Lockeroom Dining (朗晴坊) (已結業)

今日去朗豪睇戲🎬順便去附近食野 隔離大廈原來有呢間餐廳百令蚊就有一個set dinner跟餐湯 沙律🥗 飲品 蒜蓉包超抵呀佢個沙律好特別 用玻璃樽裝住 好fresh配埋黑醋好開胃 鋪頭用嘅碗碟好精緻 岩晒我呢啲打卡放上ig蒜蓉包 好香好鬆軟 平時好怕好熱氣既蒜蓉包 但呢個唔會～ 而且熱辣辣餐湯係番茄🍅湯 好新鮮好fresh 用番茄打出黎既湯 好用心！會有蕃茄蓉 份量岩岩好鮮茄龍蝦扁麵🦞 龍蝦用芝士千島醬焗 超好食😋 啲龍蝦肉夠晒爽口番茄汁酸酸地好開胃！ 有d青椒 黃椒 洋蔥 至於鵝肝牛排🥩 份量絕對唔姑寒 勁大塊牛扒岩晒share 食至於甜品方面 心太軟 係我勁推介！一人叫左一個！好滿足！ 因為佢即叫即焗 就食完野可以早小小叫定勁流心🤤一人份量岩岩好 為成餐做個完美句號另外店員態度都好好 會不停幫客人斟水 同埋餐廳嘅裝修真係會令球迷心心眼每個staff 都著埋波衫 黎到食飯個陣可以睇下有無你支持個隊球隊啦！

同事係旺角做野 話晏晝呢間西餐都幾抵食星期日悽慘ot完就book左呢間餐廳 彌保下星期日都要ot既心仲俾左個好舒服嘅位我地坐🙈有sofa 有cushionLunch套餐嘅價錢的確唔算貴 下午茶時段仲有得減$10 我地就叫左個F餐 再加其他小食 意粉寶寶話覺得個蒜蓉包幾好食 因為好夠脆但又唔係硬 岩岩好佢個湯就真係好得意 係蘿白湯黎 飲落係會有蘿白絲tim 真材實料嘅 雖然一飲到蘿白湯就覺得好中式咁😂飲品就叫左杯荔枝薄荷 每次去cafe都好鐘意試薄荷野 但通常都嘛嘛 呢個算係試過比較好 因為荔枝甜味夠重 牛扒不足係我以為薯菜會係薯條or薯角不過塊扒都幾大 又唔會煮得太熟 味道尚可另外就叫左個蟹肉意粉 味道唔差 但好似唔係好覺蟹肉咁 同埋呢個黃金雞翼 好想推薦！！佢嘅咸蛋皮炸得好香 好好食！雖然色澤可能差少少側邊仲有爆爆珠伴碟~最後寶寶叫多左個甜品試下焦糖燉蛋 係凍嘅 面嘅焦糖係脆嘅 旁邊仲有個紅莓吉士批仔咁 食埋岩岩好值得一提下係發現舖頭入面好多波衫 足球呢d 好似個display room咁 鐘意足球或者阿仙奴嘅應該會喜歡~連碟仔都係一個足球場仔咁 好得意老闆可能係個鐘意以波會友嘅人

一入門口就見到餐廳門口一推足球裝飾，雖然我自己唔好足球，但朋友話過呢度抵食，啲嘢又唔差，所以就嚟試吓。同朋友分別叫咗兩個Set, 一個牛扒，一個三文魚，再加個咸蛋黃小食拼盤。首先上嘅係蒜蓉包，外脆內軟，焗得啱啱好，又唔會話好硬👍🏼之後係沙律，上嚟嘅時候見到個container 好得意，呢度啲杯碟都好有心思👏🏽沙律份量啱啱好，都幾新鮮。南瓜湯又甜又綿😛😌期待嘅拼盤嚟喇，好重咸蛋黃味喎，款式都幾多，食完都飽飽地😂🙈呢個抵食朋友嘅牛扒，試咗一舊，好腍好食我個慢煮三文魚都嚟喇，個汁加分，係磨菇香檳汁，配個三文魚啱啱好，係略略個三文魚有啲啲熟，如果可以無咁熟就perfect 了，同時好鍾意佢啲菜，好食。最後以一杯柚子蜜作終結啦，食到好飽好滿足。😌😌

