Mamaday (已搬遷) 新店位置

今日下午放假, 想搵個好地方食下lunch飲杯咖啡輕鬆下, 就去左Mamaday, 聽人講過好多次話唔錯, 真係去食就第一次~果然環境好得意, 每個角落都有值得睇下既地方, 半開放式既廚房設計十分型格, 連menu同埋菜式名都好特別, 真係精心設計!點解個個都叫軟殼蟹Pizza架? $138因為真係好好食, Pizza係正宗薄脆底, 千島醬加芝士, 熱辣辣仲有拉絲架, 最吸引既當然係pizza面既大大隻軟殼蟹, 見到都流口水, 冇取巧, 蟹夠厚身唔會得層粉, 剛炸起食落唔會成口油, 超正, 推介!都幾辣的泰式打拋豬烏冬 $118賣相好, 側邊有大大塊蝦片, 肉碎份量好多, 多到撈哂成個烏冬食哂後個底仲有好多, 依個時候先知原來個蝦片係用黎盛住肉碎黎食, 肉碎超香辣惹味, 好似我咁中意食辣既人絕對會喜歡烏冬應該係稻庭烏冬, 煙韌唔會一夾就斷, 而且已經沾滿肉碎醬汁, 又係好好食!最後叫左杯Americano, 食完兩個咁滿足既主菜, 最岩飲番杯最原始風味既咖啡

近排同朋友浦書局打書釘，去TST睇書之前就揀左尼間食個lunch先！平時都一定要bk枱🙈平日好d！終於食到好喜歡店內既裝潢🤩好創意好modern店內既公仔，字句，裝飾甚至餐具都好二次創作！正👍🏻濃濃藝術感覺🎨而環境更比cwb個間更有空間感坐得更舒服🤗——————————————————————同朋友黎左個蟹🦀午餐叫左份pizza個名好盞鬼(點解個個都叫軟殼蟹比薩?)😂 個人覺得性價比超高！以為軟殼蟹係細細件斬開咁分佈係每件pizza上面，點知係有原隻係面頭！大隻而且多肉，仲有滿滿蟹膏！加上整份鋪滿芝士同千島醬！十分邪惡🤤餅底脆得黎唔會乾，加上配料仲有大大蟹柳！真係啖啖肉👍🏻賣相靚😎朱古力味不會太濃太甜加上香蕉味實冇得輸，仲有小條香蕉🍌比你食下口感綿綿的又唔會太杰，唔會愈飲愈渴見佢個名咁多個蟹字，名符其實，真係充滿左蟹肉，蟹籽、蟹肉、蟹柳、蟹鉗..咩形式都有😆趁熱食！溫度夠👍🏻剛剛好嘅感覺零舍正。點畢都充滿住蟹b😚每啖都係度卜卜卜，香草同蟹肉好夾，麵硬度適中有口感。唔好睇佢細細份，蟹肉嘅誠意..令人感動🥰朋友偏愛肉桂，所以見到ingredient已經比佢吸引住。另外見佢綠茶有焦糖，都幾好

好一段時間無黎過啦！！！今日專程book左位同朋友黎，好彩有book，全場full咁濟呀！！！呢日想食飯，所以我就要左份“墨魚汁燉飯”HKd$126+10%之後要左一份“明太子薯條（細）”HKd$45+10%同朋友share我既燉飯好快黎到，未食已經聞到香氣！！個飯除左有炸墨魚圈之外，仲有花枝滑同洋蔥粒混合係燉飯之中，味道不錯：）之後既明太子炸薯條都隨後黎到！呢度係用既係粗身薯條~~~香脆金黃既脆薯配上咸香既明太子，配搭無誤啊！！！我同朋友各自揀左不同既飲品，我要左杯凍既“越南滴滴咖啡”HKd$54+10%~~越南咖啡會配上練奶，所以味道飲落特别特：）而朋友就要左既“益力多柚子沙冰”HKd$48+10%朋友話佢呢杯好fresh，好適合夏天飲仲話酸酸甜甜咁，好解膩

