Mini Club (已結業)

之前係facebook見到同事去左間餐廳，有個粉紅色既巴黎鐵塔甜品塔，超令超搶眼，一直心心念念想去，同男人講，男人竟然話揀日不如撞日，於是我地即晚就去左食個晚餐，終於可以見到傳聞中既甜品塔，女人我表示心情極度興奮餐廳位於山林道，地點十分方便。餐廳格局種似酒吧，有高枱同卡位選擇，不過高枱可以望下街，所以我地都選擇坐高枱同事千叮萬囑叫我地一定要試下佢呢度既cocktail,野食都未睇，即刻問男人肯唔肯陪我飲酒，佢見我咁好興致，一向唔飲杯野佢都話陪我飲返杯，yeah!strawberry me有威化餅，百力滋，命有士多啤梨冰粒，飲落超順口，極似飲緊士多啤梨奶昔咁，無咩酒味，好易入口Chocolate party上面有超多份量既朱古力！m and m,金莎，仲有好多脆脆，另外有一杯Oreo 碎可以加落酒度飲，呢杯酒味濃好多，好重咖啡酒味生蠔侍應推介佢地而家推薦緊兩種生蠔，愛蠔如命既我，點會錯過一種生蠔入囗較淡及爽身，第二種海水味種較creamy,重口味既我，當然愛第二種多d海鮮拼盤呢個海鮮拼盤超誇張，有翡翠螺，鮑魚，海蝦，青口，半隻龍蝦同半隻面包蟹，面包蟹既蟹膏誇張到塞爆成個蟹蓋，雖然超邪惡，

今晚約咗人妻出去飲野傾計，佢話係尖沙咀呢間餐廳八點前有happy hour好抵，一於試下～坐低有花生小食先叫左兩杯signature cocktail～What the duck....好多泡泡🛁 杯野飲係bathing tub度，係菠蘿、蘋果等溝出黎既，味道不錯*影左呃like 相 嘻嘻另一杯係Sea smile 係青蘋果、奇異奇等混合而成，好清新😌因為生蠔做緊特價所以呢就嗌左半打生蠔好新鮮又好重海水味，不錯不錯然後呢...就叫咗佢個特色海鮮拼盤因為今日冇蟹同埋蟹腳，所以呢就變咗全隻龍蝦同埋四隻鮑魚龍蝦啖啖肉，鮑魚係用醬油汁醃製過，加埋好似用咗白酒汁整既青口同埋翡翠螺.....正我地仲叫左一個櫻花蝦蟹肉黑松露吸管面 同埋 安格斯牛仔骨面上有好多白色蟹肉，撈埋櫻花蝦、蟹子同吸管面一齊食，好好食😊牛仔骨又係好出色！生熟度剛好...大概7成，肉質唔會好硬，好重牛肉香味!然後....最驚喜黎啦....人妻趁我去廁所特登order 左Love of Eiffel甜品佢話為左答謝我做佢姊妹，送上呢個甜品鐵塔....慶祝姊妹情👭店員將🗼送上，仲係底部加上乾冰....靚到飛起😍😍😍😍我係咁拍片、影相

呢間MINI CLUB並唔係密封式嗰種酒吧，感覺唔錯。我哋叫咗幾樣嘢試試，餐前小食個口感比餅乾硬身，食落有芝士香味，有啲似某S牌嘅蝴蝶餅。西班牙伊比利黑毛豬火腿伴芝士拼盤入面嘅黑毛豬火腿有六片，咬落有油香。而全麥餅乾就分別搽咗黑松露醬同鵝肝醬，我食咗黑松露醬嗰款，味道香濃。拼盤仲有特級巴馬臣芝士、辣椒青檸車打芝士、黑松露車打芝士，車打芝士口感香軟，巴馬臣芝士就鹹香。狂野摩天輪嘅籃仔入面都放咗唔同款式嘅小食，仲可以任意轉動，既可以食又可玩，幾得意。吉列蠔、吉列蝦同吉列帶子啲炸漿都算薄脆，肉丸幾有咬口，辣雞翼預先開邊幾惹味，釀雞翼就食得方便。法式龍蝦汁海鮮扁意粉配料有青口、中蝦等等，扁意粉煮得啱啱好，龍蝦汁就幾香。呢次仲試咗The Love of Eiffel，襯埋個煙霧效果，影相唔錯。上面放咗好多甜品，而且除咗朱古力之外，啲款式係冇重複嘅，女仔應該會幾鍾意。跟住叫咗少少嘢飲，呢個Perfume of Roses個樽好似香水咁，入面係伏特加、紅莓汁同鮮青檸，可以將佢倒晌放咗玫瑰花嘅杯度飲，而上面條手鏈仲可以俾人帶走架。Fruit Punch入面就係紅石榴糖漿、橙汁、菠蘿汁同梳打水，味道甜甜

