Mini Friday (The Wave)

营业中

休息中

觀塘工商業區有好多樓上餐廳同cafe，一般裝修同食物都唔錯，因為唔會落本做廣告，所以要靠口碑做生意。呢度一入到去有少少覺得係茶餐廳與西餐廳之間，唔會話好低檔，但係都做唔到其他樓上餐廳既感覺，餐具都唔係特別精緻，甚至連器皿都只係膠既。不過食落去嗰下先至覺得出乎意料咁好食！都唔知係為左kids friendly定係為左expectation management而整到個場咁樣。首先個沙律用嘅汁，係有用心溝過，甜甜酸酸真係好開胃，亦都唔會好似直接落醋咁chok鼻。唯一我唔鍾意嘅係佢落咗啲爆珠，有啲不倫不類。主菜都係肉為主，脂肪豐富，煎得好香亦都唔會煮過火，係食肉獸最大嘅享受。雖然唔叫好大塊，但係食完都飽肚，而且油香令人回味無窮。個甜品都唔求其，係芝士蛋糕。對於怕芝士嘅人都唔需要擔心，佢嘅芝士味好淡，主要係奶油味，食落去好結實同埋好香。總結嚟講，呢間餐廳贏在食物，但係輸在裝修同餐具，對於鍾意fine-dining或者打卡嘅人嚟講可能就 冇咁啱。不過呢度係幾kids friendly嘅，見到有好多家庭一家大細推bb車過嚟。如果怕小朋友就冇得講，但係其實成間餐廳嘅氣氛因為有小朋友所以都係幾開心㗎！

💛 #觀塘 #MiniFridayMini Friday嘅半自助餐返嚟喇😍😍 早排同咗同事去Mini Friday食lunch，發現有好豐富嘅自助沙律、熱食、甜品bar😍 之前因為疫情冇咗，而家終於有了😋🥗 自助吧除咗沙律、蕃茄仔、粟米、沙律醬等等之外，仲有冷麵、西瓜等等嘅凍食，超多選擇，refill得都好快🤩！ 亦都有熱食，例如我最愛嘅燒賣、芝士焗西蘭花、脆皮腸、章魚小丸子、炸蝦卷等等，我全部都咁鍾意！基本上沙律吧都可以滿足到我😚 除此之外仲有湯同甜品，甜品有各種蛋糕仔、泡芙、雪米糍、brownie等等，好正㗎😋🐠 香煎比目魚柳 配 黃薑忌廉汁 （$158 連自助吧）比目魚煎得好香之餘仲保持嫩滑，黃薑忌廉汁夠creamy好啱食魚沾💛 黑松露味嘅薯蓉都好高質！🥩 炭烤紐西蘭頂級牛扒 配 黑松露燒汁 （$198 連自助吧）牛扒好厚身！同事叫咗五成熟，雖然未至於入口即化但都好嫩口，冇根位，牛味同黑松露味都好香💓

餐廳係觀塘鬧市中.裝修都幾有格調.亦好大.位置之間都有適當距離😌坐得幾舒服.亦唔會太嘈.好岩朋友情侶係到慢慢食飯傾計🥰服務上都幾好.一坐低就送黎免費小食.仲可以無限添加😍可以一邊食小食.一邊揀食咩食物選擇都幾多.可以叫SET不過最後決定散叫.試多D唔同既野食😏食物上得好快.而且好大份.2個人完全食唔哂🤤💥 墨西哥脆片 配千島醬墨西哥脆片有好香既芝士味.配埋酸甜千島醬.好開胃💥 咸蛋黃雞翼係炸雞翼. 配埋咸蛋黃醬.好惹味仲配左D沙律菜.平衡番個味.冇咁油膩💥 千島海鮮PIZZA 🍕PIZZA底好好薄好脆.出乎意料既大2個人食係食唔哂.但係好香.仲有勁多CHEESSE💥 明太子忌廉帶子手捲粉未食過手捲粉.覺得幾得意就試下個汁好濃郁.明太子加帶子都好夾~手捲粉都幾彈牙!!都唔錯💥 雪山火焰梳乎里🍨打卡一流!!朋友生日.網上訂位時MARK左寫字.作為小小既驚喜店員上甜品前會等我地預備好影相先點火倒酒完美收結🥳P.S ONLINE BOOKING會有DISCOUNT~