餐廳：Lockeroom Dining (旺角)地址：旺角砵蘭街215號朗晴坊8樓以多款限量版簽名球衣⚽️、草地、球星照🏃🏽‍♂️等佈置而成嘅Lockeroom Dining餐廳，滿足左身為阿仙奴粉絲嘅老闆🕺🏼同一眾球迷，呢到除左有別緻嘅裝潢🤩，亦有精美嘅多國菜可以品嚐晚餐附送賣相吸引、令人開胃嘅沙律🥗、南瓜🎃濃湯同香脆蒜蓉包香燒美國Creekstone牛肉眼拼法國鵝肝 $218Creekstone farm一向以唔加激素同抗生素嘅天然養殖牛牛🐄🐂方式以出名，牛肉肉質較為優質上乘🐮，7成熟嘅肉眼🥩幼嫩多汁，配上法國鵝肝絕對係高級嘅享受鮮羅勒香蒜煙肉芝士腸蝴蝶粉 $128羅勒味香濃嘅蝴蝶粉🦋滲透住淡淡蒜香，煙肉🥓同芝士腸亦增添唔少味道同色彩，以多油去炒食落唔會好dry甜品跟餐點嘅話可享6折優惠👍🏾，叫左個法式焦糖燉蛋(原價$58)同意式芝士蛋糕杯(原價$58)，兩個都加左雪糕(另加$12)🍧，甜品裝飾真係好靚😻，任何人見到都會好鍾意，仲要每一款都自家製好特別，好食得黎係出面都唔會搵到一模一樣嘅

上個禮拜米米陪朋友去到呢間以足球為主題號西餐廳，一入到去就見到周圍都係以球衣、球星周邊做嘅裝飾，一大班志同道合嘅波友嚟嘅話都真係幾有氣氛㗎～夜晚人較多，排咗一陣先入到，一坐底無耐就有蒜蓉餐包食🥰非常香又脆！.咸蛋黃雞翼 $68甚少見到餐廳會有咸蛋黃雞翼食，所以就叫咗份，隻隻都好飽滿入味，雖然唔似雞翼山咁有咸蛋黃醬係面，但咸香味都好夠，仲無咁膩！.法國鵝肝牛肝菌意大利燴飯 $148估唔到呢個價錢就食到咁大塊嘅鵝肝，鵝肝煎得好香，但比想像中無咁油，味道超濃，每啖飯配少少鵝肝就好夠味！而且本身個燴飯都好香甜，唔會太濕太乾，口感剛好。.香烤西班牙頂級黑毛豬梅 $198肥瘦適中，只有少量肥膏，本身黑毛豬肉質會係較嫩口且味濃～靚嘅豬係會好味過牛扒.法式焦糖燉蛋 $58燉蛋入口即化，加上脆卜卜嘅焦糖，口感極佳！仲有覆盆子撻，酸酸甜甜非常解膩！

朗豪坊隔離既朗晴坊，有間足球狂熱西餐廳，一入門見到好多波衫同足球周邊～～Dinner set有10幾款Main course,我揀左美國牛肉眼拼法國鵝肝，朋友揀左Parma ham黑松露忌廉雜菌天使面，大家share食，仲叫左個水牛城雞翼～～除左食物外，想講呢度既餐具好靚，沙律前菜用個玻璃瓶裝，黑松露蘑菇忌廉湯，仲有好好味既蒜蓉包！牛扒7成熟，切開仲係粉嫩肉質，配上肥美既鵝肝，好juicy~~黑松露忌廉雜菌天使面good!天使面有彈性，忌廉好creamy，撈埋黑松露好香濃！大大塊Parma ham又香又柔軟～水牛城雞翼有另上辣汁，大大隻雞翼～凍檸茶另上糖漿，可自己調配甜度～

