Lockeroom Dining (譽發廣場) (已結業)

⚽️香港少有足球主題餐廳⚽️今日有機會拜訪一間用英超球隊阿仙奴做主題嘅餐廳，用球隊嚟做主題喺香港都真係幾少見嘅。餐廳裏面唔少阿仙奴相關嘅展品，包括簽名球衣、紀念書刊、球星figure等，未開關去唔到酋長球場，都可以黎呢間餐廳參觀下。呢度每個星期會有唔同set lunch，價錢方面一般都係around 七八十蚊。服務都唔錯，服務員會keep住幫我哋加水👍🏻先上嘅係Lockeroom Dining鹹蛋黃小食拼盤，如果係鹹蛋黃fans就一定唔可以錯過，因為每件小食都沾滿左鹹蛋黃醬，仲炸到脆卜卜，非常酥脆可口。不過就一定要同人share啦，如果唔係成盤食晒呢都好熱氣之後就試咗個set lunch烤焗紐西蘭羊架紅酒汁，羊架煮到啱啱好，唔會太熟煮到好韌，不過都有少少羊嘅膻味，加埋紅酒汁就啱啱好。最後散叫左個法式蛋黃醬焗波士頓活龍蝦，龍蝦開邊，上面搽滿蛋黃醬，餐廳仲好體貼咁將兩隻龍蝦鉗開殻，唔會食到隻手污糟晒。整體嚟講，呢間餐廳嘅食物真係幾有水準，如果係阿仙奴嘅球迷，可以嚟試下。

想係旺角搵個地方傾下計同食西餐～睇openrice食評唔錯、環境又幾特別就試試！以阿仙奴作主題餐廳，足球世界的餐廳！是特別的！叫了兩個 Set Dinner！是日精選沙律、蒜香牛油包、湯🧡海鱸魚柳意式鮮蕃茄莎莎🧡波士頓龍蝦配西冷牛是日精選沙律、蒜香牛油包配上香醋汁沙律好好味～跟清新沙律加上點綴！好喜歡蒜包邊邊的焦燶～少少脆脆、中間蒜油軟包香滑的南瓜沙湯，唔會太稀、太黏～剛好！味道也好！海鱸魚柳意式鮮蕃茄莎莎好完整兩件，煎香黃金色，很好喔！味道也不錯，魚肉一片一片～肉質也彈口！蕃茄莎莎的調味也很好，帶出魚的味道，一起吃很好。波士頓龍蝦配牛西冷牛西冷外層煎香，內層肉質軟，口感很好。龍蝦鮮甜，啖啖肉，芝士在面焗，味道鮮味香濃。

與友人慶祝生日，想搵個靜靜地可以傾吓偈，又可以坐得舒舒服服嘅地方，就諗起Lockeroom😊去年除夕來過，感覺好好，足球主題，裝修很有心思，清靜舒適。連隻碟都係足球場圖案，很符合主題！女士們如果唔想食得heavy，有沙律餐，很新鮮。肉類選擇都好多配飯配意粉都得重點來了！今次係慶祝生日，所以點了甜品，並寫上「生日快樂」字句😍真係好精美！今次係食Set Lunch，所以另外加甜品係正價，不過開心最緊要🥰

