Mamaday (已搬遷) 新店位置

之前去過銅鑼灣個間，覺得好靚，今次會去尖沙咀整野順便黎探下店，其實仲想去埋油麻地個間。店舖整得好靚好有特式，野食又好食。今次同朋友試左素漢堡同海鮮pizza.呢兩個午餐包凍/熱美式咖啡或紅茶。一個餐都大份，我地兩個share食再食埋紫薯蛋糕都食唔晒跟漢堡啲薯條。素漢堡整得好香口美味，一啲都唔覺得dry,味道好豐富，有牛油果、芝士、生既紅洋蔥、大啡菇同茄子，整到大大個，加一大堆薯條。海鮮pizza好好食，好鮮味又多芝士，最欣賞係好足料，滿滿既蟹肉，又好味。紫薯蛋糕係慕絲蛋糕，口感軟滑，唔算甜，淡淡紫薯味，仲食到紫薯顆粒添！整體呢間店，好食得黎，打卡一流。食物名我懶打簡化左，詳情請參閱附件圖片內的餐牌，仲附上食物同環境相，謝謝觀看我的食評！

mamaday 尖沙咀地址：尖沙咀加連威老道29號信基商業中心2樓美利堅合眾國草飼牛扒扒扒＄152牛扒一份會大約切7小片，份量多肉質最嫩精瘦，油脂少，唔覺得油膩。普通到冇得再普通嘅炸魷魚圈$68呢個值得推介，係超正超好味，魷魚大件厚身，食落吾會硬外酥里嫩。溶掉了的棉花糖$56佢個造型碟真係好特別，係花過心思， 入口甜度可以接受。

MAMADAY想食很久，一直定位都不易，今天有空可以跑來試試walk in，可能因為落雨關係，加上疫情只開到九點，早到反而畀我有緣試到。店主聽聞是一個藝術家，全場裝修搞鬼設計，無論坐到哪一個位置，適宜大量打卡😉真係比較少見用大量人手畫嘅圖案牆畫，畫功靚唔靚 我唔敢講，因為藝術嘅嘢！我識條鐵咩！！都係講返嘢食比較實際。《有蟹GO又有蟹肉的蟹蟹蟹意大利扁麵》有用個心擺碟，顏色鮮豔奪目，份量女士比較適中， 但現在都比較流行輕食份量，整碟遍佈蟹子絕不吝嗇，意粉口感適中，可惜兩隻蟹鉗份量比較細，但整體上都算加了不少蟹肉，味道冇驚喜亦冇失望。《好邪惡既鹹蛋牛油果蟹肉比薩咩叫減肥》意大利食pizza底脆薄香，一百鬆啲蚊六只蟹鉗都係無要求，不過食pizza又先食咗蟹鉗，略嫌有點麻煩，索性只係放蟹鉗肉走殼會更好，鹹蛋黃香沒有搶到pizza芝士味，反而pizza上面嘅沙律菜有些不入，反而牛油果味沒有這麼出，除了吃嗰啖有牛油果肉， 但係呢款特色pizza有驚喜😍店員雖然年青，但對自家餐廳食品亦算了解，（ 不過餐牌菜名咁複雜，我相信每個第一次嚟嘅客人都會問🤣）言談下介紹啲另一款人氣甜品《唔甜的紫薯蛋糕限量》多

之前已經試過銅鑼灣分店，味道都唔錯👍🏻 今次經過尖沙嘴，見到佢哋開咗分店就過嚟食個lunch。成間Cafe有好多細節位例如菜名、裝飾等都會有d playful嘅感覺，俾人感覺好chill~-美利堅合眾國草飼牛扒扒扒 $152一上桌真係好大碟好豐富，感覺好抵食😛 牛扒肉質估唔到咁鮮美細嫩，份量幾多🥩 旁邊有沙拉菜同紅莓、藍莓粒，配超香嘅芝麻醬，色彩繽紛之餘，令營養更均衡🥗 仲配埋一細碗芝麻醬撈烏冬，食d澱粉墊一墊肚🍜-點解個個都叫軟殼蟹比薩㗎？$138之前喺銅鑼灣分店都有叫，記得好好食所以今次就再叫😂 軟殼蟹炸得香脆可口唔會有異味🦀 Pizza配料主要有菠蘿同蟹柳，仲有大量嘅千島醬同芝士🍕味道又出奇地夾，好邪惡啊😈-另外，weekday lunch 點主菜都會送兩杯嘢飲，可以免費揀無糖紅茶或咖啡。兩杯都好夠味唔會淡，特別係咖啡真係幾好飲☕️

