Little Fresh Cafe & Bar (已結業)

因為疫情少了出去吃飯，所以很珍惜每次覓食機會。這天有事要出旺角，想吃得好一點，選了之前吃過覺得不錯的Little Fresh 。點了2份晚餐，有主菜、是日餐湯或田園沙律，還有飲品。是日餐湯忌廉洋蔥湯，口感順滑且啖啖洋蔥香，味道不錯，跟著上的蒜蓉包也夠香口，田園沙律也算新鮮。火魔醉蜆 $88送上時，職員會在客人面前即時點火，很有視覺效果，熱騰騰的蜆口感飽滿紮實，入口鮮味帶啖啖酒香，頗特別。龍蝦汁海鮮燴意大利飯 $158上面的蝦肉紮實爽彈，意大利飯入口啖啖龍蝦汁的香，飯的口感軟中帶微硬，較符合香港人口味，配上蟹籽及其他海鮮粒，口感很豐富。法式香煎海爐魚 $198皮煎到微脆夠香口，魚肉口感超滑溜，配上自家製香草檸檬汁，鮮味更提昇，就連墊在下面的薯蓉，也吸收了魚油的香。跟餐加 $28(另外凍飲本身要加$4)，要了檸檬蜜桃水果茶及草莓水果茶，2個看起來顏色相似，同樣有不少水果粒。不過檸檬蜜桃茶就有檸檬的酸帶蜜桃淡淡的香甜，喝下去感覺較清爽醒神，而草莓水果茶的草莓味十足，味道不太假，相反地是味道偏甜帶微微的酸，喝下去感覺甜蜜。餐廳食物質素有水準，值得多加支持。

香港地租貴, 慢慢越泥越多樓上鋪, 發現好多好有質素既餐廳都隱身係工廈, 商業大廈, LITTLE FRESH一定係其中一間! WALK IN既話真係要早D, 因為BOOKING都好FULL, 好彩我地今晚早左黎, 依度7點零鐘已經FULL HOUSE了!餐廳燈光昏暗, 又有波波燈營造浪漫情調FEEL, 依度D STAFF都年輕, SERVICE同態度都好好, 印象不錯! 田園沙律沙律菜新鮮爽脆, 加上沙律醋, FRESH!忌廉湯質感夠rich味道夠濃, 加上脆脆蒜蓉包。火魔蜆朋友推介話係依度SIGNATURE之一, 職員即席點火, 把火都幾大下個下比佢震撼到, 即刻影多幾張相先! 成兜熱辣辣既蜆, 以蒜, 洋蔥同埋香草調味, 仲有少少辣味, 非常香口, 加上淡淡既酒香, 真係幾出色!牛肝菌汁燴意大利飯香味濃郁既牛肝菌汁包覆住每一粒米飯, CREAMY又濃厚既質感好鬼正, 而意大利飯亦煮得恰到好處, 軟中帶硬硬中帶煙UN, 成個口感同味道都好正! 法式香煎海鱸魚配檸檬香草汁非常大份既魚, 火喉控制得非常好! 魚肉非常嫩滑JUICY, 魚皮位帶微脆, 有魚油香味, 成份魚啖啖肉, 而調味

前晚同好姊妹食飯，我地bk左間係旺角上樓既西餐小店～好姊妹之前同男朋友去過，覺得呢度既食物同氣氛都幾好，所以個晚專登帶我上去！！的確呢度既佈置係有花過心思，加上店員好友善，感覺唔錯：）個晚我地點左一個小食同兩份主菜share~先黎係主菜set既餐湯～當晚係洋蔥忌廉湯，飲落都幾creamy，仲配埋香脆既蒜蓉飽添：）之後就到呢個應該係招牌之一既“火魔蜆”HKd$88+10%點解係“火魔”？因為當份蜆上到檯之後，店員會即場為啲蜆加加火架xppp單係呢下已經值回票價啦，仲要d蜆肉好飽滿，好惹味添！！之後既主菜分別要左海鮮意大利飯同香煎鱸魚～好欣賞呢度既意大利飯煮得剛好，不硬亦不腍，軟硬適中！仲有唔少魷魚粒混入當中，令成個飯既層次感提高左：）鱸魚都處理得唔錯！！！煎得皮脆肉嫩，我哋兩個都食得好滿意～個晚我地分別分左水果茶同smoothie；）我呢杯係蜜桃荔枝口味，好香甜好好飲！！！

