Lockeroom Dining (朗晴坊) (已結業)

同朋友第一次去呢間食環境都坐得寬敞 岩哂談心😍呢個dinner set 有包沙律同餐湯😍餐具好精緻 lady 岩哂少女心既我地😍我地叫左兩個set 3人share食 好飽😋塊扒好大塊 都幾好食😋龍蝦都好食！😋推介👍🏿👍🏿我地仲叫左肚翼同大啡菇，都ok~當然吾少得叫甜品，甜品外形好靚❤️味道都好食，如果吾係咁飽 仲想試多幾樣甜品😍👍🏿👍🏿👍🏿推介下次會再黎食😍😍❤️服務都好足，不停幫我地加水👍🏿

作為一個球迷，呢度嘅佈置確係特別，亦見到店主嘅精心格局及用心之處。但小弟食食物一向都唔係食環境，而係對食物嘅真材實料有要求。所以能夠吸引我的並不是這些，但你確實是一個賣點，我覺得要重點推介給各球迷來打卡。說回重點，它平均一個午餐大約$50至$80不等，話平唔平、話貴唔貴，但在各方面細節都感到店主的用心支持。我今日食嘅係一份魚嘅午餐，包括餐湯，薯菜，都做得好細緻、口感好豐富，特別順帶一提出面較少鋪頭用紫薯去做薯蓉，呢一點真係好特別，亦是這間店舖明顯給予別人他用心改良嘅地方，唔係人云亦云，人做乜佢做乜。其實我之前亦有食過他的牛午餐，及雞午餐，全部都屬於高水準之作。在短時間之內我已經食過三次，所以如果你在附近做嘢，這個地方既寧靜，午餐亦高質。絕對推介。總好過在樓下一些連鎖店，又要食特別又唔好食。唯獨一個小缺點，就是以一個男性來講，佢午餐嘅份量屬於偏小，呢點大家要絕對留意。

今晚在旺角打波，打波前就去附近醫肚，嚟到再決定食乜東東，依幢有好多樓上食肆，今次㨂咗在8樓嘅Lockeroom Dining，大廈只有兩部升降機，故十此都要花一點點時間才能乘搭。Cafe以阿仙奴為主題好明顯老闆係超級阿仙奴迷啦，每個角落都係阿仙奴㗎，勁多球衣同簽名。Walk in 關係⋯⋯無訂檯，最有趣係好似雀籠嘅二人座，可惜已被訂了。揀了set dinner (A) 和(P)，包蒜香牛油法包、精選沙律、餐湯、主食及餐茶。是日餐湯加$10就可以轉餐牌上其他湯，改成鮮蕃茄薯仔蓉蟹肉湯和黑松露蘑菇湯。 好滿意，夠晒料好濃郁！沙律用了一個有蓋的玻璃瓶盛放，玻璃瓶也是冰凍的，內有果汁爆爆球，好正 !主菜選擇(A)至(R)，梗有一款啱心水呢！西班牙黑毛豬拼北海道元貝 HK$198塊黑毛豬好好味，如果北海道帆立貝可以大粒尐就更好了卡邦尼意粉配溫泉蛋 $118友人話個意粉好好味，個溫泉蛋係精髓 !如果想食甜品，惠顧晚市set dinner更可以6折享用大餐牌中的甜品一客呢！今晚好開胃，所以另外加了一客黃金雞中翼，上一檯那濃濃的蛋黃香極度誘人餐後又點少得甜品一環，優惠價加配了一客心太軟雪糕作完結 

想搵間餐廳同男朋友撐枱腳， 咁啱見到呢間lockeroom 竟然全部都係好平， 就決定嚟呢度食。喺門口已經見到呢間餐廳嘅佈置全部都係以足球球隊為主， 入到去有好多簽曬名嘅球衣， 亦都有好多簽咗名嘅球員照片， 貼曬喺牆上面， 簡直就好似足球迷嘅世界咁樣， 裝修別出心裁， 雖然 舖頭面積不大， 但係都幾舒服。呢度嘅set dinner由百幾蚊至248蚊不等， 算幾抵食。 我哋叫咗一個流心芝士吉列豬柳， 同埋一份波士頓龍蝦配西冷扒。有一係套餐所以我哋都有沙律、蒜蓉包、湯、main course、同埋餐飲。個沙律放喺個玻璃樽入面賣相好吸引， 蔬菜新鮮， 最特別嘅係佢有 一小兜黑醋係分開上嘅， 可以自由選擇落幾多， 佢個操比較傑身 甜甜酸酸咁好好味。焗蒜蓉包亦都有好香嘅蒜蓉味， 非常鬆軟可口。異國餐廳亦都非常之特別， 係用白蘿蔔磨成蓉而造成嘅， 味道就係平時食海南雞飯嗰碗蘿蔔湯咁樣， 但係就濃郁好多。主菜嘅份量就好足夠， 仲用咗超級食物羽衣甘藍嚟做配菜。真係滿足嘅一餐。