☆ 𝙇𝙤𝙘𝙠𝙚𝙧𝙤𝙤𝙢 𝘿𝙞𝙣𝙞𝙣𝙜油麻地彌敦道558-560號譽發廣場8樓上網見到呢間餐廳係用阿仙奴做主題，平時少爺成日都睇波，雖然佢唔係鍾意阿仙奴，不過見到幾得意所以都帶佢黎睇下食下野(*¯︶¯*)✦ 燒烤醬西班牙黑毛豬梅肉拼北海道元貝黑毛豬外脆內軟，肉質又嫩整得剛剛好，好好食，而最令我驚喜嘅係個粒荔枝，配埋一齊食個層次又提升左，好味！PS：伴碟個d羽衣甘藍都好好味。✦ 澳洲草飼牛柳蒜香意大利扁麵牛柳好淋，整個意大利麵調味都好好好平均，唔似平時個d蒜香乜乜乜就會好油好鹽咁，所以好食！✦ 沙律、餐湯、蒜蓉包Set dinner包埋嘅，沙律有爆爆珠好得意，同埋鍾意佢有三色椒，平時d沙律少d有，餐湯係南瓜湯，唔似平時d南瓜湯咁，呢個唔杰身，但都好濃南瓜味，好飲！個蒜蓉包好軟熟，特別鍾意佢點包嗰個黑醋，真係好好味！✦ 雲加 (紫色)底部係蜂蜜同青檸，上面紫色係碟豆花，面頭仲有少少青檸碎，所以我個時未除口罩都已經聞到青檸個d味，飲落酸酸甜甜，咁岩喉嚨呢幾日有d乾，可能因為有蜂蜜，飲呢個就即刻覺得有d潤喉感。✦ 兵工廠 (橙紅色)底部係洛神花，跟住有d桃同茉莉茶，我本身鍾意桃味，所以都覺得呢個

上星期食過#LockeroomDining 旺角分店因為真係抵食又好食的緣故 所以今日又食黎到油麻地分店 同樣以#阿仙奴 做主題呢間分店更多簽名珍藏同埋更光猛闊落Lunchset 芝士焗忌廉粟米黑毛豬蛋炒飯連烘脆蒜蓉包 鮮味南瓜湯同餐飲都只係$68痴線直頭係跳樓價 仲要超大份足料另外叫左香烤美國1855頂級牛肉眼扒有成330-350g 兩至三個人share都夠食厚切得黎煎得剛好 十分嫩滑 牛味濃🥩仲叫左個小食白松露忌廉炒野菌🍲上枱大碟到以為係Pasta😂好濃稠好正 如果用黎煮Risotto/Pasta實好正🤩兩間分店都好有水準又抵食💛原來佐敦仲有間#LockeroomExpress有機會再去懲罰埋佢先🤪

🍽今日嚟到呢間阿仙奴主題嘅餐廳食dinner🤣好搞笑 好少見有呢啲足球主題餐廳🥸⚽️雖然小編唔係球迷但係見佢啲食物好似不錯就吸引咗我🤤波士頓活龍蝦(半隻)配白松露忌廉扁麵 $168餐湯🥘餐包同沙律🥗(跟餐餐湯今晚就係粟米湯 略嫌粟米蓉有渣 入口感覺一般 但係整體上都可以嘅 餐包係牛油蒜蓉多士 脆口嘅 而沙律就不過不失啦！🤣龍蝦肉新鮮爽口🦞同埋都有好多膏🥰白松露忌廉加上麵既配搭好match🥸而麵既口感軟硬適中 烹調嘅時間啱啱好🤤香燒美國creekstone牛肉眼拼法國鵝肝 $238 小編叫五成熟 但係感覺嚟到之後係變咗7、8成🤣牛扒係有肉味既~唔會好多筋 不過不失 主角反而係法國鵝肝 煎得好香同埋食落好重油香味🤤 兵工廠 $28飲品紅色既底係洛神花 上面係Jasmine tea 飲落去好清新 又唔會太甜👍🏻雲加 $28飲品底部加咗蜂蜜青檸汁 上面係碟豆花 飲落去酸酸甜甜🥰朱古力三重奏心太軟 $78 (凡惠顧參考套餐可享6折優惠加配🥺)心太軟有驚喜！❤餐廳係即焗既 食上嚟熱辣辣呈流心😛️朱古力醬好濃 仲要唔會好甜 飯後甜品嚟講係值得一試既！🤤📍油麻地彌敦道558-560號譽發廣場8樓整體：🌟