呢間餐廳我地都想食好耐，次次去銅鑼灣果間都full哂，今次係尖沙咀行行下街肚餓就試下避開繁忙時間去碰下運氣，終於有位食到啦😆 (其實好似有得book位😂)-但個人認為餐廳本身對唔住自己個名，佢既裝修同食物質素一d都唔係麻麻地，裝修睇得出好有心，感覺係一間好屬於香港人🇭🇰既餐廳😍食物方面，又真係意外地好食😋menu亦好有創意，幽默感十足🤣-🤤 $138💯呢個pizza真係100分，被我地譽為香港最好食既軟殼蟹pizza🍕原隻軟殼蟹上碟，蟹肉勁肥美，仲要有蟹膏🦀 pizza底係薄批，有芝士、菠蘿、蟹柳，配合非常完美👍🏻🤤 $124 (半條鰻魚) +$28 (原條鰻魚)👍🏻鰻魚好大條，肥美🤩蛋亦夠多，飯唔係白飯，係有d鰻魚汁既飯🍚好味道，非常飽肚😄🤤 (蜜糖芥末味) $68👍🏻份量有8隻單骨雞翼，炸得岩岩好，好香脆，唔油，芥末味非常重，好味道😍整體泥講，非常滿意餐廳👍🏻無論裝修，menu定食物質素，都帶比我地好多新鮮感，驚喜同歡樂🥰

呢間餐廳bookmark左好耐…終於黎試左。餐廳裝飾好特別…餐檯用左舊既衣車架…檯面就舖左懷舊既紙片石…成間餐廳好多裝飾都好特別…有佛系既霓紅光管…連張餐紙都佛系…望下餐牌都好有驚喜…因為所以食既物名稱都好特別…我地點左避風塘雞翼…平凡到無得再平凡既炸洋蔥圈…當然點左呢度既招牌菜既唔好抱咁大期望既蒲燒鰻魚蛋包飯。 好佩服度食物名稱既人💯💯洋蔥圈就配左個沙律醬可以中和下熱氣…洋蔥圈熱辣辣…外脆內軟避風塘雞翼就夠惹味…鰻魚飯唔只賣相好靚…除左有原條鰻魚(+$28)…上面仲放左好多鰹魚片…鰻魚好juicy…飯又有鰻魚汁…個蛋仲好creamy…仲有份量都唔細除左食物有質素…環境啱哂鍾意影相既朋友…而且價錢好合理…難怪呢段時間都好多人黎幫襯

第3 round疫情爆發連平時呢間超長隊都有位經過見到即刻去食本身啲座位都有距離，唔會太迫加上而家兩個人一枱，十分鬆動店內裝修極花心思坐邊都係一個打卡位坐低先送上一支烈酒造型嘅水十分有型，已經呃咗我影相Menu上嘅菜名非常搞笑自己黎睇下🤣嗌咗2個main，1份小食同1杯飲品小食: 明太子薯條舖滿咗滿滿嘅明太子係上面薯條熱辣辣驚喜係仲有多一份明太子俾你主菜1: 蟹蟹蟹go扁麵包括有蟹子蟹膏蟹肉蟹肉嘅份量之多，同意大利粉可以話係一比一！帶一點點辣，食落非常之惹味絕對係令人會回頭嘅一道菜！主菜2:牛扒扒扒呢個真係勁抵食$150幾蚊有一塊扒，超多嘅沙律菜仲有一小碗冷烏冬先講配菜，沙律菜唔係得啲生菜，係仲有火箭菜，藍莓，紅莓陪襯而嗰碗冷烏冬，真係夠凍，配上麻醬汁同木魚，好味道仲有附上嘅蝦片，配埋酸辣醬食，脆卜卜！到主角牛扒望落以為煮熟曬不予厚望點知咬落軟林，重牛味完全係勁驚喜而且調味啱啱好好食過好多高級餐廳賣幾百蚊一塊嘅牛！叫咗柚子益力多核打正常，唔會太甜餐廳服務員後生為主做嘢醒目快手上菜都好快本來以為只係一間打卡餐廳點知食物味道令人非常有驚喜價錢又合理絕對會再encore！