Book左位同朋友食晚餐星期日既夜晚無想像中咁多人去到wave 要搭lift 先可以上到3樓搭電梯只可以上到2樓2樓既職員都好友善咁提醒我地上到3樓原來有分米走雞同mini fridayMini friday環境大氣氛好店員都友善有禮一開始會上一小盤脆餅？先點埋醬好好味😋之後好快就黎左雞翼 $78好似叫柚子蜜糖雞翼雖然$78 4隻偏貴但非常入味 蜜糖唔會好多好甜醬既份量剛剛好 推薦之後輪到炸薯條配黑松露醬 $78薯條比較偏短同碎但份量好多亦都係因為咁 放耐左少少就淋哂飲品系列左邊係草莓牛奶沙冰$78右邊係椰香菠蘿沙冰$78熱辣辣既天氣飲真係冰涼入心整體都唔錯 偏甜重頭戲既dinner set 碳燒紐西蘭頂級牛柳拼龍蝦 $348牛柳真係好好味有少少入口融化既感覺而個醬都好岩點牛柳龍蝦超多膏 都好好味最後係千島海鮮薄餅 $198薄餅皮好薄好脆料都好足 但唔會話好飽我一個人都可以食6塊😂最尾2個人食左800幾唔可以話好抵食但我覺得食物環境氣氛黎講價錢都算係可以接受既範圍會再去

放工食好西想起依間，環境舒適有情調，美食質素中上，好友聚餐或拖友二人世界皆宜。套餐選擇有多款，散叫比較有彈性，甜品好味合我心意。薄脆薄脆口感脆卜卜，沾上美味的千島醬，可以食唔停口。咸蛋黃醬雞翼 $78雞翼四隻大大隻，炸得皮脆肉嫩，均勻沾滿咸蛋黃醬汁，咸香美味好好食，仲有新鮮沙律菜中解下膩。溫泉蛋菠菜大啡菇 $88原隻大啡菇厚肉多汁軟彈口感，上層有芝士菠菜碎，夾心温泉蛋切開蛋液流出，簡單好味，伴有好多沙律菜唔錯。明太子忌廉帶子手捲粉 $178手捲粉外形有點似長通粉，中空的但就冇封邊，粉皮比較薄，口感嚼勁好掛汁。明太子忌廉汁好creamy，加咗少少三文魚籽咸甜美味，主角三粒刺身級帶子大粒肥美，輕煎一下口感軟味道鮮甜彈，咬啖令人好滿足。蘋果金寶 $78面層金寶焗到脆卜卜又香又甜，內裡果肉焦香軟甜，外脆內軟加埋冧酒雪糕冷熱交融，好立體的味覺享受，作為餐後甜品，成件事係好完美的。

今日係Friday咁就嚟Mini Friday happy下啦🤩🙌🏻話說上次嚟食米走雞，見到旁邊嘅呢間Mini Friday西餐廳好似幾唔錯咁，所以呢日特登過嚟試下😍環境幾舒服，好適合傾下計😊提早喺openrice book定位仲有折🫶🏻一入座，職員就會送上一盤餐前小食，類似墨西哥脆片，可以配搭酸忌廉醬食，香脆又惹味😋📝Order咗兩個dinner set, 主菜+沙律+餐湯+餐飲🐣原隻法式香草烤雞 $248即叫即烤，所以要等一陣間先有得食！烤雞好大隻呀，烤至金黃色😍食落肉質嫩滑，而且有雞味，可以點少少燒汁就更好味😋配菜有粟米芯、蘆筍、紅蘿蔔同埋黑松露薯蓉，黑松露🥔薯蓉好香、好好食🤗🍝DIY PASTA $208DIY正呀😍鐘意食咩就加咩，自由發揮😝🧄蒜片欖油天使麵＋🥬菠菜＋🍤雜海鮮一上枱就聞到好香啦😍天使麵軟硬適中，唔會好淋👍🏻配料有菠菜、蜆肉、帶子、蝦肉、雜菇同埋蘆筍，非常足料❗️食落好香蒜味非常惹味，真係每一啖都夾雜住鮮甜嘅海鮮，好食😋份量都好足夠🉐🥣餐湯今日餐湯喺🍅蕃茄湯，味道好濃郁，酸酸甜甜真係好開胃🥗沙律麻醬沙律，最鐘意麻醬😍都係開胃菜🙌🏻☕️餐飲咖啡或茶，分別要咗凍檸茶同熱檸

其它嘢就算，有好有唔好（雖然唔好居多，唔詳細講）但係個甜品（跟餐嗰個），我真係粗口都講埋，口感似泥膠，個味又唔知咩味，又實，又黐我想嘔，但係基於禮儀，我食咗落肚落咗肚，又頂胃，又反胃我唔介意無加1蚊多個甜品呢個選擇，我同屋企人都只係貪得意試吓，但係有啲嘢真係寧願無都唔可以有

