Little Prince

营业中

休息中

即係咁，呢間野既員工態度差趕客走都唔洗多講，所以基本上都係次次外賣多。今次仲要排緊隊成杯熱檸水倒埋落黎，辣到隻腳同成對難濕晒。隔離坐低果個都波及到，自然又辣到彈起身。呢個員工都好野，對唔住都無句，紙巾都唔拎張黎掛住抹檯抹地。呢個所謂戴眼鏡老闆娘全程望住聲都唔出句，到我行到埋去緊係串佢多謝晒你地，倒瀉完對唔住都無句掛住抹檯。呢個老闆娘仲大大聲講我而家代佢同你講對唔住（態度極差）仲大大聲叫員工過黎過同呢位客人道歉，心諗我完全受得起，但你地呢d態度真係🤮🤮拎完外賣番去仲要發覺偷工減料。以後真係唔會再幫趁。勸大家都咪再去？！

呢間餐廳午市經常見到有不小人等位，今日幸運地不用等就立即有得入有位之後，顧客要先去收銀處比錢，但要留意只收現金。落左單之後，大約五分鐘左右就上齊飲品同意粉，速度都算幾快，岩打工仔食快快的午餐。意粉有驚喜，小小的辣味令人好開胃，蜆肉同蒜片出奇地夾味，成個配搭好好食好食過外面連鎖餐廳的意粉好多好多，意粉香滑，整體而言，五十元左右就食到個高質意粉，絕對係大力推介！ 但係，要留意的係意粉size唔算大，如果平時午餐較大食的朋友可能未必夠飽。

Lunch hour 叫外賣，1:35落單，1:55都未有。最後差唔多兩點先有。追佢重要覺得我錯。好彩剛好請左下半日假，如果唔係一定會俾佢害死。落單果時入面得七成坐滿，我前面得六張外賣單。

途經葵涌 發覺有啲肚餓咁啱又落雨見到呢間餐廳都幾四正咪入去試吓囉點知一入去職員同我講無哂蟹蓋意粉我反應唔切 問佢講乜佢重複左一次「無蟹蓋意粉」但表現得無耐性之後收銀姨姨仲唔耐煩話說收我$54我俾$100 遲咗醒起有$4響褲袋同佢講「我有4蚊」我真係可能遲咗少少但係當時佢未閂埋收銀機點知佢閂埋收銀機你眼望我眼咁 板起塊面好似我殺咗人咁其實幫唔到我唔緊要唔好態度咁差意粉黎講 味道係可以嘅但係職員態度令到你心情有影響要受氣受面色食飯

唔休做，所以點對客都得意粉黎左5分鐘，就係咁催人食快啲，交返張台出黎，午餐時間想做多幾台客，但係唔係咁做囉。隔離台岩岩食完，岩岩放低餐具就俾人催，望到都慘。客人仲呆左「岩岩食完咋喎⋯⋯」「咪係囉，所以叫你快啲交返張台出黎」如果係午餐時間，個意粉黎到之後，你仲可以坐到15分鐘，當你贏😁 仲有，記得千其千其唔好放低餐具，啲staff做野會好快手，如果你地仲禁電話，一陣搶你碟意粉。同場加映，今次唔係staff鬧客，今次係老闆娘同staff鬧大交，拍晒台，呢啲餐廳，真係不了。blacklist 上樓上 是但一間食吧啦去食茶記仲開心過係呢間野

係葵涌返工嘅朋友仔一定食過位於KCC商場地鋪Little Prince~位置唔起眼，但一到中午離遠就會見到門口有好多人排隊同等外賣~先不評論食物質素，但老闆娘嘅態度就真係認真麻麻！親身經歷過俾佢呼喝，就完全明白點解Openrice大部分食評都指態度差劣問題。午市套餐係各種款式嘅意粉套餐，套餐包一杯熱飲（咖啡、奶茶、檸水、檸茶），凍飲另加$2，是日餐湯加$5，另外可以加多小小錢轉咖啡、鮮奶、梳打系列飲品。本身唔飲咖啡奶茶，通常都係飲凍檸茶。🍝 煙三文魚、煙肉、忌廉白汁意粉（+凍檸茶）$58評分：★★★★☆平時都叫開呢個意粉，水平一直都Keep到，只係試過一次個意粉整體會略咸。意粉分量對於女士黎講剛好，即叫即煮，上菜時夠熱，意粉口感適中煮得剛剛好，唔會過淋或過硬，夠哂彈牙，煮意粉時間掌握得好好。忌廉白汁意偏向濃稠，奶味偏重，意粉做到掛汁。煙三文魚、煙肉份量算多，煙肉唔係煎左香脆個隻，只係普通加落去煮，但兩者個咸味配合埋個意粉剛剛好，食哂唔會話覺得好口乾。可以食辣嘅朋友仔就記得問店員拎埋辣椒tabasco加落意粉，頓時令到油膩感減半！-----------------------------