呢間餐廳出名特別，唔單止裝修玩味，連菜單都非常搞笑，每個食物名都又長到好似唸急口令咁🤣今次叫左有🌶🌶️嘅避風塘口味，但其實對我黎講都係小辣，連平時唔食得辣嘅朋友都接受到。味道都唔錯，但可惜炸蒜放淋左，唔夠香口。正常質素👌🏻批底薄脆；芝士都幾多，做到搵絲效果；每塊Pizza都有一小撮黑松，未到幾香。真心麻麻地 👎🏻雖然過用左日本蛋，但唔係好食得到蛋香；豬頸肉有煎/炸香過，但過左火頭，太乾；泰式肉碎味道偏甜唔夠酸，肉碎有雪味。😓好味道 😋焦糖脆脆唔會過甜，咖啡味都幾香濃～有驚喜 👍🏻益力多加上韓國柚子蜜嘅香蜜，酸酸甜甜好醒胃，好適合夏天飲！麻麻地 😑最頂係一層紫薯蓉，唔香又唔甜！中間果層普通嘅芝士蛋糕，味道正常。最底層係加左紫薯嘅芝士蛋糕，口感粉粉的，唔夠順滑。

🦀呢間餐廳嘅特色係佢哋Menu啲名全部都勁搞笑呢個全名係有蟹Go又有蟹肉的蟹蟹蟹意大利扁面🍝估唔到賣相真係驚喜 除咗蟹膏蟹肉仲有蟹籽😱意粉最頂係兩隻真．蟹腳 蟹肉味幾鮮甜除咗蟹腳之外仲有四條扮晒蟹嘅小蟹柳做裝飾😂個扁意粉質地都唔錯 仲有少少煙韌嘅感覺最正係佢個意粉醬 佢落咗好多蟹膏同埋一絲絲嘅蟹肉成個意粉都比唔同嘅蟹味包圍 結果就係好快就清晒全部😋冇諗過去Cafe都可以食到啲咁特別嘅意粉 推薦👏🏼評分😋：5/5🌟🌟🐓Nothing Special Chicken Wings有四隻味揀 我哋就揀咗呢隻蜂蜜芥末味嗰醬食落去係芥末重過蜜糖味要頂得順黃芥辣嗰陣辣味先好嗌啊😏不過我又覺得OK 開心嘅係餐廳已經幫雞翼拆開左一半單邊雞翼真係食落去方便好多炸皮都做得唔錯唔會太厚 而且食落去都好脆雞肉都幾Juicy 配埋個汁超正又係勁快食晒嘅一樣小食😂評分😋：4.5/5🌟🌟🥭今日咩心情？_？ 咁啱我去嗰陣得返是日精選蛋糕店員介紹係芒果泡芙吉士蛋糕 就試吓啦一嚟到賣相都幾靚✨🤩但食落就唔係好似蛋糕 有啲似係兩層好厚嘅班戟皮 夾住芒果吉士個班戟皮口感麻麻 應該係雪得太耐淋左😩不過好彩中間嘅芒果吉士幾驚喜浸芒