今晚來到油麻地，食的是西餐，來到譽發廣場Lockeroom。一整間餐廳一入門口見到透著濃濃的球迷氣息，裏面室內也有很多不同的球衣，是球迷們的打卡勝地。Menu 較少，所以更昜揀到菜式。要了兩個套餐波士頓活龍蝦半隻配美國creekstone 牛西冷、澳洲草飼牛柳蒜香意大利扁麵。配是日精選沙律、是日餐湯及蒜香牛油法包，飲品要了兩杯熱檸水。波士頓活龍蝦半隻配美國creekstone 牛西冷$268上枱最搶眼的當然是芝士焗波士頓活龍蝦，芝士非常香濃，波士頓龍蝦很多糕，非常肥美鮮甜，濃香的芝士令龍蝦更鮮味！當然，美國creekstone 牛西冷扒也頗大件，也非常吸引，牛扒七成熟，煎得剛剛好，裏面肉質還帶粉紅，加上黑椒，很美味！澳洲草飼牛柳蒜香意大利扁麵$168澳洲草飼牛柳鋪於面上，份量也不少，大約五成孰，帶著嫩紅，比起美國creekstone 牛西冷又另有一番味道，入口嫩滑，牛 francis的選擇！意粉口感煙韌，帶香草的香味，很可口。

中高質系列 – Lockeroom Dining💚小編有感想🧐旅遊氣泡再一次爆破真心唔太明白😤某女士個腦諗咩又逼針💉又自費強檢🧪又隔離咁有樣野叫共存😡佢幾時先明呀------------------------------環境: 餐廳位於樓上💡燈光幾光猛一到餐廳就會感受到濃濃既足球氣氛⚽牆上掛左好多兵工廠球員既波衫作為裝飾🎽小編仲見到有一間大房🤭 如果多人聚會仲可以自已圍威喂🥳------------------------------食物:香燒美國Creekstone牛肉眼拼法國鵝肝 ($238)🥩諗住有鵝肝又有肉眼扒,仲有埋湯,沙律, 包, 飲品 😋呢個價錢塊扒唔會太大既姐🤔點知我錯了😵塊扒比想像中大同好厚身 小編食開5成熟🔥所以知道厚扒係特別難煎 但係呢個5成煎得好靚 小編非常欣賞❣️❣️鵝肝稍微細左少少🤏🏼不過味道相當唔錯沙律夠鮮🥗而且黑醋汁好好味用左密封玻璃樽上好特別👻波士頓活龍蝦(半隻)配白松露忌廉意粉 ($168)🦞龍蝦用芝士焗🧀好香既芝士味仲有細心位小編覺得值得一讚👍🏻廚師好細心地將龍蝦鉗🔨開左少少 食起上黎就方便左好多🤗白松露汁好香濃🤤而且黏稠度岩岩好岩岩好掛係意粉😋啖啖

之前去過旺角店食過lunch覺得食物質素唔差，知道油麻地開咗今次就約朋友試下佢嘅 dinner，地方比旺角店大同舒適有大玻璃可以望出街外約埋朋友傾下計吹下水，這間也是有好多靚嘅球衣掛起給客人欣賞，門口又有口罩消毒產品給客人用set dinner 都只是$138 - $268 已經有餐湯, 蒜蓉包,沙律, 主菜同飲品認真抵食質素亦唔差香烤澳洲羊架配德國腸$208~口感軟嫩juicy冇羶味👍香烤美國1855頂級牛肉眼扒330-350g$258~粉嫩肉質柔軟多汁👍.

