Lockeroom Dining (譽發廣場) (已結業)

因朋友愛足球, 就相約我去到 lockeroom Dining有關足球主題餐廳食晚飯。餐廳地下以綠色地毯,好似置身於球場上, 而紅色椅子好搶眼。*餐廳內掛滿了阿仙奴球員的簽名球衣及有關物品等。想而知老闆是阿仙奴忠實球迷。**我們選擇二款SET DINNER*首先送來沙律及餐包留意到綠色碟仔是足球埸圖案,好特別呢!這沙律以透明樽盛裝,好別緻,酸秘醬汁另上,可按口味加添,新鮮沙律菜入口清新,還有粒粒甜酸爆珠,令味道更fresh又 開胃。*接著送湯南瓜湯有濃郁口感,南瓜味特重,跟蒜蓉包同食一流。**登登!主角來了**【波士頓龍蝦(半只)配美國Creekstone牛西冷】$268Order燒7成熟燒牛西冷,肉質厚肉味濃郁,具有咬口感,沾點燒汁,可提升牛扒味道更香濃甜美。已焗好芝士蒜蓉龍蝦啖淡肉,想不到仲有好豐龍蝦膏呢!而配菜有好香甜滑的紫薯蓉及新鮮沙律菜。**【香燒美國Creekstone牛肉眼拼法國鵝肝】 $238香煎厚厚鵝肝,內軟軟外微脆口感,非常甘香,入口即化,鵝肝下面有牛肉眼肉質鮮美嫩滑,具油脂化開的甜味,好juicy豐富,牛肉底下有好香甜滑的紫薯蓉及新鮮沙律菜。**凡order se

以阿仙奴為主題嘅特色餐廳⚽️，有可愛嘅足球碟之餘又有少女系列嘅杯。 🍝松露忌廉海鮮意大利天使麵 $65 配蒜蓉包+熱檸茶+蘿蔔湯+奶凍 🥗羽衣甘藍鮮雜莓沙律 $88 🥩澳洲羊架保雲蘇 $188 🍮意式芝士蛋糕杯 $68 ☕️熱薑茶 $39 叫咗一個午餐，會配餐包、餐湯、餐飲同是日甜品，係一個細細杯嘅奶凍，而餐湯係中式嘅蘿蔔湯🥕，蒜蓉包軟冧冧唔錯，午餐都幾抵食。天使麵啲醬都幾多，而且松露嘅味道好香濃，麵有彈性又唔易斷。 另外我哋叫咗一個羊架，啲肉唔會話好韌，有香酥味。頭盤有一個沙律，羽衣甘藍少少苦澀味道，食落口好清新又好健康，加埋一啲鹹鹹酸酸嘅醬，味道好特別。最後叫咗個芝士杯，甜而不膩。 環境方面，一入到黎就好似去咗阿仙奴嘅展覽場🎪，展示咗好多球衣紀念品，仲有隻吉祥物🦖。lunch時間都幾多人黎食。 📍Lockeroom Dining - 油麻地譽發廣場8樓

係旺角發現咗一間足球主題嘅隱世西餐廳，餐廳掛滿球衣，連餐具碗碟都係足球。綠色嘅地下，紅嘅櫈，比人感覺好似置身於足球場中😃有微微背景音樂好舒服。食物選擇幾多，基本嘅肉類，意粉都有。水牛城辣雞翼 $58雞翼有5件。醬汁好正，酸甜帶點辣味，雞翼肉質嫩口，多肉又大隻多汁，食到舔舔脷😋 仲有沙律作伴，中和一下辣味😃波士頓龍蝦白松露忌廉扁麵 Set dinner $168 好抵食！套餐包餐湯，餐包，沙律，飲品。餐湯係羅宋湯，口感厚稠，酸酸地幾開胃。蒜蓉包，香陒可口，蒜味十足。沙律新鮮，有幾粒爆爆珠，口感好正。半隻龍蝦賣相好吸引，蝦肉紮實，彈牙，焗芝士令到龍蝦食落更加香口滋味。扁麵偏硬，充滿忌廉醬汁，食落滿滿白松露味，好味😋 份量都幾多，兩個人share食都飽🤣美國1855頂級牛肉眼扒 $258好厚身好大塊😍 叫咗五成熟，切開粉嫩色啱啱好。食落每口濃郁牛肉味，肉質偏有咬口。牛扒配燒汁一流，配菜有南瓜溶，羽衣甘藍，幾健康😃