朋友係球迷，無意中上openrice搵餐廳，搵到間係足球主題既餐廳，緊係即刻帶我fd去食啦😛 係朗晴坊8樓（朗豪坊隔離），成間餐廳裝修都係簽名球衣、明星閃卡...足球為主，我fd勁開心係咁影相😂食物方面估唔到都咁好食，我地食晚餐，有齊晒頭盤、main course、甜品食，食物質素仲要好高。頭盤：沙律+湯沙律有蔬菜、蕃茄仔、荔枝粒，另外蔬果湯都好足料，兩個開胃又好味😛香燒美國creekstone牛肉眼拼法國鵝肝勁推介依個！牛扒我叫左5成熟，離到好fit！牛扒好林，又唔有血腥味（平時出去食既餐廳好濃血腥味好唔鍾意），依間煎到岩岩好，配住source同鵝肝食一流👍🏻法國野茵鮑魚雞肉香草醬意大利飯不得不讚既係鮑魚同雞肉都好林、好彈牙，意大利飯配白汁食好味，夠晒飽😛朱古力三重奏心太軟+法式焦糖燉蛋甜品就咁睇賣相已經好靚！朱古力心太軟外層焗至小脆，裡面暖暖既流心朱古力醬，一塊放入口爆汁，勁正😆法式焦糖燉蛋好濃香蛋味，好滑，兩個都好推介！食完晚餐食埋甜品大滿足☺️

一行三人被餐廳既足球主題佈置吸引，決定一起來吃晚餐，大概一星期前book定位我地叫左兩個set dinner前菜有沙律、湯、蒜蓉包，沙律入去既爆珠配埋沙律好有新鮮感主菜有美國1.香燒牛肉眼拼德國鵝肝2.波士頓活龍蝦配美國牛西冷飲品我地揀左水果茶，入面有唔同既水果另外我地再叫左兩樣小食分別係流心芝士溫泉蛋焗大菇、水牛城雞翼第一次試溫泉蛋加菇既配答，感覺幾夾！水牛城雞翼酸酸辣辣都幾開胃，雞翼外脆內有肉汁！甜品我地叫左法國焦糖燉蛋同埋Tiramisu, 味道都幾好，燉蛋入面仲有雲呢拿籽，非常好誠意，焦糖亦好脆！晚飯時段餐廳坐滿，建議大家可以預先訂坐😋

之前黎過呢度一次 一直念念不忘 今日終於有時間番黎再戰 所以又要試試D新野~~ 主食我同呀媽都食左意粉 而我就想特別D 所以叫左個蟹膏忌廉汁溫泉蛋扁意粉 好貼合描述地 上面有隻好吸引嘅溫泉蛋 吉開佢 等D蛋汁同所有野融為一體之後 就係時候食啦XDD 首先意粉質感好好 彈牙但唔會硬身 而個汁整體黎月8可以話係perfect 因此佢好滑 仲要真係好有新鮮蟹膏味道 食到我唔願停另外 我亦叫左個黑松露湯 勁正!! 從來癟見過咁澎湃嘅松露 成個湯都見到無數嘅松露 一粒粒呾浮下浮下 好治癒呀~~ 飲落去果下係極度濃烈嘅煤氣味呀!! 我真心係勁中意最後嘅推介係我上次食過番尋味嘅雞翼 今次試咸蛋黃味 OMG 比上次食仲好食 好香蛋黃味 但同時亦唔會太油或太膩 雞翼大大隻 都幾抵餐廳基本上可以做到每味菜都好好食 水準好高 欣賞!

如果係阿仙奴球迷，當然要黎呢度打一打卡啦！但就算唔係足球狂熱fans，都可以黎呢度一試架～店內裝潢不乏足球主題擺設，但同時食物質素都有返咁上下水準架！蒲坐低就會遞上熱辣辣嘅蒜蓉包，蒜蓉味好香包身好軟腍，作為開胃菜一流～🍞🍞是晚餐湯係南瓜湯，湯頭略咸但南瓜味濃，啖啖都感覺到南瓜香甜味👍🏻👍🏻Lockroom Dining鹹蛋黃小食拼盤 ($118)一個拼盤有齊全部人氣小食：雞翼、洋蔥圈、薯絲蝦、德國腸、薯角。全部都係用鹹蛋黃炸起，愈食愈想食！拼盤份量都夠，食完唔會覺得好膩，反而提高左食慾！海鱸魚柳香草醬意大利燴飯 ($128)上菜時已聞到濃濃香草味，鱸魚都煎得好香口，香草仲帶到魚嘅香同意大利飯嘅甘甜，鐘意比較清嘅西餐就啱哂，值得一試。香燒美國Creekstone 牛肉眼拼法國鵝肝 ($218)牛肉眼五成熟燒得剛剛好，但味道略鹹同肉質小韌。鵝肝煎得香脆，配埋牛一齊食仲令味道更有層次同豐富！

