Little Prince

营业中

休息中

我同朋友食咗23分鐘，佢即刻搶我未食完嘅麵，係搶！ 我同佢講我未食完，佢仲係搶我碗麵。旁邊有個男人都一齊鬧，話佢茶餐廳嘅服務！個收銀大媽仲要大罵我地，叫我地收聲！再者，此餐廳飲品淡而無味！

朋友介紹葵興KCC有間好好味嘅意粉店，但一上OpenRice睇食評就嚇一嚇既然Little Prince 唔做晚市, 我決定買外賣返屋企食，亦可減少不必要嘅創傷😅香辣蒜片煙肉意粉- 少少辣多蜆肉，用蒜頭炒嘅意粉香味無得輸煙三文魚煙肉忌廉白汁意粉- 比我想像中多料，煙肉同三文魚一疊一疊咁，忌廉白汁又夠creamy! 冬陰功鳳尾蝦意粉- 係三個意粉之中最驚喜嘅味道冬陰功味意粉出邊好少見，又唔會太辣，冬陰功味又夠特別，最重要啲鳳尾蝦好大隻，真係好抵食雜菜湯唔係杰撻撻個種，亦都係足料好味其實食物真係好好味，希望服務質素有待提升啦😉

唔知收銀個個女人係咪老闆娘但係我想講我同我朋友去食飯坐低唔夠半個鐘就叫我地讓位俾人12點落單 12:30都未夠我個朋友仲有成半兜麵未食曬距其實好態度小小講都冇咩問題問題就係講到老馮一定要讓位俾距仲要講到好似我地半個鐘食曬個lunch係應份個樣黑過屎咁我真係唔明點解仲有咁多人比錢買難受😅真係唔要求距態度要好到阿諛奉承但係至少唔好態度差到好似得罪你全家咁嘢食都幾好食 但咁態度咁嘅服務真係不了大家要去吃真係考慮清楚先啦😅😅😅

Little Prince位於葵興，只做午市，主要係方便附近的上班一族🥸今次先講結論，等大家有個心理準備😂呢間餐廳食物同咖啡質素唔錯，CP值仲幾高添😋👍🏻但環境同服務就不敢恭維了，直頭同澳x可以媲美🥺🤯利申食過唔止一次，有機會都會幫襯🥲餐廳唔大，坐得唔算舒服，疫情下仍然逼夾😖衛生正常😦服務都算係Little Prince既一大(特色)?🤔收銀(老闆娘?)長期燥底，食緊野你不停聽到佢成日鬧員工，有時鬧埋客😂真係有心理準備先好去挑戰，唔係就比錢買難受了😂😂比錢前記住諗定食咩先，食完一定要快啲離開(唔走佢都會請你走)😂本人試過食完野杯野飲仲未到，到既時候已經自動變左外賣杯預你攞走，真係唔知好嬲定好笑🤣🤯咁點解仲會幫襯? 咪就係因為佢既食物真係幾好食，份量多，價錢抵食，行開附近真係一流👍🏻Little Prince既意粉每個月都有一款創意款式，創新得黎味道仲幾好😋成日有意想不到既驚喜😍1. (限)腐乳意粉 ($5x) 🌟4/5分腐乳+意粉😱諗都無諗過食落出奇地夾，好香腐乳味，少少辣，唔太咸，味道非常平衡😋鍾意食腐乳必試呀‼️經常好快賣晒，可惜係每月限定，唔知佢會幾時再出呢🤭2. (限)蟹子墨汁墨

今日LUNCH我去咗搵女朋友食個LUNCH咁我地就去咗葵興既KCC搵食啦平時呢到夜晚係咁開既所以得LUNCH食咁LUNCH時段都幾多人既咁我地行咗一陣咁就黎到地下呢間叫做LITTLE PRINCE既主要原因係因為門口睇落比較少人等位所以我地揀咗呢間食等咗五分鐘左右餐牌如圖望下都ok嘅全部都係意粉黎由入座之後不儆弓聽到個女人鬧鬧鬧環境極度不舒適間鋪已經細好影響食飯心情煙三文魚煙肉白汁意粉味道一般般份量適中煙三文魚味道啖西班牙辣肉腸煙肉茄汁意粉微辣 有啲酸酸地咁份量一般總結係環境惡劣全程聽到個女人鬧自己啲員工 帶個位收個錢落個單又鬧又大叫咁 好嘈吵

之前都有食過幾次呢間嘅意粉覺得幾好食，都唔介意等吓位(附近都冇乜餐廳可以選擇)，但今次嘅用餐經驗真係非常不愉快，需要提醒下其他用餐者。原本lunch time多人等位外賣食飯，我明。坐咗半個鐘等嘢食等嘢飲，中間仲見到聽到老闆娘係咁趕人走，各食客唔滿意其服務態度，熱飲太熱，座位安排差，我同同事都冇催過一聲或者不耐煩。但竟然食食吓碟意粉有隻野喺度，我真係接受不了。 人生第一次喺OpenRice留comment，而且係負評。

又係收工最苦惱嘅事 就係諗食啲咩嘢 行行下發現呢間下午茶幾抵食 通常啲cafe價錢比較貴 而呢間價錢非常親民 啱哂我呢啲窮L😂出前一丁麵 $35呢個下午茶餐係出餐一丁配兩個餸 我揀咗法蘭克福腸同煎蛋🍳🇦🇼而腸有兩條 仲要好大條 食落好juicy 蛋就正常發揮 而出前一丁🍜同平時茶餐廳嘅水準差唔多朱古力鮮奶 (+$8)原本套餐免費加配咖啡☕奶茶🥛檸茶🍋檸水🍋不過我特登加多$8轉飲朱古力鮮奶🍫🍶就係貪佢有個拉花 嗰拉花算拉得唔錯 而且飲落有驚喜 杯朱古力都算濃郁 飲完仲有啲鮮奶回味 都幾好飲😋

