LOST STARS LIVEHOUSE BAR & EATERY (已搬遷) 新店位置

🎶想舒舒服服咁食個下午茶，估唔到嚟到呢間酒吧餐廳都可以有咁正嘅體驗～同夜晚好唔同，呢度嘅早午餐時段又可以食主菜，又可以食甜品！巴茲克焦香芝士蛋糕（$78）簡直就係我嘅最愛，有微微嘅雲呢拿香味，加埋鬆軟口感🤩而煙燻三文魚配班尼迪蛋（$108）麵包香脆，三文魚偏鹹但係配埋蛋就可以中和一下～仲有紐西蘭肉眼扒都好唔錯，肉味濃郁，而且價錢都好抵食！如果鍾意飲酒仲可以試埋呢度嘅free flow sparkle ($198) 飲足兩個鐘頭😆

好友生日，想搵間坐得舒服，服務好、食物高質既餐廳。即刻諗起LOST STARS LIVEHOUSE BAR & EATERY，打去BOOK枱再訂定威靈頓牛柳!餐廳位於大角咀利奥坊一期地下，附近有停車場，揸車去都好方便。座位寬敞舒適，位同位之間有一定距離，加上樓底高，空間感十足，感覺好舒服。現場亦會無間斷播放悠揚音樂，侍應有禮又親切，成個用餐體驗都好好！意大利布袋芝士什錦鮮蔬沙律配蜜糖黑醋芥菜子油醋汁新鮮沙律菜爽脆清甜，意大利布袋芝士煙韌軟滑，食落啖啖香濃細膩。威靈頓牛柳只要預早半日預訂就食到！金黃色酥皮香脆鬆化，切開係香濃柔嫩又多汁既牛柳，夾雜鵝肝醬、菇菌，層次分明，口感豐富！伴碟有辣根醬、鮮香芹、初榨橄欖油，沾上唔同醬汁會有另一番體會~晚市有Set Dinner，提供兩款主菜可選，附送餐湯同一杯無酒精飲品，另可以優惠價加配小食或甜品，價錢好相宜，都幾抵食!是日餐湯係蘑菇湯，菇味濃郁，口感順滑好creamy。主菜揀左酸奶油烤鹿兒島茶美豚肉眼扒開心果｜日本南瓜｜蜜糖薯豚肉眼扒嫩滑煙韌，油脂分布均勻，肉質富彈性，保留原有濃郁肉汁。面頭鋪滿開心果碎，充滿果仁芳香。伴碟有細緻綿密既日本南瓜同好

雖然LOST STARS並非位於尖沙咀或中環等酒吧林立的鬧區，但不論食物質素抑或是環境氣氛向來都有口皆碑，而每星期五至日更會有現場音樂表演。雖然當晚為平日未有機會欣賞到現場音樂表演，但環境氣氛依然無可挑剔，而且座位之間空間充足，寬敞舒適。威靈頓牛柳 ($1088) 由於工序繁複製作需時，所以必須最少半日前預訂，但一試以後絕對明白值得等待。酥皮金黃香脆之餘亦不會過於鬆散，牛柳肉質鮮嫩多汁，而兩者之間再有一層巴馬火腿、鵝肝醬及菇菌鹹香濃郁，不論口感或味道上均層次豐富分明。旁邊附上蒔蘿辣根醬、意大利鮮香芹及甜醋初榨橄欖油，三款各有特色，但單嘗威靈頓牛柳本身已經無懈可擊，毋須再額外多加調味修飾。炙燒松葉蟹膏意大利飯 ($368) 口感柔韌有致軟硬適中，忌廉汁濃稠並充滿蟹肉鮮味，北海道刺身帶子略為煎香而澳洲海膽鮮甜甘香。逢星期二至四每個星期均會有兩款晚市套餐供應，八安士燒美國黑安格斯肉眼扒 ($348) 比較薄身但點了五成熟的生熟程度仍拿捏得宜，肉質軟嫩而脂肪豐腴，油香四溢又不失肉味。牛扒底層墊有日本南瓜及蜜糖薯，烤得外皮微脆之餘兩者同樣香甜，盡吸牛扒油香；而旁邊更配有法式伯那西醬（Béarna