為左滿足阿迷老公 訂位一試老闆見訂位揀左生日主題 安排左鳥籠特別座位對於阿迷 全餐飯都會忍唔住四圍望 欣賞阿仙奴珍藏而食物質素方面 味道恰到好處 份量充足尤其牛肋排 有四大條 個汁甜甜地 肉質鮮美 高質

係朗豪坊睇完戲，友人就提議話去朗豪坊旁既朗晴坊，入面有間主題cafe 佢一直都好想去既。原來係一間以足球⚽為主題既cafe ，難怪係球迷既友人咁想「朝聖」。餐廳仲有個似鳥籠既特色座位，但今次就無緣一坐啦一行4人每人都嗌左個set dinner ，已經包左前菜（沙律+餐湯+蒜蓉包）、餐飲同一個主菜，睇落都好豐富啦😊 今次我地仲加左3個甜品添（凡叫晚市套餐都可用6折加自家甜品）-前菜： 沙律菜好新鮮仲好有驚喜喎，入面原來有爆珠，好得意👍🏻 蒜蓉包唔係一般硬身脆身既，反而係軟綿綿既，仲好香蒜蓉味，我個人就好鐘意啦-龍蝦鮮茄扁麵🦞🍅 ：唔好睇龍蝦細細都有d肉地喎，仲有少少膏添，不過個麵再焾少少仲好-芝士吉列黑毛豬柳🐷🥩：切落去個下已經漏哂d芝士出黎啦，吉到豬柳夠鬆脆而芝士餡又唔會好膩👍🏻-烤羊架配德國腸: 烤羊架夠軟嫩，反而最驚喜既係個配菜，平時都係薯仔/薯蓉，但哩到竟然係用紫薯蓉🤩🤩 -牛西冷配龍蝦🦞🐮：牛扒大大塊，叫左5成熟就啱啱好，又夠嫩仲保持到肉汁。加埋半邊龍蝦🦞，有肉有海鮮仲唔滿足到你個胃！-叫左3款甜品而我地最like 既係朱古力心太軟🍫，叫得3重朱古力真係唔係假既，好濃郁既朱古力

前排無意中發現旺角有間以足球⚽️作主題既cafe ，位置係朗豪坊隔離既朗晴坊😆。今晚就急不及待要帶家人黎試試啦，真係完全啱哂足球狂迷爸爸既「合尺」✨餐廳既怖置相當有心思，擺滿了簽名球衣唔好以為哩到淨係啱男人黎喎，你會俾佢少女心既杯碟餐具既反差surprise 到🤪🤪哩到既set dinner 包左餐湯+ 蒜蓉包、沙律、main course 同餐飲，價錢由$118 - $248 不等，仲可以6折加點自家甜品添🍮1）前菜：甘荀🥕湯+蒜蓉包+沙律🥗-第一次飲咁足料咁濃既甘荀湯🥕，食到粒粒甘荀蓉。沙律係以玻璃瓶盛載，令沙律菜仍可保持爽脆👍🏻2）波士頓鮮龍蝦🦞配鮮茄意大利扁麵-芝士焗龍蝦🦞肉質爽口彈牙，鮮茄醬酸酸甜甜好醒胃👍🏻3）脆炸流心低卡芝士吉列西班牙橡樹果黑毛豬柳🧀🐷-嘩嘩嘩！睇下d芝士多到流哂出黎😋哩個芝士吉列豬柳不得了，個脆漿夠薄又夠脆，個豬柳炸完之後仍然能保持肉汁唔會乾爭爭，大推❤️❤️4）香烤澳洲羊架拼德國腸🐑-一客有兩件羊架拼德國腸，羊架要左全熟竟然都唔會過老同好韌。廚師好聰明咁將羊架放係配菜上，羊架既油脂滲入羽衣甘藍中，令配菜都有羊味呀！😋😆5）波士頓龍蝦🦞（半只）配美國Creek