每到懲罰祭就緊係要去良心小店揾好野食😋 呢晚同朋友黎到依間位於旺角嘅隱世樓上cafe食西餐，聽聞口碑唔錯，一於試下先！餐廳門口掛住呢幅畫好特別，夜晚睇嘅時候就係日落，日頭睇嘅時候就係日出，入嚟已經比呢幅畫吸引住🙈🙈前菜係沙律同餐湯配蒜蓉包，好好味。🔥火魔醉蜆($88)呢個小食非常之吸睛，蜆肉用煎pan呈上，每隻蜆肉都算幾大隻，點完火有濃濃嘅酒香味，配上蒜蓉同香料，好香好惹味🤤🐟🍋香煎海鱸魚拼檸檬香草汁($198)Main Course 叫左份海鱸魚試吓，賣相好靚仔😍 海爐魚煎到簡直外脆內軟，煎得微脆既魚皮好香口，內𥚃魚肉非常嫩滑，配上濃陏既迷迭香同淡淡既檸檬酸，非常好食！🦑Nando’s Sauce 海鮮燴意大利飯($158)另外一份主菜我哋叫左個risotto試下，而呢個亦都係全晚我最鍾意嘅食物。呢個risotto用上南非風味嘅Nando’s Sauce去做，味道類似係甜甜地嘅龍蝦汁咁樣，廚師將雜錦海鮮切到好似飯咁細粒，夾埋意大利飯口感好好，個人十分喜歡😋🍹飲品方面，叫咗一杯 🍑蜜桃水果茶($48)及朱古力曲奇沙冰($58)，前者有好香嘅蜜糖味但係就偏甜咗少少，後者係濃郁嘅朱古力味，

幫襯當日係星期日下午 餐廳面積唔大但都滿座 所以最好先訂座-📌西班牙海鮮蛋餅作為招牌菜當然要試下😛 但一上枱就比啲油嘅分量嚇親 勁擔心會彈到油（進食空間比較狹窄）調味雖然唔錯 蛋煎得好香口 但食落都係偏油雖然店主事後有解釋用多啲油係避免痴底 但係我都係覺得too much 🙁🙁唔太推薦📌炸魚薯條 呢碟食到有啲激氣 除左分量小 完全唔理解點解要用黑色紙皮上碟🌚🌚突然覺得蛋餅整體表現唔差 唯一可以讚嘅係魚柳炸得幾香脆 但肉質腍到爆😑我唔中意呢種口感📌法式燒牛柳配紅酒汁成餐飯比較滿意嘅一道菜牛柳味濃 唯獨分量偏細 薯蓉食得出唔係粉開 會食到一粒粒薯粒口感👍🏼另外調味都合適📌法式奶油炒什菌味道一般 食到嘅味道同菜名一樣 有菇菌味 有忌廉味📌黑魚子白汁煙三文魚扁意粉 意粉味道唔錯 同樣嘅問題係份量小📌慢煮雞胸沙律配自家制意式蕃茄醬 賣相雖然唔太吸引 但沙律菜都幾爽脆 雞胸煮得都幾嫩滑 味道ok📌檸檬蜜桃水果茶 📌雜果水果茶 兩款果茶我要一齊講 因為無論味道定賣相 都係一樣🤷🏽‍♀️🤷🏽‍♀️我搵唔到佢哋有咩分別 味道正正常常 就係紅茶+少少生果味-整體嚟講食物質素平平 覺得overrated價錢都唔