之前已經食過佢銅鑼灣果一間覺得佢唔錯今日我嚟到尖沙咀做facial就決定同埋個朋友嚟尖沙咀嗰間分店試吓尖沙咀果一間分店嘅裝修亦都非常之玩味十足🥰設計同埋裝修亦都富有創意感！唔單只係餐廳嘅裝修就連佢嘅餐牌嘅菜式名同埋佢嘅餐具餐紙巾都好有特色！今日係平日下晝嘅2:00估唔到都咁多人睇黎呢間餐廳真係唔錯好有人氣呀！鍾意呃like打卡嘅我都影咗唔少相言歸正傳咁梗係要試吓佢啲嘢食係咪真係麻麻哋啦我哋嗌左一個手打漢堡同埋明太子溫泉蛋意粉，個意粉好香濃嘅忌廉同埋明太子味，上面仲有幾條好肥美嘅蟹柳。扁意粉嘅質地做得唔錯嘅好掛汁漢堡包方面，個包查上咗牛油同烘熱過好香！個漢堡亦都剪得好Juice配上蕃茄同埋沙律菜成個感覺中和返唔會好油膩。仲配上一啲熱辣辣新鮮炸嘅薯條非常之好食，食唔停口啊仲有蜜糖芥末雞翼，今日其實係有四隻味揀嘅不過我哋覺得呢一隻比較吸引果醬食落去芥末味係好濃郁嘅好爽！另外雞翼係即叫即炸非常之香口不得不讚下嘅係餐廳已經將雞翼拆開咗一半食單骨雞翼真係方便好多仲有我哋叫咗一杯香蕉朱古力奶昔，奶味非常之濃郁，飲落非常之飽肚成餐飯又咸又甜非常之豐富🤣🤣

朋友生日，想選一間食物質素高而環境又不錯的餐廳。一直想試試這間人氣高企的餐廳，果然平日lunchtime都非常多人，幸好我們有訂座不用等位。餐廳裝潢五顏六色，非常奪目。餐牌的菜式名稱很鬼馬，令人很期待。午餐點了韓式牛肉蛋包飯和海鮮pizza，再加洋蔥圈和兩杯飲品。蛋包飯份量比想像中多，泡菜牛肉推砌了一座小山，非常吸引。海鮮pizza是薄批，有很多芝士，咬落口口都有配料，口感豐富。飲品點了70%朱古力奶和豆腐coffee，後者其實是coffee配豆腐雪糕，喜歡豆腐的人應該會肉我這麼喜歡。

同朋友去咗一間幾有特色嘅黃店食下lunch傾下偈。🍛唔好抱咁大期望蒲燒鰻魚蛋包飯 $124🍛有蟹GO又有蟹肉嘅蟹蟹蟹意大利扁麵 $128☕️自家製山楂果肉玫瑰花茶 $48👉兩個主食味道都唔錯，蟹肉都多，只係啲麵同蛋包飯都略為偏鹹，重口味人士應該好鐘意，我同朋友都認為如能淡味一點為佳。👉而佢嘅玫瑰花茶我就幾鐘意，酸酸甜甜又芳香，仲可以refill。獨特嘅裝潢同裝飾，別樹一格，不過作為黃店嘅代表但就唔係好覺有文宣。大家睇啲食物名咁特別都應該知係邊間，之前去過銅鑼灣MAMADAY，比較之下，整體嘅格局同感覺都差唔多，尖沙咀這家環境會大啲又舒適啲。巧合地今次叫嘅嘢食同上次幾乎一樣，只係意大利麵變咗扁麵，貌相依然，唯味道重了。

呢間餐廳嘅設計同擺設都好靚好有趣 好啱同朋友一齊嚟打卡✨.招牌嘅蒲燒鰻魚蛋包飯($118)全條鰻魚放係蛋包飯上面🤤🤤仲有大量柴魚片 視覺同個胃都勁滿足 份量都幾多 女仔食可能會食唔曬．有蟹GO又有蟹肉的蟹蟹蟹意大利扁麵($128)中意食蟹嘅朋友一定要叫 有大大條蟹肉同蟹籽🦀不過份量相對蛋包飯就比較少·最後叫左杯士多啤梨奶昔($48)有一粒好大粒嘅士多啤梨🍓 但係奶昔方面就好水 好似奶溝水 同埋冇乜士多啤梨味