熱愛足球既朋友講左好多次話旺角同油麻地有間足球主題既餐廳, 由於自己對足球冇乜興趣, 所以一直冇理佢, 今日佢生日, 諗都唔洗諗就請佢去依度食飯!餐廳既地下係人造草地, 牆上掛住一件件既簽名波衫, 好似小展館咁, 大大隻字呀仙奴, 雖然我唔識足球, 但係當我見到餐廳既碟仔都係足球場造型既時候, 真係睇得出店主對足球同呀仙奴既熱愛!! 店內仲見到有D客人真係著住件波衫上黎食飯, 睇黎真係有唔小FANS!!SET DINNER係抵叫之選, 有10幾款餐比你慢慢揀, 包左沙律+南瓜湯+蒜蓉包+飲品, 仲可以6折叫甜品!幾中意佢沙律既黑醋分開上之餘質感濃稠, 味道非常突出, 配沙律一流。沙律入面仲有D酸酸甜甜既爆珠, 幾得意。南瓜湯夠濃郁, 仲食到新鮮南瓜蓉, 唔係用粉溝出黎, 配即焗出黎既蒜蓉包, 又香又脆!澳洲草飼牛柳蒜香意大利扁麵 $168牛柳切成厚薄適中既片狀, 口感腍身而牛味重, 蒜片帶出濃濃香味, 食落有種惹味既感覺, 扁意粉煮得彈牙, 整體都好好味!波士頓活龍蝦配白松露忌廉意大利飯 $168首先個樣已經夠哂吸引, 半隻龍蝦有驚喜🦞因為好少食到依種焗龍蝦係咁多膏同籽, 味道甘香蝦肉

香港嘅主題餐廳唔算太多，呢間以阿仙奴為主題嘅餐廳幾特別，晚市時段好受歡迎，好旺場。呢間分店場內用咗阿仙奴主場嘅顏色，兩邊仲有落地玻璃窗，可以睇到窗外環境，環境好舒適，甚有格調，地板用左球場綠色草地，令人感覺置身喺球場當中。牆身掛上多件阿仙奴球星親筆簽名球衣，而場內放滿紀念品等擺設，同埋印左球星嘅牆身，無論係咪阿仙奴球迷，嚟到都會大開眼界。值得一讚嘅係，呢度食物質素唔錯，員工非常有禮貌同熱情，會同客人傾吓計，仲有好主動細心留意每台客人有冇唔同需要，同主動過嚟幫忙加水。呢度Set Dinner 會配沙律丶湯同埋蒜蓉包。沙津係個玻璃罐入邊，好特別，沙律新鮮爽脆，入邊乳酪爆珠食落好過癮，另上嘅黑醋酸酸地好開胃。南瓜湯一上枱熱辣辣，飲落好濃稠，南瓜味濃郁，味道帶點清甜，另外配蒜蓉包，烘至香脆內鬆軟，滿滿蒜蓉香，配埋表面嘅牛油好Perfect。蒜蓉包好香香烤澳洲羊架拼德國腸羊架整得好鬆軟入味，外層烤得好香，唔會有羊羶味，德國腸腸衣脆口。另外配紫薯丶羽衣甘藍同烤蕃茄，色彩繽紛，紫薯味道好甜，羽衣甘藍同蕃茄都好新鮮，食落夠哂清新健康。香燒美國Creektone 牛肉眼拼法國鵝肝肉眼點都七成熟，外層煎得

今晚約左足球狂熱既朋友仔一齊黎到Lockeroom Dining，裝潢、佈置都以阿仙奴足球隊為主題，仲有精品陳列展櫃、掛滿阿仙奴波衫。晚餐有Set Dinner提供，價錢相當抵食，包餐湯、餐包、沙律、主菜、餐飲，店員加水收碟速度快又非常NICE。餐湯係白蘿蔔湯，將白蘿蔔打磨成蓉，白綿綿清新帶甜。餐包係印有Lockeroom logo既蒜蓉包，金黃香脆，外脆內軟，味道好香濃。沙律用玻璃樽裝住好別緻，新鮮沙律菜淋上黑醋，配以三色椒、爆珠，好開胃。卡邦尼意大利麵配溫泉蛋意粉煮得剛好，煙煙韌韌有嚼勁，醬汁香濃creamy富奶香，煙肉香脆帶鹹香好有咬口。炭烤美國1855牛肋排蜜糖燒肉汁醃得鬆軟入味，油花分布均勻，牛味濃郁，口感軟嫩，鮮甜多汁。鹹蛋黃小食拼盤擺盤相當吸引，有齊雞翼、薯角、洋蔥圈、薯絲蝦、德國腸，即叫即炸，新鮮熱辣辣，推薦洋蔥圈，外酥內嫩好鮮甜，再夾雜濃郁鹹蛋黃香，層次豐富。餐飲揀左紅棗茶、新鮮水果紅茶，熱飲杯相當精緻，玫瑰花紋好岩女士們~

