Lockeroom Dining (譽發廣場) (已結業)

尋日一位熱愛足球嘅朋友帶左我黎食呢間Lockeroom Dining，佢話呢間係一間足球主題嘅餐廳。一入到黎，見到周圍掛滿球員tshirt，連碗碟都係足球主題，難怪朋友咁鍾意黎呢到！呢到嘅set lunch相當抵食，set lunch有餐湯、蒜香牛油法包、主菜同埋飲品，個價錢都只係大約一份小食嘅價錢，真係超抵。餐湯係番茄湯，好濃郁，仲飲到啲薯仔蓉添。蒜香牛油法包超好食，外面好脆，入面超鬆軟。黑松露蘑菇海鮮炒飯$65有淡淡的黑松露香氣，海鮮有魷魚、蝦、蜆等等。炒飯一粒粒幾乾身，都唔錯。香烤美國1855牛肋排蜜糖燒汁$85分量都幾多，牛肋排幾軟淋，意想不到地重牛味。隔離竟然有幾滑嘅紫薯蓉，仲有蕃茄味超濃郁嘅意粉。黑松露香脆薯角$58薯角炸得好好食，仲好有薯仔味，配上黑松露香氣，再點啲茄汁，正。芝士流心溫泉蛋大啡菇$78大啡菇充滿肉汁，一切開隻蛋流心，仲有啲菜喺入面添。芝士味好濃，好食。鹹蛋黃雞翼$78雞翼有五隻，每隻好大隻，雞肉好嫩滑。鹹蛋黃味超濃，好食。即製梳乎厘Pancake$88有兩件厚厚嘅梳乎厘Pancake，入面好軟身好滑，好好食。又唔會太甜。係一份高質嘅梳乎厘Pancake。食

平日下晝自己一個行經過油麻地，諗住搵吓附近有咩好食，見到呢間舖頭OpenRice好多人讚好，所以就入去試吓佢哋嘅午餐set。因為過咗午飯時間，所以都唔係好多人去到，唔使等位就可以入去。啲侍應嘅服務態度都好好，我就叫咗一個澳洲羊架打一杯水果紅茶，肉汁鮮嫩得來又唔會食到陣蘇味，個人來講都幾唔錯。紙杯水果紅茶就正常發揮啦不過佢抵讚嘅係，佢哋個蒜蓉包幾好食，係跟餐送嘅。如果下次經過，都可以再嚟呢間餐廳食飯。

呢間西餐廳由朗晴坊本鋪已經開始食開睇過門口剪報話餐廳老闆係前酒店行政總廚👨‍🍳食物質素有保證而老闆係阿仙奴忠粉✨所以餐廳擺滿唔同阿仙奴有關嘅產品如果另一半係足球迷同阿仙奴粉絲帶佢地嚟朝聖就好適合─────────✨是日order:-活波士頓龍蝦（半隻）配蕃茄意大利扁麵-香燒美國Creekstone 牛肉眼拼法國鵝肝-疏乎厘pancake─────────✔ Dinner set 全部跟沙律餐湯麵包餐飲，份量足食完夠滿足✔意大利扁麵係al dente口感，波士頓龍蝦新鮮多膏啖啖肉， +$45 餐飲可以轉紅/白酒，配呢個餐食就啱晒✔ 肉眼叫左medium, 無overcooked, Juicy 有牛味，鵝肝本新鐘意食，點食都好味🥰✔ 呢間疏乎厘pancake 個人覺得係必點，上碟靚，pancake 又飽滿震騰騰，打卡一流

之前已經去過朗豪坊的分店吃過午餐覺得CP值很高所以終於找家裡那個足球迷來晚餐睇簽名波衫這間分店大很多 到處都放滿店主珍藏和午市一樣有餐湯和蒜蓉包多了沙律 醬汁酸酸甜甜幾開胃波士頓龍蝦蕃茄扁麵有半隻龍蝦 幾爽口彈牙 蕃茄汁夠濃稠 麵條掛汁美國肉眼扒拼法國鵝肝選了7成熟切開見到完美粉紅色廚師控制得非常好鵝肝外層香脆 內裡軟嫩充滿油脂跟餐甜品6折選了法式焦糖燉蛋朱古力心太軟流心程度完美 朱古力味道香濃球迷剛吃完還未結帳已經plan定幾時要再去