周圍環境有有趣，充滿風情🥰好多人慕名而來 包括我🤣平日5:30到達 已經要等位了好彩有卜定位😚可以直接入座🙈有蟹Go又有蟹肉的蟹蟹蟹意大利扁麵 $128個名好有創意🤣食落去仲好好味😋推薦✅海量既蟹膏、蟹肉、蟹籽！唔會有腥味👍🏻意大利扁麵既麵質煮得剛好💗好易入口👍🏻芝士粉炸薯條 $44脆卜卜既厚薯條🍟好香口🤤推薦✅芝士粉已經黏實落個薯條到，好juicy!!焦糖脆脆窩夫 $78窩夫加入左麻薯，令到個口感更豐富🤪配搭 海鹽雪糕、cream食落去 中和返窩夫本身既甜味😋黃金阿婆塊皮 $48好新鮮既青蘋果沙冰🍏好好飲🤩推薦✅青檸蜂蜜梳打 $45真！蜂蜜！😝同個青檸梳打好夾呀！

有蟹Go又有蟹肉的蟹蟹蟹意大利扁麵 ($128)有兩個細蟹鉗，好多蟹柳，蟹肉&蟹籽，意大利扁麵質感唔錯，每一條都痴到汁&蟹肉但係都好乾身， 好惹味蒜蓉虎蝦比薩($136)薄底pizza好多cheese，可以拉絲，大大隻蝦而且爽口，蒜蓉好香，食完個口都唔係好臭姐🤣🤣🤣唔甜的紫薯蛋糕 ($48)賣相💯分，漸變色，上面係紫薯蓉，兩層cheesecake質感有少少唔一樣，上層軟身，下層會硬少少，有層次感，而且堅唔甜，食晒都冇罪惡咁德國水蜜桃花茶($48)水蜜桃，蘋果，菠蘿，洋甘菊，太陽花瓣，檸檬香桃木，清香唔甜，有水蜜桃味，但係冇蓋過其他材料嘅香，balance得好好，我自己好鍾意放心唔係好甜嘅抹茶沙冰 ($48)沙冰好smooth，好重抹茶menu都好有心思，好介紹到每樣菜式，食物質素好好，唔怪得成日都要排隊

今日約咗港女朋友食下午茶佢提議嚟到尖沙咀嘅呢間mamaday係黃店cafe 下午嚟到已經超多人等位 證明質素有保證 入面嘅裝修非常復古加玩味 打卡一流 座位好寬敞坐得夠曬舒服 可惜有用餐時間 如果唔係實可以坐成個下午辣架傻豬豬豬頸肉泰式肉碎日本蛋包飯 份量超大 豬頸肉醃得好冧 而且香辣味非常濃郁 再加上海量嘅炸蒜同埋泰式肉碎 十分開胃 蛋包飯用咗日本蛋去做 一啲都唔吝嗇而且非常滑溜蛋香濃郁黑到爆炸墨魚圈墨魚滑墨魚汁意大利飯 上面又係有海量炸蒜 呢個crossover真心幾有趣 炸墨魚圈彈牙脆口而且新鮮墨魚味十足 墨魚汁 燉飯亦都好重忌廉味 軟硬度適中令人少女心爆發嘅窩夫 非常鬆軟而且唔太甜 推薦

尖沙咀間樓上cafe Mamaday,長期都多人排隊，平日1點半後去食先未至於要排好耐，但佢環境靚食物好味又創新，排下隊都值得既～Lunch set加8蚊配既南瓜湯足料唔會好水，裝湯既碗好正，同色彩繽紛既裝潢細夾～ 沙律有好多梅好開胃。泡菜唔太肥黑豚肉片蛋包飯 $112勁大份，細食朋友要注意。蛋好滑，豚肉好入味，泡菜汁比想像中辣，超惹味😋唔食肉又得啫！全素漢堡 $88芝士同牛油果鋪面勁香，重點係個波特菇好大好彈牙，吸收曬佢地既汁，再加上又嫩又香既茄子，無肉都絕對豐富到個味蕾！ 薯條粗身得黎唔油，十分抵讚！唔甜的紫薯蛋糕 $48配餐都係加28，勁濃紫薯味，但唔會好甜膩，加佢灑上既曲奇粉、玫瑰同芝士餅底，口感好多層次好滿足，餐配既茶同咖啡都水準上，再歎件cake，真心係人生樂事。