對旺角這間以足球為主題的西餐廳可謂是久仰大名，餐廳位於朗豪坊附近，看完電影後剛好順道與喜愛足球的朋友到此享用晚餐。既然是足球主題的餐廳，當然裡裡外外都佈滿與足球有關的物品，相信定必會令一眾球迷雀躍不已。芝士流心玉子大啡菇 ($55)大啡菇舖上雞蛋、火箭菜及芝士焗至香軟多汁，蛋黃保持半熟流心，切開隨即一湧而至。晚市套餐包括餐飲、沙律、是日餐湯及蒜香牛油法包。泡沫咖啡。法包外酥內軟且牛油味濃厚。波士頓活龍蝦配美國Creekstone牛西冷 ($248)雖然西冷牛扒點了三成熟但結果卻是五成熟，慶幸肉質仍然柔韌有致並不過份粗糙；而龍蝦肉口感亦鮮美爽彈。美國牛肉眼黑醋意大利扁麵 ($128)這份意大利麵所配的牛肉眼顯然比牛西冷遜色，肉質較為乾旱韌實，但意大利粉軟硬適中，口感煙韌。

身在旺角要食一餐優質西餐、要寧靜又要有特色的話，發現這間阿仙奴球迷博物館是不錯的選擇，位於朗晴坊8 樓以足球為主題慨念食店，食環境加上多款西餐選擇，晚餐性價比超值。店內最誇張的一定是貼滿球星閃卡的一幅背景牆，場內也擺設了不少店主珍藏的足球紀念品，地下草地的感覺及座位都好有特色，而且店內令人最印象深刻的一定是那座有如雀籠的情侶雅座，如果訂位不防可以選擇這個特別的空間進餐。餐廳晚市套餐包括了:是日精選沙律、是日餐湯、蒜香牛油法包及普通餐飲，蒜香牛油法包上檯香噴噴蒜蓉香，蒜蓉塗滿了整塊法包。是日餐湯:蕃茄薯仔湯香濃可口，送著蒜香牛油法包即時提升味覺。是日精選沙律用了玻璃樽進盛，沙律加上蘋果爆珠再配上黑醋汁，味道酸甜開胃。鹹蛋黄雞翼 $68晚餐以外另加的一款推介小食，鹹蛋黄佈滿在雞翼上實在太邪惡入味了，雞翼亦大隻滿意，表層蛋黄油香濃，內層雞肉滑溜。選了兩款晚餐主菜，香燒美國creekstone牛肉眼拼法國鵝肝 $218鵝肝份量厚度滿意，鵝肝味甘香味濃，6成熟牛扒，煎得平均入味，半熟牛扒肉質柔軟，配菜有大驚喜，紫薯蓉甜美絕配，還有最愛的羽衣甘藍，比一般的西餐牛扒健康欣賞。波士頓活龍蝦半隻配鮮蕃茄

呢間lockeroom樓上cafe座落係朗晴坊，係正朗豪坊隔離，最特別係成間鋪都用阿仙奴球隊做主題，可謂佬味甚濃。不過正正就係呢間佬味甚濃既cafe製作出精緻高質既菜色先至更加凸顯出鐵漢柔情既一面。言歸正傳，講下當晚我同老婆食咩先。點完餐後，侍應好快就遞上附送既蒜香牛油法包，熱辣辣既蒜蓉法包已經充滿住香濃既牛油，極邪惡但真係好好味。食完邪惡法包跟住就食返健康少少既羽衣甘藍鮮雜莓沙律。記得配埋黑醋食啊，寧舍開胃架！呢道西班牙黑毛豬黑醋義大利扁麵認真十分高質。麵條硬度適中，啱啱好可以吸收到適量醬汁。而黑毛豬肉質鮮嫩，肉味香濃，實在非一般豬肉可以比擬。高度推薦呢味脆燒原隻德國鹹豬手。首先呢味豬手炸到非常酥脆同時肉質又唔會乾曬，一定好考火候控制。 鹹度方面我個人覺得調味啱啱好，唔似其他德國餐廳既極濃極重口味，再配上芥末醬同炸洋蔥，食落都唔會太濟。最後我地仲叫埋個朱古力心太軟加Dryer’s ice cream添。 呢間cafe既心太軟上面再放多層薄薄地既dark chocolate,同心太軟入面熔融狀態下既朱古力真係呈鮮明對比，兩者同時放入口中，細細品味，果真樂事。真係估唔到一間佬味咁濃既ca

今日中午同同事去食飯，黎到旺角既一間樓上餐廳食中午。呢間餐廳好特別，佢係以足球黎做主題既，除左裝修充滿足球元素之外，入面仲掛左好多簽名球衣同埋足球員既卡。呢度有好多唔同肉類同埋海鮮，亦都有午市套餐。我地點左兩個肉類既主菜，分別係脆燒原隻德國鹹豬手同埋香烤西班牙頂級黑毛豬梅。德國鹹豬手超大隻，而且已經切好一條條，外皮超香脆。黑毛豬梅既肉質亦都非常軟腍，食得出係高質素既豬肉，而配菜亦都整得好有誠意，有新鮮既菜同埋薯蓉。最後，呢個心太軟亦都係高水準之作，流心程度岩岩好，亦都唔會太甜，配埋dryers 雪糕簡直係一流啊！