今次去嘅餐廳同平時我去開好唔同一入到去第一個反應喺"哇咁有FEEL得唔得架"望到個環境就覺得自己講野唔可以咁大聲🤫-🎏煙三文魚凱撒沙律 💰$168沙律入面有麵包粒 食得出喺超鬆脆三文魚同芝士片都好大塊😋-🎏Lost Stars小食拼盤✨ 💰$268💁🏿‍♀️串燒牛肉粒✨ 💁🏿‍♀️單骨棒棒雞💁🏿‍♀️炸牛油果條牛油果食得多 炸牛油果條真喺第一次牛油果味可能因為油炸後變淡味咗 唔算伏嘅💁🏿‍♀️火炙串蕃茄💁🏿‍♀️蜜糖布利乳酪芝士✨無諗過成舊芝士上 超邪惡我食咗好多勁有罪惡感🥲🥲-🎏岩漿芝士水牛城雞塊 💰$158無論賣相同味道都同我食開嘅Buffalo Wings唔同呢種偏向韓式炸雞FELL 不過外皮唔喺炸到好脆好熱氣戈隻但食落味道又幾討好 岩我口味-🎏美國黑安格斯肉眼扒(8安士)✨ 💰$348呢塊肉眼扒賣相好普通 開頭以為味道應該都麻麻不過食落又唔差喎 肉質彈牙厚得黎仲要喺大塊 $348好抵食-🎏烤黑松露三黃雞 💰$288雖然喺廚師推介 但無想像中咁好食肥就唔算肥 雞肉略為有少少鞋-🎏Tiramisu 💰$148🎏Creme Brulee 💰$128-🎏Margarita✨ 💰$98Margar

餐廳佈置十分型格， 高樓底空間感十足， 座位舒適寬敞， 大電視播放著悅耳歌曲 ，環境同氣氛都不錯 ，最近餐廳做緊 Free Flow Sparkle Promotion 每位$198 /2 hours， 如果成為 Lost Stars 會員仲有更多著數添。煙熏三文魚班尼狄蛋酸種麵包配蜂蜜檸檬蛋黃醬$108三文魚班尼狄， 賣相精緻， 先刺穿水波蛋， 金黃色蛋漿 緩緩流出， 蛋漿被微脆的麵包吸塑了，配以滑溜的煙燻三文魚， 及蜂蜜檸檬蛋黃醬， 滋味指數提升， 令人食指大動。65度低溫油封鴨腿伴姬松茸南瓜飯$118肥美的鴨肶， 烤至油光亮麗， 令人垂涎， 用上65度低溫慢煮烹調， 肉質超級軟嫩， 充滿肉汁， 南瓜飯伴上姬松茸菇， 令到南瓜飯鮮味提升， 啖啖姬松茸香氣， 香味誘人， 特別喜歡墊底的薯蓉， 吸塑了鴨腿的油香， 既香且滑， 不消一會， 給我通通吃光了。香烤新西蘭西冷牛扒$168厚切的新西蘭西冷牛扒， 七成熟剛剛好，表面呈現深褐色， 還散發著香烤香氣， 肉香四溢，用刀輕輕好容易切開， 看到內裡肉質保持嫰紅，十分軟腍， 充滿肉汁，跟配的南瓜， 香甜滑溜， 與牛柳十分搭配， 越吃越滋味。

在網上看到呢間餐廳的推介，於是就在openrice booking 訂位，和幾個女仔同事一聚。餐廳環境和氣氛好grand，我地被安排坐live band台前的位置，一到live band開始，我們的位置十分好，沒有任何阻擋。適合與閨蜜 / 情侶們來，食物質素也不差。