山林道附近嘅Mini Club雖然開業有一段時間，但啲裝修都尚算新淨。佢哋係用平板電腦做餐牌，都幾時尚。先試呢度嘅飲品，呢支叫Lindemans Apple嘅手工啤，飲起嚟酸酸甜甜近似果汁，幾啱女仔口味。What the Duck，隻鴨仔好似晌度浸緊泡泡浴咁，仲有啲爆炸糖晌度，玩味十足。泡泡之下係用咗青蘋果、奇異果、菠蘿汁、紅莓汁同紅石榴糖漿混合而成嘅cocktail，飲起嚟甜甜哋咁。Honey Bee，木盤上嘅小裝飾都好得意。餐廳將Grand Marnier、Advocaat、Baileys、菠蘿汁同桃肉打成沙冰，上面仲插咗塊蜂膠點綴，旁邊就有樽蜂蜜，將佢加入去，雖然用咗多款酒精，甜味卻突出，完全唔似晌度飲酒，口味偏向女仔一啲。之後就試呢度嘅嘢食，海鮮拼盤入面有熟龍蝦、睡蟹、鮑魚、翡翠螺、蒜味青口、玫瑰蝦，陣容鼎盛。泰式生蝦，生蝦質感脆口，泰式醬汁嘅辣勁好強，食唔到辣嘅人就唔建議挑戰喇！韓式醬燒安格斯牛柳粒，牛柳粒切成厚身條狀，外層就蘸咗香甜嘅醬汁，同埋灑咗啲紫菜絲同白芝麻上去，另外仲有泡菜、醃蘿蔔同韓式辣醬跟埋一齊食，味道唔錯。我哋仲試埋餐廳新出嘅The Love of Eiffe

山林道的Mini Club十分適合三五知己舉杯小酌，今次就座於窗邊的高桌高椅，緩緩的街燈照射在酒杯上。最浪漫的菜式為The Love of Eiffel, 粉紅色的巴黎鐵塔上有兩層，共放置了十多款賣相精緻的甜點，包括藍莓芝士蛋糕、迷你冬甩、芒果慕絲、心型巧克力、馬卡龍等。上桌時，更會有淡淡的乾冰在底下襯托，浪漫又有氣氛。甜點除了賣相有心思，味道也不錯。芝士餅的甜度適中，而且甜點也頗夠涷，放入口很冰涼。What the duck Chocolate PartyMiss Yogurt串燒拼盤狂野摩天輪日式精選生蠔The Love of Eiffel