🐷🎈油麻地唔係阿仙奴球迷都會like嘅西餐廳👍🏻💥意式香烤深海石斑魚柳lunch set $78好食指數：🐷🐷🐷🐷🐷🐷🐷🐷8/10回頭率：🐷🐷🐷🐷🐷🐷🐷🐷8/10Lunch set包兩片蒜蓉包同餐湯，蒜蓉包焗到香脆，蒜蓉味十足，配埋非常清甜嘅南瓜帶子濃湯，絕對係值得一讚嘅前菜！一上枱即刻聞到石斑魚柳新鮮魚味，份量夠足而且十分肥厚，食落一啲腥味都冇，部分面頭外皮仲煎到少少脆，裡面魚肉肉質嫩滑，調味啱啱好。配埋上面嘅新鮮蕃茄粒，可以中和魚味。lunch set仲可以選配飯或扁意粉，以呢個價錢絕對高性價比！💥炭烤美國1855牛肋排蜜糖肉汁 $188好食指數：🐷🐷🐷🐷🐷🐷🐷🐷🐷9/10回頭率：🐷🐷🐷🐷🐷🐷🐷🐷8/10本身以為係類似肋骨嗰種，原來係似牛仔骨。第一個反應係覺得超大份！整整三大塊牛肋排！雖然唔多覺有炭烤味，但蜜糖味好夠，牛肉一啲都唔韌，調味啱啱好，有肉汁好惹味。💥黑松露香脆薯角 $58好食指數：🐷🐷🐷🐷🐷🐷🐷🐷🐷9/10回頭率：🐷🐷🐷🐷🐷🐷🐷🐷🐷9/10呢個薯條樣嘅薯角都係好正！即叫即炸上枱熱辣辣，薯條香味四溢，又夠薯肉，最緊要係配埋粒粒黑松露，眼見黑松露份量超足，條條都痴滿哂松露勁

之前喺旺角食過都食過Lockeroom都覺得唔錯，今次見油麻地都有分店就去試下，呢間感覺同樣都係以足球做主題，落地玻璃掛哂波衫今次去到有lunch set供應，而且好抵食，每樣都唔過一百就有埋餐湯，法包同野飲蒜香牛油法包法包充滿牛油同蒜茸味，而且焗到好香脆南瓜湯南瓜湯入面仲飲到南瓜茸，唔會太甜膩芝士流心溫泉蛋大啡菇大啡菇上面鋪左羽衣甘藍，溫泉蛋同芝士，切開溫泉蛋嘅蛋汁即刻流出黎，大啡菇又多汁，成個配搭夠哂juicy慢燒挪威三文魚柳鮮番茄汁三文魚柳煎得啱啱好，魚皮香脆，裏面充滿三文魚油，蕃茄汁酸酸地幾開胃烤西班牙橡樹果黑毛豬梅頭肉梅頭肉肉質嫩滑，黑毛豬味濃郁，而且一啲都唔肥膩Tiramisu佢上面鋪咗一層木糠，忌廉嘅中間夾住一層咖啡果凍，幾creamyCream brûlée 焦糖燉蛋上面焦糖香脆而唔會有苦澀味，燉蛋幾滑溜又唔會太甜特飲上面係碟豆花，下面係青檸同蜜糖，酸酸甜甜好適合夏天飲上面嗰層係蜜桃茶而下面係洛神花茶，睇得之餘亦都好好飲

有邊間餐廳大家會食完之後再去食？繼續為大家介紹我食過唔只一次嘅餐廳。依間Lockeroom Dining係旺角有兩間分店，一入到餐廳就見到擺滿大量波衫，我本身就唔係好睇波，不過依間餐廳嘅食物質素真係相當唔錯，令到我食完再食。🤩-晚餐set有成18款選擇，緊有一款岩你心水！每個餐set都包沙律、餐湯、蒜蓉包、主菜同餐飲。沙律用玻璃樽載裝住，裏面有車厘茄、火箭菜、紫椰菜等，全部都好新鮮，配埋黑醋，非常開胃！是日餐湯係粟米湯，絕對唔係罐頭貨式，飲到有好多粟米碎粒。蒜蓉包新鮮焗起，熱辣辣。👍🏿-主菜試咗三款，都係好高質素。巴馬風乾火腿配黑松露忌廉天使麵好特別香，好重黑松露嘅味道，香濃惹味。美國牛肉眼扒拼法國鵝肝依個組合好特別，滿足哂兩個願望，口感好豐富。香烤澳洲羊扒拼德國腸，羊扒肉質軟嫩多汁，德國腸皮煎至香脆，肉味濃郁帶陣陣香草味道，推介！最後再加個法式燉蛋甜品配埋特飲，畫上完美嘅句號。👏🏾-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4)回購評分▶️🌕🌕🌕🌕🌗 (4.5)-➡️ Lockeroom Dining (譽發廣場) (油麻地)📍 油麻地彌敦道558-560號譽發廣場8樓-