今晚接朋友收工，順便食晚飯，朋友介紹奧運站附近開咗幾間餐廳，經過呢間西餐門口，望到入面嘅環境幾靚，於是入去試吓。黑松露磨菇湯，好濃郁黑松露同菇味，個湯好滑好creamy。香烤雞肉凱撒沙律，d雞肉一d都唔鞋，烤到焦焦地好香口，而d沙律菜都好新鮮，好爽口。黑松露薯條，個薯條炸到好脆，而唔會太乾，薯條上面都有好多黑松露碎喺面，配埋個加埋個黑松露巴馬芝士豆乳醬一齊食，送酒一流。澳洲霜降M5和牛腹扒，份量都唔算少，我地叫7成，完全冇overcook,d和牛好淋滑，好重牛味，唔錯，配菜有日本南瓜＆蜜糖薯，2款配菜都好甜。京式烤鴨薄餅卷，非常精緻，墨西哥薄餅卷埋d烤鴨仲有青瓜點少少烤鴨醬，完全似食北京填鴨咁，西餐廳有烤鴨食，都幾特別。餐飲叫咗涷檸茶

由奧運站C1出口，過天橋轉左落地下， 過馬路後左邊行兩個街口左右就到。 total 行大約5分鐘。今日黎食lunch, happy friday其實餐牌樣樣都想食，最後諗到頭都爆就叫左一份唔係到到都有得食嘅65C低溫油封鴨賑併姖松茸藜麥南瓜飯，加個Truffle fries, 最後叫佢杯Cappuccino. 個鴨腿好香，d 皮有少少脆脆地， 而d 鴨肉仲好juicy. 而個truffle fried 加埋個個芝士豆乳醬，真係不得了， 我食到最後直頭齋食埋個醬 提外話，之前黎過一次食dinner 已經覺得好impressed, 佢地嘅招牌啤酒超好飲， 好滑好香。

由奧運站行去利奧坊都幾遠，仲要分一、二期，拎住google map都傻傻地搵左15分鐘先搵到間餐廳。點了（需加一）🐱烤黑松露三黃雞$288這個價錢而言，比想像細隻，而且只有半隻。烤得挺金黃，隻雞偏瘦，雞髀彈牙但雞胸比較乾。醃得挺香，挺入味，但沒有黑松露的香味。配了大大件日本南瓜和蜜糖薯各四件，微甜。🐱三文魚忌廉湯 （跟餐）忌廉好濃、好厚，三文魚挺多。🐱Bee Calm （跟餐）洋甘菊、蜂蜜香料、雲尼拿隻杯好靚，OR牌茶包，飲完侍應會自動加熱水。味道不算太強烈，寧神，適合晚上喝。🐱黑松露牛肝菌意大利飯 $248素的。價錢而言，份量細。有一個很大的牛肝菌菇在中間，意大利飯偏硬。🐱是日甜品 $44（跟餐半價）雲尼拿雪糕朱古力泡芙隻碟好靚。泡芙的外皮酥脆，雲尼拿雪糕清甜，配野莓忌廉和水果挺好吃。

又一次來到這間環境舒適的餐廳，餐廳燈光柔和，環境寬敞，而且播著音樂，配上枱上的燭光，十分浪漫!這個8月餐廳有dinner set menu，不同星期也有特定兩款食物可以選擇，另外也可以以半價的優惠吃到美味的小食或甜品!Set Dinner除了有主菜，亦有餐湯和飲品附送!忌廉蘑菇湯，有香濃的蘑菇味，口感creamy，幾惹味!埃及風沙單骨棒棒雞，這款小食基本上次次黎都會點，棒棒雞炸得脆口，雞肉嫩滑，配上清邁風酸辣醬，味道酸酸辣辣，夠哂惹味!叢林風味烤乳豬，乳豬外皮燒到脆卜卜，豬肉都幾嫩滑唔會鞋口，附有蜜糖芥末籽醬，甜甜地又有有少少嗆鼻，幾特別!仲有日本南瓜同埋甜薯，減去乳豬的油膩感!      Impossible素肉瀑布芝士蘑菇寬條麵，寬條麵軟硬度適中，雖然是用了素肉，但是口感完全不像在吃素，好有豬肉碎既口感! 意粉中亦拌入了蘑菇片，醬汁酸酸味味，加上芝士的咸香，十分美味!