香港屈指可數既足球主題餐廳，一打開電梯門，濃厚既足球氣息就已經襲來餐廳主要用色係紅色，配合返英超球隊阿仙奴既主場顏色。入到去餐廳，最搶眼既係掛牆的一件件球衣，每件球衣都代表咗一位阿仙奴的核心球員，當我行近一望，好多件仲有埋親筆簽名，原來全部都係店主既珍藏由曾經歷｢04多好 全季不倒｣既蘇甘保去到近年當打卻在阿仙奴黯然落幕既奥斯爾都身處場中，令到我雖然冇得去旅行，但英國既氣氛都慢慢滲出🤣Set dinner餐牌都好多選擇，有成十幾個餐，想食雞豬牛羊魚都應有盡有。 前菜沙律沙律用密封玻璃瓶裝住，睇落都幾得意，沙律菜都幾新鮮，配上一小兜意大利黑醋，等客人自己落，幾貼心。 南瓜湯南瓜蓉都幾杰身，食落去自然既甜味好夠，香濃既湯啱啱好暖返食完沙律既胃。 蒜蓉包蒜蓉牛油搽得好均勻，但唔會太鹹，另一面有少少甜味，應該係有用蜜糖烘烤，同埋切得比較厚好脆香烤美國熟成牛舌配黑胡椒磨菇汁 $198 9/10第一次食熟成牛舌，內裏好軟身，牛味好豐富，油脂味就唔多，適合晚餐時食。如果點埋汁食就會添上少少香辣味，最驚喜既係有3大條牛舌，份量又大份又好味脆炸流心低卡芝士吉列西班牙橡樹果黑毛豬柳 $198 8.5/10

環境舒適，夜晚黑同朋友來傾住計食，真係好唔錯。足球餐廳嘅特色好足，同朋友嚟食晚餐，都好高質。今次叫咗兩個扒餐dinner,我覺得都幾抵食。因為佢包埋沙律，蒜蓉包，西湯，仲有一杯熱飲。香烤澳洲羊架配德國腸屋企人話除咗羊架好香濃之外，德國腸同樣好香好好食。香燒美國牛肉眼拼法國鵝肝牛扒好大件，非常抵食。而且法國肝煎得甘香。總體而言。環境坐得好舒服，而且服務態度好，出品同樣好高質。誠意推薦，確實係個唔錯嘅選擇。

#油麻地 #旺角💁‍♂️朋友係一個運動迷, 相約我見面食飯, 點知佢竟然揀到間用足球嚟做主題嘅餐廳, 不禁讚佢一聲厲害! 其實呢度算係油麻地定旺角呢? 🤔不過呢幢大廈近油麻地地鐵站多啲!🍝黑醋意大利扁麵配西班牙黑毛豬 $138 ~ 可選西班牙黑毛豬或美國牛肉眼! 我貪黑毛豬比較軟滑! 豬味香濃唔羶, 有咬口但不靭, 意粉生熟度剛剛好, 朋友表示這個軟硬度適合! 黑醋汁有驚喜, 甜甜酸酸的, 好開胃! 🐏澳洲羊架保雲蘇 $188 ~ 足有三大件, 件件厚肉! 8成熟度剛剛好, 火喉拿捏準確! 羊架有少少羊羶味, 但唔濃郁, 對唔愛好羊的亦可試! 🍰橘子白朱古力加淡芝士蛋糕 $68 ~ 好清新! 用上淡芝士所以蛋糕食落唔會好膩, 白朱古力亦落得相對輕手唔會太甜, 橘子加啫喱蓋面, 酸酸甜甜做到平衡效果! 最出色係餅底同之士中間的一層杏仁糕底, 做得好出色! ☕咖啡 $39 ~ 幼滑, 都幾香, 唔錯, 個杯又靚…..雖然同個場好似有點唔夾…