今日食嘅餐廳係little fresh，大廈個入口位都有啲難搵，但都無阻我搵食嘅決心。食物有水準嘅，賣相亦都唔錯。首先登場嘅係餐湯，係忌廉蘑菇湯，味道質感都唔錯，唔會好水，食得出係blend出嚟。配埋個蒜蓉包食，幾襯，呢度嘅蒜蓉包幾出色，外皮好脆，唔敢話內軟，但蒜蓉味十足，係高質嘅蒜蓉包。嚟到呢度就梗係要叫火魔蜆啦，簡直就係一個表演。蜆上面嘅酒精點一點火，大概燒咗10秒到，睇相就知都算有睇頭嘅。燒完之後，員工會係上面加檸檬皮，即刻刨落去，令到食落去嘅蜆肉感覺清新啲。但依道菜，酒味較重，如果頂唔順嘅朋友，就唔建議了。叫咗個牛肝菌汁燴意大利飯，賣相唔錯，味道當然亦都有返咁上下。飯上邊嘅菌都幾多，每啖飯都可以有菌。另外，餐廳都落咗幾多parsley ，令到個飯多咗唔同嘅層次感。香煎鱸魚配檸檬香草汁，今次可以形容做外脆內軟。香草汁放喺鱸魚隔離，鍾意嘅話可以點多啲，味道唔錯。鱸魚皮煎得幾脆，唔油膩，分量適中。嘢飲叫咗個朱古力曲奇沙冰，本身以為會似Oreo咁，原來真係有塊曲奇係上面。朱古力唔會好甜，幾好幾好。可以一試。總結：睇得出呢間鋪係一班有心嘅人經營，整體感覺唔錯，價錢適中。唯恐地方較細，建議

There is no sincere love than the love of food返左一個星期工終於去到週末 真係要食返餐好西先對得住自己今次去左旺角隱世高質西餐到食 - Little Fresh今次點左黑魚子白汁煙三文魚燴意大利扁麵 同 香草慢煮雞胸配迷迭香莎莎黑魚子白汁煙三文魚燴意大利扁麵: 好creamy 同埋有好香既黑魚子味香草慢煮雞胸配迷迭香莎莎: 個雞胸係勁大塊 同埋 佢用slow cook令到成個雞胸好juicy 食完係滿滿既肉汁係哂口腔入面Remark:佢地既份量都偏大 岩哂兩個人Share食不過位置有限 最好book定上去Location: Mong KokPrice (10 is expensive): 6/10Yummy (10 is delicious): 6.5/10

今日朋友响旺角上training，上完之後就同佢食飯。為咗方便我等佢，所以我就揀咗間樓上cafe食晚飯。呢棟大廈基本上都係cafe，我就响lift裡面按咗個 lucky number 18上左去。一入門口覺得氣氛都幾好，好浪漫，燈光暗淡，平靜得黎又感覺舒服。雖然係樓上cafe，但選擇都幾多。朋友叫左餐湯跟蒜蓉包。餐湯係蕃茄濃湯，朋友話蕃茄味道極濃，但濃得黎又唔會死鹹，酸酸地，好好飲。蒜蓉包就焗得好香，食落口仲係脆添。而我就叫左田園沙律，沙律菜新鮮爽口，食落口仲好有草青味道，感覺好fresh，醬汁帶點酸甜，係一個清新之選。小食係火魔蜆，職員送上嘅時候就將佢點火，好勁，賣相超吸引。呢個小食都夠份量，食落都有好多隻。蜆用左一啲蒜，洋蔥，香草等配料妙到好香，但又唔會蓋過蜆果種鮮味，整得幾好。主菜就叫左牛肝菌汁燴意大利飯，上面啲菇焗得好香口，裏面仲有一啲菇同埋洋蔥。呢個飯嘅醬汁好濃，夠晒味道，唔太鹹，意大利飯亦唔太硬，份量唔小，食完都覺得有d飽。另一款主菜係法式香煎海鱸魚配檸檬香草汁，賣相唔錯。魚皮煎得香之餘亦唔會太乾，肉質堅挺得黎但口感軟熟，味道唔會太鹹，剛剛好。旁邊嘅薯蓉就夾左d粟米粒，甜甜

前幾日同事話我屋企附近有間高質黃店cafe,收早決定要試試佢🤣忌廉餐湯，田園沙律餐湯幾creamy；田園沙律味道好清新，醬汁酸酸地幾開胃😗大魔蜆上枱個陣，店員會係蜆煲上面用光槍燒燒佢，頓時出現了一陣小火焰🔥，真係視覺既享受🤓蜆肉肥美有酒香同時充滿陣陣香蒜味，而食落帶點微辣，味道好不錯👍法式香煎海鱸魚配檸檬香草汁海鱸魚皮面煎得好香脆，咬落好香口。魚肉部分十分嫩滑，愛魚人士必點！Nando Sauce海鮮燴意大利飯呢個意大利飯既醬汁幾吸引，入口味道濃厚又幾creamy，配上軟軟的意大利飯同新鮮海蝦同魚子，同朋友都食得好滿足😛檸檬蜜桃水果茶甜甜的茶味，仲有好多水果肉食😛薄荷藍梅沙冰藍梅味幾出，個人覺得薄荷味幾好🤣