今日同女朋友行過觀塘， 就openrice search 下西式餐廳，就揾到Mini Friday，但系結果失望而回。我分別叫左白酒煮蜆、大啡菇、威靈頓牛扒 三道餸菜。白酒煮蜆分量還可以， 有白酒嘅香味 ，味道有鹹鹹地，食極都唔夠。而大啡菇配左沙律，有香燈味魚仔粒，不過果種味道似細過食既橙味藥水。大啡菇上面芝士溫泉蛋系幾出色。但最奇怪系竟然配上朱古力醬做伴碟！威靈頓牛扒就好失望，肉質過生同韌到好難切到，火候上掌握仍需改善。不過呢份量呢就真係好誇張，值得一讚。

價錢屬於正常價為，但是menu選擇不多，份量亦唔大份，而味道方便不過不失。餐廳都算大，平日晚上去只約坐滿一半。Menu特別推介之一：火焰豬手，其他也沒有太特別唯一特別，就係個員工攞碟貼豬手過嚟嘅時候，主動叫你開相機拍片，我哋幾個朋友傾緊計，根本無留意佢講乜，只見佢唔出聲企係度，直至問佢做乜，佢先話原來等緊我哋開相機… 我哋唯有指定動作開一開，跟住係你面前燒幾秒，叫你影張多幾張相就攞走去切。其他…無乜特別好寫

走到黎環境好闊落 裝潢偏向簡單既西餐廳🍴餐廳既食物選擇都幾多 除此之外亦有dinner set提供🍝侍應服務都好好 好到有一啲壓力😂餐前送咗個脆片小食 個人覺得好好食😂其實佢無咩味嫁 不過佢脆脆口又幾得意有少少似烤雲吞皮咁 如果可以encore我會🫢➷❐ 咸蛋黃醬雞翼呢個雞翼有四款口味 我就揀咗最鍾意既咸蛋黃🤪雞翼唔算好大隻 不過就隻隻都沾滿醬😍咸蛋黃醬夠晒香😋味道亦唔會好咸 岩岩好唔知邊個發明呢個菜式 兩者既味道真係好夾🤭➷❐ 芝士溫泉蛋焗牛脷薯粒呢個都係一個幾有驚喜既菜式🤩芝士夠晒多 襯住熱既時候快手撈勻埋隻溫泉蛋🥚芝士蛋汁就成為咗簡單但好惹味既醬汁🤤牛脷表面焗到有少少脆身 內裡質感好軟腍每啖都食到牛既香味😋薯粒係薯餅個個質感 只係由長塊變咗個粒粒🥔所以我係真係好鍾意食🫢薯粒薯味都幾出入面會食到細細粒既小薯肉🤪再焗到脆卜卜好過癮😍➷❐ 火焰脆燒德國咸豬手黎到呢個壓軸既主菜🤩考慮咗好耐先嗌 驚食唔晒😂店員會係你面前淋上酒精點火🔥除咗好夠gimmick之外📸仲可以係最後一刻令到個豬皮表面再脆啲😋玩完之後店員會切好一舊舊先再上枱 體貼度加分👍🏼食起上黎既時候當然就皮脆肉香 豬手保留住咸香

MiniFriday一向氣氛很好，平日晚餐或是午餐來都有種放假的舒適感。剛坐下就有店員送黎墨西哥脆片，好體貼～明太子忌廉帶子手捲粉($178)----這是必吃！火炙帶子很厚，加上新鮮三文魚籽在口裡爆開的感覺一流，今日無手捲粉轉左長通粉，長通粉沾滿很creamy的明太子忌廉，好味～～感覺之前食手捲粉再軟滑好味d香烤美式BBQ豬肋骨($248)Dinner set配田園沙律、是日餐湯、餐飲，份量是半條，豬肋骨非常Juicy，醬汁夠濃厚，口感也不柴最近推出了多款特色雞翼！作為雞翼控點可以錯過～今次試左鹹蛋黃雞翼($88)鹹蛋黃包裹住雞翼，好邪惡呀，但又好好味喔，送酒一流！