男人的浪漫✨生日想同男朋友慶祝帶佢食啲乜嘢餐廳好呢？ 如果你哋嘅伴侶都係球迷⚽不如帶佢哋去試下阿仙奴主題餐廳～🎉第一眼畀佢呢一個仿草地⛳ 吸引咗彷如置身於足球場一樣餐廳掛滿球衣和，阿仙奴紀念品好有特色✨✨✨😍卡邦尼意大利麵配溫泉蛋第一眼見到有好多汁， 本身以為會唔夠味～點知食落去呢係超級濃郁芝士味好creamy好好味～lockeroom 小食拼盤雞翼，薯絲蝦，德國腸,薯角，洋蔥圈， 每一件都充滿住鹹蛋香味～流口水了

呢間餐廳環境幾特別，啲嘢食都唔錯，價錢亦都唔貴😚，值得再嚟。香辣蒜片羅勒意大利扁面（$6️⃣5️⃣）每個餐都會配飲品，蒜蓉包同埋一碗餐湯😛。蒜蓉包好香口，軟硬適中。而今日餐湯係羅宋湯，好濃蕃茄味，酸甜度啱啱好。呢個扁意粉🍝真係超好食，强推😍。佢啲扁意粉係中有咬口嗰隻，但又唔會太硬，而且佢都好入味。佢調味做得好好，連啲配料都炒得好香🥰，仲相當之好入味，唔似其他地方咁上碟之前先撈埋一齊。而且佢黑胡椒味都幾濃，啱晒比較重口味嘅我。芝士忌廉蕃茄醬燴美國黃油雞髀扒（$7️⃣5️⃣）佢份量真係超多，雞髀扒好大件，啲芝士忌廉蕃茄將鋪滿喺塊雞扒上面😝，每一啖都食到番茄味，好滿足。我個人而言好鍾意啲配菜，尤其係嗰舊蕃薯蓉，好清甜😍，識落唔會好濟，其實呢個餐配飯都已經好飽，啱晒啲大食嘅人士。鹹蛋黃雞翼（$7️⃣8️⃣）呢一款見好多人都推薦，佢每一隻雞翼都鋪滿左鹹蛋黃，因為係新鮮炸嘅緣故，咬落去好熱，仲有肉汁標出黎，相當之邪惡嘅一個小食😈，適合同朋友一齊share。Tiramisu ($6️⃣8️⃣)我相信呢一款唔同大家講係Tiramisu，大家都未必知🤣，因為佢嘅外型同我哋平時食嘅都幾大分別。平時我哋食個Tiramisu上面會有朱古力粉

今日强制檢測出左結果，陰性，要賀一賀佢。走左去油麻地譽發廣場嘅呢間西餐廳，慶祝一下。呢度有set lunch,但我最後揀左個澳州羊架保雲蘇，同埋個果茶。等咗冇耐，餐廳啲職員又拎咗個蒜蓉包俾我，個包既味道唔錯，而且食落口個陣仲有小小熱，可想而知店鋪職員貼心地為每個職員翻熱面包，呢種貼心，絕對值得一贊。個羊架都非常好味，意外既係佢薯菜唔係用馬鈴薯，而係用紫薯蓉，好特別。個果茶用左平果同埋橙，都幾好飲，唔錯

店主是阿仙奴忠實球迷，多年來收藏了超多親筆簽名球衣🥳 在這間以「阿仙奴球隊」為主題的餐廳裡👀除了陳列出眾多亞仙奴紀念精品，還精選了數十件親筆簽名球衣，掛在餐廳內外作裝飾～球迷來到⚽️一定超興奮！除此之外😋食物選擇也很豐富呢～🔸法國鵝肝香蒜麵包（2件）$108剛剛煎好的厚切鵝肝，入口即溶～配以帶有濃濃蒜香的多士，非常可口。🔸鹹蛋黃雞翼（5件）$78熱辣辣端上來，鹹蛋香氣撲鼻而來！😋那沙沙口感成功俘虜鹹蛋黃控，也增添了地道風味～🔸法國鵝肝牛肝菌意大利燴飯 ＄158充滿濃郁的牛肝菌奶油香，入口Creamy～份量也挺多的。🔸Set Lunch (12:00-17:30)價格由＄55-85，於14:30後入座更可-$10，非常抵食👍🏼Set Lunch 包括了是日餐湯丶蒜蓉包和餐飲～我們點了「香烤美國1855牛肋排蜜糖燒汁」，牛肋排薄身又入味，配菜有紫薯蓉～軟滑微微甜😋挺特別的～細看之下，餐廳佈置還有很多細緻位！地板像是鋪了草皮☘️讓食客就像置身在球場上！椅子選用了球隊主場球衣的鮮紅色🥳 其中一些菜式的碟子，是⚽️足球和足球場的模樣😆