/<Mini Club>第二次光臨了👫環境質素都不俗💓所以回頭再吃一次🙊暗暗的燈光，輕快嘅音樂，讓人有種放鬆的感覺🙂事隔幾個月再次光臨，菜式調整，增加了一點，當中更有巨型少女塔甜品set💗👉🏽一坐底就送上，我很期待嘅下酒麵包粒🍞每枱都會有一小兜😍係芝士味🧀勁咸香硬硬地，好好咬(Refill左4次🙈🤤)🎆The Love of Eiffel🗼𥄫睛巨型鐵搭甜品😻仲有燈有煙昌出泥，好夢幻呀！！🍬三色馬卡龍☝️🙂表面有圖案印花🤔白色馬卡龍，中間夾心榛子味最出。黃色食到好淡檸檬味，綠色就得甜味，我覺得整體味道偏甜，但幾欣賞個口感，一咬爆開幾薄皮 鬆化。🍩三色mini冬甩🙆🏻我個人好鐘意食donut，本身無特別期望，覺得會好甜同比較硬😮但食落不太甜之餘，冬甩底有陣濃濃嘅蜜糖香🍯🍓表面草莓，藍莓，檸檬朱古力醬，味道偏淡，但不會太假膠味，甜味天然，配上糖珠彩針裝飾，增加脆脆口感😋還有一朵小糖花裝飾🌼🍰藍莓芝士蛋糕不過不失，反而朱古力蛋糕有枝小滴管幾有趣，朱古力味不會太死甜，上層慕絲下層蛋糕，加上少少咖啡酒香幾特別🍫-🍒椰絲紅桑子果凍布丁，紅桑子酸甜味出，表面椰絲無乜椰香😣質地有少少紮實。

食完飯同幾個朋友諗住搵個地方飲杯嘢傾下偈，朋友推薦呢間，仲話有蠔食好正！做緊優惠嘅生蠔$12蚊，雖然唔大隻又唔肥，但好鮮好好食，好過好多酒店嘅質素！嫌唔夠肥美，就再叫左隻手掌咁大嘅蠔，呢隻真係好大食，要分兩啖先放到入口，海水味超濃！而酒類嘅選擇都幾多，有好多呃like cocktail,手工啤、紅白酒等等，我就揀左手工啤killer cucumber ale，味道較淡，都岩女仔飲嘅！最後叫多個芝士火腿拼盤，芝士好有驚喜，有松露芝士同辣味芝士，佐酒一流！😍埋單每人$300左右，原來不經不覺食左咁多，本來只係諗住飲杯酒😋😋

Mini club呢排好多海鮮食，新鮮又抵食呢。加支白酒就係perfect night啦!海鮮拼盤 ($298)大大盤滿滿都是海鮮！大大隻半邊龍蝦，肉質鮮甜。麵包蟹超級多蟹膏，橙黃色咁超吸引！仲有翡翠螺，好爽口；鮑魚、蝦同青口都好新鮮。海膽生蠔 ($28) 滿滿既海膽鋪上生蠔面，海膽既爽甜加埋生蠔既海水味，好幸福。呢個價位真係好抵食呢。生蠔 ($15)呢個價位都好抵食，雖然細細隻，但海水味幾濃，亦幾爽口鮮甜。

由外國返嚟嘅好姊妹話要好好敘舊，身為食神嘅我當然要搵個好地方，不過朋友喜歡飲酒但我就唔飲，所以想搵個又食得野又有得滿足到我朋友想飲酒既要求，最後就揀咗呢間係山林道嘅酒吧。係佐敦地鐘站出，行唔洗十分必鐘就到，大大個霓虹燈招牌唔難揾。酒吧主要以美國風情既裝飾為主，燈光暗得黎，夜晚窗邊有路燈滲透，感覺上又添左幾分浪漫一坐低就有既nuts我完全停唔到口好快就食哂，忍唔到住要多碟，原來有得揀花生邪惡韓式辣醬拉絲芝士雞翼呢個韓式雞翼絕對係個驚喜嘅前菜，本身我麻麻哋食雞翼，但見到拉絲呢個term，身為芝士控無理由唔叫架市面上講真有好多話拉絲，但其實得勁少芝士既菜式但呢個絕對冇令我失望呀首先滿佈嘅芝士已經令人流晒口水難得呢個芝士量非常慷慨 隨手一拉就已經 雞翼以韓式辣醬調味，朋友都愛吃雞翼一共有六隻，啱我哋三人分，每隻既雞肉都唔少喔。辣醬唔會太辣，反而係開胃多d!海鮮拼盤呢個拼盤係咁多款拼盤份量最大既～本身都心郁郁想揀串燒拼盤，但驚唔飽肚，結果呢個我地三人分都分到。主要既海鮮都有齊，有大蝦、龍蝦、麵包蟹、鮑魚、翡翠螺、蜆肉等，好豐富一大鍋黎，底層有一大堆冰，所以令海鮮全部都keep到涷，更突顯新鮮感我