氣氛同食物一流嘅音樂餐廳Lost star 小食拼盤非常適合兩個人叫，款式多，份量又啱啱好！拼盤組合款式好有新意：手工白啤酒漿炸牛油果條、蜜糖布利乳酪、烤虎蝦串、魷魚串同單骨雞棒。炸牛油果條都喺第一次試，估唔到香脆得嚟，同牛油果嘅creamy口感咁夾，有啲天婦羅嘅感覺🤣其他三款烤既肉食都係一流！唔多介紹，總之一定要叫！佢仲有幾款自製嘅醬汁比你蘸，超高分既一個snack/ starter！黑松露烤農家鮮三黃雞又係好出色既一道主食！！ 雞皮香脆，雞肉鮮嫩多汁，雞油一切即刻滲出嚟，雞油超香！燒雜菜份量又幾多，有燒野菇和竹筍，香甜又爽口，伴住烤雞食啱啱好中和油膩感。呢隻三黃雞好食程度直衝九分！！仲有一分可以配少少烤薯仔，香度更佳🤤海膽烤帶子意大利飯呢個飯相比三黃雞就有一點失色，但味道都相當唔錯！海膽帶子同意大利飯組合得唔錯，海鮮嘅鮮味滲入左每粒意大利飯入邊，啖啖滋味！ 海膽同帶子亦都好鮮甜，唯份量偏小。同埋食落左有啲偏鹹，好彩有野菇調和一下，都可以嘅！不過價錢就真係較貴嘞，論味道同飽肚，我會更喜歡三黃雞呢個選擇！😆😆另帶一題，其實呢間餐廳最大嘅特色係，佢週末晚上會有唔同嘅歌手/組合現場演奏，而

以Live House作主題、別樹一格嘅裝修以及舒適嘅用餐環境，相信Lost Star已成為大角咀西餐廳嘅首選。之前都已經拜訪過呢間餐廳三次，每次嚟都係食晚飯。今次終於可以試到佢地嘅Lunch Menu。Lunch Menu比想像中豐富，而且想食得Light啲都有各種不同選擇。同朋友都想食得清清地, 兩個Main都係order 咗 Egg Benedict。飯後甜品當然唔少得。 Avocado Egg Benedict一人份量剛剛好，前一日Cheat day咗今日決定要食得輕怡啲。水波蛋有少少Overcooked 有待改進，Sour Dough 比想像中麻麻地。不過值得一讚係醬汁夠酸令人非常開胃，而且牛油果亦好fresh。Smoked Salmon Egg Benedict同另一個Course 一樣，只係主角換成煙三文魚。呢款煙三文魚味道較濃，配合返清淡嘅 Sour Dough 剛好互補不足。Basque Burnt Cheesecake飯後甜品就一於同朋友share Cheesecake，呢款巴斯克cheesecake 偏鬆軟林身，食落唔會覺得太膩，配埋Cream 同鮮果嘅點綴味道恰