一間樓上的餐廳，名叫mamaday,實情係好得！首先地點唔錯，在加連威老道行完街，就見到間餐廳，上一層就到，餐廳算大，座位坐得幾舒服。我同朋友坐既枱仲要底下係衣車腳踏（其他又好似唔係），都幾好玩，近窗邊就可以望下樓下條街。個餐牌好搞笑，大家睇下相就知，菜單名都係行搞笑路線。食物方面，我地叫左一個蟹肉蟹籽意粉，一份牛扒，一杯杏仁綠茶。抱歉餐牌的名好搞笑，卻忘記影，又忘記全名。個意粉好俾到貨，又香又多蟹肉！份牛扒肉質好、肉汁豐富，仲配埋蝦片，正！側邊配埋新鮮紅莓，都幾特別。杯茶都好特別，的確無乜杏仁味，不過又有少少咁。個餐有餐湯或沙律，咁我就覺得沙律好d.值得一試，又可encore 的餐廳。

次次lunch想去mamaday食都排哂隊, 今日放假較晏d時間去食, 2點零鐘唔洗等位, 正!餐廳環境真係好得意, 從天花到牆壁到地下都有好多細緻位, 裝飾, 畫等等, 勁多打卡位唔好抱咁大期望蒲燒鰻魚蛋包飯 $124可以加錢轉原條鰻魚, 今次我地就無加, 但係都已經好大條, 係又厚又長既鰻魚! 蛋包飯又滑又香, 飯沾左滿滿既鰻魚燒汁, 仲有面頭既木魚不斷向你揮手, 食依個飯真係好滿足!真心冇乜驚喜黑松露意大利扁麵 $106我就覺得真心有d驚喜喎, 面頭既炸金菇已經夠特別又香口, 黑松露醬汁濃稠度岩岩好, 掛哂係麵條上, 味道香而不膩!柚子齋啡諗落都麻麻地$48入口會先嚐到齋啡既味道, 下一秒柚子香氣就會出埋黎, 濃濃咖啡香加清新柚子香, 味道好夾。

今日去了尖沙咀！朋友帶左我去一間打卡好地方！餐廳的裝飾好多好特別！色彩好豐富！公仔好多！掛畫好搞笑！餐廳每個地方都是拍照的好地方！🤣😂連廁所都好有特色！餐牌都好特別！我們兩個人唔好抱太大期望蒲燒鰻魚飯！個名好長！但好搞笑！味道不錯！老闆真謙虛！🤣🤣😂👍🏻我們升級+$28要原條鰻魚鰻魚大大片！滑蛋飯好好味！蒜蓉蝦pizza 起好味！超推介！👍🏻👍🏻👍🏻👍🏻👍🏻中西合壁！有種蒜蓉蒸大蝦放左入pizza !皮簿上面有薯蓉代替茄汁！好味！

約左朋友出去行下尖沙咀，食埋飯先行街，出黎食飯就諗返起之前食過既呢間mamaday,佢有好約幾間分店，前一排先去完mamaday既cafe, 環境咖啡都吾錯既~不失為一個選擇~加上呢排見到youtube佢哋既channel 既片都幾得意~講返今次既野食先~呢個係明太子薯條，我見網上都好多人推薦，咸咸地之餘，薯條又夠曬脆口，又有食魚子甘咬落去會爆汁既卜卜脆感覺，實係大推呢個薯條，佢有原味，明太子，同芝士味簡~最出名應該係明太子，睇返你人數多少同食到幾多可以簡大份細份啦～除左面頭既明太子，仲有一兜明太子比你點住黎食，食都最後都係脆既，而且份量都可以，吾會話求求其比少d黑到爆炸魷魚圈墨魚滑墨汁燉飯 呢個真係幾好食，雖然食完你排牙會黑曬魷魚圈炸的好香脆，但係得3個，如果2個人share好難分飯香香糯糯，加上一些脆米，口感層次豐富，偶爾食到墨魚滑都吾錯，不過份量對於普通女孩子會剛剛好，我們比較大食點既就略顯不足想享受更多既美味，然面滿足感就缺了點。真心無咩驚喜黑松露意大利扁麵個名係甘講，但是我食落好有驚喜，吾知係咪希望少點驚喜更大呢食落好濃既黑松露味，上面果個係炸既金針菇，整落似隻蟹，食落都好香