朗豪坊喺香港地係人都知，朗晴坊就係喺朗豪坊戲院隔離單棟樓房，呢度大多數樓層都係食肆，今天同朋友來到8樓嘅lockeroom，一間以阿仙奴為主題的餐廳。呢度每個角落都有阿仙奴的影子，而著阿仙奴球衣的老闆安排我哋坐喺呢個雀籠VIP雙人座，真係好多謝佢。两個set dinner分别係西班牙黑毛豬拼北海道元貝同埋白松露忌廉燴鮑魚美國雞脾扒。dinner 1嘅黑毛豬好嫩易入口，元貝鮮甜無渣惹人喜；而dinner2嘅白松露味香口味濃加埋大舊但不失嫩滑的雞脾扒，實在好满足。甜品焦糖燉蛋有個透明蛋殼造型超可爱。

餐廳位於朗豪坊旁邊的大廈朗晴坊，位置便利，旺中帶靜。想不到整間餐廳都以足球為主題，裝潢設計別具心思，地板披上假草皮，牆上更掛有簽名球衣、閃卡等珍藏，適合球迷來打卡！食物水準大有驚喜，而且價錢親民，晚餐包是日精選沙律、餐湯、蒜香牛油法包、餐飲，非常豐富！甘荀湯味道濃郁，每一啖都可以吃到甘荀絲，相當足料，碗碟還很漂亮優雅。沙律以玻璃樽仔盛著，賣相精美，除了新鮮爽脆的菜和紅綠椒，還有甜甜多汁的爆珠，增添清新感。蒜香牛油法包很出色，包邊脆身包心鬆軟，濃濃的蒜蓉和牛油味。香燒美國Creekstone牛肉眼拼法國鵝肝熟成度恰到好處，肉質夠嫩又不失嚼勁，肉味濃厚。鵝肝亦很美味，啖啖油香。以紫薯作伴菜頗有新意，其口感軟滑，薯味香甜，好好味，剛好可中和一下咸度和油膩感。脆炸流心低卡芝士吉列西班牙橡樹果黑毛豬柳很有水準，豬柳外層香脆可口，內裡肉嫩而爽口，油香豐滿，中間夾著香滑流心芝士，邪惡得很卻又令人欲罷不能。自家製甜品特濃朱古力蛋糕也是大有驚喜，上層是香滑的朱古力慕斯，底層則是實心的朱古力，口感具層次，而且整件蛋糕均是濃郁無比的朱古力味，卻不會過甜，吃光整件都不覺膩。蜜糖柚子茶比一般柚子茶更香甜，入口溫

男朋友好鍾意睇波，所以今日專登帶佢覓知音😂係餐廳門口已經見到好多波衫。佢已經超級興奮。入到去見到佢有好簽名波衫錶起左，雖然我唔識，但佢可以一一講晒出黎，餐廳仲有一邊牆都貼滿晒球員既相。如果你有個鍾意踏波既朋友，都可以考慮下帶佢去。但記得要事先訂位，因為真係好full。對於我黎講，梗係食物最重要，我覺得佢食物質數幾好，佢地仲好有創意。佢既前菜係沙律，佢係用黑醋去調味，所以酸酸甜甜，最特別係佢落左少少青椒同荔枝爆珠，所以食落好清新，有特別既味道。燒烤醬西班牙黑毛豬梅肉拼北海道元貝平時食開既黑毛豬梅肉，好多時都會覺得好鞋好乾因為煎得太熟，但尼間好有驚喜，咬落去d似係彈牙同好滑。同埋佢地自己整既燒烤醬唔會太鹹，味道適中，所以一啖接一啖，食到停唔到口。香烤美國creekstone牛肉眼拼法國鵝肝佢既肉眼好厚好大塊，食到我好飽，最後要交比男朋友食😂。所以大食既你，應該都夠飽。佢塊扒好juicy,因為我叫左5成熟，佢有黑椒汁調味。都唔會太鹹既，但我比較鍾意食原汁原味多d。如果你有好迷足球既朋友，或者好鐘意食好野既朋友，尼間餐廳都好適合你地😋