晚上下班後總會想喝一杯，這次和朋友來到 加上在尖沙咀，雙方較容易就到。我們點了個串燒拼盤海膽和珍寶蠔煙三文魚薄餅Chocolate PartyMini  (Special)Banana Bread我們還以為會不夠吃，打算去下場糖水先來的珍寶蠔 已經讓我們’哇'一聲，足足有巴掌般大的尺寸啊未品嚐先驚嘆，加上原本接觸過的蠔類不多吃下去口感豐富，味道比較淡 而海膽蠔會較為鮮甜 亦沒有腥味兩個蠔都已經帶給我們很大的興奮，打卡一流啊先來的Chocolate挺適合一些不常喝酒精的人，偏向甜 而且有不同朱古力中和啊看到賣相都覺開心了~(點了一杯酒附送甜品 哈哈)而Mini則有熱帶風味，馬卡龍除了作陪襯外 味道也不差呢個人覺得兩款酒都容易入口~ 串燒比想像中的大盤，秋葵 雞串 蝦等等都有 (款式方面算多)特別喜歡那個煙肉包著荔枝和車厘茄 吃肉膩了，這些正好帶有清新感甚至更開胃！！旁邊還有檸檬~隨意加pizza是薄批，可以平衡 芝士和煙三文魚的鹹味襯熱吃還可以拉絲呢我們真的沒有想到 喝東西都可以滿足到肚子 吃得飽~甚至是津津有味

尖沙咀酒吧眾多，獨愛這店有多款美食跟海鮮冷盤，當然仲有酒啦。佢哋啲特色cocktail仲好可愛，夠哂呃Like酒吧環境都幾舒服，裝修有歐美感覺宜家只要叫$398或以上嘅酒仲送生蠔或4選1自選拼盤今日想食海鮮，所以叫咗個海鮮拼盤，再配白酒白酒幾易入口，唔會雪到過凍，果味都算香別外單點了3隻海膽生蠔 28/隻，同埋無限額3隻精選生蠔 15/隻生蠔好新鮮，夠哂鮮甜肥美，配海膽都幾特別，兩者都唔錯到海鮮拼盤嚟了，上枱好豐富，入面有龍蝦，面包蟹，鮑魚，大蝦刺身，翡翠螺，青口鮑魚有磯煮過，好入味軟腍，而龍蝦好爽彈，個面包蟹蓋勁多膏，夠哂鹹香，再配白酒好爽，其他海鮮都好新鮮最後都有點了韓醬牛肉粒 $92好濃醬汁味，肉質腍中帶咬口，配埋嘅泡菜都唔錯

和家人相聚~想試點新鮮d ge!尖沙咀的mini club~特別欣賞這店的cocktail~賣相很精緻而且味道也不錯！點了一客Strawberry Me ! 當中包括。。Rum, Tequila Rose, Milk, Strawberry Puree~ 賣相已經很卡娃伊！面頭放了一粒士多啤利、百力支和威化餅；更有一小支盛著士多啤梨糖漿的"針筒" !這杯的味道尚算容易入口，而且酒精含量相對較少~另外一杯特色cocktail ~Honey Bee!當中為。。Grand Mariner, advocaat, baileys, pineapple juice, fresh peach~侍應介紹此飲品的蜂蜜的來源為本地新鮮的蜂園採收~味道濃郁！首先來。。生蠔ssssss!手掌咁大隻見過未呢？！有海膽同魚子係上面~~滋d檸檬汁，好有海水味！啖啖肉好滋味！！接著來了一大盤。。海鮮拼盤！當中有：半隻龍蝦，半隻蟹，蝦刺身，青口等。。份量很多！好新鮮！好甜！啖啖肉很正~yummy yummy 的一日 