週末晏就想搵間cafe 可以坐耐少少同朋友傾下計， 友人就推薦咗哩間位於譽發廣場嘅足球主題餐廳Lockeroom Dining⭐️Lockeroom 哩度嘅set lunch 唔使$100 仲包哂餐湯、熱辣辣嘅蒜蓉包、仲有埋餐飲，你都咪話唔抵食呀。香烤美國1885牛肋扒蜜糖燒汁 $85雖然係lunch 但都無將貨就價，有成兩大件牛肋扒，有牛味得嚟仲好軟稔，週邊帶有少少油脂嘅部分最好味，仲可以選配飯/意粉/薯菜，對於男士嚟講都一定好滿足👍🏻低溫煎焗挪威三文魚柳蘑菇香檳汁 $188 三文魚皮煎得脆卜卜，油脂比例適中，而且熟成程度剛好，魚肉係呈粉紅色的，配菜南瓜蓉加入忌廉煮成，creamy 得嚟又唔會過膩卡邦尼蟹膏意大利扁面配溫泉蛋 $128一台就聞到香噴噴嘅芝士x奶香味，加上溫泉蛋簡直係起到畫龍點睛嘅作用，蛋汁掛滿每條意粉，令口感更滑順。即製疏芙厘pancake $88 惠顧Set Dinner 加配可享6折，仲要係即叫即製，pancake 空氣感十足

同足球friends dinner撐枱腳，當然要俾啲心思，做足功課🥳哩一間特色主題餐廳，一定啱曬佢心水，綠色草地裝修已經好有足球feel,環境舒服，係一間唔錯嘅西餐廳。經典焗威寧頓牛柳$338製作用心，非常之高質。個外皮已經烤得啱啱好，鬆脆之餘，更加有蛋香。入邊嘅牛柳鮮嫩多汁，搭配埋菇菌蓉，正宗經典製作手法。鹹蛋黃小食拼盤$128性價比好高，非常抵食，有蝦球，薯角，洋蔥圈，腸仔同雞翼。搭配豐富，而且啖啖蛋黃鹹香，邪惡之餘更加滋味。

放工後想食返餐嘆返下，就揀左油麻地 Lockeroom食晚餐，之後仲可以去旺角行下街𐻹🥰 餐廳有球場餐廳feel，掛滿阿仙奴嘅波衫，仲有其他紀念品 今晚晚餐揀左龍蝦牛扒，另一個餐就係鱸魚，仲有白蘿蔔濃湯🥣、蒜蓉包🥖同沙律🥗跟餐 晚餐✅ 波士頓活龍蝦 (半隻)配美國 Creekstone牛西冷Boston Lobster (Half) wuth U.S. Creekstone Beef Sirloin 波士頓龍蝦🦞好大隻，肉質又嫩滑煙韌，加埋美國西冷牛扒🥩就可以雙重享受😋 ✅ 香煎海鱸魚柳意式鮮蕃茄莎莎Grilled Seabass Fillet with Tomatoes Salsa 鱸魚嘅魚肉很爽口，薯菜係鮮味嘅南瓜薯蓉同羽衣甘藍😋 豐富嘅晚餐後，再嘆杯cappuccino咖啡☕，真係好enjoy 今晚個晚餐🥰