之前食過銅鑼灣分店，今次黎試下尖沙咀店先！星期六12點前拎位，已經坐滿人，天氣咁熱，可以喺附近行吓先，店員會打俾你，有位再行返過黎👍🏻等左大約半個鐘有位☺️好鍾意餐廳嘅裝修，好多得意野，又色彩繽紛，好似每個角落都可以打卡咁！今次坐咗喺窗邊，如果可以坐返中間啲位置就好啦🙈本Menu面頭係皮，好型格🤓🤓好鐘意佢哋啲擺設同埋餐具，好貼地好有創意😛每張枱上面都有唔同嘅擺設😂可以俾我放喺食物旁邊影相黑到爆炸魷魚圈墨魚滑墨汁燉飯$126 食食吓都覺得幾大碟，兩個人分都夠食，而且飯中間都有好多墨魚，有啲蒜粒，好香口！炸魷魚圈，都好好食，魷魚好腍！記住，期望越大，失望越大…雞翼 $68 我哋叫咗蜜糖芥茉醬，估唔到係單邊雞翼，如果係全隻雞翼就好啦，覺得雞翼炸得唔夠脆，粉漿好似多咗少少，比較硬身，不過味道都OK嘅！呢度飲品都有好多款不過叫咗幾款都冇，本身我想試吓個豆腐咖啡 ，最後要咗： 你今日飲咗益力多有子沙冰未呀？$48😂😂個名好長😂杯沙冰都好大杯，味道正常總括來講，我覺得呢間餐廳可以再嚟，回頭率極高，尤其是係裝修好正，食物質素有保證😛

Mamaday一啲都唔麻麻哋💛當日平日3點去到，都要等位就知咩料啦😌但就係太晏去，意粉、risotto等等都賣晒😭佢哋啲店員好nice，略略同我哋講解咗邊啲必試！我哋叫咗尖沙咀分店限定嘅「好邪惡嘅咸蛋牛油果蟹肉比薩咩叫減肥」，個名水蛇春咁長🙈每一件pizza都有一舊蟹鉗仔，入面都幾多蟹肉，無雪藏味，而且每件pizza都真係食到咸蛋黃沙沙口感，但又唔會膩！另外仲叫咗「蕎麥麵沾魚露配蜜汁香茅豬頸肉」，豬頸肉食落比較乾身，但伴碟沙律菜好新鮮，唔知點解蕎麥麵變咗稻庭烏冬🤣細細兜但略嫌胡麻醬太多，搞到咸咗啲。飲品方面，豆腐豆腐豆腐咖啡入面有球豆腐雪糕，但即使係咁，都食唔出同飲唔出豆腐味，似係雪糕咖啡，雪糕中和咗咖啡苦澀味，又唔會太甜，啱啱好，好飲！

Mamaday真係好出名，之前同fd咁岩係尖沙咀想搵地方食飯，想試下mamaday，六點幾都爆場，想walk-in都唔得，今次一於早d bk，同埋揀lunch去，終於有機會試到！呢間野最大既賣點莫過於佢玩味既佈置同擺設，連menu都落足心機設計，可以話係我見過最靚既menu，野食名都改得好有趣之餘其實都幾貼切，你唔會唔知自己點緊咩，最估唔到係，佢食物既味道同佢餐廳既裝修同樣出色我同朋友叫左2款主菜，2款飲品，同一個甜品有蟹go又有蟹肉的蟹蟹蟹意大利扁面真係抵佢蟹蟹蟹，勁多蟹，除左蟹膏蟹肉，仲有蟹籽，蟹鉗，蟹柳，蟹肉多到成碟意粉都係，用扁面更容易掛起d汁同蟹肉，食落去啖啖肉，好好食點解個個都叫軟殼蟹比薩㗎軟殼蟹大大隻放係pizza中間，老實講，比想似中大隻，食落成隻都係肉，成隻都食得，pizza好多芝士，仲可以拉絲！加左d似千島醬，味道完全可以比美pizza專門店豆腐豆腐豆腐咖啡第一次見有豆腐咖啡，忍唔住點左試下，佢既設計本身都好吸引人，豆腐原來係指咖啡上面既豆腐雪糕，可以一路食一路飲，或者等佢慢慢溶入咖啡，豆腐同咖啡意外地夾焦糖脆脆咖啡冰沙比佢既焦糖脆脆吸引左，同呢d天氣叫冰沙就最適合