🥩高質牛扒抵食價！又同我個餵食好友食正野！今次我地去觀塘The Wave嘅@minifridayhk 鋸扒😋呢度環境闊落，梳化位坐得舒服！啱晒同35知己黎一路傾計一路食野！😉我地叫左兩個Lunch Set（可選配飯/意粉/薯蓉）🥩炭烤紐西蘭頂級牛扒配黑松露燒汁 $128個lunch set包左個餐湯係🍲南瓜忌廉湯個湯好濃郁，啱啱南瓜味，入口好滑好creamy!囡囡飲得好開心🤣！佢仲飲到唔停口！炭烤紐西蘭頂級牛扒配黑松露燒汁好高質！冇諗過呢個價錢都食到咁高質嘅牛扒！平時食開3成熟因為鍾意軟身d, 囡囡喺度就叫我8成熟！估唔到8成熟又唔韌喎！ 肉質鮮嫰好滑，一d都唔韌，配以黑松露燒汗嘅香味仲正！而我地揀左配薯條，薯條炸得啱啱好，金黃鬆脆，外脆內軟！

老豆生日，佢話想食西餐，搵吓九龍東有咩好食先。咸蛋黃醬雞翼（$78），香濃咸蛋黃醬撈炸雞翼，沒有不好吃的理由。皇牌威靈頓牛柳（$358），焗到剛剛好5成熟，牛柳好淋，有些少牛味，老豆好滿意。火焰脆燒德國咸豬手（$288），即場淋酒精點火，夠gimmick（啱哂打卡呃like），然後拎番入廚房切。豬手外皮夠哂脆但唔死硬，中間啲肉亦都軟身。不錯。龍蝦西班牙海鮮飯（$278），海鮮配料夠哂足，有半隻龍蝦、一塊魚柳、吊筒、蝦、蜆各三隻，飯嘅味道可以但不突出。DIY Pasta（$188+$48+$1），生日要食麵，冇麵搵意粉代替。套餐有沙律、餐湯、餐飲，加$1仲有是日甜品。揀咗「蒜片欖油」+「煙肉」+「意大利粉」，另加$48要多半隻龍蝦。香辣蒜味濃，意粉炒得唔錯。PS : 經 openrice 訂枱，主餐牌有88折。

雖然係良心小店💛 但確實失望既晚餐🙈😂一定一定無下次蒜片欖油雞柳墨汁麵 ($188)見佢環境都幾靚又full house 同收咁既價錢 應該唔會太差 點知一見個洋蔥湯已經嬲嬲地😅😅 稀到清晰見底 一定溝水😅仲衰過茶記例湯個啲🤮 沙律菜就好明顯唔新鮮 咬落唔脆口啲菜應該雪佐好耐…個意粉一啲墨魚汁味都無🦑 合埋眼食根本同普通意粉一樣 佢應該改名做”墨魚味”意粉 rather than “墨魚汁” 🫠 意粉overcook 一啲都唔彈牙林曬🤥 蒜片還蒜片炒 無同意粉撈埋再炒 而且炸到乾真真又過咸🫠 唯一可取係雞肉 比較嫩滑同入味 $188食呢個意粉真係後悔🫥無下次黑松露啡菇水牛芝士薄餅 ($168)又唔可以話佢唔好食 但成個味道好寡好單一 好似平時食白汁焗飯上面個層野既味道 (但當然仲好食過呢個Pizza 起碼有汁) 入邊完全唔開胃既配菜😂個啡菇又乾 個pizza皮又好硬好乾 真係好難先食得曬個批😫為食指數: 1.5/5性價比指數: 1.5/5推介指數:1.5/5

💛 #觀塘 #MiniFriday今日lunch同同事去咗the Wave3樓嘅「Mini Friday」，我哋已經係第三次食呢間西餐廳😚 疫情前佢哋做semi buffet，而家就有普通lunch set，但食物質素有提升，價錢都更相宜，CP值高👍🏻以下lunch仲配有餐湯同餐飲㗎，個湯仲好creamy濃郁，好味😋🐥 意式焗大雞扒 配 黑椒汁 配意粉 （$88）雞扒幾大塊🤩 肉質嫩滑又夠香，黑椒汁好惹味🥳 仲有啲香草添，令雞扒更fresh更香😙 仲有少少蔬菜伴碟💗 意粉都唔hea㗎，份量仲算多👍🏻🐡 香煎盲鰽柳 配 香草忌廉忌汁 配薯蓉 （$98）魚柳就更滑身更好味喇，皮香肉嫩就係佢了😍 加埋又香又creamy嘅香草忌廉汁，仲點抗拒XD 呢個餐一樣係有蔬菜伴碟，而薯蓉仲有黑松露香味，又creamy，推薦！