湯食，個脆片幾好食，值得推介。有蝦米腸同辣魚蛋🍢，幾特別，腸粉有鼓油同甜醬俾你撈，我朋友仲試左加隔離既魚蛋汁，佢話好夾好好食。辣魚蛋意外地好食，魚蛋好彈同爽口，個辣汁既辣味亦都出到，好香口，我朋友食左10幾粒炸🍤球同炸春卷，都仲有熱既感覺，炸🍤球炸粉唔算厚，唔錯。沙律亦有幾款選擇，味道都ok，如果有埋黑醋簡就好啦。甜品有幾款，之後仲多左一款啫喱，試左朱古力蛋糕同啫喱，都唔錯，啫喱係好出名個隻牌子既味道。佢呢到refill速度都算唔錯，門口有個姐姐

🍽 Mini Friday (The Wave) (觀塘)觀塘興業街4號The Wave 3樓旺角西洋菜南街2號銀城廣場9樓銅鑼灣駱克道463-483號銅鑼灣廣場2期6樓🐽今日午餐黎到於觀塘嘅The Wave食黃店西餐💛，觀塘返工既朋友就要留意啦🥴呢間黃店於The Wave 3樓，同系列既餐廳分別位於旺角、銅鑼灣，觀塘店地方闊落，座位非常舒服！食物出品也有一定水準，偶然想食個靚靚午餐都可以黎呢間黃店💛⚠️注意：OpenRice 訂位仲有88折優惠！快啲黎懲罰佢地啦！以下兩款價錢為午市套餐，已包有餐湯&飲品，當日餐湯為南瓜湯，味道清甜帶點南瓜香，但略為稀咗少少！飲品則包汽水/咖啡/茶☕️炭烤澳洲肉眼扒配黑松露燒汁意粉$128 (🧡🧡🧡🧡)​ 今次呢塊肉眼扒煎得好好，🐽叫左五成熟，外層帶點焦脆，內裏口感軟淋，肉汁仲非常豐富。呢塊肉眼既水準可以媲美其他餐廳晚餐賣$200-$300既牛扒。強烈推薦大家黎試吓佢地既牛扒！至於黑松露燒汁嘅黑松露味未有很突出，意粉也是正常水平！香烤美國大雞扒配黑椒汁意粉 $88（🧡🧡🧡）相比起牛扒，呢個雞扒則比較普通，外皮未有煎得香脆，但肉質鬆軟滑溜，也是可以一戰！而且

見到隔離個枱叫左幾杯，圓圓大大，覺得好吸引，所以叫左，來到一飲似刨冰，好粗好大粒，以smoothie/飲品來講，口感唔ok, 咖啡味唔好飲，冇焦糖咪，菠蘿味冇味，以1杯$ 68@觀塘⋯⋯真係可一不可再咸靈頓牛係伏左杯嘢飲後叫，又係諗住試一次，穌皮ok, 牛唔得，收$328價錢牛的肉質真係過分差⋯⋯送左個火焰xx, 叫左個心太軟，2樣都有個超粉紅色的士多啤梨雪糕⋯好耐冇見過餐廳serve咁差的雪糕唯一好食的是明太子手捲粉，不過補救唔到成餐飯

今日收工老公神神秘秘話帶我去觀塘工廠區一間特色西餐食晚飯，我心諗觀塘有咩我未食過，咪又係嗰啲西餐。最後去帶左我去一個the wave嘅大廈。原來真係別有洞天，帶咗我呢一間叫做mini friday嘅餐廳，個環境好浪漫，好舒服，地方好大。呢間餐廳主要食西餐，仲有威靈頓牛柳食。可惜我唔食牛，如果唔係都去想試下。佢哋dinner有得DIY PASTA set，價錢都唔算貴。最緊要係可以自由配搭，鍾意食乜都得。佢哋個set包咗有一碗西湯，一個沙律，一個自由配搭意粉。首先上左沙律先，沙律用左佢地自製嘅沙律汁超級開胃。黑松露忌廉汁雞柳意大利飯：一上枱已經聞到濃濃嘅黑松露味，食落口好creamy，啲意大利飯煮得剛剛好，廚師嘅手勢一流。水牛城雞翼$78雞翼超級大隻，仲有六隻咁多，外脆內軟，辣度剛剛好。卡邦尼扁意粉$108卡邦尼意粉我諗大家都唔陌生，但唔係間間都煮得咁好食，意粉煮得好煙韌，個卡邦尼汁好滑，加埋個半熟水波蛋，絕配。辣肉腸帕爾馬火腿薄餅$158佢哋啲pizza全部即叫即做，係我最鍾意食嗰款，係脆邊嗰隻pizza，配埋Parma ham又好食。最後加一蚊可以要埋個甜品，食埋士多啤梨蛋糕，真係