成個環境好似阿仙奴小型展覽館，牆上掛滿球衣，足球等作為裝飾，好有心機，連食物碟都係足球場，睇見都開心，今晚和男人感受一下。總結，今晚晚餐好高水準，睇得又食得，這間好推薦。人均：$269.香烤美國熟成牛舌黑胡椒蘑菇汁晚餐set，有沙律、湯、蒜蓉包，主菜配飲品，極豐富。十分滿意和豐富，食物很高質，熟成牛舌口感嫩而厚實，不會太難咬，在口腔輕輕一咬就可以，最正黑胡椒蘑菇汁，極好味，微微辣，還有一塊塊蘑菇洋蔥混合一起，好好食！旁邊有炒過的羽衣甘藍，焗薯蓉蕃茄仔，很豐富，CP值極高，好推介！.卡邦尼蟹膏意大利扁麵配溫泉蛋好喜歡個汁呀！！！食到尾我連剩餘的醬汁慢慢食埋去🤣好香蟹膏味，加上溫泉蛋混合令扁意粉更濕潤，值得叫。.水牛城雞翼有五隻，炸得通透，夠辛辣，醬汁包住雞翼，好食！.雲加好有噱頭，加$28決定一試！有驚喜，酸酸甜甜，好岩女仔飲。是碟豆花加青檸，果皮，好飲呀！即時開胃！.即製梳乎厘班戟跟餐叫甜品有八折，好抵食！好動L！食落口好似食空氣，高水準！

As a Liverpool fan, I have never imagined visiting an Arsenal themed eatery that is of such good quality! The restaurant is obviously decorated as a football field as there are green grass-like floors and red chairs just like the ones on football fields. There are also a lot of football tee shirts hanging on the windows, which looked indeed quite photogenic and ravishing.With appearance like this, I would never have guessed that the food could be so yum! We ordered two sets and they each came wi

尋日趁住放假，約咗個好耐冇見嘅friend嚟到旺角行街，行完順便食dinner~我哋揀咗譽發廣場呢間西餐廳，佢係以足球做主題嘅餐廳，入邊有好多波衫，好適合鍾意足球嘅朋友嚟聚餐佢有晚市套餐嘅選擇，大概$100幾到$200幾不等，包沙律菜，餐湯，蒜蓉包同埋主食,餐飲鮮羅勒香蒜煙肉芝士腸蝴蝶粉$148好正嘅蝴蝶粉，食落軟淋淋，擺盤幾值得打卡，醬汁幾香，有香噴噴嘅羅勒葉，芝士腸配埋蝴蝶粉，食得好滋味波士頓活龍蝦半隻配美國Creekstone牛西冷$268好大隻嘅龍蝦🦞有芝士係面，食落蝦肉感覺幾新鮮，仲有配南瓜蓉同菜，感覺幾健康～好香嘅牛西冷，大大塊，叫咗七成熟，幾有咬口，仲好Juicy添，一咬啲肉汁就出晒嚟，好味😋沙律菜跟餐配一罐沙律菜🥗仲有黑醋汁，感覺幾健康蒜蓉包蒜蓉包有幾香嘅蒜蓉味，烘到脆脆地又軟軟地，唔錯南瓜湯南瓜湯十分之creamy，仲有好多南瓜蓉，感覺好足料朱古力三重奏心太軟$46.8 加Vanilla ice cream $12跟餐叫自家甜品仲可以六折添！我哋叫咗朱古力心太軟，一切落中間係流心嘅，仲有香甜嘅朱古力🍫我哋加配雲呢拿雪糕🍦將心太軟嘅風味昇華