男友是阿仙奴粉，機緣巧合下搵到一間啱唒阿仙奴球迷餐廳，店內店內全部都係阿仙奴嘅球衣、紀念品同閃卡，男友二話不說即刻入去先因為時間尚早，入到去嘅時候餐廳職員安排我哋坐呢個位，好特別啊！我哋恍如置身係一個情侶小空間，談談情食食飯但係浪漫之中都不乏有阿仙奴嘅物品，哈哈落咗餐之後，男友就不斷喺餐廳內遊走，欣賞阿仙奴嘅球衣、紀念品同SIM落咗餐之後，男友就不斷喺餐廳內遊走，欣賞阿仙奴嘅球衣、紀念品同閃卡等，繼而瘋狂影相，如果唔係有嘢食，佢都唔捨得返埋位啊等緊主菜之前，聽職員俾咗兩片蒜蓉包，辣辣又香脆，老老實實每人寫一塊就真係唔係好夠啦跟住就上頭盤，唔使多講大家都見到係鹹豬手，熱辣辣吹卜卜，好味，仲要食到好嘈，因為好脆下仲有我地嗌左美國牛扒，五成熟，過來就烤得熟左，我地切開發現都七八成熟，呢方面真係要改善下飲品係檸檬梳打同埋水蜜桃梳打食飽飽我男友都好似好唔捨得呢到，仲叫朋友下次黎😆

今晚去了一間好有特色的餐㕔，位置在朗豪坊戲院旁邊的商業大廈，這座大廈大部份都是食肆，有臥虎藏龍的感覺😂⋯⋯一開𨋢門，你就會知道主人一定是一位超級⚽️迷！用各球員的球衣和球的飾物來佈置！是一個好有創意的嘗試，對於一位不愛球類的我來講，突然變了一個小球迷！聴朋友講這裡磨菇湯是必叫的食物，而另一様就是蟹玉牛油果🥑沙律。 咁就叫了這二款先。湯真的眾望所歸，濃和creamy! 而且好特別用隻咖啡杯來盛上，究竟有咖啡先亦或有湯先🧐🧐？而湯入面加了少許磨菇碎，增加左口感⋯⋯不愧為招牌菜👍⋯⋯而另一款是沙律，蟹肉拆絲，將茘枝做成一粒粒的水珠，杯子底下面有牛油果粒，芒果粒！清甜，比人感覺不會太膩⋯⋯而主菜當然是安格斯伴鵝肝，五成熟，剛剛好，無血淋淋感覺，肉質嫩，將肉汁鎖住！旁邊薯蓉由碎薯粒做成. 甜品怎可以少又另一招牌甜品焦糖燉蛋！用一個透明蛋形狀器皿盛。而另一個是淡淡白朱古力芝士餅，餅中間放了少許🍋⋯⋯提高了芝士味道！真的又另一個招牌菜😋😋