尖沙咀同佐敦交界的一間酒吧，位置唔難搵，而且旺中帶靜，仲幾好feel 岩晒收工過黎chill入位黎就送上nuts and menu...在近窗邊的位置坐下，另一邊是吧枱呢度有好多手工啤，鐘意飲啤酒嘅人一定要試試！呢款india pale ale酒味較重，我個人就鐘意偏甜的haha生蠔+海膽生蠔🤤🤤🤤生蠔新鮮而且海水味濃，唔使加辣椒醬凈係食個鮮味都好正！！加左海膽同蟹籽係面，好好味！口感多層次，好似食左個海落肚咁～～黑松露意大利飯好得意用煲仔去裝，上到枱仲係keep住熱嘅材料比較單一，成個飯充滿非常濃列嘅黑松露味，好香呀🤤 個飯吸收晒d黑松露汁，啖啖都好滿足，份量亦算多，女仔share食就夠啦～～呢款少d啤酒苦澀味，飲落好香甜仲有個西班牙伊比利黑毛豬火腿伴芝士拼盤火腿片肉味香濃，伴沙律菜或者送酒都好味！ 唔好睇佢好似好少，食落都幾飽😋最後一支手工啤～朋友的食物同環境都好好～想飲酒又多個聚腳點啦🤗

位於尖沙咀山林道的Mini Club分店，除了是一間酒吧外，各種冷盤熱盤也十分有水準，是三五知己聚一聚的好地方。個人特別推介一拳珍寶蠔和海膽生蠔。珍寶蠔約有一隻手掌般大，入口十分滑溜，充滿海水味，大大隻很滿足。海膽生蠔選用了馬糞海膽，海膽的份量很慷慨，還有粒粒魚子，味道有驚喜。飲品方面選了幾款，包括Chocolate Party；一看賣相已經覺得十分有趣十分精緻，面頭有色彩繽紛的朱古力豆和餅乾，旁邊的小「盤栽」是oreo餅乾碎，建議倒到cocktail 中飲用, cocktail是甜甜的，充滿可可味，但是酒精濃度也不少呀。(Chocolate Party入面有：Rum, oreo, baileys, cacao, kahlua)Saku Natural Apple Cider是用95%新鮮蘋果汁和5%其他果汁釀製，全天然成分，無任何糖精、色素和防腐劑。另外的食物，包括意式香草大蒜茄醬大蝦蝴蝶粉和24個月黑毛豬火腿伴芝士拼盤，味道也十分不錯。

what the duck($108)，單看鴨仔造型已經好有心思又可愛，主要用果汁調配而成，有青蘋果、奇異果同菠蘿等，味道甜甜酒味偏淡，啱晒平時唔飲酒既女仔試下。海鮮併盤($298)，超大盤放上枱，份量同款式都有返咁上下，有龍蝦、睡蟹、翡翠螺、鮑魚、青口同唯一係生既海鮮玫瑰蝦，每款海鮮都幾新鮮，最鍾意玫瑰蝦，大大隻肉質彈牙，味道又鮮甜，而睡蟹都幾多蟹膏。海膽生蠔($84)+精選生蠔($45)，我同朋友都鍾意食生蠔，發現呢度嘅生蠔都幾抵食，海膽有海水味，口感嫩滑，加埋海膽同蟹籽食又係另一種滋味。法式龍蝦汁海鮮扁意粉($128)，食咗咁多海鮮同生冷野，都係要叫個意粉暖下胃，龍蝦汁非常掛麵，味道夠香濃，加上青口、大蝦、蜆肉等，意粉煮得啱啱好帶煙韌感，不過略嫌鹹咗少少。Saku Modu Honey($70)，呢款手工啤係用純正嘅蜂蜜釀成，所以入口會有少少甜，有獨特嘅蜂蜜香味。India Pale Ale($80)，呢款手工啤用咗平時雙倍嘅啤酒花釀製，入口會比較濃，而且係口腔回甘既時間會較長。