成間餐廳由老闆娘到啲待應係極之無禮貌估計成間店首要晌度返工係要識串啲客人次次問你食野都黑口黑面態度永遠係唔理你感受你要晌度食就要受得起呢度氣食物幾好食都無用。貼錢買難受本人由2020年幫襯，直到今年足足有九個多月，放個牌唔合佢地心水又唔可以叫野慢又唔可以，忘記量體溫又俾人黑面收錢果位老闆娘, 連找錢都係十分不情願慢條斯理找錢，仲要面露不悅之色

侍應會:搶你隻碟,搶你隻杯. 成間餐廳D人員無有人識講:唔該,多謝,sorry,對唔住.......自己諗服務:由攞飛開始,原來係唔跟飛.侍應叫邊個入就係邊個入㗎唔跟次序,.......服務差過「澳洲牛奶公司」.食物: 中規中矩飲品: 多甜, 極細, 多冰環境: 本來ok嘅,但當你坐滿曬人,唯一條通道仲要排滿人買飯.感覺就差過自己喺屋企食.

未入坐已經要black list！安排位置久佳，態度惡劣！都未試過要食lunch 要食到咁嬲嬲豬！老闆娘自己安排坐位有問題，仲要發脾氣！淨係等位就已經令到個人嬲到爆！未入坐又叫你落單，有位又話唔係我地既，仲要叫你再等！之後又要漏單，仲要趕客走！如果唔係已經叫野食，而且趕時間，真係想即轉去第二度食！咁既態度，根本就係唔想做生意既！如果唔想做就唔好做呀嘛！何必要食客受氣呢！你又做得唔開心，又要食客唔開心😫！ 何必呢？！

11:48分入到餐廳，當時得一枱客。因為我一個人就安排坐二人枱。櫈都未坐好就叫我系出面落單先。。好喇落完等野食到。。我12:10度食完個意粉。即收走。但我仲有杯野未飲完。飲左幾啖又走黎想收走。我話未飲完。過左5分鐘。可能lunchtime 時間多人，就叫我準快交枱。走個陣12:20。如果咁趕客就唔好俾人堂食。堂食又唔俾人坐。正常食飯時間一小時。一食完即收走。連俾人休息一下都唔得。真系去m記坐下食個包無咁激氣。一系你寫明入坐只能食半小時😡😡😡如果因爲出面多人等位就趕客走。。咁做咩生意。。我唔會黎第二次

檳城喇沙蝦意粉🍝見佢期間限定所以試試。喇沙味都係有少少既🙈大概有三至四隻蝦，啲蝦偏細隻，食落口都唔會覺得霉，但又唔會係新鮮彈牙。入邊仲有幾條仿蟹柳。個意粉講真一定唔係高質，但又未至於難食，叫做可以食得飽。朱古力香蕉熱香餅🍌嚟到發現，嘩，個份量少到呢🤦🏼‍♀️明明都係30幾蚊包一杯飲品，但熱香餅得三細塊，而且仲係好薄，食完好似冇食咁。上面啲朱古力同香蕉就正常啦。 杯抹茶仲要加錢，但講真呢個價錢一啲都唔抵食，葵興仲有好多呢個價位嘅好西食🥴