今晚放工就同男朋友嚟旺角搵黃店食❤️知道好多朋友都介紹咗呢一間樓上嘅西餐廳 一上到去覺得氣氛都幾浪漫😍佢哋嘅價錢好親民所以成餐嘅體驗都唔錯首先我哋要左一個田園沙律同埋佢哋嘅餐湯❤️沙律嘅擺盤好靚 而且旁邊長少少點綴佢哋嘅沙律菜上面就諗咗一啲特製嘅醬汁酸酸甜甜😘幾開胃 而且份量都夠兩個人食之後佢哋嘅餐湯我非常滿意除咗溫度夠熱之外 入邊亦都有好多材料 入邊嘅味道好濃郁但係唔會太鹹 而且有好rich嘅蕃茄香味😍旁邊就有一個佢哋自家嘅蒜蓉包包用咗好香嘅牛油去焗!! 所以除咗好crispy之外一咬落去就好香 牛油味我哋揀咗一個好特別嘅小食!!個名叫做火魔蜆佢哋先喺廚房炒香左蜆肉!!之後就會喺我哋面前幾多少少酒再點火燒香佢😍❤️畫面好特別 好有效果😂食落去有厚嘅酒味 但係唔算難入口 蜆味炒得好有鑊氣 好新鮮嘅配搭之後我哋就叫咗牛肝菌汁燴意大利飯估唔到呢度煮嘅技巧都幾好意大利飯嘅質地拿捏得唔錯牛肝菌汁亦都control 得好好咬落去都仲食到粒粒分明另外一個就要左香草慢煮雞胸配迷迭香莎莎!!呢個真係好高分 必點佳作呢度嘅雞胸肉非常多汁鮮嫩 可能用咗慢煮嘅關係 成啖雞肉都好soft 好幼滑😍而且香草嘅味道 同

Coffee and food@Little Fresh地址：旺角登打士街36號恆威商業中心18樓全層樓上CAFE絕對是學生昤期的共同回憶, 而家人大了, 間中都會去食野飲杯咖啡, 見刑一班青年有活力的後生店員, 總會回想起學生昤代的自已。旺角CAFE林立但比較有質素架唔多, 呢間Little Fresh是我會重臨的優質餐廳。大自然感覺架木色/ 大地色系裝修傢私, 是樓上CAFE不可或缺的原素之一雜菜湯夠濃味，伴脆法包外出一定要多吃菜, 一份新鮮田園沙律, 開胃低卡。火魔蜆好好奇是什麼, 是煮蜆在上桌前會用火燒酒淋面! 蜆肉雖細細隻低肉質彈牙爽口, 而且仲幾鮮甜, 通常細身蜆是食其鮮甜的。Nando’s Sauce 海鮮燴意大利飯, ORDER份ROSOTTO比男友先, 落了蝦，, ROSOTTO個湯汁要慢慢煮到比飯粒吸收, 包裹住飯粒CREAMY滑身, 湯汁是蕃茄味中帶點辣， 唔會煮太熟保持米粒彈牙口感。香草慢煮雞胸配迷迭香莎莎是我這個食肉獸的, 當然不會獨佔同男朋友SHARE啦!迷迭香莎莎醬提升了菜的芳香同味道, 很是REFRESHING,伴以薯蓉 份量以一個女生來說剛，剛好。靚靚

二零二零年十一月七日星期六下午一時半黎到登打士街18樓 大廈門口有d 隱蔽 係後巷 大家唔好miss左入口味Littlefresh 先探熱消毒雙手先可以入座staff 好nice 又主動西班牙海蝦蛋餅熱辣辣上菜  重蛋味 海鮮份量都多沙律 蜜糖芥末汁底但無乜芥末味沙灘用長方形碟裝，酸甜醬汁好開胃啊..沙律菜好新鮮 火箭菜 生菜 仲有紅蔥頭 蕃茄粒 仲有埋好幾片煙三文魚 咸咸香香竹炭latte 無乜炭味 但顏色好靚 影相一流叫左走甜 認真飲到咖啡同奶味法式大蜆白酒意粉 酒味好香濃意粉炒得乾身 蜆有好多粒 彈牙 新鮮份量唔小