今日嚟到油麻地依家樓上餐廳，入邊係做緊足球主題，如果係阿仙奴嘅fans就啱晒啦！雖然我都唔係好睇足球，但係身處呢個環境都覺得非常之得意！你嗰度食晚餐佢嘅晚餐套餐都幾抵～百零$200已經有晒沙律餐包同埋餐湯！佢嘅沙律上碟嘅方法非常之特別，係放咗喺一個罐入邊，等你自己打開佢再加番啲黑醋！沙律菜非常之新鮮同埋夠晒凍，加埋黑醋簡直係非常之夾！至於餐包就係蒜蓉包，佢烘到熱辣辣，仲要勁大陣蒜蓉味真係超正！佢嘅餐湯竟然係紅蘿蔔青蘿蔔湯，本身仲以為係西湯，點知原來係中湯，但係飲落真係超足料，同埋冇味精！勁正！晚市套餐我哋就叫咗一個燒春雞餐同埋牛脷！同埋仲叫咗一個小食就係鹹蛋黃雞翼～估佢唔到個鹹蛋黃雞翼竟然咁好食，咬入去d雞油就咇晒出嚟～鹹蛋黃味非常之香濃！勁邪惡！熟成牛呢配上黑胡椒蘑菇汁，非常之特別，牛脷唔會好鞋，面頭仲燒到脆脆地咁好正，估佢唔到伴碟仲有羽衣甘藍！真係好驚喜同埋伴碟嘅紫薯蓉都非常之好食好軟綿～牛脷非常之嫩滑～跟住就係燒春雞，燒春雞真係非常之咁鮮嫩多汁！我就鍾意啲汁另上，佢嘅半碟又係有紫薯同埋羽衣甘藍，仲有焗蕃茄，超級健康！雞皮燒得好香脆，配上多汁嘅雞肉，我食到一啖接一啖停唔到口！

今日去咗間由忠實阿迷開嘅足球主題餐廳食Lunch，一入餐廳就見到代表綠茵球場嘅仿草皮球場綠地氈，兵工廠紅白配色嘅皮櫈，四周放滿球會精品同簽名波衫，餐廳環境佈置好有心思，唔講以為去左Showroom，足球迷黎到一定瘋狂打卡。兩款Set Lunch分別係香辣蒜片牛柳意大利扁麵、燒可持續石斑魚柳配法式龍王湯，跟餐係是日餐湯－甘筍湯配香蒜牛油法包，甘筍湯夠Creamy，味道相當香甜，蒜蓉包亦夠脆。前菜同小食方面，食咗我最愛嘅鹹蛋雞翼，炸到脆卜卜嘅雞翼表面鋪滿勁香嘅鹹蛋皇，外面香脆內裡juicy；另外叫左款沙律－蟹肉芒果木瓜牛油梨沙律，蟹肉非常足料，份量適中嘅沙律醬，配上芒果木瓜牛油梨等，感覺非常健康又開胃，雞翼同沙律上面仲有一粒粒啫喱狀代表足球嘅白珍珠，可見廚師相當用心設計菜色。香辣蒜片牛柳意大利扁麵偏辣，意大利扁麵唔會過油，牛肉亦煮得剛剛好唔會韌；石斑魚柳配法式龍王湯整道菜海洋鮮甜味好足，湯底係好重蜆味同魷魚香嘅蕃茄魚湯，石斑魚柳非常滑嫰，薯菜係甜甜嘅蕃薯蓉。 甜品相當有驚喜，法式焦糖燉蛋上層焦糖烤到脆卜卜，低層香滑有濃濃雞蛋香；朱古力三重奏心太軟必點，一切開暖笠笠嘅朱古力蛋糕，裡面流心朱古

好多人都好鍾意足球，我男人都唔例外，男人既浪慢上次聽朋友講，油麻地既譽發廣場8樓有一間阿仙奴足球主題餐廳，今日帶我男人黎潮聖下一入到餐廳，佈置紅色為主，襯托返阿仙奴嘅logo顏色，掛滿唔同顏色既球衣同珍藏品，好似去左阿仙奴既展覽咁精彩晚市平日已經滿坐，想食既朋友仔記得要book 定位晚市有主餐牌或套餐套餐（沙律、西湯、主菜、飲品）沙律沙律菜好新鮮，食落好清甜，而且最特別有粒粒既爆珠，食落更有口感而且店舖會提供黑醋可伴入沙律酸酸甜甜令人好開胃南瓜湯食到有南瓜蓉，湯底好香滑充滿甜甜既南瓜味波士頓活龍蝦（半隻）配白松露忌廉扁意$168波士頓龍蝦配上芝士依然食得出肉質鮮甜，而且有滿滿嘅蝦膏，而且店舖好貼心將龍蝦鉗鉗碎放便客人食用白松露配上忌廉汁味濃厚，令扁意粉好掛汁香燒美國Creekstone 牛肉眼扒拼法國鵝肝$238店舖用上天然無激素黑安格斯肉眼，肉眼煎出來係粉嫩既五成熟法國鵝肝外層煎得香脆，內層口入即化飲品凍水果茶 （鋪差價）茶底剛好，唔會太濃太淡而且有粒粒既水果粒