餐廳時間安排本身我哋book咗7:00，目的唔係為咗睇表演，純粹去食餐飯，7:00去到出面一大條長龍，等咗一段時間先入到去，我哋叫完嘢食，嘢食黎到，已經7:50，8:00餐廳同事走嚟同人講last order😅本身話9:00有live band表演，由於表演嘅時候全部食客不能夠食嘢同飲嘢，所以9:00前要食完收好晒杯碟，點知8:15表演嗰隊band有個人走出嚟開咪同所有食客講，話想唱多幾首歌，所以”建議”我哋早15分鐘完。其實，餐飯都成千蚊，我切塊扒都要時間，飲嘢都要時間，要我早15分鐘食完飲完其實都真係差好遠，要滾水淥腳咁食，本人表示不解，你想唱多隻歌唔關我事架，我俾錢食餐飯，係去enjoy食物，唔係俾錢你唱歌，點解要將你想唱多隻歌建築喺人哋痛苦身上？平日返工食飯已經趕，而家weekend想慢慢食餐飯都俾你催，其實你”建議”人食快啲俾你唱多啲歌，其實即係比緊pressure人。餐廳負責人俾佢提出呢個咁嘅要求其實係完全唔應該，點解唔係佢隨時ready，見到所有人提早食完嘅話，佢就即刻提早演出呢？再唔係，你咪原定時間演出，遲少少完囉。不過個人建議，你咁鍾意唱，不如自己開個演唱會唱飽佢會好

餐廳樓底好高又有格調，用餐時播住英文歌，好適合情侶或三五知己約會🥰另設有live band stage，逢星期五、六、日仲會有live band show🎶🌟西班牙風乾火腿拼盤配蜜糖布利乳酪、法國100%純鴨肝醬伴法式軟包及哈密瓜（$398）拼盤共有三款ham及salami，與超甜哈密瓜一齊食真係perfect match👍🏻brie cheese口感柔軟有彈性，配蜜糖及nuts幾好食😋鴨肝醬口感圓潤且綿滑，味道濃郁，配麵包食好滋味😋但只得4小件法式軟包唔多夠，建議可俾多少少麵包，免得浪費咗啲鴨肝醬🤷🏻‍♀️🌟埃及風沙單骨棒棒雞佐傳統青芒果香芹醬 (6件)（$148）棒棒雞新鮮即炸，上枱嗰刻已感受到有陣熱氣飄過，香氣四溢，未食已流口水🤤食落好脆口且啖啖肉，蘸埋青芒果香芹醬仲好食，另原來配鴨肝醬都唔錯喎😆🌟燒美國SRF極黑和牛臂蓋扒配香芹牛油汁輕煮蘑菇及珍珠薯煮摩利菌汁（$388）牛扒要咗7成熟，雖然最終有啲overcooked，但塊扒本身質素唔錯，肉味濃又juicy，仲帶啲嚼勁，所以都好食嘅😋最鐘意大廚將牛扒分切好，啱晒我呢啲懶鬼😆🌟傳統義大利巧克力及榛子雪糕伴白朱古力薄脆及野莓（$16

今日黎到大尖咀一間好有feel好似fine dining嘅酒吧餐廳，仲要係良心小店，好岩一班人放工黎飲下野relax 店內裝修好有風格，中間仲有個舞台星期六日係有Live Band Show架，不過我地由於係閒日去嘅關係就無緣見到，但食食下餐廳都會播返d搖滾樂曲，都幾特別架😆 店員都好好架，一坐底就好詳細咁介紹餐廳有咩推介😁野食方面，選擇都幾多，佐酒小食到set dinner都有，而我地就點咗一個set dinner再加配唔同嘅前菜+小食+甜品，幫大家試下佢d手勢😜Set Dinner包括主菜跟餐湯同一杯無酒精飲品，而佢加配小食或甜品，或者轉酒精飲品都會有套餐優惠，計返其實都唔算貴👍🏻今次個湯係➡️”磨菇湯"，一望其實都知好足料，飲落磨菇味都好香濃又夠哂creamy小食我地加咗➡️”黑松露薯條配黑松露巴馬臣芝士豆乳醬"🍟，薯條係粗身類型，炸到好香脆，加埋香濃嘅醬，雙重黑松露味道，再加多一重滑溜嘅口感，送酒真係一流👍🏻👍🏻主菜我地叫咗➡️”自家製杜松子鴨油慢煮法國鴨腿"，上菜已經聞到好香鴨味，仲要煮到岩岩骨肉分離又唔會過老，肉質仲好嫩外皮仲帶有少少脆口，絕對值得一試😍😍除咗薯條，我地仲叫咗➡️”