疫情下，各行各業備受衝擊，飲食業更嚴重受創。受朋友極力推薦下，今晚又沒有煮飯的意欲，支持一下小店，於是乎約同友人到訪這間法式菜的咖啡店，餐廳位於一條小巷的商業大廈，電梯門打開已經是餐廳的位置。地方不算大，設置有廿多個坐位。精簡柔和的裝飾，令人可以優閒地吃頓晚餐。我們二人點選了雜菜蕃茄湯配蒜蓉包，田園沙律，🔥火魔蜆，自家製牛肝菌汁燴意大利飯，法式香煎海鱸魚配檸檬香草🌿汁。濃濃而帶點酸的味道好誘人令這個雜菜蕃茄湯加添一點暖意，再咬一口香脆蒜蓉包是最佳配搭。田園沙律選用新鮮爽脆的沙律🥗菜，開胃而清新又健康既選擇。牛肝菌意大利飯一上桌已經聞到香味，香噴噴的牛肝茵混入creamy 的意大利飯，回味無窮。香煎鱸魚擺盤精緻，煎魚的火喉很重要，魚皮金黃香脆，魚肉嫩滑加埋檸檬汁再配上露荀薯蓉蘿蔔，增加味道口感！火魔蜆是整頓飯的亮點，店員在卜卜蜆上淋上火酒，加🔥燃亮令這道菜加點趣意，飽滿既蜆肉大大隻，清洗得很乾淨沒有沙，辣辣地仲帶點酒味，味道唔錯！最後再加杯凍朱古力及雜果水果茶。謝謝朋友的介紹，我們又多一個晚餐聚會的好地方。😋😋👍+++++++++++++++如果大家喜歡💕我寫既食評，麻煩比個❤️鼓勵一下我

💛 #旺角 #油麻地 #LittleFresh🍲 是日餐湯超級香濃既忌廉湯🥰飲落口熱辣辣, 而且口感非常rich, 超正!🥗 田園沙律沙灘好大碟，有酸酸甜甜嘅醬汁好fresh💛🔥🦪 火魔蜆waiter哥哥會係我地面前點火, 係視覺同味覺既享受🤤🤤用黎燒既係煮食用酒, 所以食落有啲酒味😋粒粒蜆都肥嘟嘟, 好大粒好多肉架😍🍛 Nando’s Sauce 海鮮意大利飯海鮮意大利飯好creamy，好腍 係我鍾意嘅質地！👍🏻 個飯係好香龍蝦味嘅，仲有兩隻原隻嘅蝦同啲蟹籽添🥰😚 🐠 法式香煎海鱸魚配檸檬香草汁個魚煎得好香, 但啲魚肉一啲都唔會柴或者乾😍配埋佢個汁食好正! 另外佢個薯蓉入面係有粟米粒架, 薯仔係我鍾意既無壓到爛晒嗰種, 呢種薯蓉會比較有口感~🍹 雜果水果茶 （少甜）入面有切左粒既蘋果同梨, 好足料~叫埋少甜就一啲都唔guilty啦!🍦 迷迭香芒果菠蘿沙冰超級香, 芒果同菠蘿味真係超級match, 另外加埋迷迭香成杯野好有層次~🥭🍍

一間係鬧市中隱蔽既cafe?西餐？我都唔知點定位，無所謂啦，好緊要好食😂😂😂曾經上過去食lunch，播住我最喜愛既歌曲，應該係好多香港人都好喜愛既歌曲💛💛早排再上去Littlefreshhk食物依然好味，個意粉真係好好食😋記得第一次要搵佢地都唔係咁容易🤣因為佢地係旺角一條橫街入面既商廈，幾隱蔽但去過之後，就一定識路啦🤪佢地係彌敦道高氏大廈旁邊既橫街轉入去就搵到架啦😊#littlefreshhk#好味#最緊要同路