朋友推介的西餐廳，地方闊落，燈光雖然微暗，但滿有格調。🔸墨西哥脆片坐底後，店員便會送上一客墨西哥脆片小食，配搭的千島醬不錯。我地分別叫了兩客晚市套餐，每份晚餐都包沙律、湯。沙律無太大特別，但入面有爆珠味幾得意，沙律汁有點太酸。🔸磯燒鮑魚拼美國雞扒燒汁 $188雞扒肉厚嫩滑多汁，雞皮煎到微脆，最驚喜是鮑魚的份量，比想像中多同大隻。還配搭左黑松露味薯蓉，味道錯。🔸香草燒牛仔骨配蜜糖燒汁牛仔骨的份量同樣好多，有三大係牛仔骨，牛仔骨都算厚肉，中間是剛好的粉紅色，蜜糖燒汁甜甜的，覺得呢個好食。🔸芝士醬牛肉漢堡最後我們看到隔離吃漢堡包忍不住也點了一份。芝士醬是流心的，所以是滿滿的芝士醬。牛肉漢堡滿厚的，不過麵包有點乾。配搭的整體食物質素不，店內也很有氣氛。

由於喺觀塘返工，所以對呢啲餐廳都唔算陌生，而呢一間餐廳，我就係第三次嚟幫襯㗎啦，主要係因為佢食物都算唔錯，同埋坐得都夠舒服，所以都係一個唔錯嘅選擇安排入座之後，大家可以睇睇餐牌，其實佢嘅選擇都幾多，除咗散叫，佢另外仲有一啲套餐，甚至乎連意粉都可以係自選設計配搭呢一個係餐前小食，有少少似Taco果d脆脆，旁邊係一兜芝士醬，所以將呢啲脆脆點上芝士醬食，係一個幾有趣嘅餐前小食除咗啱啱嘅餐前小食，仲會有餐湯及沙律，我覺得呢兩個嘅味道就比較一般，因為唔係好啱我口味，餐湯同沙律嘅味道都偏酸，所以我個人比較一般首先要介紹嘅就係餐廳而家推出嘅優惠，餐廳叫佢做時代抗翼，感覺都幾有 Gimmick，我哋叫咗兩款，分別係胡椒雞翼，同埋催淚雞翼兩款雞翼都大大隻，用黎做呢d特色雞翼小食好適合，兩款既味道同樣突出，雖然佢主要靠外層既香料醬汁味道帶出，但因為都好夠味既關係，連帶入面既雞肉都好有味道我個人覺得呢胡椒味雞翼好味d，因為除左香濃既黑椒味，佢上面重帶有一d蜜糖，所以味道更加香濃之餘，同黑椒形成一個對比，食落更加有口感呢個係我哋嘅主菜之一， BBQ醬汁既豬勒骨，當然，佢嘅質素就冇得同一啲著名嘅澳洲及美國大型連

呢間西餐已經食過幾次，之前都喺食晏晝，今次第1次食夜晚. 我哋book咗晚上7點，到咗攞位唔使等. 環境都舒服嘅，最開心係呢未嗌嘢食，就已經有脆卜卜嘅零食食住先. 我哋叫咗1個威靈頓牛、2碟雞翼(黃金、胡椒)、1份fish and chip、1個海鮮飯. 威靈頓牛外表好脆、裡面肉汁好夠(唔記得影相). 炸魚就細舊啲，薯條都唔錯. 胡椒雞翼真係有驚喜，好好食，少少辣口、少少甜. 黃金雞翼就一般般啦. 服務方面，店員都冇趕我哋走，可以坐到10點鐘. 埋單發現都幾抵食，每人$200都唔洗.