一個字：潮！裝修潮：五顏六色，摩登又有未來感，每一個角落都有爛gag，潮童必去朝聖。（我鐘意呢用：I want money, not a job) 食身名：潮！請自行看餐牌，你就明：⭐️辣架傻豬豬豬頸肉泰式肉碎蛋包飯⭐️唔好抱咁大期望蒲燒鰻魚飯兩個都是蛋包飯，個名改到好抵死好搞笑。蛋煮得好靚靚，有點流心的狀態，入口香滑。鰻魚飯有半條燒鰻魚，入面的飯與蒲燒汁混合，口感豐盈！個泰式豬頸肉分開裝的，估唔到真的有少少辣，豬肉粒及豬頸肉份量都好多，汁撈飯一流。.Chef Daily Soup 唔好睇小這個外賣碗，原來飲起上來湯的份量也不少，我飲完碗湯都已經飽了。.連紙巾都有驚喜：佛系減肥！

位於尖沙咀嘅呢間「Mamaday」在網上人氣高企，好受歡迎👏🏻是日中午我都特登過黎試吓佢地嘅食物。店內裝修搞笑盞鬼，玩味十足，吸引好多年青人到來，午飯時間一點鐘都已經要排隊了餐牌上有小食、意粉、薄餅、甜品等等西式食物，定價適中，最特別的莫過於係非常新奇有趣嘅菜名有蟹GO又有蟹肉的蟹蟹蟹意大利扁麵其實即係蟹肉及蟹膏的意大利麵～扁麵口感煙韌彈牙，蟹肉份量極多，每啖意粉都夾雜著蟹肉同蟹籽，好足料呢！成個麵整體乾身唔油膩，仲幾香口，誠意推薦辣架傻豬豬豬頸肉泰式肉碎日本蛋包飯半肥瘦嘅豬頸肉都幾彈牙，微微辣，份量充足，伴隨香辣惹味嘅泰式肉碎，佐飯一流呀！珍珠米飯上蓋着的大大件滑蛋採用日本進口雞蛋，蛋味香濃且滑溜！好好食哦泡沫咖啡咖啡用香港傳統懷舊風格的杯子盛載著，杯身配上有趣字眼，不禁令人發笑。奶泡豐盈細滑，鮮奶及咖啡比例完美，濃厚芳香

出名菜名特別的mamaday, 今日終於有時間同朋友一試，入內環境別有特色， 加上尖沙咀店位置亦很好，我地被安排坐窗邊， 較清静我地傍晚時間到， 諗住食個晚餐，兩人同行叫左個蟹肉意粉及牛扒配沙律及烏冬，另外叫左杯杏仁肉桂花茶，由於當中既名字真係好特別， 我就唔係度詳細講， 等大家去到有d驚喜咁就先講蟹肉意粉，蟹肉夠多，啖啖都有蟹肉味， 而且蒜茸味好足， 食落每一啖都好香， 仲真便成隻蟹鉗食， 好正另一個牛扒配沙律及烏冬， 絕不求其，有兩塊大蝦片配酸辣醬， 原來咁樣配好好食，另外沙律量多， 亦有好多紅莓及藍莓，當然一定要講牛扒， 本身黎時已切好見到有d筋， 都未必有好大期望， 但食落完全無問題，啖啖咬到， 仲要牛味超重，烤得剛剛好，佢地無問我要幾多成熟， 相信佢地係覺得唔洗問， 咁樣就係最好食， 出黎效果的確好好， 另有一個小小烏冬， 食完哂夠飽肚最後講埋個杏仁肉桂花茶，佢個名寫明會無咩杏仁味， 出黎效果都係， 反而有好香肉桂味， 飲落就花茶味重d, 口感味道好豐富， 出奇地特別好想再快d黎試埋其他食物， 希望再有驚喜發現