成日同男朋友周圍覓食，今次去咗油麻地譽發廣場嘅Lockeroom Dining。餐廳裝修擺設都為Arsenal球迷而設，有好多波衫同吉祥物可以打卡。👍🏻雖然我地唔係球迷，但有好野食嘅地方點會少得我出現。😆我地叫咗1個套餐、1個單點主菜同小食，所以有1碗餐湯同沙津，2個人爭食重滋味。😋南瓜湯🎃好濃郁，有絲絲嘅南瓜蓉，好足料，將蒜蓉包點落南瓜湯度，吸湯又香脆。🤣鹹蛋黃小食拼盤🥰男朋友好鐘意食鹹蛋黃製嘅食物，所以叫咗呢個超豐富嘅小食拼盤，有雞翼、薯角、洋蔥圈、薯絲蝦同德國腸，鹹蛋黃味好濃，又炸得香脆。😋 第1次食薯絲蝦，好特別，口感又豐富！🍤香煎海鱸魚柳意式鮮蕃茄莎莎🐟🍅最鐘意食魚柳，無骨又啖啖肉！煎到金黄色就最令最香口啦，肉質嫩滑，配埋蕃茄莎莎醬，又開胃又鮮甜。澳洲羊架保雲蘇🤩羊架五成熟就啱啱好，肉質嫩滑，香而不羶。有一層麵包糠係面，令口感多一個層次，好食！

今次嚟到一間足球主題餐廳食飯，裝修佈置到成個球場咁，周圍都掛滿晒老闆珍藏嘅波衫，好有特色Set dinner 差唔多有成廿款咁多，包沙律、餐湯、蒜香牛油法包同餐飲，沙律菜新鮮爽脆，仲加咗少少爆珠都幾特別，蘿蔔蓉湯口感綿密，估唔到西餐廳都有紅棗、生薑茶，啱晒鐘意養生嘅我香燒美國Creekstone牛肉眼拼法國鵝肝($238) Creekstone嘅牛屬於穀飼，所以比草飼牛更加肥美，油花亦都分佈得比較均勻細緻，食落去牛味特別濃，配埋呢個入口即融既鵝肝一齊食，都唔會俾鵝肝搶哂啲味燒烤醬西班牙黑毛豬梅肉拼北海道元貝($218)豬排煎得好香口，肥肉比例適中，配燒烤醬好夾好惹味，而且肉質鬆軟，嫩滑多汁，肉味仲好香濃

提起足球同美食可能唔少朋友仔第一時間會諗起酒吧，👧🏻今日要介紹既唔係酒吧而係一間用足球做主題既餐廳⚽️炭烤西班牙橡樹果黑毛豬柳係set lunch黎既，仲有餐湯、蒜蓉包同餐飲，配菜已經好吸引有個紫薯沙律，而個主角黑毛豬都唔會令各位朋友仔失望，軟淋既豬肉肥而不膩🤤另外小食方面都唔弱架，冰鎮原隻鮑魚爽口彈牙；跟住介紹個三款炸物除左炸到脆卜卜之外都各有特點：脆炸法國雜蘑菇係👧🏻朋友既最愛，外脆內軟既雜菇，點埋個兩款特色醬又係另一種風味，黑松露香脆薯角充滿住黑松露香氣，👧🏻同朋友一條接一條停唔到手呀，最後雞翼包滿晒鹹蛋黃，👧🏻最中意佢唔會太鹹同太油但又夠鹹蛋香味👍🏻評分：8.5 / 10

🇭🇰💛Lockeroom Dining阿仙奴主題餐廳⚽️球迷必去 餐廳嘅裝修同埋設計都係⚽️⚽️⚽️仲有唔少球隊簽名波衫同精品 就是一個showroom晚市有Set Dinner 價錢合理抵食✅餐湯+餐包+沙律+主菜+飲品店員服務態度都幾好會定時幫你浸水同埋收碟🤲🏻🥕白蘿蔔蓉湯清清地飲到好多蘿蔔蓉 都幾特別🥗黑醋沙律用足球場⚽️碟仔托住上好可愛😳雜錦沙律菜都新鮮👌🏻👩🏻👧🏻最憎食到苦味嘅沙律菜呢度冇咁嘅問題🍞特別要講吓蒜蓉包 好驚喜😱開頭以為都係一般嘅脆硬身蒜蓉包但佢哋嘅蒜蓉包係非常之鬆軟厚身得黎一啲都唔硬有點似生多士的口感 加哂分✔️✔️🦞波士頓活龍蝦配白松露忌廉意大利扁麵(💰$168)‼️必食一上枱龍蝦🦞已經搶晒畫面 接着就聞到好大陣白松露🍄嘅味龍蝦🦞雖然唔算大隻都但都幾多膏 食到蟹鉗仔已經滿足闊條麵分量比想像中黎得多 面條粗幼剛好佢嘅汁真係超級多同好creamy🤤🤤每條闊條麵都佈滿晒白松露汁 勁正🤭而且仲有唔少大蘑菇片🍄有存在感好有咬口不過就落得多左🤏🏻🤏🏻少少油但依然係好香好多汁嘅闊條麵🐃香燒美國Creekstone牛肉眼拼法國鵝肝(💰$238)牛排煎到微微焦脆 外脆內嫩肉質&脂肪分怖不錯配既