😡😡😡剩係叫過外賣食食食ok少少偏鹹啦今日見有位第一次堂食本身食落都無咩嘢食食吓有知牙籤係碗意粉入面仲有斷咗，折開一半咁樣唔係有人用過都好難整到咁樣覺得極污糟嘅情況下都係叫侍應過嚟處理侍應見到有問題就同收銀講就開始嚟料啦😡😡😡收銀話帶諷刺咁開始大聲自言自語🤷🏻‍♀️想同全間餐廳啲人咁串我「哈，又會有牙籤嘅🙄碟碟都無剩係你有囉！我真係唔明呀！⋯」🤯🤯🤯🤯🤯🤯🤯🤯🤯大聲夾惡屈返落個客到👏🏻👏🏻👏🏻惡人先告狀我都係第一次見你餐廳衛生做得唔好賴落個客到 👍🏻成張檯都無牙籤提供個收銀都好意思講得出🤷🏻‍♀️咁嘅衛生+服務態度真係絕！對！唔！會！有！下！次！🤗🤗🤗食完衝擊太大上嚟openrice見到劣評如潮主要都係講收銀個女人🥱同埋餐廳食物有蟲個啲🤢奉勸大家真係唔好試p.s. 原本打算換過碟就算無諗過要劣評所以無影牙籤意粉嘅相俾人黑完面之後😤真係不得不劣評

3年前在呢區工作，成日幫襯外賣～意粉好食！因為一人工作下，無試過堂食3年後今日又返嚟呢區工作，有幫襯過下午茶都Ok，早幾日約了朋友lunch，無咩睇過OpenRice食評就直接約呢間感受 - 同樓下食評如出一轍之所以寫食評都係因為早幾日既lunch唔太好受，想等人有心理準備，原來已經有咁多人提醒要齊人先入座， 理解的齊人了，侍應好似金魚記憶咁又問係外賣定堂食？目測店入面無位 但侍應同收銀溝通後立馬叫我地入去 邊指住一張坐滿人嘅檯叫我地坐（我倆滿腦子黑人問號？ ）然後話一陣坐呢度 又叫我地出返去等心中已有點不爽有位了可以到收銀買飛朋友唔食得生野，多口問一句秋葵意粉的秋葵係咪熟的？收銀即刻勁串咁回應：秋葵點會生呀？！我答：秋葵係可以生食的，我未食過點知你呢度會唔會煮！？然後取了號碼牌坐下了野飲好快到等左陣收銀員突然在後方勁大聲地說：d號碼牌要掛上分隔板我地先會睇到架！唔只我地 左右既人都無咁做大姐，你要人咁做 收錢比號碼牌時可以講聲！講左客人無做你再提醒甚至乎自己可以出手做囉唔係咩都無講一野話人果一刻我以為自己在監獄開緊餐！話晒都係你嘅客 有返少少基本禮貌好!然後意粉等到快圓寂都未嚟，好

我一個人去食, 高架一人位full左, 我指住2人長方枱話想坐, 侍應答應了, 我坐在半邊sofa位買左飛後, 高架一人位吉左, 老闆娘聲大大指示我搬去高架一人位, (塊玻璃沒有磨紗), 我不甘示弱並拒絕, 我話我而家著裙唔會坐果D一人位, 你頭先侍應也答應我可以坐長方枱, 唔俾坐我一早唔買野就走丫麻, 哼跟住佢冇堅持.食物本身冇問題，侍應也勤快.我今日食麻辣牛肉忌廉意粉(5月份限定)個意粉好好食添, 汁夠杰, little spicy, 牛肉也大大舊.隔離位有三個女生食完pasta但未飲完drink想hea坐傾下計,點知出面有人等位, 侍應立即開聲送客哈緊係俾老闆娘訓練有素.著便服/冇著黑色職員制工服果個便是老闆娘.如果冇咗嗰個女人可以再去.服務：想俾負分, 一星都俾多佢

老闆娘日日鬧客，仲要叫客收聲，不知所謂。員工又趕住收碟，衰過茶餐廳！同時間可以有兩個食客同個老闆娘舌戰，史上第一次見。我強烈建議老闆娘去睇精神科醫生。大大聲叫個食客收聲，係咩服務態度？！老闆娘仲要大大聲講「我哋冇收+1！」大聲呼喝食客叫佢去攞飛。但係如果你係識老闆娘，佢就可以幫你留位！去食個晏比人鬧，垃圾little prince!同一時間目擊員工喺食客未食完情況下老闆娘雙手搶佢碟！仲要死撐有問過食客食完未！