話說上星期同朋友去咗間哈利波特主題餐廳覺得幾得意，今日就帶寶寶呢個波友嚟試吓另一間特色餐廳—阿仙奴球隊主題餐廳🤓～餐廳入面有好多老闆絕版珍藏波衫🤩最有紀念價值的波衫已被表起😎最入面嘅area 應該可以做包場party~店入面仲有一張好特別嘅雀籠枱添😍 不過咁特別嘅枱當然要預訂座先有得坐啦🙈 雖然冇得坐，但睇下都開心嘅😜我地今日叫2個dinner set❗️Dinner set 有蒜蓉包、沙律、餐湯、主菜及一杯餐飲，非常豐富❣️清涼嘅沙律菜食落超新鮮呀❣️仲用玻璃瓶裝住，確保衛生👍🏻 另上嘅黑醋可以俾客人自己調節個人口味，好貼心呀💕 隻碟仲好靚☺️蒜茸包勁足料❗️超多牛油➕超多蒜蓉🤤未咬落去已經聞到好濃嘅蒜味，配埋香熱軟熟嘅麵包，食落係大滿足呀😍又係華麗器皿系列😍 女孩子最愛😚南瓜湯雖然南瓜味唔重，但質感好rich～~香烤澳洲羊架拼德國腸 $188罕見地用superfood 羽衣甘藍➕蕃薯來做伴碟蔬菜🥰 健康有益👍🏻羊架點左八成熟，羊騷味唔重，油脂亦唔多，肉質鮮嫩，肉汁豐富🤩.鮮羅勒香蒜煙肉芝士腸蝴蝶粉 $128芝士味🧀香濃又creamy❗️岩晒我呢d 芝士控😋蒜味唔重，羅勒葉味就比較重，呢種味/醬

開頭揀呢間去慶祝生日係因為地方就腳，交通方便，而且在openrice預訂有優惠～叫左兩個set dinner +一個小菜。蛋黃雞翼，洋蔥圈，樣樣都炸得好脆。蒜蓉飽熱熱地既。仲有沙律同餐湯。個餐湯好似係蘿蔔湯，因為我無飲，驚食唔落意粉同牛扒，都係我朋友幫我飲埋～個飲品我地叫左咖啡和朱古力，個杯真係好靚😍個個見到個杯都嘩一聲。仲要每檯都唔同款架。個扒煎得好靚，正。意粉味道偏濃味。我朋友鐘意食淡味所以唔鐘意食。最後甜品，用來慶祝生日真係好正。食哂所有野真係好飽又好味，有餐湯，飲品，前菜，沙律。有機會應該會再去食～

有個英國朋友黎香港exchange左一個月，好耐冇食家鄉菜，上個weekend特登做定功課，帶佢去旺角呢間特色足球cafe，cafe 本身位置方便、臨近朗豪坊老闆將我地安排坐全餐廳唯一一個鳥籠好有feel啊朋友好興奮，被咁多阿仙奴既野包圍住，連cushion 上都印著阿仙奴標志，佢仲話如果有朋友／屋企人探佢佢一定帶佢地去呢間cafe咁話 呢個係lunch menu上面既黑松露芝士雞腿飯，聽個名已經夠哂吸引第一次試既鹹蛋黃雞翼，幾入味同埋真係好香，連個碟都咁靚跟set既蒜蓉包同南瓜湯，味道不過不失啦黑松露炒雜菌，會叫係因為我地都好中意食菇第一次見salad放上酒杯，好似甜品咁有幾層layer好得意，而且味道相當唔錯不過全日最最有驚喜一定非呢個cake莫屬，個碟係透明既，個cake放上去好有美感啊而且夠凍，好似食緊雪糕咁，大滿足 

呢日自己黎左呢間位於旺角嘅西餐廳食晚飯～叫左個龍蝦配牛西冷嘅set dinner。呢個晚餐好豐富，有沙律、餐湯、蒜蓉包、主菜同飲品。沙律菜好新鮮，配黑醋一齊食好refreshing。餐湯係用蘿蔔蓉整成嘅，味道幾特別。蒜蓉包烘得剛剛好，蒜蓉味濃，好味！主菜龍蝦配牛西冷，龍蝦鮮味，肉質爽口彈牙；牛西冷牛味都幾濃，煎得剛剛好，配菜有紫薯做嘅薯蓉同羽衣甘藍，相當特別。整體黎講，我覺得呢個餐都算幾抵食，味道又唔錯，的確值得一試喔～