我本身不嬲唔寫食評，真係睇唔過眼。啲嘢食ok, 但成個早餐都食得唔安樂 老闆娘不停鬧啲員工 又大聲又尖酸刻薄....不停咁鬧不停咁鬧...打工姐....洗唔洗同一件事diu咁耐... 睇到都陰工 我可能都考慮下咁嘅老闆仲值唔值得幫襯....通粉好食嘅 個湯唔油唔會太重味 亦都唔係一味搏命落茄膏果種味 牛角包好crunchy.份量一個女仔食啱啱好。總結黎講.....唔係太認同一間公司對員工咁差...對於我黎講呢樣緊要過嘢食好唔好食

最近我公司有間西餐廳， 我食了早餐覺得不錯，今次試下午餐， 我點了有呢個煙三文魚煙肉配白汁忌廉意粉， 好creamy 又新鮮， 下次都要再去品嚐！little prince 新界葵興葵昌路72-76號

晏就放lunch 12點幾左右去買外賣 最後等左半個鐘先有 知道lunch hour人多係正常 但半個鐘的確過份左。等得耐都算啦 收銀女人態度極差 連係鋪頭外面探頭睇下個餐出左未 都比佢鬧返轉頭。另外有位樓面 做野完全唔醒目 成個人棟係鋪頭中間望夫石咁睇人有冇量體溫only? 客人想入去想拎籌都依然係成碌木 眼dupdup咁棟係到。老實講野食係正常ok的，但服務態度大打折扣。希望會有人同佢反映下，唔好大安旨意覺得自己生意好就態度咁曳。

Aeound 12點3 黎食Lunch ， 一人一碟意粉加野飲。食物質素中等， 以價錢同周圍餐廳比較，算係合理。 但成個用餐體驗極差， 老闆娘（收銀） 態度惡劣， 食完個意粉， 杯咖啡未飲兩啖已經沖埋黎收你個杯同叫你交檯。到走果陣先係12點40分， 又唔係食完坐左好耐，門口又冇人等位， 又冇講明用餐時間係25分鐘， 感覺上老闆娘（收銀） 有啲情緒上問題， 建議可以休息一排， 睇下醫生放鬆下。 最後，如果有人想食呢間野最好唔好叫餐飲， 除非你可以一啖飲哂杯咖啡。

本身諗住試吓對面嗰間咖啡店，咖啡好香，但係去到已經落咗半閘，見到呢間都有人食嘢，又有咖啡飲，咁就入咗去，啲意粉好香，但係我唔肚餓，所以叫咗個香蕉朱古力pancake，同埋加左$10叫咗個cappuccino。落咗order大概10分鐘就到齊啲嘢食同嘢飲，其實佢啲意粉真係幾香，見到隔離枱食好似都幾吸引。香蕉朱古力pancake，就係香蕉加朱古力醬加pancake😂不過佢個pancake正常，唔會太粉。Cappuccino啲咖啡豆一般，唔係好香。

第一次寫食評不吐不快食物本身冇問題，個意粉幾好食，但係個老闆娘定唔知收銀大媽態度差到一個點！！！當啲員工係狗咁呼呼喝喝，態度極差，勁冇禮貌！！！真係見到佢都以後唔想再幫襯！食到成肚氣！明明啲員工好勤力好快手，對客態度都冇問題，但嗰個收銀大媽好似當人哋殺咗佢全家咁呼呼喝喝！以後唔會再去！今時今日咁嘅服務態度完全唔得！俾錢你賺仲要俾你鬧！不知所謂！值得一題啲意粉夠熱好有鑊氣咖啡都幾好飲定價偏平如果冇咗嗰個女人可以再去！

未去過一間餐廳嘅職員態度咁差咁差， 長期企喺收銀位，有一位上咗年紀嘅女士戴著黑框眼鏡， lunch時間不停見到佢不停鬧人無論顧客員工 不停鬧。 食物黎遲咗，有位同事食得比較慢其他三位同事都差唔多食完，明係舖頭嘅問題但係呢位上年紀女士就不停催促， 話有限時， 但係其實食咗都唔夠45分鐘， 最後叫咗杯價錢咖啡 叫佢畀個外賣杯 唔想再度受氣 外買杯係穿的， 畀錢叫嘢食嗰陣仲要黑口黑面 好似欠咗佢咁，唔會再去. 點解有啲咁衰嘅人 咁樣對啲員工同顧客

全間舖頭，由員工到客人都要受老闆娘氣！簡直係冇禮貌到不得了嘅極品！成餐飯淨係聽見佢不停呼喝員工，食都食得唔安樂！客人等左半個鐘追單，沖講埋晦氣說話，叫客人自己追廚房喎！大佬啊，我食飯啫，仲要幫跟埋你個廚房點運作？你比返錢我呀？如果你自問係又迫又趕嘅午飯時間，可以頂得順各種煩音，都可以挑戰一下！講返食物，其實係好食的，員工亦勤力，無話hea做。所以真心替佢哋唔抵，要幫個咁嘅人打工！係得呢度食飯嘅，都肯定係附近返工嘅人，連客人都唔怕得罪的，不得了！