人均$250🌟食旺角足球⚽️主題cafe｜阿仙奴球迷必到❤️最近嘅小編去咗呢一間旺角嘅樓上cafe🥰呢間Cafe嘅老闆好鍾意阿仙奴，所以就將間餐廳裝飾到全部都係阿仙奴嘅嘢⚽️分別有阿仙奴嘅球衣，足球，球星卡，總之就好似一間迷你阿仙奴嘅博物館咁啦🤪跟住我好鍾意足球嘅話我覺得好有氣氛😂鹹蛋黃雞翼（五件） $78雞翼即叫即炸外皮非常香脆，但係一啲都唔覺得好油好熱氣😘佢嘅鹹蛋黃嘅醬汁啱啱好，雞翼唔算好入味但係配上鹹蛋黃醬汁就鹹甜適中，會令你上癮咁食😍因為佢嘅雞翼真係炸得好Juicy。而佢嘅沙律配菜都好得意竟然有爆爆珠🤣🤣，好特別，少少嘅沙律菜🥗加上意大利黑醋，中和返呢款前菜😉香烤美國🇺🇸1855頂級牛肉眼扒🥩（ 330g-350g）$258肉眼扒份量好大，好夠厚度，而且唔算好多根位，所以食落肉質軟淋。牛肉味唔算超濃郁，但比較返佢嘅份量同價錢，小編就覺得可以接受👍🏻兩個人食都可以👩‍❤️‍👨更加欣賞係佢嘅配菜，佢個番薯🍠蓉又真係好好食，我估應該加咗少少🥕，所以食啦除咗有牛油香🧈，有忌廉嘅軟滑🥛，仲有甘筍🥕嘅甜味。醬汁似係蘑菇飯嗰隻醬，個人認為如果加埋黑椒粒就更加好啦🌟香燒可持續石斑魚柳🐟配法式龍王湯 （

Lockeroom Dining (油麻地店) 位於油麻地譽發廣場8樓，距離舊鋪只有約8分鐘路程，新鋪面積較大，座位亦更寬鬆，餐廳佈置方面更加阿仙奴。餐廳抵食夾大件唔在講，而食物質素從來都不需要擔心，一直能夠保持食物在高水準，相信是餐廳於疫情期間，亦能擴充業務的原因。是夜第一次嘗試餐廳的吉列芝士豬扒，炸粉厚度適中，脆而不膩，豬扒中更夾有芝士提升味道，最重要是豬扒肉質仍嫩，感覺而不乾，配菜有蕃薯蓉，蕃茄及秋葵，值得推介。

Lockeroom即係更衣室，點解餐廳用「更衣室」命名？因為Lockeroom dining以英超球隊兵工廠阿仙奴為主題，綠色嘅仿草地墊、球會精品展覽櫃、掛滿印有球員名嘅阿仙奴波衫，球迷嚟到都會大開眼界，以為身處球場入面嘅餐廳。我哋叫咗兩個Set Dinner。【是日精選沙律】用玻璃樽仔裝住沙律幾精緻。除咗新鮮沙律菜仲有三色椒同爆珠，幾特別。黑醋另上，可按自己口味添加。【番茄湯】好多番茄蓉，真材實料營養豐富。配鬆軟蒜蓉牛油法包。【低溫煎焗挪威三文魚柳蘑菇香檳汁】低溫煎焗保留咗三文魚嘅嫩滑質感同水份，所以食落juicy唔乾身。而蘑菇香檳汁就好creamy，味道亦同三文魚幾夾～【香燒美國Creekstone牛肉眼拼法國鵝肝】Creekstone Farms呢個品牌採用純天然方法飼養牛隻，令到食用更健康。叫咗七成熟，切開肉質粉嫩仲見到少少血水，熟度啱啱好，又有肉香又鮮美。兩款set dinner都有紫薯蓉、番茄同羽衣甘藍。有甜嘅有酸嘅，食到唔同味道。餐飲叫咗Coffee Latte同香濃朱古力，粉色玫瑰花紋嘅杯碟，又grand又cute。跟餐可享甜品六折。【梳乎厘Pancake】好鬆軟，食到